فجر الشاهين٢

في ايه ياابني نفس الكابوس رجعلك من تاني..

شاهين وهو ياخذ انفاسه بصعوبه ويرتشف قليلا من الماء هز رأسه نفس البت ياحج كانت بتغرق وتمدلي يدها تترجاني عشان أخرجها وانا بحاول اخرجها مش عارف بس باندهلها بقولها متخفيش يافجر..انا معاكي مش هسيبك

عطيه احنا بكرى نروح نشوف الحكيم .حالتك دي مبقاش يتسكت عليها.

شاهين مش عارف قلبي مقبوض كده ليه..

عطيه ربنا يهدي سرك يابني…

*********…

خالد غريبه قوي انتي ييمه..الامهات بيحاولو يحافظوا على بيوت ولادهم..

وانتي عاوزاني اتجوز واخرب بيتي واخسر مراتي وابني ليه يمه ليه..

كل ده عشان ايه عشان شاهين هو اللي جوزههالي..

خوله بغل عشان مسمعتش كلامي وروحت اتجوزت بت نعمان من غير علمي و عشان سمعت كلام شاهين .وعصيتني…

انت لو عاوزني ارضى عليك ياتطلق بت نعمان ياتتجوز عليها..

نهض خالد باختناق انا لاهطلق زينه ولا هتجوز عليها وعندك ابنك التاني بدل مهو بيجري ورى مرات شاهين لميه وجوزيها وهمليني بروحيي كفايه بقى حرام عليكم انا فيا اللي مكفيني…

مصدقت اني خلاص حالي اتعدل وبقيت بشر زي الخلق عاوزاني اخسر نفسي تاني يمه ليه عشان ايه ..

خوله بتكسر كلامي يابن بطني..

خالد انتي امي وجزمتك فوق نفوخي بس بيتي مش هخربه عشان ارضي الكره اللي جواكي اني همشي يمه ومش هرجع البيت تاني واما تعوزيني ابقى كلميني بس بلاش تتدخلي بحياتي مع مراتي. فهماني يمه خلوني بعيد عن خططكم وافكاركم السوده انتي وابنك عاوز اعيش بسلام.ليخرج من عندها وهي تنادي خلفه الروايه بقلم روايات نوره عبد الرحمن

خوله ولاا ياخالد بقولك تعالى هناا …. استنى.بكلمك..

لكنه لم يستمع لها وغادر..

*********

في السوق

نعمات تعبتك معايا يامحروس ونزلت السوق بالوقت ده..

شاهين مفيش تعب ياهانم خير عم عطيه مغرقني..

نعمات هات اشيل عنك شويه..

شاهين ميصحش اني هوصلهم العربيه.

كانت نعمات تحاول قدر الامكان الاقتراب من شاهين واشغال تفكيره لكن الاخر كان مشتت فجر تزوره كل ليله في المنام تستنجد به لكن هو لايعلم من هي…..كانت تشغل باله كثرا فهي جميله جدا لم يكن يعلم بان التي تزوره بالمنام واسرت قلبه وسيطرت على احلامه هي زوجته..