نسيم العشق | Arabic Love Tale

نور بغيرة و غضب :- حضرتك كنتي بتعملي ايه جوا فى اوضة مكتب دكتور مصطفى

:- حاجات كبيرة عليكي عن اذنك

نور بصتلها بغيظ شديد و دخلت المكتب بغضب من غير ما تخبط لاقيت مصطفى قاعد على مكتبه و مركز فى اللاب توب اللي قدامه ، راحت وقفت جانبه واتكلمت بغضب

:- هي اللي كانت هنا دي كانت بتعمل ايه

مصطفى قام من على مكتبه و قرب منها مسك ايديها بحب و حضنـ”ها واتكلم بحنية مفرطة

:- وحشتينى وحشتينى اوى من انبارح وانا جدي مانعني عنك بجد حاسس ان روحي بتروح مني عشان انتي روحي

نور كانت هتستسلم وتحاوط بأيديها ظهره ، بس سرعان ما افتكرت كل اللى عامله ، حاولت تبعد بس كان ماسك فيها بقوة

نور بدموع: مصطفى ابعد

مصطفى:- ارجوكي يا نور

نور ببكاء:- بقولك ابعد مش قادره اتنفس

بعد عنها بخوف و هو بيبصلها لاقها بتعيط بشدة

مصطفى بخوف :- انا اسف اهدي حاولي تاخدي نفس ماشي انا بعدت أهو تمام

نور بشهقات : كل كل اما بتقرب مني بفتكر كل اللى عملته معايا و بتعب مش بقدر

مصطفى بدموع :- خلاص اهدي انا اسف عشان وصلتك لكدا بس صدقني غصبن عني والله غصبن عني

نور بشهقات وهي بتمسح دموعها بكم بلوزتها زي الأطفال :- الدكتورة اللي كانت هنا كانت بتعمل ايه

مصطفى:- بتغيري

نور بعصبية:- كانت بتعمل ايه يمصطفى

مصطفى:- احلى مصطفى اسمعها فى حياتي تصدقي

نور ببكاء: انت كنت بتخـ”وني معاها صح

مصطفى بحنية:- لا والله كنت بس بساعدها عشان الماجستير بتاعها مش اكتر

نور بغيرة :- كانت بتبص على نفسها فى المرايا وهي خارجه وبتقولي حاجات كبيرة عليكي

مصطفى:- تعمل اللي تعمله يا نور انا مش شايف غيرك و مفيش غيرك فى قلبي

كلامه كان بيطيرها من الفرحة بس تصنعت الجمود

نور :- طب انا همشي بقى

مصطفى:- طب ما تخليكي قاعدة لحد معياد المحاضره الجاية

نور :- مش عايزة اقعد معاك

خرجت من الغرفه فضل باصص لطفيها بحزن و شرود ، قاطع شروده دخول حنين وهي بتبكي بشدة

مصطفى:- ايه مالك فيه ايه

حنين بشهقات:- العميد فصلني لمدة أسبوعين من الكلية

مصطفى :- ايه ليه

حنين بدأت تحكيله اللي حصل وهي منهارة من العياط

مصطفى:- طب اهدي و تعالي معايا انا هتصرف

فريدة:- طب ممكن انزل معاكوا الصعيد اما تنزلوا حابة اسأل جدك عن حاجه

عيسى :- اكيد طبعاً تنورينا

مصطفى بجدية :- الموضوع مش مستاهل يا دكتور كريم