انتقـ,ـام وعشق ممـ,ـيت

(صباح مشرق ويوم جديد في احد الشقق المطلة علي البحر)
هند:خلاص بقي ياحياه فهمنا وحفظنا
احلام:علي فكرة بقي احنا كبرنا ونعرف نحافظ علي نفسنا كويس
هند:ياحياه بلاش القلق بتاعك ده انا كده بقيت بخاف بجد
حياه:انتم مش فاهمين انتم مش بس اخواتي انتم بناتي النهاردة اول يوم في الجامعة ليكم وكمان مش هتكونوا مع بعض والجامعة مكان مفتوح اوى وانا بخاف عليكم
(جلست حياه علي الكنبه ووضعت يدها علي وجهها)
هند:وحياتي عندك ياحياه روقي بقي وهنعمل اللي انتي عايزاه والبت أحلام ام لسان طويل هتتعدل صح يااحلام
احلام:اضحك بقي ياجميل وهاتي المصروف
هند: يامادية
سعاد:خلصتم دراما علي الصبح ولا لسه روحي يااحلام انتي وهند حضروا الفطار وانتي ياحياه تعالي عايزاكي
(اخذت حياه سعاد بالكرسي المتحرك وذهبوا إلي غرفة سعاد)
سعاد:حبيبتي انا عارفة انتي مالك بس انتي كده هتم\وتي نفسك من كتر التفكير والقلق وانتي عارفة ان انتي اللي بتسند عليها واملي فيكي بعد ربنا
حياه:متخافيش عليا ياماما بس مش هقدر مقلقش او اخاف صحيح الاسم اتغير وسبنا مصر وجينا إسكندرية بس في حاجة قلقاني
سعاد:اهدي يا بنتي قوليلي ناويه علي ايه
حياه:مش هرتاح غير لما اخذ حق ابويا اللي م\ات غدر وحقك وحق اخواتي اللي تيتموا بسبب الحيوان ده
(نزلت حياة علي الأرض لمستوي رجل سعاد ووضعت رأسها علي رجل سعاد)
انتي عارفة اني بشتغل عند عمو ياسر (ياسر محامي وصاحب أبوها الروح بالروح)من وانا في الجامعة وخلاص خلصت وهنزل التدريب معاه عشان ابقي محامية ولازم اشتغل بسرعة عشان اكون أشهر محاميه في فترة قصيرة عشان ابدأ خطتي اللي حطتها ن زمان
سعاد:ربنا معاكي يا بنتي وانا راضية عنك
(ياتري ايه خطتك ياحياه وايه اللي حصل لابوها )
(ذهبت حياه واحلام وهند لوجهتهم وهدفهم)
حياه:أحلام انتي لازم تتفوقي في كليتك وتعرفي جدول المحاضرات وتبعتهولي والمجمع مش للتمشية خليكي في كليتك ولما تخلصي تكلميني وانتي ياهند كليتك لوحدها عايزاكي تبقي اشطر مهندسة الكلام واضح
أحلام وهند:حاضر ياحياه
حياه:نتقابل في البيت سلام
(في مجمع الكليات عند مبني كلية تجارة)
احلام:مش تفتح انتي اعمي كده الشنطة اتقط/عت هواليوم باين من أوله
وليد:(شاب انيق طويل عيون عسليه شعر بني ناعم )نعم انتي بتكلميني انا
أحلام هي تلتفت حولها :هو في غيرنا حضرتك نظرك ضعيف
وليد:يعني غلطانة ولمضة
أحلام:احترم نفسك بدل مالجامعة تتفرج عليك من اول يوم وسع كده من وشي بلاش قرف علي الصبح
(مشت أحلام وظل وليد مصدوم من هذه البنت الجريئة صاحبة العيون الخضر)
في قاعة المحاضرات
الدكتور:صباح الخير
الطلاب:صباح الخير يا دكتور
(أحلام وقفت في صدمة )
وليد:اتفضلي ياانسة وقفه ليه
أحلام:ااا..انا…..انت…..حضرتك مين
وليد:اناوليد الشهاوي معيد في الجامعة وهكون مسئول عن الماده معاكم
أحلام في نفسها:الحمدلله سقطت عشان يبقي طول لساني ينفعني
(ابتسم وليد في نفسه وقال انتي لسه شفتي حاجة اناهعرفك مين وليد الشهاوي )
*بعد فترة*
وليد:كده المحاضرة خلصت وبكرة اشوفكم اتفضلوا
انسه أحلام ثواني عايزك
أحلام في نفسها راحت عليكي يااحلام بس انا مش هخاف هيعمل ايه يعني
أحلام:نعم حضرتك في حاجة
___________________________
في كلية الهندسة هند اتعرفت علي رشا ونورهان ويومها كان عادي وفي طريقها للبيت رن موبايلها
هند:السلام عليكم
حياه:…………………
هند: انا خلاص قربت من البيت وجبت جدول المحاضرات
حياه:………………….
هند:طيب خلي بالك من نفسك
عند أحلام في تجارة
أحلام:نعم حضرتك عايز حاجة
وليد:اظن عرفتي انا مين فياريت تفكري في كل كلمة قبل م\اتقوليها عشان هيبقي في حساب بعد كده وانا هعتبرك على صغيرة وغلطت اتفضلي ياانسة
أحلام في نفسها مغرور ومتكبر
،.،.،.،.،.،.،.،.،.،.،.،.،.،.،.،.،.،.،.،.،.
عند حياه في مكتب المحامي ياسر
ياسر:خلاص كفاية كده ياحياه شغل تقدري تروحي
حياه:لسه ياعمو انا مش عايزة اضيع وقت
ياسر:انا بساعدك عشان غلاوة ابوكي الله يرحمه بس كده مجهود عليكي يا بنتي
حياه:انا مش عارفة أرتاح من ساعة اللي حصل
*فلاش باك*(من ٧سنوات)
سعاد:مالك يامصطفي في ايه
مصطفي:مصيبة ياسعاد انا انتهيت وكله بسبب عزت الكلب غير المعايير بتاعة العمارة واختلس الفلوس وحط الحق عليا والعمارة وقعت وناس م\اتت واللي بين الحياة والم\وت
سعاد:انت بتقول ايه يامصطفي وايه العمل
مصطفي:مش عارف البوليس دلوقتي هيجي ويق\بض عليا
سعاد وهي تنوح وتلطم يالهوي يالهوي كان مستخبي فين ده ياربي وفجأة وقع مصطفي في الأرض
سعاد:مصطفي مصطفي رد عليا يامصطفي
*انتهي الفلاش باك*
حياه بانهيار : مش قادرة انسي اللي حصل لبابا من الندل ده انا لازم اذله واثبت براءة بابا
ياسر:اهدي يا بنتي كفاية عليكي من وانتي صغيرة شيلة حمل انتـ,ـقامك وحمل اخواتك وامك
حياه:ولسه ياعمو انا وقتها فضلت وقفه مش عارفة اعمل حاجة وابويا بيم\وت ومش بس كده عزت الصياد هو المسئول عن حالة ماما
(ياسر وقد وقف وذهب عند حياه ووضع يده علي كتفها)
ياسر:مش فاهم قصدك ايه ياحياه
فلاش باك
في المستشفي
الدكتور:الحمدلله ياهانم مصطفي بيه عدى مرحلة الخطر تقدري تشوفيه دلوقتي
سعاد:شكرا يا دكتور وذهبت داخل الغرفة لزوجها
سعاد بح/رقة اوعي تسبني ياحبيبي انا والبنات
مصطفي بصوت متقط/ع وتعبان:س..س..سعاد ااااانا كويس عايز اقولك علي حاجة مهمة الملف الملف ياسعاد في خزنة سرية في مكتبي بالشركه هاتيه هو مفتاح حريتي لحد مااقوم وانا هعرف اتصرف
سعاد:حاضر يا حبيبي بس قوم انت بالسلامة
(خلف باب الغرفة ممرضة وتمسك هاتفها متحدثة)
الممرضة : ايوه ياباشا مصطفي بيه بيتحسن وبيقول انه هيطلع من المصيبة لما يقوم
عزت:………………
الممرضة:بس كده هيبقي خطر عليا ياباشا ولازم تعوضني
عزت:……………….
الممرضة : تمام ياباشا بكرة الخبر الأكيد سلام ياباشا
في الصباح كانت سعاد داخل الحمام وعند خروجها انصدمت بمحاولة / الممرضة لزوجها وفي محاولة الصريخ ودفع الممرضة خدرها احد من الخلف ووقعت مغشي عليها وبعد فترة فاقت سعاد فحاولت الوقوف وذهبت لزوجها ولكن الوقت قد تأخر فقد فارق حبيبها الحياة ظلت تصرخ حتي اتي الطبيب محاولا إنعاش قلب المغدور ولكن هيهات فقد / بدم بارد
الطبيب : اسف البقاء لله
للأسف لم تتحمل هذه الزوجة الخبر ووقعت ولم تقم حتي الان
الدكتور لياسر وحياه : للأسف من الصدمة اتشلت وفقدت النطق
انتهي الفلاش باك
عيون حياه تحولت من رمادي الي لون الجمر
حياه:انت عارف الباقي ياعمو ماما رجعت تتكلم بعد علاج طويل وطلبت منك تزيف م\وتنا عن طريق حريق في البيت وغيرت اسماءنا وكتبتنا علي اسم خالي وبعنا كل حاجة وجينا هنا ووقتها كان عندي ١٥ سنة وعدت امي اجيب حق ابويا وحقها وانا عند وعدي
ياسر:مش لوحدك يا بنتي انامعاكي وهندمر الشيطان عزت
بعد مرور ٣ سنوات
حياه بتكبر وبقت محامية شاطرة ومشهورة بمساعدة عزت وذكائها ،احلام وهند كل سنة من الأوائل وسعاد مبسوط ببناتها
(في مكتب المحامي ياسر )
ياسر:مبروك يا حياه اللي كنتي عايزاه حصل المستشار القانوني لشركة عزت الصياد هيترافع ضدنا في قضية الاسبوع ده ودي فرصتك يااستاذة عشان نشوف شاطرتك
حياه بابتسامة خبيثة:اخيرا ياعمو فرصتي ومش هضيعها
في المحكمة
الصحافة:استاذة حياه ألف مبروك نجاح يوم بعد يوم
حياه:شكرا ليكم الحمدلله فضل من ربنا ولسه المشوار طويل عن إذنكم
امام المحكمة عربية فخمة نزل من جانب مقعد السواق سكرتير عزت الصياد
السكرتير:استاذة حياه
حياه :نعم مين حضرتك
السكرتير:عزت باشا في انتظارك اتفضلي العربية في انتظارك
حياه:روح وقول للباشا بتاعك حياه المصري مش بتروح لحد اللي عايزها يجي في مكتبها سلام
في مكتب المحامي ياسر
ياسر:ازاي ياحياه تضيعي فرصتك من ايدك
حياه:اهدى ياعمو اللي زى عزت شخصية عنيدة ومش سهلة ولكننا روحت مكنتش هدخل دماغه هو اللي هيجي لحد عندي (طرق علي باب مكتب ياسر )
السكرتيرة:استاذ ياسر عزت بيه عايز يقابل استاذة حياه
حياه بابتسامة نصر:خليه يتفضل
(ذهب ياسر من باب آخر ثم دخل عزت ورحبت به حياه)
حياه:خير يافندم اقدر اساعدك
عزت:انسه حياه سمعت عنك وعن شاطرتك وانا هقدم ليكي مستشارة في شركات عزت الصياد
حياه:عرض حلو بس ايه اللي يخليني أوافق
عزت:عجبني ذكائك وغرورك طلباتك يااستاذة
حياه:فهمتني اول حاجة طقم المحاميين اللي هيشتغلوا تحت أيدي من اختياري تاني حاجة مرتبي حاجة وعمولتي حاجة ثالث شرط في عقد الشغل ممنوع يبقي في قيود او شروط.
خلص الفصل هنعرف عزت هيقول ايه وايه اللي هيحصل مع المس*كينة هند في الفصل اللي جي