وجع البعاد فاطيما

= صدقيني مش هعمل كده تاني ،
اعترفي بقى انك لسه بتحبيني وعايزاني ومش قادره تبعـ,ـدي عني .

ضر.بته على صدره ودموعها نزلت على عيونها بغزاره وهي بتعترف له:

_ايوه بحبك وعمر قلبي ما عرف الحب الا معاك وعمر عيوني ما شافت راجل يملاها الا انت وعمري ما نسيتك لحظه وعمري ما كنت هفكر ابقى لغيرك لو مش ليك ،

استريحت لما اعترفت لك دلوقتي .

ما قدرش يشوف دموعها اللي اول ما شافهم مسحهم بايديه وقال لها وهو حاضن وشها بين ايديه:

_كنت عارف وعمري ما فقدت الثقه انك لسه بتحبيني الحبيب بيحس بحبيبه من مجرد نظره عين اوعدك اني هكون ليكي احسن ما بتتمنى وان اللي حصل في حياتنا مش هيتكرر تاني لاني دقت وجع بعادك مش هقدر استحمله تاني .

خلاص ما بقاش عندها طاقه انها تستحمل بعده وما بقاش عندها طاقه تستحمل محاوطته ليها من كل مكان وضعفت قدام رجاؤه ليها وقررت تسامحه وترجع له وتدي له فرصه جديده في حبهم ،

واول ما شاف كده في عيونها حضنها حضن كبير ومسكها من ايديها ونزل بيها على تحت وكان والدتها والمأذون والشهود موجودين استغربت جدا وقالت له :

_قد كده كنت واثق المره دي اني هرجع لك وهوافق؟

ضحك وشاور على نفسه بفخر:

_طبعا يا بنتي انا كنت مراهن والدتك كمان وكانت هتبقى عيبه في حق زيدان لو ما قدرش يكسب عشقه ويرجع حبيبته لحضنه .

ابتسمت على مشاغبته المعتاده وحضنتها والدتها وهي بتطمنها بعينيها ان هي عملت كده الصح وانكتب كتابهم من جديد ورجعوا لبعضهم تاني،

بس عاليه اتعلمت الدرس كويس قوي اتعلمت انها ما تتصورش على موبايلها ابدا وهي في اوضه نومها وبهدومها الخاصه بيها حتى لو كانت بتمسح الصور ،

وبعد شويه المكان بقى فاضي عليهم وقفوا قدامها واعترف لها بحب:

_عاوز اقولك انك بجد أحلي حاجه حصلتلي في حياتي وفعلاً الحتة الحلوة اللي في قلبي والله العظيم ،بتفهميني من غير م اتكلم بتحسي بيا ،بتخافي عليا ، سندي وضهري ، انتي الحقيقة الكاملة اللي في زمن كله كدب ونفاق وغش وتدليس ،

ربنا يخليكي ليا ياحبيبتي ويبارك في حبنا ودايما سند لبعض في الحياة بحبك ياعاليا الغالية ،

بمو,ت فيكي وبعشقك .

وأخدها بين احضا.نه ووصلوا لقمة الارتياح بعد مشوار من العناء .

#وجع_البعاد

#انتهي_الاسكريبت
#فاطيما_يوسف