قاسي ولكن عاشق ميادة
علي: .._ والله هنيجي يوم ونفرح فيه لما تلاقي ابوه جايب لي عروسة من البلد بيقوله هتتجوزها غصب عنك
ادهم بضحكة سخرية: .._ ليه عيل صغير هيجوزني غصب عني انت عبيط يالا ولا ايه وغير كدا انا هقعد هقعد ولما اتجوز مش هتجوز غير من بلادنا اتجوز واحدة من الجهلة دول والله انا مخك اكيد طق يا علي
سمير: .._ ليه يا ادهم جهله مانت عندك اخواتك بنات واولاد متعلمين اكيد في كدا عندكم في البلد.
ادهم بضحكة: .._ ماشي مقولتش حاجة بس مش انا اللي اخد منهم انا البنات هتموت عليا في مصر ومنهم الأجانب كمان فمش محتاج واحدة من البلد دا لو يعني فكرت في الارتباط اللي انا اصلا مش بطيقو
علي قام وقف: .._ بس بس يا سمير دا متتكلمش معا مش هتعرف تاخد معا ولا حق ولا باطل بس احب اقولك دا هيقع ولا حد هيسمي عليه وبكرة تشوف وتقول اخوك علوه قال
ادهم: .._ امشي يا حج علوه شوف رايح فين خطيبتك بترن عليك انا حياتي الشغل وبس.
علي: .._ فعلا انا سايبكم ورايح اقابلها اصلا مش اقعد معاكم انتو بصوتكم دا سلام يا اشباح
سمير: .._ عقبالي يا رب ما اخلص من قاعدة الرجاله دي بقي زهقققت
ادهم يضرب كف علي كف: .._ وربنا اتجننته
في منزل الازهري
حمدي بعصبية.._: انت ايه اللي هتقوله دا يا عبدالله عايز تتجوز بت الصياد
عبدالله: بحبها يا بوي وهيا هتحبني
عماد بعصبية: .._ انت اتجننت ولا ايه يا عبد الله مش هتاخد بنت الصياد لو حتى اخر بنت في العالم.
عبدالله: .._ هيا بنسبالي اخر بنت في العالم
حمدي: .._ فكر بعقلك شوية يا عبدالله اركن قلبك دا شوية علي جنب
عبدالله بزعيق: .._ بوي اديني هقولك اهو اني لو متجوزتش هاجر مش هتجوز خالص وهسيب البلد كلها ومحدش هيعرفلي طريق جرا تمام ثم سابهم ومشي
حمدي نظر لعماد: .._ وبعدين يا ولدي في الواقعة السودة دي خوك هيضيع منينا
عماد بحيره: .._ معرفش يا بوي اني احتارت
في منزل الصياد
حمزة: .._ ايه يا معتز مش ناوي انت كمان تتجوز بقي انا كبرت يا خوي.
معتز: .._ ناوي ناوي ومن زمان قوي كمان وعايز انهاردة قبل بكره
مختار: .._ شاور انت بس المهم نفرحه بيك
حمزة: .._ قولنا بس عنيك علي مين
. معتز: .._ مانت عارف يا اخوي اني اني عيني علي اميرة بت عمي من زمان
مختار: .._ طيب علي البركة يا ولدي هيا هتلاقي احسن منك ولا ايه
امال بخنقة: .._ اممم اميرة مش كفاية واحدة لسه هناخد التانية.
حمزة نظر لوالدته وهو مش عاجبة كلامها: .._ وفيها ايه يعني يااما لما ياخد بت عمه وفيها ايه لما ناخد الاتنين هما جاين من الشارع دول منا
معتز: .._ وفيها ايه صوح يا اما بس ادعي انتي بس أنها هيا توافق
امال بثقة: .._ ايه متوافقش ليه هيا هتلاقي حد احسن منك.
حمزة: .._ لا يا اما تلاقي احسن من معتز اني مش بقل من اخوي لا سمح الله لا ابدا بس لانها هيا برضو الف من يتمناها بت حلوة و ذكية وشخصيتها قوية و متعلمة و صغيرة و بت عيلة كمان صوح ولا اني غلطان يا بوي
مختار: .._ لا يا ولدي كلامك صوح
امال: .._ امم يعني اني اللي طلعة غلط دلوقت المهم اعملو اللي تعمله بس قولي انت بقي يا حمزة هتعمل ايه في موضوعك
حمزة باستغراب: .._ موضوع ايه يا اما
امال: .._ الخلفة يا ولدي.
حمزة ابتسم بسخرية: .._ خلفة ايه يا اما ماني مخلف
امال: .._ ماني فهمة انك مخلف يا ولدي وربنا يخليهملك قصدي مش ناوي تجيب الولد منفسكش في في الولد
حمزة اتنهد و حاول يكون هادي: .._ اكيد نفسي يا اما اجيب ولد يكون سند لاخواته البنات بعد ويحافظ عليهم بس اكيد لما ربنا يريد لو رايد أن يديني الولد الحمدلله لو مش رايد فأنا بحمد ربنا وبشكر فاضلة علي بناتي حبايبي وربنا يباركلي فيهم.
امال: .._ ايه الحديت اللي هتقوله دا يا ولدي انت حاول تاني خلي مرتك تروح للدكتورة لو مفيش امل يبقي مفيش غير حل واحد يا ولدي عشان تجيب اخ يكون سند لبناتك كيف ما بتقول
حمزة انتبه بخنقة لوالدته: .._ حل ايه دا يا اما قولي عليه
امال بقوة: .._ تتجوز يا ولدي ودا حقك
رقيه كانت خارجة من المطبخ وسمعت الحديث دا ودموعها نزلت بحرقة ووقفت علي جنب تنتظر رد حمزة عليها.
حمزة قام وقف بهيبة وقوة: .._ مش اني يا اما اللي حد يقولي اعمل ايه واسوي ايه فهماني طبعاً اني مقتنع جدا بأمر ربنا واني ميهمنيش الواد ولا زفت اني اهم حاجة عندي رقية والبنات مش هخسرهم عشان ولد معرفش ممكن لما يكبر يعمل فيا ايه ومش عايزك تجيبي السيرة دي بعد اكدي لا ليا ولا لرقية ماشي الموضوع دا يخصنا انا وهيا وبس.
مختار: .._ سيبي علي راحته يا امال هو حر بس احب اعرفك يا ولدي انك هتندم بعد اكدي لو محبتش ولد انت مش حاسس دلوقت عشان انت لسه في شبابك لكن لما تكبر في السن هتعرف بقيمته لما تبقي مش قادر ومش لاقي حد يسندك
حمزة اتنهد وحس بكلام والده بس مخلهوش حس بكدا: .._ والبنات بقيت متفرقش حاجة عن الولاد
رقية مسحت دموعها و خرجت عليهم كحت وحمزة سكت عشان متتجرحش من كلامهم وبتحاول تداري حزنها: .._ عايزين مني حاجة انا طالعة اريح شوية
حمزة قام وقف: .._ استني انا طالع معاكي يا رقية
حمزة حط كتفة علي رقية وطلع علي غرفتهم حمزة وقفها قدامه وهيا عينيها في الأرض مش عايزة تبصله عشان ميخدش باله من دموعها مسكها حمزة من دقتها ورفع رأسها و بص في عنيها بحنان: مالك ايه الدموع اللي في عينك دي سمعتي حديت امي مش كدا.
رقية دموعها خانيتها ونزلت: اتجوز يا حمزة اتجوز ابوس ايدك ريحني وريحني من الحديت اللي كل شوية اسمعه من مرت عمي
حمزة بعصبية: رقية مش عايز اسمع الحديت دا تاني منك فهماني اني لو مكنتش خلفت خالص مش هتجوز عليكي ولا المس واحدة غيرك ولا غيرك يملئ قلبي ولا عيني يا حبيبت العمر
رقية بدموع وحب: اااه يا عمري كلة حبك ليه بيخليني ابقي عايزة اعمل اي حاجة عشان بس اسعدك نفسي اسعدك يا حمزة نفسي.
حمزة بخنقة: يا بوي يا رقية يعني الولد هو اللي هيسعدني انا سعدي و فرحتي بقربي منك وبس افهمي ومتخليش حديت امي دا يأثر فيكي اني مستعد اخدلك دار لحالك لو دا يسعدك
رقية: لا مش هينفع عشان اميرة هتبقي لوحدها وكمان عشان عمي ميزعلش منك
حمزة: اني بعرفك بس اني مستعد اعمل اي حاجة عشان تكوني انتي مبسوطة بس
بعد كذا ساعة
مختار: خدي يا اميرة
اميرة: نعم يا عمي تحت امرك
مختار: في عريس متقدملك.
اميرة بإثبات: عريس! عريس مين دا يا عمي اني مش بفكر في الموضوع دا نهائي اسفة يا عمي قول للعريس دا طلبك مرفوض
امال: اني معرفاش انتي مغرورة اكدي ليه فوقي لحالك يا بت سعد
اميرة: وليه مبقاتش مغرورة و ليه افوق ايه ناقصني مع اني مش مغرورة بس انا شايفة أن الموضوع دا بذات انا ليا الحق في اني ارفض أو أوفق
مختار: بس مش تعرفي العريس مين الاول
اميرة: حتى لو مين انا مش بفكر في الجواز دلوقتي.
مختار: العريس يبقي معتز ولد عمك ولدي يا اميرة.
برقت اميرة عيونها وتعصب: مين معتز مين دا اللي اتجوزه دا لو اخر بني ادم في الكون استحالة اتجوزه
امال بعصبية: طيب عشان حديتك الماسخ دا هتتجوزي ورجلك فوق رقبتكاميرة بعناد: مش هتجوزه لو علي موتي انا هكمل تعليمي وهشتفل كمانوقفت امال بحده: طيب ايه رايك يا بت المصراوية مفيش من انهاردة تعليم ولا خروج من الدار هتقعدي أهنئ تخدمي مع خيتك.
اميرة بصدمة: انتي بتقولي ايه
حمزة بصوت جهوري: في ايه مالكم صوتكم عالي كدا ليه
امال بعصبية: تعالي شوف بت عمك و اخت مرتك تعالي شوفها محدش قادر عليها كل ما حد يتكلمها تفضل تشخط و تنطر فينا ايه محدش مالي عنيها
مختار: اسكتي بقي شوية يا امال ايه اني اللي بقيت مش مالي عنيكم خالص في ايه اعملولي حساب واني واقف
رقية نزلت مخضوضة: في ايه حصل ايه اميرة عملت ايه.
حمزة بشموخ: اصبري انتي يا رقية ثم نظر لوالدته بهدوء في ايه يا اما قولي اميرة مالها
امال لسه هتتكلم أوقفها مختار واتحدث هو: هقولك اني يا ولدي دلوقت خوك معتز عايز يتجوز اميرة وهو أوله بيها طبعا ابن عمها و رايدها
حمزة: كلام زين قوي مش هنلاقي احسن من اميرة لمعتز ولاحسن من معتز لاميرة
امال ببرود: كويس أن كلام زين والهانم بقي مش موافقة.
حمزة بإثبات وبرود: طيب هيا حرة دي حياتها وهيا حرة فيها محدش يقدر يغصبها الا الجواز دا لازم يبقي راحة نفسية قبل كل شي لازم أوفق علي الشخص عشان انا عايزة مش عشان ارضي حد
اميرة نظرت لحمزة وابتسمت براحة وآمال اتغاظت خالص: يعني بت صغيرة زي دي هتمشي كلامها علينا ولا ايه كل ما هتقول حاجة هنقول هيا حرة كيف دا.
مختار: اسكتي يا امال خلاص كيف ما قال حمزة هيا حرة بس برضو احنا حريين في اختيار اي شخص يجيلها مش تروح تجبلنا واحد شمام واحد يبقي طمعان فينا واحنا نوافق عليه عشان هيا حرة و هيا دي حياتها لا هنوافق علي اللي يعجبنا احنا فهمتني يا بت خوي
اميرة: اكيد يا عمي مانت اللي مربيني وكلمتك سيف علي رقبتي
مختار بسخرية: مهو باين
رقية بتبلع ريقها: متزعلش يا عمي الجواز دا قسمة ونصيب واكيد لو ليهم نصيب في بعض هيبقو لبعض.
امال نظرت لرقية بغل وقامت دخلت غرفتها بعصبية
اميرة لحمزة: اسفة يا حمزة علي اللي حصل و شكرا جدا علي وقفتك جنبي في الموضوع دا بذات
ابتسم حمزة لاميرة: يا بت دي حياتك ملناش دعوة بيها انتي اللي تختاري شريك حياتك عشان اللي هتعيشي معا مش احنا لازم يبقي في توافق في حب في راحة نفسية بين شريك الحياة ثم ابتسم بمرح: وانتي بسم الله ماشاء الله انتي ومعتز مش بطيقه بعض اصلا.
رقية حطيت ايديها علي فمها وضحكت: والله عندك حق دول زي الناقر والنقير
اميرة: والله ما مسألة ناقر ونقير اني معتبرة اخ كيف حمزة اكدي مش اكتر
في غرفة امال ومختار
امال بعصبية: حتت بت زيي دي هتمشي كلامها علينا ولا ايه يا مختار مش قادرين عليهامختار: الموضوع دا بذات منعرفش نعملها في حاجة
بس مش هتمشي علينا كلامها ومش هخليها تاخد حد هيا عايزة وهتبقي لمعتز غصب عنها كمان بس اصبري اني مرتب حاجة اكدي في دماغي.
امال بخبث: ايوا كدا يا حاج
مختار: عيون الحاج وقلب الحاج مقدرش ازعلك وانتي عارفة وغير اكدي نروح نديها لواحد ياخد فلوسنا
بعد حوالي اسبوع في منزل الازهري
حمدي: اخوك لسه بيفكر في موضوع بت الصياد هنعمل ايه هنشيل الموضوع دا ازاي من دماغة دا مصمم عليها واكنها اخر بت في العالم
عماد بثقة: نجوزهاله يا بوي وايه يعني
حمدي باستغراب: نعم ايه اللي بتقوله دا وازاي يتجوز بت الصياد ليه وعشان ايه كسرين عينا مثلا.
عماد: محدش يقدر يكسر عنينا يا بوي بس احنا لازم نروح معا نتقدم ليها وهما كدا كدا هيرفضة فاحنا نعمل اللي علينا عشان ولدنا يرجع لينا بدل ما هو ولا بياكل ولا بيشرب اكدي
حمدي: بس احنا لو روحنا معا يبقي بنقل من كرامتنا ودول ناس كلامهم ماسخ.
عماد: هنستحمل عشان ولدنا والموضوع ده لازم نقطع عرق ونسيح دم عشان نخلص مني ولازم تباين لعبدالله أن احنا عايزين مصلحته حتى لو علي حساب كرامتنا وهو هيشوف دا بنفسه وبعد اكدي نجبله احنا عروسة علي مزاجنا اكدي ها ايه رايك يا بوي
حمدي: كلام زين يا ولدي مع أنه هيقل منينا بس علي رايك خلينا نخلص من الموضوع دا مانشوف ايه آخرها
عماد: ربنا يباركلك يا بوي
مي بنت حمدي: بوي الوكل جاهز
حمدي: ماشي يا بتي.
في غرفة حمزة ورقية .. كان حمزة ملقي علي سريره نامت رقية علي صدره واتنهدت: عارف يا حمزة انا بحبك لدرجة دي ليه
حمزة بابتسامة: _مع اني عارف بس قولي انتي ليه
رقية بحب:_ عشان انت فيك كل مواصفات الرجولة والحب وكل حاجة فيك اي بنت تتمناها انت سند و ضهر لاي حد انت ملك.
حمزة ابتسم ولمس بطرف صوابعة بحنان علي شعرها: وضهرها: الملك للملكة يا رقية وانتي الملكة بتاعتي محدش ينفع يبقي ملكة غيرك انتي الوحيدة اللي مقدرش افكر في غيرها أو اتخيل حتى أن حد يبقي مكانك ثم خبط باب الغرفة اتعدلت رقية وقامت من مكانها وقام حمزة يفتح الباب لاقي بناته خير يا حبايبي
ايسل بدموع: انتو سايبنا لوحدنا و قاعدين هنا
حمزة بابتسامة: وفيها ايه وايه الجديد ومالك بتبكي ليه كدا.
بيري بطفولة: احنا علي طول قاعدين لوحدنا وكل ما ننزل تيتا تزعقلنا وتقولنا غورو كدا قبر يلمكم بنات فقر
رقية نظرت لحمزة وسكتت وحمزة اتعصب وقام لبس تشيرت و رقية حاولت تمسكه لكنها مقدرتش عليه لأنه زقها ونزل ورقية خافت من رد فعل حمزة وقالت: ربنا يسترها ونظرت للبنات خليكم انتو هنا ونزلت هيا وراء
حمزة وهو نازل علي السلالم: أما اما امااا.
امال خرجت من غرفتها علي صوته مخضوضه: في ايه مالك يا حمزة سرعتني في ايه مالك يا حبيبي في حاجة حصلت
حمزة اتنهد: قوليلي يا اما انتي عايزة ايه بظبط قوليلي ليه بتعملي اكدي معايا
امال باستعباط: في ايه يا ولدي اني مفهماش حاجة
حمزة: انتي لو مش طايقة بناتي فإني ممكن أخدهم وامشي حالا من الدار بس اني بناتي محدش يدوس ليهم علي طرف بناتي خط أحمر يا اما
امال ببرود: ومين اللي داس ليهم علي طرف يا ولدي الكل هنا بيحبهم.
حمزة: اه مهو باين انتي ازاي تقولي للبنات غوروا قبر يلمكم لو انتي معايزهمش فاني عايزهم
