وجع البعاد فاطيما
بعد اسبوعين تانيين من محايله زيدان ليها الأخيره بعد تماما وقرر يسببها تهدي ،
وفي يوم صحيت عاليه ودماغها تقيله وحاسه بصداع رهيب فبتبص حواليها في المكان استغربت جدا وبعد ما تعمقت قامت وهي مخضوضه وبتتكلم:
_ايه المكان ده وانا ايه اللي جابني هنا انا فين؟
اه يا دماغي ايه الصداع ده؟
وقامت من مكانها حاسه بدوخه رهيبه راحت عند الباب ولسه بتفتحه لقيت زيدان في وشها استغربت جدا وقالت له:
_مين اللي جابني هنا انطق يا زيدان؟
انت خاطفني ؟
قفل زيدان الباب وقرب منها وكل لما يقرب هي تبعد وفضلوا على الحال ده لحد ما لقيت نفسها هو قدامها والحيطه وراها فقالت له بتوتر من قربه:
_ابعد عني وإياك تقرب لي انا مش مراتك وحرام تيجي ناحيتي مش هسمح لك بكده اصلا ابعد يا زيدان ارجوك ومشيني من هنا .
اتكلم زيدان وهو حاسس بانفاسها المحبو.سه من قربه وبدقات قلبها اللي سامع صوتها وقال لها بلوم وعتاب محب وعاشق لروحه اللي مفارقاه :
_انتي ايه يا شيخه انا مش بصعب عليكي !
ايه بقي قلبك ده متعبش من البعاد والهجر وما بيلومكيش على اللي بتعمليه في زيدان ،
ده انت عيونك بتنطق عشق زيدان وقلبك بيدق بنبضات حب زيدان وروحك ما بتتردلكيش الا لما تشوفي زيدان وعيونك ما بتلمعش الا وانتي قصاد عيون زيدان،
وزيدان مش هيسيبك ولا هيحلك الا وانتي رجعتي حلاله من تاني وان ما كانش بالرضا يبقى بالاجبار يا قلب زيدان .
خلاص ما بقتش قادره تقاوم حصونها المنيعه انهارت قدامه وحاسه ان انفاسها محبو.سه من محاوطته ليها وقربه منها ولا كلامه اللي دوبها ،
واتكلمت بتوتر وهي بتترجاه برقتها اللي جننته:
_ زيدان ….
=عيونه
_ابعد
=مش قادر ولا هقدر
_مشيني من هنا زي ماجبتني
= مش هنمشي من هنا الا على بيتنا وبالتحديد اوضتنا اللي كانت شاهده على اجمل ليالي حبنا .
_انت بتحلم احنا خلاص حكايتنا انتهت مع بعض
=ما انتهتش ومش هتنتهي يا عاليه غير وانتي في حضن زيدان
_بس حضن زيدان بقى مش من حقي بقيت بخاف منه علشان جرحني
=مش هتلاقي أحن من حضن زيدان مش هتلاقي حد هيحبك قده واذا كان على الجرح ادي راسك ابو.سها وايدك ابو.سها واوعدك اني اتعلمت الدرس كويس أوووي ما تبقيش شياله قوي كده وارجعي بقى انا تعـ,ـبت يا عاليا
_واضمن منين ان انت ما تفقدش ثقتك تاني فيا ومتعملش فيا كدة تاني ؟
