الحب للجميلات 3

أندفع عابد نحوها وهو يسأل:-
_هو كويس.. صح؟
اؤمات بنعم و:-
_صحي كمان.. بس للأسف كان هيتوجع كتير فأعطيته حقنة مخدرة، ان شاء الله لما يصحي هيبقي احسن
نظرت لسلمي تسألها:-
_حضرتك بيسان.. مراته؟
توسعت عينا الجميع بصدمة من عبارتها، هتف عابد:-
_بيسان؟
تابعت سوزان بشهقة.. مخضوضة:-
_مراته؟
. . . . . . . . . . . . . . . . . . . . . . . . . . . . . . . . . . . .

بسم الله نبدأ..
بنّي سليمان •• ملحمة شياطين الأنـس ••

_الفصل العشرون .

.. ! انتشار خبر ! ..

‘ ذات يوم.. سيعلم الجميع انكِ لي وانا لك ‘
. . . . . . . . . . . . . . . . . . . . . . . . . . . . . . . . . . . . . .
زوجته !

نظرات تبادلها الجميع بصدمة وعدم تصديق، عن اي زوجة يتحدثون؟ سليمان وفتاة بعبارة واحدة؟ من شعرت بأن الأمر حقيقي الي حد ما.. هي سوزان التي مازالت تتذكر حديثه معها عن الحب ولمعة عيناه حينها، نعم كانت تشعر ان قلب حفيدها دق
لكنها لم تكن تعلم انه سيتزوجها بالسـر.. بأي حق فعل هذا بها؟
وهو يعلم كم هي تنتظر ذلك اليوم الذي تراه فيه عريسًا تزفه بيدها الي عروسه!
تألم قلبها فتهاونت بجسدها علي أقرب مقعد قابلها، انفزعت سلمي عليها واقتربت منها بسرعة، ربتت عليها و:-
_انتي كويسة ياتيتا؟
سوزان بدموع:-
_فضلت اكبر فيه وأربيه وانا مش طالبه منه غير اشوف ليله فرحه، ويوم ما يعملها يعملها من ورانا
قال عابد مدافعًا عنه:-
_استني ياتيتا يفوق ونفهم منه كل حاجة… يمكن يكون بيخرف؟
سوزان باستنكار:-
_يخرف.. يروح ناطق اسمها؟ بيقولوا وقت البنج دا هو اكتر وقت الواحد بيبقي صادق فيه
نظرت الي الأعلي و:-
_مش عارفة اقول اية؟ اية اللي ممكن يخليه يعمل كدا من ورانا بس.. اية؟
كاد زاهر أن يتدخل ويجيب عليها بأن الخوف هو السبب، خوف من ان تأذوها بأيديكم فيعيش ابد الضهر كالميت بدونها، يشعر بالذنب نحوها ويشعر بالكره نحوكم..

لكنه صمت.. حتي لا يزيد البلاء طينًا..

بتلك اللحظة جاءه اتصال، نظر الي أسم المتصل وجده ‘ عليا ‘ أمسك هاتفه وابتعد به عن الجميع، ضغط علي زر الاحابة و سرعان ما جاءه صوتها:-
_زاهر.. بيسان هانم منهارة خالص ومصرة تشوف سليمان بية
زاهر برفض:-
_مستحيل تيجي دلوقتي، الدنيا والعة نار اصلا ياعليا ومش ناقصة
عليا بأقتراح:-
_انا قولت بالليل اكيد هيمشوا، تدخل تطل عليه بس وتمشي
تنهد وهو يفكر قبل أن يقول:-
_طيب هشوف هقدر اعمل اية، هقفل دلوقتي علشان شكله فاق