وعاد من جديد 2
منى: انتى طيبه اوى يا ميار.. شوفى بعد الى حصل مش قادرة تتخلى عنها
ميار : شوفتى الخيبه
منى: دى مش خيبه دى طيبه
ميارو هى تنهض: انا عاوزة اغسل وشى عشان انزل امشى بقى
منى: لسه بدرى يا بنتى ماما بتجهز الغدا
ميار: لامش هينفع لازم اروح دلوقتى
رن هاتف ميارفى هذة اللحظة لتجد اسم حازم
ميار وهى تنظر الى الهاتف: مش هرد عليه
منى: زمانه قلقان عليكى
ميار : مش هرد .. ردى عليه انتى
منى: امرى لله .. السلام عليكم … ايوة يا دكتور حازم وصلت .. ايه؟ لا هى بس مش قريبه مالتليفون .. معلش انا اللى رديت .. اه حاضر..مع السلامه
ميار: عاوز ايه؟
منى بلطف: بيطمن عليكى يا ميار … بلاش يطمن؟
ميار: اه بلاش مش من حقه
منى: يابنتى عيب .. يعنى دا انتو عايشين تحت سقف بيت واحد
ميار: ومين قالك ان ده هيدوم .. كلها بالكتير اسبوع وهروح اقعد فبيت ابويا
منى: انتى عبيطه يابت انتى .. بيت ابوكى ايه؟..انتى فاكرة المرة اللى فاتت واللى حصل
ميار: المرة دى تفرق يا منى .. المرة اللى فاتت كان لعب عيال ..دلوقتى بقى على اساس خلاص
منى بحده: اساس ايه وزفت ايه .. فوقى يا ميار ..حازم ملهوش ذنب ..بطلى ظلم ليه
ميار وهى تخرج : انا ماشيه يا منى لما اوصل هكلمك
منى: طيب يا ميار ..اخر حاجه هقولهالك ..اعقلى
ميار: انا تعبت مالعقل..اتجنن شويه
* * * *
نهال: كلمتك
حازم باقتضاب: لا
حسين وهو يجلس متكئا: هى ميار سافرت بسرعه كده ليه ؟… سألتكوا ومحدش رد عليا
حازم: المدير بتاعها استدعاها يا حسين ..بقالها فترة طويله بتاخد اجازات والمرة دى مختلفه طولت شويه
حسين: شوف اخرتها عطلناكوا عن مصالحوا وخلاص
حازم: بطل عبط بقى
حسين: وانا هخرج امتى يا جماعه … عشان انا جبت اخرى خلاص
حازم: سألت الدكتور قال ممكن تخرج بعد بكرة
حسين: ما ينفعش بكرة ولا النهاردة
حازم: لوينفع هقولك اتهد بقى شويه
حسن: مالك يا نهال ساكته ليه
نهال محاوله الابتسام: ولا حاجه يا حبيبى ..سلامتك
نظرت نهال الى حازم نظرة امتنان انها لم يتحدث فى اى شئ
* * *
عادت ميار الى المنزل
مديحه وهى تستقبلها: حمدالله على سلامتك يا حبيبتى ..
ميار: الله يسلمك يا عمتو ..ازيك يا عمو
رأفت : الحمد لله يا حبيبتى
مديحه: الجماعه عاملين ايه هناك
ميار: كويسين يا عمتو الحمد لله .. حسين بقى كويس خالص
مديحه:الحمد لله على كل حال… حازم اتصل بينا يطمن على وصولك بس قولناله لسه ما وصلتيش .. امير كلمنا قلنا انه شافك فالمطار
