الحب للجميلات 3

أبتعدت بيسان عنه وحاولت ان تستجمع جأشها، نظرت له بأسف وهمست بخفوت:-
_انا اسفة متوقعتش ان…
قاطعها وهو يعاود امساكها ليجعلها تجلس بجواره من جديد:-
_متعتذريش، انتي مراتي وعملتي الصح
نظر الي ذلك التجمع من الصحفيين وهو ينطق بتحفز:-
_خير؟
نطق احدهم وهو يتقدم منه:-
_كنا عايزين نتأكد من خبر جوازك ياسليمان بيه، بس اللي قدامنا اكبر دليل علي صحة الخبر
قالها ببسمة سمجة، جعلت من سليمان يرمقه بأشمئزاز، قبل ان يهتف بينما يجز علي اسنانه:-
_فعلا الخبر صحيح والهانم..
قال بينما ينظر الي بيسان، مد يده وقربها منه متابعًا:-
_مراتي علي سنة الله ورسوله
تدخل صحفي اخر وسأل:-
_حضرتك.. لية مذعتش خبر جوازكم؟
سليمان:-
_كان هيفيدك في حاجة لو عرفته قبل دلوقتي؟! كان هيغير من خط سير حياتك يعني
تنحنح الصحفي وهو يجيب:-
_لا اكيد بس حضرتك عارف ان في ناس كتير بتحب تتابع اخبار حياتك
سليمان بنبرة تشوبها بعض الحدة:-
_انا مش بحب حياتي تبقي مشاع، انا اتجوز براحتي وفي الوقت اللي عايزه
_يعني دا تأكيد من حضرتك علي الخبر؟
كاد سليمان ان يسبه بـ سب نابي، لكنه تماسك وهو يؤمي بنعم.. وتابع:-
_وفرحنا بأذن الله بالكتير هيكون الشهر الجاي واتمني متجوش
قالها ببرود شديد، فتنحنح البعض بحرج بينما بيسان نظرت له مصعوقة من صفاقته، تابع هو وهو يتصنع المرض:-
_ولو ينفع تسيبوني اريح شوية

وخلال لحظات اختفت الجموع وبقيا الاثنان معًا، قال بضيق:-
_الصحافة دي اغلس مهنة في مصر اقسم بالله
ضحكت وهي توافقه الرأي..

ومـر الوقت.. حيث فاتت علي تلك الليلة ليلتين اخرتين، غادرت فيهم سلمي من القصر غير عابئة بمحايلات اي من افراد القصر الذين حاولوا ان يجعلوها تغير من قرارها، عابد يقابل جني تقريبًا يوميًا.. باتت تجمع بينهم علاقة اقوي من الاعجاب، حيث وصلت الي الحب

اما بيسان وسليمان، فهي تاتيه كل يوم بعد مغادرة اهله له، فـ هو لم يرد ان يعرفها عليهم وهو بتلك الحالة

انتشر الخبر سريعًا انتشارًا مزهلًا، وعلم الجميع ان رجل الاعمال سليمان توفيق اخيرًا وقع في قفص الحب

قالت شيري وكأنها حصلت علي كنز ثمين:-
_انا قولت ان الموضوع فيه إن، اتاري الراجل اللي كلمها دي يبقي حارس سليمان باشا
قالت ليان مبستمة بعد تصديق:-
_متطلعتش سهلة خالص
_ولية متقوليش انه هو اللي مش سهل؟! اللي زيه تلاقيه عمل المستحيل علشان يتجوزها، علي كل حال هما مش في بالك صح؟
سألتها بتسأل مهتم فأؤمات ليان بنعم ببسمة خفيفة، شيري:-
_عرفتي ان خطوبتي انا ويأمن كمان اسبوعين؟ انا متحمسة اوي
_يابنتي اتقلي، دا انتي واقعة اوي
_هو اللي يحب اخوكي يعرف يتقل برضوا
ليان بغرور مصطنع:-
_هي عيلة المنشاوي كدا، مش سهلة أبدًا
. . . * . . .
بالمشفـي.
طرقت بيسان علي باب غرفة سليمان ثم دخلت، كانت علي غير عادتها جاءت مبكرًا كما طلب، عندما انفتح الباب تفاجأت بأنه قد نزع ملابس المشفي ويرتدي ملابسه العادية ويقف في شرفة الغرفة، يبدو انه ينتظر مجيئها، تقدمت منه وهي تقول بقلق:-
_انت كويس؟ طلبت اجيلك بدري لية؟ في حاجة؟
التف لها وابتسم بسمة خفيلة ارتسمت علي شفتيه، امسك يديها بين يديه و:-
_تـوء، انا كويس.. وهطلع من المستشفي كمان انهاردة وحبيت ندخل القصر سوا
بيسان بتردد:-
_بس..