ارتواء الروح سارة

{البارت الأول} *** هناك صدمات بالحياة تفقدنا روحنا وهناك صدمات اكثر قسوة تعيدها إلينا لكنها تسبب تشقق الروح وجفافها فإرتواء الروح ثانيةٍ يحتاج إلى قلوب صافية فالقلوب تروى بالقلوب ****** اشرقت شمس الصباح تعلن عن يومٍ جديد فكل يوم تشرق شمسان شمس الصباح وشمس بداخلنا، لكن روحها لم يصل إليها نور حتى يكسر عتمتها وقفت بجانب محطة القطار تنظر حولها بنظرات خاوية باهتة تضم حقيبتها إلى صدرها كأنها حصنها من العالم سقطت دمعة حارقة من عيناها محتها بطرف اناملها سريعًا، تشعر بالضياع فهى أول مرة لها فى القاهرة تلك المدينة الواسعة التى لا تعرف بها احد فبعد وفاة والدها وتخلى خالتها عنها لم يتبقى لها أحد سوى ميراث واحدًا فقط وهو لقبها " نذير الشؤم " وجفاء اهل القرية و تحاشى التعامل معها لا تدرى أن كانت فعلت الصواب أم الخطأ ؟! لكنها كانت تريد تجنب الناس شرها كما يقولون كم تشعر بألم والقهر من قسوة الحياة بينما هى شاردة حاول احد الشباب الاقتراب منها قائلًا وهو يغمز بعيناه : - الجميل شكله مش من هنا احنا فى الخدمة دق ناقوس الخطر بداخلها فهرولت دون أن تنبث بكلمةٍ واحدة حتى توارت فى احد الشوراع الجانيبه إلى ان باتت فى مأمن ثم جلست على حجر كبير صدرها يعلو ويهبط ودموعها تتساقط برعب، ثوانٍ و اقترب منها فتى أخر متسائلًا : - مالك يا أنسه ؟! بتعيطى ليه ؟! عمل عقلها بكل طاقته فى محاولة لثبات الزائف ، هتفت بارتجاف وهى تضم حقيبتها إلى صدرها : - وانت مالك انت كمان ؟! مالكش دعوه، امشى من هنا توسعت عيناه بذهول من اسلوبها الفظ هو فقط اراد مساعدتها حك مؤخرة رأسه قائلًا بحرج : - انتى بس ذى اختى وشوفتك بتعيطى قولت اساعدك على العموم حقك عليا مرت دقائق من الصمت لم تجيبه، استدار ينوى المغادرة فسمع صوت همسها : - عايزه مكان اسكن فيه حتى لو أوضه واحده ممكن تساعدنى ؟! استدار ثانيةٍ والقى نظرة عليها، كانت ترتجف أومأ لها بهدوء قائلًا : - تعالى طيب ورايا .. هوديكى عند ناس كويسين نهضت وتابعت السير خلفه بداخلها شعوران متناقض الخوف الفطرى والأخر اللامبالاة لا تخشى شئ ولِمَ تخشى شئٍ ؟! فهى من يخشاها الناس ويبتعدوا عنها فحتمًا لو كان ذلك الفتى من قريتها لفر هاربًا بعيدًا فجأة وجدت نفسها تقف فى حى شعبى خلف احد الرجال يقوم بتصليح السيارة، فتحمحم ذلك الفتى ليعلن عن قدومه تنهد ذلك الرجل متسائلًا بعصيبة : - البيه اتاخر ليه النهارده كمان ... امير مخصوم منك يومين عشان مأكد عليك متتاخرش امبارح وقايلك ان ورانا شغل كتير تلقى أمير التوبيخ وهو صامت، اما هو التقط من جانبه قطعة من القماش يمسح بها آثار الشحم وزيت السيارات ثم استدار له فوقع بصره عليها الانبهار فقط ما يوصف حالته هى أنثى فائقة الجمال بفستانها الكحلى وحجابها الأبيض وعيناها الرماديتن لكنها تقف كامنه كالموتى تنظر ارضًا إلى موضع قدميها ، منكمشة على نفسها بخوف عقد حاجبيه ينظر لها بتفحص ثم دنى إلى امير يسأله عنها : مين ديه ؟! فاجابه امير وهو يطالعها : - لقيتها قريبه من المحطة وبتعيط ، ولما سألتها قالت عايزه مكان تسكن فيه، فجبتها هنا نشوف مكان بدل ما حد يتعرض لها شكلها غلبانه هز رأسه ايجابًا ثم اقترب منها يكسر حاجز صمتها يسألها عن هوايتها : - انتى مين ؟! وفين اهلك ؟! وايه حكايتك ؟! هى لا شئ ، كيف تخبره بذلك ، هى اكبر خطاياها واعظم ذنوبها انها نذير الشؤم على من حولها همست بصوت مرتجف : - ونس اسمى ونس ونزلت القاهرة ادور على شغل ماليش حد اهلى متوفيين لا يعلم لماذا بداخله يشعر بالغضب لأنها لم تنظر إليه وهى تجيبه شعر بتجاهلها له فسألها ثانية : - مالكيش قرايب هنا ؟! يعنى أى حد تروحى ليه هزت رأسها بنفى ومازالت تتحاشى النظر إليه اقترب هو من امير : - امير كمل انت على ما اطلعها للحاجه فوق العربية ديه خلاص كده وشوف اللى بعدها اسرع امير ينزع سترته ليباشر عمله وهو يهتف بحماس : - تمام يا زعامة متقلقش نظرة تائهة ومشتتة تملأها الحيرة ، قلبها يرتجف بقوة لكنها تطمئن نفسها فربما غدًا يحمل لها الأفضل سارت خلفه بخطوات مثقلة ، دلف إلى البناية وهى خلفه تغمض عيناها تحارب ذكريات ماضيها الذى يؤسرها بداخله صعدت درجات السلم وقفت بعيدة عدة درجات حتى طالعت وجه امراة فى اواخر العقد الخامس لكنها لم تلاحظها كانت تهمس بحنو : - أنس ايه ياحبيبى .. طلعت ليه بسرعة كده فى حاجه ؟! تنحى جانبًا حتى ترمق من تقف خلفه على درجات السلم قطبت حاجبيها وهى تنظر له بتسأل : - انت معاك ضيوف ولا أيه ؟! مين ديه يا واد ؟! يا مصبيتى لتكون واحده ضحكت عليها..وانت اتجوزتها عرفى وهربتوا من اهلها انطق يا ولا كنت حاسه والله رفعت بصرها للأعلى سريعًا ، تهز رأسها تنفى تلك التهمة عنها ، بينما هو جز على اسنانه فوالدته حتمًا ستصيبه بجلطه اردف بنبرة مشتعلة: - فى أيه يا نبع الحنان هو انتِ عمرك ما تسترى ابدًا المسلسلات كلت عقلك .. دي ضيفه استهدى بالله ودخلينا كده رفعت عيناها إليه هاتفه بصدق وهى تفسح لهم الطريق بارتباك من تلك الصامته. فقط عيناها هى التى تتحرك وتقبض بيدها على طرف فستانها : - لأ ازاى اتفضل يابنى تعالوا ادخلوا .. طالما ضيفة تنور تحركت الحاجه نوال خلفهم بعد أن اغلقت الباب ثم جلست على الأريكة وبيدها مسبحتها التى لا تفارقها ، تلتزم الصمت تنظر لهم بعيناها وقلبها ينبض خوفًا تنتظر تفسير ابنها للموقف، اما هو استنشق الهواء من حوله ثم تحدث قائلًا : - الاستاذه امير قابلها عند المحطة وكانت عايزه سكن لأنها سابت بلدهم وجايه تشتغل هنا ، فكنت بقول لو الاوضتين الفوق ممكن ينفعوها رمقتها بنظرة سريعة ثم اشارت لها بالجلوس بجوارها فجلست ونس منكمشة على نفسها بقلق ، وتوتر ، خوف تحدثت الحاجة نوال بنبرة أم حانية : - فهمينى انتِ يا حبيبتى ايه الحكاية .. وانتى مالكيش حد هنا .. وسبتى بلدك ليه ؟! بس بصراحة انا مبحبش الكدب، خليكى صريحة واعتبرينى زي مامتك عشان اعرف اساعدك ستعترف بكل شئ دفعة واحدة فحتما سيعرفونه انها سبب البلاء، ستخبرهم وتترك لهم الاختيار همست ونس بنبرة قاربت البكاء : - انا .. انا مشيت من البلد هربانه من الناس بيخافوا منى وبيقولوا عليا وشى وحش عليهم بابا اتوفى مبقاش ليا حد سبت البلد ونزلت القاهره بعدت عنهم، وريحتهم منى وانا استريحت من نظرتهم ليا تعبت اوى من إني ابقى منبوذة كده ثم اكملت بجملة اخيره وعيناها تفيض بالدمع : - وطبعًا حضرتك ليكى حرية الاختيار تقبلى بيا اسكن هنا ولا لأ لاحظت رجفة جسدها فربتت على كتفها بحنو : - وحدى الله يا بنتى دي نفوس مريضة ، قل ما يصيبنا إلا ما كتب الله لنا ، وانا حبيتك من غير حتى ما تأكد من كلامك ، فيه فوق اوضتين ممكن تقعدى فيهم بس هو انتِ مش معاكى عفشك صح كان يتابع حديثها باندهاش و استنكار كيف تكون كتلة البراءة هذه كما يدعون ، كانت تسرد قصتها وملامحها تفيض بالألم لا يعلم ماهو الشعور الذى يداهمه لكنه يغزو صدره شعور غريب فأسرع يجيب والدته : - طب ممكن تقعد هي فى شقتى نهضت مسرعه تهز رأسها تهمس بصوت حانق : - لا شقة مين اللى اقعد فيها ، انا ممكن اسكن فى الاوضتين عادى من غير عفش لو مفيش مشكله عند حضرتك جذبت نوال يديها لتجلسها ثانيةٍ بجوارها : - تفتكرى واحده فى سنى ترضى بحاجه غلط ديه شقه مفروشه ومقفوله ، وأنس ابنى قاعد معايا هنا على ما يتجوز ويريحنى يارب ، ويرزقك انتى كمان يا بنتى ارتسم الارتياح على ملامحها الشاحبه ثم اجابتها بضعف شديد. : - انا مطلقة اصلًا ثوانٍ من الصمت حلت بينهم، اما هو وقف مستعجبًا هل هناك رجلًا لديه ذرة عقل يفرط بإمرأة مثلها ظل مثبت نظره عليها فعيناها تعكسان حملًا ثقيلًا يود أن يعلم كل شئ عنها رفعت نظرها فالتقت عيناها بعيناه الداكنتين،ملامح وجهه الوسيم ،عضلات ذراعه القويتين وذقنه الناميه اجفلت حينما شعرت بنظراته تحاصرها فأطرقت رأسها ارضًا وشردت فى ذكرى كلمات تتردد فى اذنها كطعنات الخناجر اصابت روحها : - بقولك ايه ياحبيبى طلقها واسمع كلام امك ديه نحس و اوعى تقولى لأ كفايه دخلتها علينا طلقهاا - انتى طااااااالق "إرتواء الروح" (٢) {البارت الثاني} *** اشد انواع القسوة، فكرة بائسة يحبس البشر داخلها انسانًا فتبكى قلوبهم، واعينهم صامتة *** تسير بآلية داخل الشقة ، اثاثها قديم لكن لا يؤثر عليها كل ما تريده الراحة والصمت حتى تبدء رحلتها غدًا فى البحث عن مصدر رزق لها، ولجت للغرفة ترتمى فوق الفراش تبكى بمرارة غصبًا عنها فدموعها دائمًا هى مصدر التنفيس عن نفسها ، هل من العدل أن تتحمل عواقب كل شئ يحدث للأخرين ، تكورت على نفسها ، ثوانى قليلة وداهمها النوم من شدة الأرهاق *** على الجانب الأخر يجلس على طاولة الطعام بعدما انهى عمله يتناول طعامه بشرود ، تحت انظار والدته المنتبه له ، علقت فى استنكار من حالته هذه : - مالك يا انس يا بنى فى حاجه فى الورشة ؟! انتبه من شروده على صوت والدته فابتسم وهو ينظر لها : - لأ يا ست الكل مش الورشة بصراحة بفكر فى اللى اسمها ونس ديه مش عارف صح نقعدها هنا واللى بتقول ده صح ولا لا .. مش عارف قطبت جبينها بعبوس وهى تقول بتعجب : - طب لما انت قلقان كده جبتها ليه ؟! بس والله يا انس شكلها بنت غلبانه ، مع كل حلاوتها ديه وجمالها يطلع عليها وشها فقر شكلها اتحملت كتير ، انا خبطت عليها كتير من شوية فين على ما ردت وادتها الغدا قولت حرام لوحدها برضو مكانتش مصدقه نفسها أوما مؤكدًا على حديثها والجدية ترتسم على ملامح وجه قائلًا : - انا بردو مستغرب اوى ازاى بكل البراءة اللى فيها يقولوا عليها كده ، بس بردو يا ست الكل ناخد حذرنا بعد ان انهى طعامه وقف فى شرفته وفى يده كوب من الشاى الساخن يرتشف منه ولكن فجأة تسمر بصره على تلك الحورية التى تقف امامه فى الشرفة وحجابها الذى ترتديه بأهمال تظهر منها خصلات شعرها التى تشبه ألسنة اللهب زفر وهو يراقبها فهى تشبه قطعة الحلوى الشهية لم يستطيع منع تفكيره عن حجم المعاناة التى عاشتها، حاول ان يشيح نظره عنها بصعوبة فنظر للأسفل انتبه للمقهى وكأنه اول مرة يلاحظ وجودها غزي التهجم ملامح وجهه فتحمحم حتى تلاحظ وجوده نظرت نحوه وتبدلت ملامحها واسرعت للولوج للداخل فأوقفها قائلًا : - يارب تكونى مرتاحة هنا ، بس معلش فيه حاجة عايز ألفت نظرك ليها ومش قصدى حاجه لا سمح لله بس فيه تحتك قهوة و بلاش وقفتك كده فى البلكونه اخفضت رأسها وهى تحاول ان تخفى عيناها التى شارفت على البكاء من مرمى بصره ، فهى لا تريد أن تكون مصدر ازعاج أو بأحرى لا تود أن تخسر هذا المكان حاليًا همست بخفوت قبل أن تندفع للداخل : - حاضر .. اسفة لو عملت حاجه غلط ومكنتش واخده بالى مرر أنامله على خصلات شعره وهو يرفع حاجبيه باستنكار قائلًا : - دي كانت هتعيط .. لا وتقولى اسفة لو غلطت شكلى داخل على ايام عنب **** فى صباح اليوم التالى ولجت ونس من باب الشقة مازالت تشعر نظرات وهمسات اهل القرية تحاصرها وتجد صداها بداخلها تنهدت بثقل محاولة التفكير بايجابيه اكثر ، وبث التفاؤل لنفسها تحركت صوب الدرج وفجأة تنبهت حواسها لصوت يناديها استدارت طالعت السيدة نوال بوجهها البشوش ، فابتسمت نوال قائلة : - صباح الخير يا حبيبتى ، على فين كده على الصبح ؟! لحظات تحولت لدقائق ولم تجيبها وهى تحدث نفسها أى خير هذا ؟! من الواضح ان تلك السيدة لم تصدق ما سردته لها بالأمس همست بخفوت وهى تنزل اولى الدرجات : - صباح الخير لم تستسلم السيدة نوال للهجتها وهروبها فتابعت ثانية لتستوقفها : - رايحه فين كده على الصبح بدرى ؟! ومالك مش بتردى ليه ؟! اجابتها وهى تجاهد أن ترسم ابتسامة شاحبه : - معلش ماخدتش بالى بس نازله بدرى ادور على شغل اقتربت منها تستطرد مبتسمه بحنان : - طب ده لسه بدرى . تعالى ادخلى نفطر مع بعض وبعد كده انزلى براحتك ردت عليها بهدوء يشوبه الحزن : - لا شكرًا اوى عشان ألحق مدت يديها تسحبها للداخل معاها رغمًا عنها وهى تهتف : - ايه اللى شكرًا ده لازم تقعدى تفطرى معانا مفيش اعترض عندى ...انا ذى والدتك وميصحش تقولى لا تركتها واتجهت صوب المطبخ فجلست ونس على الأريكة وبداخلها مشاعر متضاربة، لكن تشعر بسعادة فتلك السيدة رؤيتها تريح قلبها وتتعامل معاها بحب وحنان أموي افتقدته لم تخشى أن تصيبها بالنحس مثل خالتها لانت ملامحها وهى توزع انظارها فى اركان البيت اما بالداخل نهض انس وافقًا من على الفراش يرتدى بنطال قطنى اسود وعارى الصدر كعادته فى بيته ثم ولج للخارج بخطوات متثاقلة يحارب النعاس يبحث عن والدته فجأة سمع صوت صراخ اتسعت عيناه بصدمة لتلك التى تصرخ امامه : - فى أيه ؟! فين امى جرالها حاجه ؟! انتى ايه اللى جابك هنا ؟! استدرات توليه ظهرها وهى تهتف بحدة : - انت ازاى يا استاذ يا محترم ازاى تخرج كده رمق نفسه بنظرة سريعة توسعت عيناه بصدمة التقط سترته من على المقعد يرتديها سريعًا ثم تحدث قائلًا بحرج : - خلاص خلاص ، هى فين امى ؟! استدرات والغيظ يرتسم على ملامحها وهى مازالت مغمضه جفونها لتتحدث بحدة : - انت ازاى تخرج كده ؟! انت مش شايف منظرك ابتسم وهو يطالع جفونها المغلقة وحركتها العفوية وملامحها البريئة تجعلها فاتنة باغواء تنهد ينفض تلك الافكار وكاد أن يعتذر لكنه تذكر انه فى بيته وهى الضيفة فاجابها بتهكم : - على فكرة انتى اللى فى بيتنا هنا مش انا اللى عندك وطبيعى انى انام كده فى بيتنا عادى اخجلت من تعليقه وشعرت بسخافتها فى هذه الاثناء هرولت والدته من المطبخ على صوت صراخها وجدتها تطرق نظرها للأسفل باحراج بينما هو عيناه متعلق بها همست متسائلة بريبة : - جرى يا حبيبتى بتصوتى ليه ؟! مالك ؟! قاطعها أنس بلهجة مستنكره قائلًا : - يا نبع الحنان لما فيه ضيوف فى الصالة مقولتيش ليه هااا ولا أنا دكر بط فى البيت عايش معاكى ضربت نوال صدرها ثم ضحكت قائلة : - يووووه نسيت يا أنس .. على سيرة البط بقى انهارده ونس معزومه عندى على بط ثم تابعت حديثها : بقولك ابقى قول للواد امير يطلع يتغدا معانا بحبه الواد ده اوى جز أنس على شفتيه وهو يميل برقبته بحركة مستنكره وكاد أن يشد شعره من الغيظ : بط أيه ؟! وامير ايه؟! بقولك مش تقوليلى عندنا ناس وانتي عارفه انا بنام ازاى ربتت على كتف ونس التى تحاول كبت ابتسامتها واعادة نظرها إلى ابنها قائلة بغيظ : - ما خلاص يا واد انت مش سترت نفسك بلاش غلبه ويلا عشان نفطر وتنزل السوق تجبلى الطلبات اتسعت عيناه وفاه سويًا وبينما هى لم تقدر على كبح ضحكاتها اكثر فأنفلت منها ابتسامة ناعمة وظهرت غمزتها ثم اسرعت تمضى خلف والدته وقف ينظر فى اثرها وقلبه يدق بعنف يهمس لنفسه : - طب عليا النعمة كانت عايشه مع بهايم دي نحس ديه اومال الوليه الحشريه اللى ساكنه تحت دي ايه ده بتستجوبنى كل يوم الصبح وبليل انهوا طعامهم سريعًا ثم نهضت واقفة بابتسامة هادئة تستئذن للخروج فاندفع هو دون وعى او ذرة عقل يسألها : - انتى رايحه فين كده على الصبح ؟! ثوانٍ من الصمت فأسرعت والدته تنهى ذلك الصمت وتلكزه فى كتفه : - رايحه تدور على شغل متتأخريش بقى عشان الغدا وانت يلا انجز عشان تلحق السوق انت هتقعد تحكى هزت رأسها وانصرفت بخجل من تصرفت تلك السيدة العفوية التى كادت تصيب ابنها بذبحة صدرية واغلقت الباب خلفها **** عادت تسير بخطوات متثاقلة نحو البنايه وكل ما يشغل بالها شيئًا واحد هو أن تُعيد غدًا نفس الجولة فى البحث عن عمل فى تلك المدينه الكبيره .. أما هو رأها تخطو من امام الورشه تتجه نحو مدخل البناية بحالة شرود غير واعيه لخطواتها، لحقها مسرعًا وهو فى حالة تعجب من ذاته لم يراها سوى مرتين وتشغل باله يود أن يعرف كل شئ عنها ، صعدت الدرج لكنها شعرت بأحد يتبعها استدرات مندفعه تضربه بحقيبتها فوق رأسه ، رفع يده ليحمى وجه وهو يصرخ بها : - انتى مجنونه ؟! ميزت صوته وعضت على شفتيها باستيحاء من فعلتها فهمست بخفوت : - اسفه كنت فكراك حرامى مازال واضعًا يده على رأسه من أثر الخبطة ثم اجابها بتهكم : - حرامى !!!! وحرامى دخل وراكى لحد البيت ليه الحته مفيهاش رجاله - اه اندفعت فى الاجابة بينما هو توسعت عيناه من الصدمة : - نععععم هزت رأسها يمينًا ويسارًا تنفى ما وصل إليه قائلة : - اه يعنى فيها .. اسفه بس أنا فعلًا اتخضيت انفرجت شفتى انس بابتسامة وهو يمرر نظره على ملامحها : اه افتكرت ..على العموم حصل خير رفعت عيناها إليها كان يرتدى (تيشرت) رماديًا وسروال باللون الأسود وعيناه داكنتين وملامحه الرجوليه الخشنه، دقه مغايرة لدقات قلبها عندما وصلت إلى عيناه، ابتلعت وهى تكبح نظراتها حاولت الهروب منه فهمست : - اسفه تانى عن اذنك لم تنتظر رده واسرعت تصعد الدرج وصدرها يعلو ويهبط بالكاد تلتقط انفاسها ، شيعها هو بنظراته حتى اختفت من امامه ، وضع يده على موضع قلبه متسائلا : - معقول !! طب ازاى ؟! ولا أمته ؟! لأ دي اكيد صعبانه عليا **** بعد مرور عدة أيام كان انس فى ورشته الخاصة يعمل و عقله ليس معه بل مع تلك الفاتنه ، مازال يشغل تفكيره بها يراقبها كل يوم صباحًا تذهب وتعود عصرًا أما اليوم فشمس قد غابت وهى لم تعود ، حاول صرف تفكيره وصب انتباه على السيارة التى يقوم باصلاحها لكنه لم يستطيع فتركها وجلس على مقعده ينظر امامه بشرود كم هى رقيقة للغاية ،لكن هل هى بالفعل نحس نهر نفسه ورفض التفكير هكذا كيف لبشر أن يحكمون على احد انه وجه الخير او الشر اللفظ فى حد ذاته صعب غضب وضيق عارم يتملكه عندما يتذكر ذلك ، لكن لماذا تركها زوجها ايضًا ؟! هل لهذا السبب أم لسببًا اخر ؟! قطع تفكيره ظهورها امامه بفستانها الأسود وحجابها احمر اللون شارده كالعاده بملامح حزينه ، لكن يبدو انها كانت تبكى ولجت لمدخل البناية نهض مسرعًا خلفها اتسعت مقلتي عيناها وهو يصعد خلفها الدرج يحاول اللحاق بها وقفت عاقده ذراعيها امام صدرها : - خيررر بلل شفتيه يسألها بأهتمام جلى : - ونس مالك شكلك زعلان ؟! اجابته باقتضاب وهى تصعد للأعلى ثانيةٍ بنبرة تحمل برودة الشتاء : - ماليش مش زعلانه عن اذنك صاح بها بعنف وهو يجذبها من معصمها ليجبرها على الاستدارة له : - لما أكلمك تقفى هنا ، مالك ؟! جف حلقه عن الكلام عندما طالع دموعها تنهمر على وجنتها .. "إرتواء الروح" (٣) {البارت الثالث} *** الكلمات الراقية تروى وجع القلوب فكن انت من تروى الأخرين بطيب كلماتك *** سحبت يدها منه بعنف وهى تستجمع كل قواها واجابته بحدة : - انت ازاى تمسكنى كده هاا؟! صعدت الدرج مسرعة ثم التفت له ثانيةٍ قائلة بنبرة اشبه بصراخ : - وبعدين انت مالك بيا هااا ؟! مش خايف اصيبك بنحس ابعد عن طريقى بقى وقف امامها كتمثال من صخر لا يقوى على اى رد فعل وهو يرى انهيارها كانت كشعلة من النار الملتهبة ألسنتها قلبه يقطر دما ملامحها ألمته هل يجوز أن يضمها إلى صدره ويطمئنها أنه بجوارها فجأة انفتح الباب على اثر صراخها صدمة نوال من هيئتها أسرعت تسحبها للداخل، سيجن بتأكيد ليعلم ما بها هل تعرض لها احد ؟! ما هو سبب انفجارها هكذا ؟! ولج للداخل خلفهم و اغلق الباب وهو ينتظر حديثها بنفاذ صبر بينما هى ترتعش بين يد والداته صامته نطقت بجملة واحدة : - ذى ما قالوا طالعه وشى فقر هزت نوال رأسها بالرفض وهى تستغفر خالقها : - استغفر الله يابنتى وحدى الله ما انتى اديلك اهو معانا فوق الاسبوعين وزيادة وداخلة طالعة عليا واحنا ذى الفل اهو ايه اللى حصل لكل ده ؟! اجابتها والدموع عالقة بأهدابها بنبرة حزن : - طب لما انا ماليش لازمه فى الحياة ما ربنا ياخدنى بقالى اكتر من اسبوعين بلف ومش لاقيه شغل تعبت تعبت قطبت نوال حاجبيها وهى تبعدها عن حضنها متسائلة : - بت يا منيلة بقى كل ده عشان الشغل .. ده رجالة بشنبات قاعدين على القهوة تحت وانتى عايزه في اسبوعين تنزلى تلاقى شغل .. ده انتى اللى حبيتى اللقب بقى، وعايزه ينادوكى بيه ابعدى عنى كده يامنيلة ابعدى ابعدى ...ده انا عندى سكر داخله عليا بكل النكد ده هتموتينى عشان تبقى فقر بجد يا منيلة ابتسامة شاحبة من وسط دموعها وهى تتمتم بخفوت : - بعد الشر عليكى ليس دائمًا رابط الدم هو الأقوى هناك رابط الانسانية يعلم جيدًا حركات والدته دائمًا ماتفعلها معه لتخرجه من ضيقته ابتسم بسعادة وهو يستند على الحيطة لا يعى سبب انه يحمل همها وكأنها احد افراد عائلته قاطع تفكيره حديث والداته : -بصى يا ونس ابو انس الله يرحمه كان فاتح المكتبه جنب الورشة تحت وانا كنت بقف فيها بس انس من سنتين قالى كفايه عليكى كده.... رجلى بقى والروماتيزم المهم تأخدى المفتاح من بكرة وتوضبيها وتوقفى فيها وكل البضاعه فيها تحت ، ورزقك ورزقنا على الله ده اخر كلام عندى ثم رفعت عيناها إلى ابنها متسائلة : - ولا أيه يا انس يابنى ؟! يشعر بضيق من طريقة تلك الفاتنة التى تتعمد أن تتجاهله وترفض محادثته وكأنه وحش سيأكلها واخيرًا ما فعلته على الدرج رد بدون مشاعر : - اللى شيفاه صح اعمليه .. اصلًا الموضوع مكنش مستاهل كل العياط والصريخ ده عضت على شفتيها باحراج وتستشعر اتهاماته وانها صرخت بوجهه فما ذنبه هو تحدثت بنبرة مهتزة : - أنا اسفة كان غصب عنى اتمنى تقبل اعتذارى هم بالرد عليها لكن والدته قاطعته قائلة : - يابنتى استغفرى ربك كده يزعل منك ده إيه بس فى حد يزعل من اخته الصغيره انتفخت نواجز انس غيظًا من لقب اخته ، كما انها اضاعت عليه الفرصة الوحيدة للتحدث معاها ، اجابها بغيظ وهو يلفظ الحروف بنبرة ثقيلة : - لا ولا يهمك - يلا بقى قومى اغسلى وشك كده وفوقى هتباتى معايا النهارده تلك الجملة اردفتها نوال جعلتهم فى حالة صدمة فرفعت سريعًا بصرها إليه لتتلاقى عيناهم لأول مرة بنظرة طويلة ابتلعت وهى تهمس : - لا ازاى ميصحش انا هروح الشقه هناك اجابتها نوال ببساطة : - هو ايه اللى مينفعش.. اه اه قصدك عشان الواد انس متقلقيش مش هيبات هنا ولا حتى فى الشقة التانية تبدلت ملامح انس من حالة التيه إلى حالة ذهول : - نعععم .. ده اللى هو ازاى ؟! اومال هبات انا فيين بقى ؟! - فى الورشة ولا نسيت ايام ماكنت بعاقبك واسيبك تنام تحت ثم استرسلت توضح لها - اصله كان مغلبنى وكان تملى سرمحه ويجى متأخر كنت اقفل باب البيت وينام فى الورشه اه مش كان بيتسرمح مع البناااااا انتفض على كلماتها يصرخ ليقطع حديثها فهى لاتنفك بمعايرته بأيام المراهقة لكن الآن الوضع مختلف يكاد ان يفقد اعصابه بسبب تصرفات والدته هتف مسرعًا : - لا لا متاخديش على كلام نبع الحنان ابوس رأسك ممكن تمسكى لسانك كل الشارع تحت عارف كل حاجه عنى ... انتى أم ازاى بس سمعتى ضاعت كففففاية ألتوت شفتيها بسخرية : - منى برضك ولا من بناتهم اللى كانوا بيمشوا معاك امشى يا ولاه انت من قدامى انا رايحة احضر العشا انا اصلًا خبت فى تربيتك قهقهت ونس عاليًا على تلك السيدة وتصرفاتها واتمنت لو كانت تتمتع بأسرة مثلها راقب انصرفها وهى تمتم بحنق ، ثوانى وكان يجلس فى الكرسى المقابل لها يتأملها بصمت يود أن يخوض فى سبر اغوار ماضيها وما تفكر به للمستقبل لا يعرف لماذا ذاك الشعور يداهمه بشدة منذ ان رأها حاول مشاكستها : - اوعى تصدقيها انا كنت إمام جامع وانا صغير بس هى كده تحب تهزر هربت منها ابتسامة خجولة مذبذبة ، رفع حاجبيه ليردف : _بس شكلك مش مصدقة تحبى اقوم اصلى قدامك ركعتين عشان تصدقينى رمقته بخجل والتقت عيناها بعيونه العسليه ثم اجابته : - لا مصدقاك خلاص قلبك ابيض - اه وربنا ابيض وطيب وابن حلال بس نقول ايه الست دي بتسوء سمعتى **** فى الصباح اليوم التالى نزلت إلى المكتبة بروح جديده تملأها الأمل والتفاؤل استمدتها من الذين حولها بثوا بداخلها روح جديده فصاحب جميل الروح تصيبك عدوى جماله لكنها توسعت عيناها بذهول فالسيدة نوال قالت انها مجهور منذ سنتين لكنها تراه الآن فأبهى صورها وقف خلفها مباشرةٍ يهمس بجوار اذنيها : - صباح الورد والونس يا ونس التفت له واصبحت قدميها كالهلام من هيئته يرتدى قميصًا مفتوح ازاره من الأعلى باللون الأسود يبرز عضلاته، حدثت نفسها أهذا الحديث لها تكاد تذوب من فرط الخجل قلبها صار يقفز بين ضلوعها فردت قائلة : - صباح الخير .. انت اللى عملت كده ؟! حك مؤخرة رأسه وهو يشعر براحة وسعادة تغمره من الداخل انه رسم الفرح على ملامحها فاجابها بمرح : - مطرود بقى قولت اعمل حاجه مفيدة وكده عضت على شفتها بخجل قائلة : - انت إتبهدلت بسببى اوى انا اسفة ضحكة رجولية خشنة دوت منه وهو يتحدث بنبرة ساخرة : - يبقى لسه معرفتيش الست اللى فوق دي ...دي بتشردلى مع طوب الارض - ربنا يبارك فيها .. ده كفاية روحها الحلوة ردد خلفها بتضرع : - اميييييين **** مر شهر وقد اعتادت على المكان والناس تشعر برضا حتى انها نست انها نذير شؤم على الأخرين واندمجت وسط اهل هذه المنطقة ، وقف امير امامها يزفر بملل : - ونس خطتك منفعتش المرة اللى فاتت اجابته بنزق وهى ترتشف من كوب الشاى : - يعنى ده اللى عندى اعمل ايه ؟! بحاول ارغى معاها فى اى حوار وانت ايه ولا اصنام بتقف تتنح ولا بتنطق والمفروض انك تكلم فى اى حاجه بس اعمل ايه انا بقى عقد امير حاجبيه مداعيًا التفكير بينما هى تبتسم على طريقتها ، غافلين على اعين تشتعل من الغيرة فهى تتعامل معه على اضيق الحدود تقدم بخطوات صوبهم وهو يشعر بالغيظ يهتف بنبرة عالية : - هو امير باشا مش وراه شغل شايفك واقف هنا من الصبح وشغال ضحك فيه ايه ؟! - عندى ديه يا زعامة انا رايح على الشغل هوا قال جملته وهو ينطلق صوب الورشة وصلتها زفرته المتضايقة فصمتت ، اما هو وقف يحدق بتلك الرمادتين التى سحرته منذ اول لقاء ثم تحمحم بخشونة : - عاملة اية ؟! اجابته باقتضاب سريعًا فهى تشعر بنبضات مغايرة لنبضات قلبها ولا تريد طعنة جديدة لنفسها الذبيحة كاد ان يجن من طريقتها معه هو فقط فعلاقتها مع والدته اصبحت كعلاقة الام بابنتها أولاها ظهره يباشر عمله لكن لا يخلو من النظرات إليها **** فى المساء على طاولة الطعام يجلس انس فى انتظارها هى والدته يحضروا الطعام ثوانى ووضعوا اخر صحن بيديهم وانضموا يتناولون الطعام قاطعت نوال صمتهم بسعادة : - عندى اخبار حلوة ليكم النهارده مين كان عندى الست ام يوسف ما انت عارفها يا انس - مالها ؟! اجابها باقتضاب وهو ينظر فى صحنه كالعادة حديث يخص احدًا فى شارع وهو بضرورة يسمعه ويهز رأسه استطردت حديثها وعيونها تلمع بفرح وهى تربت فوق كتف ونس : - قال ابنها يوسف شاف ونس فى المكتبة تحت واتكلم معاها مرتين وقال معجب بيها وجت النهارده طلبتها منى وسألتنى عليها قولتلها قريبتنا من البلد وقالت ابنها جاهز أيه رأيك يابنتى ؟! **** "إرتواء الروح" (٤) {البارت الرابع} *** الغيرة كالخمر كلاهما يذهب العقل *** تبدلت ملامحه بالغصب بشكلٍ ملحوظ وهو يسمع حديث والدته ، كل ما يتردد بذهنه انها تقف معه وتتحدث نيران تتصاعد بداخله زمجر بغضب وخانته كلماته : - هى الهانم واقفه تشتغل ولا تتساير مع الشباب تحت حلو اوى المسخرة دي لا واحنا هنشتغل خاطبه ليها كمان .. وملقتش غير يوسف ده الشارع كله عارف تاريخه اكفهرت نوال من اسلوب ابنها واسرعت تهتف باغتياظ : - جرى أيه يا واد انت ايه الكلام ده ؟! مالك محدش مالى عينك كده اما هى اطرقت رأسها غير قادره على المواجهة فتلك الحياه القاسية كل مرة تمنحها لقب جديد امتلأت عيناها بالدموع لتردف بألم وصوت متقطع : - انا متسايرتش مع حد واصلًا مش موافقه على الجواز ولا غيره رمقته بنظرة ضعيفة عاجزه قبل ان تنصرف من امامه ، داهمته مشاعر الندم على تسرعه يفرك وجهه بعصبية يحاول اخفاء عيناه كى لا ينفضح امره انه اصبح عاشقًا لصاحبة تلك العيون الرمادتين همست امه ومازال يسيطر عليها الذهول : - انت ازاى تقول كده يا خسارة تربيتى فيك كده تكسر بخاطرها بكلامك اللى ذى السم ده ، ده جبر الخواطر على الله ..طب كنت اسكت احسن يلهث من فرط انفعاله ، اخذ شهيقًا قويًا محاولًا ان تهدئت ثورته ، ثوانى وقد لانت ملامحه قائلًا : - مقصدتش يا امى بس الواد يوسف ده مش مظبوط ومالوش شغلانه وطول النهار تحت متلم على حبة شباب وشرب ونيلة .. وهى تعتبر امانه طالعته امه ثم اردفت بعقلانية هادئة مغايره لحنقها على ابنها وتصرفه الاهوج : - تقوم تقول كده انا هدخل اراضيها بكلمتين متتحركش انت من هنا عشان تعتذر لكنها توقفت حين فتح باب الغرفة ووجدتها تقف امامها تحمل حقيبتها وعيناها ممتلئة بالدموع على وشك السقوط انتفض هو من مكانه كمن لدغته عقربة ضربت نوال صدره بانفعال : - ايه ده يا ونس واخده شنطتك ورايحه على فين بقى كده وانا بقول عقلك كبير .. انس اتكلم كده لمصلحتك اخوكى وخايف عليكى وميقصدش حاجة شلت الصدمة تفكيره كلمة (اخوكي) اشعلت خلايا جسده فهتف بحدة اكثر : - عايزه تمشى بمزاجك هو ... كلمتينى هما اللى يضايقوكى اما البية تتكلمى معاها ويجى يطلبك عادى وقفت خاوية الروح كلماته تصفعها بقسوة ، اجابته من بين شهقاتها ودموعها تتنهمر : - لو سمحت كفاية غلط .. وانا همشى واريحك وكلامك ولا كلام غيرك شهقة وانين مكتوم لقى صداه فى ثناياه صدره اغمض عيناه بعنف يحاول التحكم فى غضبه : - يابنت الناس انا مقصدش بس الحته هنا كلها عارفة بعضها والواد ده معروف سيرته عشان كده انا اتضايقت بس مقصدش اى غلط لا سمح الله وانتى تقعدى وانا اللى امشى لو مضايقك اقتربت والدته تسحب منها حقيبتها وهى توبخها بحنو : - شوفتى بقى انتى ظلمتيه ازاى .. وعايزه تمشى وتسبينى اهون عليكى ده انا اعتبرتك بنتى، يبقى لما اخوكى يقول كلمتين كده تتقمص، هاتى الشنطة ديه هعملكم شاى بنعناع يروقكم دا شيطان ودخل بينكم انصرفت والدته بينما هو يرمقها شرزًا ، ليس بينهم رابط قرابة او دم لماذا تقتل عشقه فى مهده بكلمة اخيها ، تنهد بثقل ثم اردف : - مقصدتش المعنى اللى وصلك ، بس انتي معزتك عندى كبيرة ويعلم ربنا ومحبش حد يتكلم عليكى هزت رأسها فى صمت ثم استرسل والغيرة تأكله من الداخل : - هو كلمك فى أيه ؟! رأت عيناه تتوهج كالجمر ، لا تنكر ان كلماته جرحتها لكن هناك شعور بداخلها يستمتع بانفعاله فهو ليس له سوى معنى واحد حاولت اخفاء تلك المشاعر واجابته باقتضاب : - متكلمش معايا ولا حاجة كان بياخد طلباته عادى واخر مرة قالى اسمى يوسف جاركم هنا - وانتى قولتيلوا ايه ها ؟! سألها بتلهف ، عقدت حاجبيها هى لا تريد تجربة عشق وهى تعلم سوء حظها هزت رأسها بنفى حتما هذا ينبع من خيالها وهمهمت بنبرة شجينه : - ولا حاجه سكت اجابتها اثلجت قلبه ثم تحمحم يسألها : - هو ممكن اسأل سؤال لو مش هضيقك امام نظرات عيناه، ونبرة صوته المتلهفة رضخت له تهمس : - لا عادى اسأل نظر فى عيناه وسألها بهدوء : - اطلقتى ليه لو مش عايزه بلاش اجابته بضعف وهى تستجمع تلك الذكرى : -لا عادى انا كنت قولت لطنط نوال أصلًا واسترسلت حديثها قائله : - بابا كان تعبان ونفسه يطمن عليا واتجوز ومع اول عريس وافق كان هيعيشنى مع مامته واخواته ومعترضتش على اساس هو كده بيت العيلة واتجوزنا وفى الصباحية جم يصحوا ابوه لقوه مات.. امه حلفت ما يدفن ابوه غير لما يطلقنى عشان وشي نحس عليهم.. اتطلقت ورجعت بابا مستحملش انى اطلق وارجع فى الصباحية جاتلوا جلطة ومات، بس والناس قالوا عليا نحس خالتى بقى صدقت بقى فى كلام الناس وقالتلى انا عندى بنات واحنا ارياف لو اخدتك تعيشى معايا الكل عارف حكايتك وهيقف حال بناتى قالتلى انا هجيلك على طول ده انتى بنت الغاليه وبس وهى مره واحده ومجتش تانى .. بعد كام شهر رجع طليقى وعايز يرجعنى اهو خدامة لأمه واخواته وابتدا يزن عليا مشيت من البلد كلها بس والباقى انت عارفه شعر بارتفاع دقات قلبه حتى كاد يخرج من بين ضلوعه ، بداخله فرحه تغمره انه كسر الحاجز بينهم ما ان انتهت من سرد قصتها رفع حاجبه مستنكرًا : - هو فى ناس كده.. ده اسمها ربنا بيحبك مش وش فقر انه نجدك منهم ثم اكمل بمشاكسه : - تصدقى وتأمنى بالله الواد ده ابوه طلع اجدع منه واحسن انه مات ده انا هروح اوزع رحمه على قبره عشان المعروف اللى عملوا ده اتسعت بؤرة عيناها بذهول ثم انفجرا يضحكان سويًا فاصدار تنهيدة حارة ثم همس لها : - ضحكتك حلوة اوى احمرت وجنتيها خجلًا ثم رمشت عدت مرات بعد تصديق يروادها شعور اول مرة بحياتها ، بينما هو استجمع كامل شجاعته ليعترف بعشقه منذ اول لقاء لهم : - ونس انا -انت ايه يا واد اعتذرت ولا لسه تلك الجملة اردفتها نوال وهى تحمل صينية الشاى وضعتها امامهم على المنضدة ، بينما هو تأفف بضجر من تصرفات امه اجابها فى نبرة مستاءة وهو يعتدل فى جلسته : - خلاص هو حصل خير .. ولو الست دي جت تانى قوليلها مفيش نصيب يلا تصبحوا على خير انا نازل تحت انهى جملته وهو معلق بصره بها وهى مازالت على وضعها اطرقت رأسها بخجل وارتسمت على شفتيها ابتسامة رقيقة ليكمل : - ولا فى رأى تانى يا ونس ؟! - رأى تانى ايه اخوها وعارف مصلحتها ردت والدته بتلك الجملة التى كادت تصيبه بذبحة غرس اسنانه فى شفته السفلى يهتف بحنق : - ما تسبيها ترد هى يا نبع الحنان ولا أيه حاولت الفرار من نظرته المثبت عليها فهمهمت : - لأ اللى ماما قالتوا صح *** فى الأسفل بعد منتصف الليل ينام على سطح السيارة قديمه بالشارع واضعًا يده خلف رأسه ينظر لسماء أخذ نفسًا عميقًا ثم اخرجه زفيرًا بتمهل يستمتع بأبتسامتها وكأنها تقف امامه كيف لها أن تكون بكل هذا الحسن واللطف يقولون انها نذير الشؤم ضحك ساخرًا فقط ابتسامتها تنير الكون فجأة امتعضت ملامحها عند تذكر حديث امه بأنه بمثابة اخيها ، انتفض من نومته بفزع يهتف باستياء وهو ينظر نحو شرفة منزلهم : - الست اللى فوق دي لازم تبطل كلمة اخوها دي قال اخوها قال يكونشي رضعين على بعض *** فى اليوم التالى نزلت إلى المكتبة تحت نظراته التى تراقبها مما جعلها تشعر بتوتر دقائق وتقدم منها يوسف يحمل بيده كوبين من الشاى الساخن ثم قال : - صباح الجمال انا قولت اشرب الشاى معاكى واعرف ردك بنفسى على كلام امى امبارح اجابته بتوتر وهى تراقب الورشه من خلفه فأسرعت تنهى الحديث بينهم : - الرد هيوصلك زى ما وصلنى طلبك اما على الجانب الأخر خرج من ورشته عيناه مسلطة على المكتبة غلت دمائه طالعهم بأعين نارية، طفحت الحمم البركانية بداخله، وتأججت نيران الغيرة لدرجة ان عروق رقبته كادت على الانفجار، انفلت زمام الامور ثم اندفع نحوهم بغضب : - الاستاذ واقف هنا خير فى حاجه ؟! لوى يوسف فمه ساخرًا ثم اجابه بتهكم : - ده موضوع شخصى يا انس يعنى ميخصكش اصطبغت بشرته بحمرة الغضب وهتف بعصبية انعكست على نبرة صوته : - هو مش شخصى يا ابو رجولة ليه مكانه مش كده واللى رايح واللى جاي يبص توسعت عين يوسف، فهو يريد ان يهدر كرامته امامها اجابه بشراسة : - وانت مالك مبقاش غيرك يعلمنى الأصول ؟! لكمه انس فى صدغه ارتد على اثرها يوسف الخلف وسالت الدماء من شفتاه ثم اعتدل يوسف ليرد له اللكمة لكنه تفادها انس واوقعه ارضًا فمد يوسف يده فى جيب بنطاله واخرج مدية وهو ملقاة على الأرض وطعن بها فخذ انس صرخت هى برعب وهى تشهد دماء انس، اسرع انس يلكمه ثانية ثم اخذه منه المدية ولوى معصمه خلف ظهره ولم يتركه إلا عندما سمع طقطقت عظامه التى ادت لكسر ذراعه تجمعت الناس لفض الشجار فتحدث احدهم : - بقى كده ده انتوا شباب منطقة واحدة تعملوا كده فى بعض - قولوا هو ازاى يعمل كده كل الحكاية انى طالب ونس على سنة الله ورسوله اردف يوسف بتلك الكلمات مسرعًا لكسب تعاطف الناس من حوله تحامل انس على نفسه ليقف على قدمه المصابة ليردف بشراسة : - لا غلطت لما تبعت حد يطلب ايد خطبتى وتيجى تفف تتكلم معاها قدام الناس تبقى غلطت ولازم تتربى خطيبته !!!!!! "إرتواء الروح" (٥) {البارت الخامس} *** انت بين القلب والعقل حلمًا *** خطيبته !! وقفت كصنم فى مكانها فاغرة فمها وعيناها ترمش عدت مرات تحاول استيعاب الكلمة التى وصلت لأذنيها ولكن عقلها يرفض بشدة حتى فاقت على صوته الذى كان بمثابة انفجار : - إنتِ لسه واقفه عندك هنا ليه ؟! اطلعى فوق يلا التزامت الصمت ثم تحركت وملامحها تحمل حزن جلى وصعدت للأعلى تجر قدامها *** فى الأعلى بعد مرور عدة ساعات تجلس والدته على الفراش بجواره وصوتها يحمل نبرة البكاء وعيونها تسبح فى الدموع : - بقى كده تخضنى عليك ياانس .. كده برضه اصدر ضحكه وهو يداعبها : - ايوه كده طلعى طقم معاملة الأم .. وكفاية معاملة مرات الأب دي رفعت سبابتها فى وجه محذره : - طب اخر مره يا أنس انت عارف لما عرفت كنت عامله ازاى لم تستطيع ضبط دموعها ، فرت دمعة من عيناها وهى تقف تراقب المشهد اسرعت تمسحها بظهر كفها ثم رفعت عيناها إليه بنظرة تنبض بالعشق و انصرفت وقد قررت الرحيل فبقائها حتمًا سيصيبهم بالكوارث اصدر زفيرًا حارًا وهو يراقب انصرافها يعلم ما تمر به من جلد الذات وصراع نفسى ، عادت امه لحديثها مره اخره : - طب ذنبها ايه البت توقف حالها وتقول خطيبتى ثم استرسلت يلا اللى حصل خير شهرين ونقول فسخت واهو الشارع مفيش حاجه مش بتتعرف امسك بيدها والدته ويرجوها وتلك النظرات المستجديه تحتل عيناه : - طب وليه بس يا ست الكل مش نخليها كتب كتاب بعد شهرين هل حقًا ما سمعته اذنيها ، اخر شئ كانت تتوقعه ان يطلب هذا الطلب ، ردت على سخافته : - كتب كتاب على مين يا ولا .. على ونس انت بتخرف صح ولا دا من أثر الضربه اجابها بابتسامة عذبة وعيون تلمع بالعشق : - هو انت بتفكرى ذيهم وش نحس والكلام دا ولا أيه؟! - لا الموضوع مش كده دي مطلقة ...ليه تاخد واحده مطلقة بدا هادئًا وهو يلقى عليها السؤال : - ايوه يعنى ايه مطلقة !! حياتها تقف عشان اطلقت ... ربنا حلله احنا نحرمه بعدين لو عندى اخت واتجوزت وطلع جوزها مش كويس نسبها تكمل معاه عشان محدش هيرضى بيها المطلقة بشر واكتر حد حقه فرصة تانية تداوى الجرح القديم اللى بيبقى جواها . و ونس كونها مطلقة ده مش عيب فيها ونس محتاجه لونس فى حياتها.. قولتى ايه انحرفت شفتياها ليسار قليلًا ثم قالت وهى تضحك : - يخيببك ياواد يا انس ده انت واقع على عينك وانا مش واخد بالى - ايوه وهرتينى اختك واخوكى . المهم بقى استرى عليا وجوزينى احسن كل يوم خناقة قال جملته بنبرة تحذرية بينما قالت هى بنبرة دافئة : -هى غلبانه وانا يهمنى تكون مبسوط -طب يلا اخرجى كلميها عشان هى اكيد حطت فى نفسها وانا جاى وراكى يلا نوناااا بسرعة اجابها بابتسامة وارتسمت على ملامحه السعادة *** على الجانب الأخر وصلت لغرفتها ثم ألقت بجسدها على الفراش تاركة العنان لدموعها تغمرها فى بحر شجونها ، كيف تتجنب سوء حظها فرت هاربة منه لكنه لم يفارقها ، بعد ان وجدت الامان بينهم وليس الأمان بل العشق الذى دق بابها لأول مرة فى حياتها تشعر بمرارة الحنظل بحلقها فتحت نوال الباب ولجت للداخل وجدتها تجلس على الفراش ودموعها تنهمر على وجنتاها انتبهت ونس عليها فمسحت دموعها لتقول بصوت مبحوح من البكاء : - انا السبب انا عارفة انا همشى ومش هستنى اعمل مشاكل اكتر من كده - ما تستهدى بالله يا بنتى ايه هو اللى امشى امشى لو على انس مش اول مره طول عمره كده بيخضنى ومغلبنى معاه مالك انتى تلك الجملة التى اردفتها نوال وهى تعقد ذراعيها امام صدره ولم يطل حديثهم طويلًا فقطعه طرق الباب فقالت : - اهووو اللى مغلبنى عايزنا ..يلا قومى حطى حاجه على دماغك خلينا نشوفه عايز ايه ؟! **** دلفوا للخارج كان يجلس على الأريكة ويطالعها بابتسامة هادئة بينما هى غامت عيناها بالعبرات ولكنها شدت على محابسهم ورسمت ابتسامة مريرة وهى تطالع جرحه فهو تأذى بسببها تعترف بداخلها انه من اجمل الصدف التى حدثت لها طيلة حياتها، لكن يجب ان ترحل، ستفقد الأمان لكن هذا التفكير الأكثر عقلانية حتى لا تسبب لهم المصائب ، فلابد من نهاية يجب عليها المغادرة و كبح مشاعرها المتدفقة نحوه ، أتاها نبرة صوته الخشنة قائلًا : - بنسبة اللى قولته تحت يا ونس قاطعته مسرعه وعبراتها طفرت فى مقلتيها تهمس بخفوت : - عارفه عارفه قولت كده ليه وعشان محدش يتكلم وانى زى اختك تمتم انس ساخرًا وهو ينظر إلى والدته : - أدى اخرت قعدتك مع امى ، عجبك كده يا ست الكل تداركت والدته خطأها الغير مقصود بابتسامة على حال ابنها فاكمل انس حديثه بنبرة دافئة : - لأ انا عايز اقولك أن فعلًا بطلب ايدك وعايزك تكونى مراتى أيه رأيك ؟! بداخلها مشاعر مختلطه خوف ، حزن ، فرح ، سعادة سألته بعدم تصديق : - تتجوز مين أنا .. أنا أكون مراتك لأ لأ لو عشان اللى قولتلوا تحت لا متاخدش بالك انا ممكن امشى من هنا ادور على أى حته تانيه انتفض من جلسته يقبض على ذراعها يهمس من بين اسنانه : - تانى امشى عايزه تروحى فين هااا المره الأولي ربنا ستر وامير جابك هنا أيه مفيش مخ بقولك عايزك مراتى .. وانا مش عيل عشان اقول كده تحت وانا مش عارف اقصد ايه بكلمتى همست ببكاء حارًا : - وانت ايه يجبرك على واحده ذى الناس كلها بتقول عليها نحس ، وغير كده مطلقة عكس ما توقعت تمامًا هدأت ثورته وتوجه للأريكة يجلس بهدوء قائلًا : - أولًا كده مفيش حاجه اسمها نحس كلها حاجات عاديه انتى اللى مكبره الموضوع ثانيًا يعنى أيه مطلقة خرجتى عن الدين مثلًا اجرمتى ما ربنا حلله احنا هنخترع دين جديد ولا مش راضيه ده حقك ولا كأنك سمعتى شئ منى وانتى هنا فى بيتك انهى حديثه وهو يراقبها بأعين متلهفه سهام تخترق قلبها اصابتها نوبة بكاء عنيفة قاومت نوال رغبتها الملحة فى مشاركتها البكاء واقتربت منها نوال تضمها بحنان امومى وهى تهمس : - طب ليه العياط ؟! اجابها انس مسرعًا بمرح : - مش بيقول بردو ان الدموع علامة الرضا ، بلاش تضغطى عليها اكتر هى كده وافقت انفجر ثلاثتهم بضحك ثم قال : - نعتبر الدموع ديه علامة الرضا .. وكمان ضحكت يبقى قلبها مال معروفه لوت امه فمها وشفتها بمكر : - لا يا حبيبى الكلام ده مينفعنيش .. ده انت تيجى وتجيب اهلك وتيجى تطلبها منى هنا اختفت ابتسامة وجه وهو يرفع حاجبه بتهكم : - اهلى ده اللى هو ازاى ؟! انا ليا اهل غيرك انتى كده طرف محايد يعنى خط وسط كده اقبلوا بيا بقى ده حتى انا لسه مجروح تحاول ونس كبح ابتسامتها بينما نوال عقدت ذراعيها وتحدثت بجدية : - قوم امشى يا واد من هنا لما تلاقى حد ابقى تعالى قال مجروح و خط وسط - ياشيخه احلفى انى انا ابنك وانتى امى قال جملته مستنكرًا كلمات والدته ثم نهض منصرفًا وهو يلوح بيده **** - انت يا زفت شكلى كده حلو تلك الجملة وجهها انس لأمير -فخامة يا زعامة بقالنا نص ساعة كده ما تخبط بقى رد عليه امير بحنق طرق على الباب فطالع وجه والدته فجز على اسنانه يرسم ابتسامة بغيظ فانحنت هى جانبًا تسمح لهم بالمرور ثم اغلقت الباب وجلست على اريكة تتقن دور ام العروسة تهتف بترحاب : - نورتونا ياجماعة والله ثم اكملت مناديه على العروس ونس تعالى قدمى حاجه للضيوف وسلمى عليهم رفع حاجبه ببلاهه ضيوف !!! بينما امير قهقة على تصرفات تلك السيدة ثوانى وظهرت ونس تحمل بيدها الصينية ترتدى فستانًا بلون الزهرى وحجاب من اللون الابيض يعكس مدى صفاء بشرتها ووجنتيها التى تتورد بالحمرة اصبح فى حالة تيه فوضعت الصينيه امامه ومدت يدها لتحية فاسرت رجفة بكامل جسدها فلاحظ خجلها وارتباكها فقرر ان يزيد منهم فهمس بصوت ينسدل كالحرير الناعم على قلبها ببعض كلمات الغزل ، فكادت ان تذوب من فرط الخجل ، تحمحمت والدته لتنبها على التعليمات التى أوصتها بها فنفضت يدها سريعًا تجلس بجوارها رفع انس حاجبه مستنكرًا محاولًا الثبات قائلًا: - كنت جاى النهارده عشان اتقدم على حسب الميعاد المحدد بينا - ايوه جاى تتقدم لأيه مش فاهمه فهمنى وظيفة يعنى ولا أيه ؟! رفع حاجبه وهو يحاول أن يتمالك نفسه ثم اجابها بغيظ : - وظيفة ليه ؟! كنت جاي القوى العاملة انا بطلب ايد ونس التزمت الصمت مدعيه التفكير قائلة : - امممممم .. بس انت سمعتك مش اد كده قهقهة امير عاليًا يطرق كفًا بأخر بينما هو رمقة بنظرة نارية قائلًا : - مخصوم منك يومين .. انا طالب ايد ونس على سنة الله ورسولة وانا بنى ادم بقيت ملتزم ممكن توفقى يا ست نوال انا طالب ايديها تحدث امير بتلقائية وهو يمزح : - بس يا زعامة حلوه انس و ونس دول من السجل الاسامى ديه ضحكت ونس و نوال ثم قالت : - حلوه يا واد يا امير دمك عسل عشان كده بحبك اما هو انقض يقبض على تلابيبه يسحبه خلفه للخارج ثم فتح الباب ودفعه للخارج وهو يتمتم : - مخصوم منك اسبوع انا غلطان انا جبتك معايا امشى يلا من هنا صدره يعلو ويهبط وانفاسه تسارع توجه يجلس بجوار ونس قائلًا : - موافقه بيا ولا لأ قولى اجابته بصوت بالكاد يكون مسموع : - موافقة اخرج من جيبه سريعًا علبة قطيفة حمراء بها خاتم خطبة ثم قام بتلبيسها ناظرًا لوالدته : - بتعرفى تزغرطى زغرطى ثم اكمل حديثه - انا عرفت ليه ربنا مكرمناش باخت بنت. ده انتى كنتى هتعنسيها جنبك اما هى كانت فى عالم اخر عالم احلامها الوردية لا تصدق ما يسير معاها ايعقل أن يعود لها الأمل فى حياة ثانيةٍ بعشق يضرب قلبها ليقلب جميع موازين حياتها هى الأن تعوض كل ايام الوحدة والفقد بحب ينبض بين ثنايا صدرها شعور لا يضاهى فداخل عيناه يكمن معنى الأمان ، السند ، العوض انتفضت على زغروطة نوال تبتسم باستيحاء *** جلس أنس فى المقعد أمام ونس بعد أن انصرفت والدته يتفحص وجهها بدقة يريد رؤية لون عيناها الغريب ، توقف العالم من حوله فاصبح راهب امام عيناها ، يركض خلف حبها كصبى يلهو وراء الفراشات لاحظت هى نظراته فاشتعلت وجنتيها بحمرة الداميه تفرك اناملها من فرط الخجل خرج صوت أنس : - ممكن تبصيلى يا ونس فى حاجات لازم نتكلم فيها - اتفضل اتكلم اجابته وهى تنظر للأرض بخجل ، ابتسم على خجلها : - لا ارفعى وشك وانتى بتكلمينى نظرت فى عيناه اول مرة عن قرب هكذا وجدت بهم حنان افتقدته منذ وفاة والدها ، هل سيكون هو عوض عن كل الألم التى عاشته مؤخرًا عن قهرتها وتخلى أقرب الناس عنها ، لكن بداخلها سؤال يشغل تفكيرها فسألته : - هو انت طلبت تتجوزنى ليه ؟! - هو أيه اللى طلبت اتجوزك ليه ؟! - ايوه انا مستغرب ليه ؟! اعتدل انس فى جلسته ثم اجابها : - بصى انا ابويا مات وكنت عيل وامى معندهاش غيرى دفنت شبابها عليا .. تفتكرى هى كانت نحس على ابويا .. فى ناس تعرف ربنا بتصبر وتقول الحمدلله وناس لأ .. ده اجابة اللى بيدور فى دماغك أما بالنسبه ليا فمن اول يوم شوفت عيونك والحزن اللى فيها شدونى ربنا بيخلق للبنى ادم ياونس روح تشبه وانتى روحك من روحى ، ونس ملى حياتى وبعد كده على رأى نبع الحنان وقعت على بوزى وحبيتك .. بحبك يا ونس انسي اللى عدى وعيشى معايا من جديد عايزك ونس ليا ياريت تنسى موضوع النشاؤم ده وتعيشى اللى جاى من جديد عقد انس حاجبيه بمكر متسائلًا : - وانتي وافقتى ليه ؟! عضت على شفتيها بقوة قلبها يدق بعنف من اعترافها حاولت التهرب من الاجابة والاعتراف هى ايضًا تعشقه : - انت مفيش حاجه تخلى اى بنت ترفضك هرفضك انا ليه ؟! حاول كبح مشاعره وهو يراقبها تعض على شفتيها كانت تبدو فى غاية الأنوثة والبراءة والاغراء همس بصوت متحشرج : - بس كده اقولك حبيتك وعشقتك ده يبقى ردك - وطبعًا جدعنتك ورجولتك معايا من ساعة ما قابلتنى انت وماما نوال عقد حاجبيه متسائلًا ببلاهة : - يعنى ايه بتحبينى انا و ماما نوال قصدك ايه ما تنطقى هو انا ليه قلبت شحات الغرام مالك يا واد انت لازق فيها كده ليه نطقت نوال جملتها رافعه احد حاجبيها، بينما هو احتلت الصدمة ملامحه لثوانى : - لازق فيها ايه ده هى على كرسى وانا على كرسى وبينا متر اتقى الله كانت ونس تتمنى الارض تنشق وتبلعها من فرط الاحراج ، مصمصت نوال شفتيها واجابته بتهكم : - طب ايه مش لبست دبلتك وقعدت ورغيت واتعشيت ما يلا بقى احنا بنام بدرى - انا بتطرد صح هااا .. ونس مالكيش كلمه فى اليلة دي اخذت زفيرًا تجيبه بصعوبه : - ماليش كلام بعد كلامها ابتسامة والدته بانتصار قائلة : - سمعت يلا يا حبيبي اتكل على الله اولاهم ظهره وهو يتمتم بكلمات غريبه **** مر اسبوعان بعد الخطبة كانت تقف داخل المكتبة تتحدث مع فتاة تقربها فى السن بابتسامة عذبة بينما هو يراقبها من خلف السيارة التى يقوم باصلاحها فجأة وجد امير يقف امامها والفتاة الاخرى تنصرف بينما هى زادت ابتسامتها وعلى صوت ضحكتها اشتعلت عيناه بالغضب واحتقن وجه بالدماء وهو يسير نحوهم وقف امامهم قائلًا : - الهانم صوت ضحكتها جايب اخر الشارع ، والبيه ايه اللى جيبه هنا تمتم امير فى نبرة محتقنة : - مفيش ماشى اهو رفع انس حاجبه مستنكرًا : - مالك يا برميل النكد ، بردوا حوار كل مرة - طب ماتعرفنى انت يا زعامة هتف امير بتلقائية، بينما وضع انس يده على كتفه قائلًا بعنجهية : بص يابنى جو التسبيل ده انتهى من زمان دلوقتى البنات عايزين كده حد أااا بص تعرف ابراهيم الابيض ؟!! عقد امير حاجبيه محاولًا فهم مغزى الحديث متسائلًا : - انت قصدك يعنى اخد بشلة فى وشى ذى ابراهيم الابيض كده توسعت عيناه بذهول قائلًا : - تصدق بالله انت كار الارتباط والحب ده ما كارك - بس كارك انت صح ؟! تلك الجملة قالتها تعقيبًا على كلامه وهى عاقدة ذراعيها امام صدرها ، حك مؤخرة رأسه قائلًا : - هووووبا .. مخصوم منك يومين يا أمير عشان النكد اللى داخلين عليه ده امشى على شغلك يلا سلط نظره عليها رافعًا احد حاجبيه يردف بمكر : - كل الكلام ده قبل ما اشوف العيون دول والضحكة اللى بتنور قلبى من جوه .. بعدين هو احنا بنغير اشاحت بوجهها للجهة الاخرى تحاول تمالك اعصابها تحت سطوة سيطرته قائلة : - لأ مش غيره بس يعنى كرامتى - لا سلامة كرامتك .. الله.. واحنا نقدر .. بس بردوا اسمها بغير ..ما تعترفى بقى وتقوليها اجابته بخفوت : - طب بغير وعلى فكرة انا مش كيوت لأ ده انا ممكن اطلع جنانى عليك فبلاش بقى كفايه ماما نوال كل يوم تحكيلى مغامرة ليك مع واحده من اللى كنت بتكلمهم اتسعت عيناه بدهشه ثم غرس اسنانه فى شفتاه السفلى متسائلًا : - طب بذمتك مصدقه انها امى طب وعهد الله انا شاكك انها امى دي أخلاق مرات الأب يا جدعان فجأة تحولت ملامحه واشتعلت عيناه بالغضب قائلًا بحدة : - صحيح ضحكتك ها .. ضحكتك اللى بترن وسط الشارع تصدقى بالله انا غلطان انى وافقت على نزولك و بالمناسبة انا بغير هاا وحطى تحتها ميت خط عشان غيرتى وحشه انهي كلامه بنيرة تحذيريه بينما هى تلونت وجنتيها بحمرة الخجل ثم نظر لها يقذفها بقبلة فى الهواء قبل أن يولها ظهره ، توسعت عيناها بصدمة تهمس : ده طلع قليل الأدب وكلام ماما نوال صح ****** بعد مرور اكثر من ساعة وقد ذهب أنس ليباشر عمله بينما هى تقف ترص الكتب على الرف سمعت صراخ وضجيج بالخارج اشرفت برأسها تنظر على ما يحدث فى الخارج وجدت بعض الرجال يحملون أنس والدماء تغرق يده ***** إرتواء الروح (٦) البارت السادس *** الفراق أن تحيا وسط النيران *** مرت اسوء ساعات عليها بعد تلك الحادثه وهى تقف أمام باب غرفة العمليات وجهها احمر يكاد يتحول لون الازرق بسبب صعوبة التنفس، تسب وتلعن نفسها على بقائها معهم ستصيبهم بلعنتها النحس، كل من يقترب منها تصيبه، طالعت الدته وعيناها قد تورمت من كثرة البكاء ناظرة لسماء تتوسل بتضرع إلى خالقها لسلامة ابنها، اغمضت عيناها بقهر مشاعر متضاربة حزن ، ألم ، سخط على حالها فهى فى نظر نفسها المذنبة الأول ، هى من بَنَت سعادتها على حسابهم، استندت برأسها على الحائط خلفها تهمس : - يارب بس يقوم بسلامة والله هبعد خالص بس يقوم عشان امه الغلبانه دي ثوانى وكان الطبيب يخرج من غرفة العمليات هرعت إليه ونس و نوال بلهفة : - طمنى يا بنى عليه الله يسترك ابنى ماله ازاحه الطبيب كمامته متحدثًا بعملية : - الحمدلله ياحاجة متقلقيش ، بس صباع ايده الشمال الصغير اتضرر جامد واضطرينا نعملوا بتر لعقلتين و فى شرخ وعملنا ليه جبيره نتيجه للعربيه اللى وقعت على دراعه وهو تحتها لكن هو كويس وذى الفل مفهوش اى حاجه وكمان على بليل ممكن يروح ويجى كل يوم لغيار على الجرح وضعت ونس يديها على شفتيها تكتم شهقتها بينما تحدثت نوال : - اشوفوا يابنى طمن قلبى يسترك هو فين أومأ الطبيب ثم قال بهدوء ليطمئنها : - بس بيفوق جوه فى العمليات وهينقلوا دلوقتى متقلقيش ياحاجه ديه ايدوا الشمال وصبعه الصغير يعنى مش هيأثر اوى اطمنى ثم تركهم وانصرف فاقتربت ونس منها تضمها وتجلسها على المقعد خلفها تحاول تهدأتها ، ثوانى وكانت تخرج الممرضة من الداخل تدفع السرير ذو عجل للأمام نهضت نوال مسرعها ومن خلفها ونس تهبط دموعها بكثرة حتى وصل للغرفة *** رمش عدة مرات فى محاولة لفتح جفونه بصعوبة، اقتربت منه والداته سريعًا تضمه لها بكل ما يجيش فى صدرها من مشاعر امومة تحرق قلبها أما هى ازالة دموعها سريعًا و وقفت مباشرةٍ امام فراشه كان ريقه جاف فهمس : - عايز اشرب ناولته والدته كوب الماء ارتشف منه قليلًا ثم اخذته منه حاول الاعتدال من وضعه فتأوه بشدة ساعدته والدته ليجلس ابتلع ريقه وهو ينظر إلى ذراعه متسائلًا : - هو أيه اللى حصل انا اخر حاجه فاكره كلام الدكتور فى عمليات تخاطيف كده - الحمدلله ياحبيبى ربنا ستر المهم انك بخير الحمدلله الحمدلله غرزتين بس فى ايدك اجابته سربعًا لتطمئنه، لكن الطبيب اخبره قبل البدء فى العملية بأمر البتر، تنهد و رفع عيناه لتلك الصامته التى تقف امامه فهبطت دموعها تلقائيًا ونظرة له بنظرات ذات مغزى علم فورًا مقصدهًا فرمقها بنظرات عاتبة لتحميل نفسها ذنب ليس لها شأن به، إلى متى ستظل حبيسة تلك الفكرة رمقته بجسد مرتعش قليلًا قائلة بصوتٍ باكى : - حمدلله على سلامتك - هو انتوا عاملين كده ليه انا ذى الفل ومش عقلتين هيأثروا عليا انا الحمدلله بحمد ربنا انها ماكنتش اكبر من كده ممكن كفاية عياط قال جملته وهو مثبت نظره عليها ابتسمت والدته وقد تبخر حزنها وهى تربت على كتفه بحب صادق وهمست بحنان : - الحمدلله على كل شئ يا حبيبى كفايه انك قدامى بخير أومات بملامح شاحبه تجلس على المقعد خلفها بلا روح ساكنه تختلس فقط نظرات إليه نظرات حزن دفين لما ستقوم به انتبه على نظراتها التى تمزق نياط القلب فابتسم لها مطمئنًا *** عادوا إلى منزلهم وتمدد انس على الفراش بمعاونة والدته، بينما هى الحزن يخيم عليها لا حول لها ولا قوة تود ان تصرخ بأعلى صوت من قسوة الحياة انصرفت نوال قائلة : - هحضرلك الأكل بسرعه وجاية قادتها ايضًا خطواتها للخارج خلف والدته لكن اوقفها انس مناديًا : - ونس استنى اجابته لكن لم تلتفت له : - نعم قطب حاجبيه باستغراب قائلًا : - ايه هتكلمينى وانتى مديانى ضهرك ؟! اجبرت نفسها على الاستدارة تطالعه بثبات زائف قائلة بصوت مبحوح من اثر البكاء : - لا بس رايحه اساعد ماما تنهد انس بعدم حيلة وحرك عيناه عليها بنظرة ثاقبة ثم قال : - انتي مش السبب، ده وارد وبيحصل و قضاء وقدر كفاية تلومى نفسك وكفاية دموع بعدين بقى كل الدموع ديه عشان حاسة أنك السبب، ولا خوف عليا وحب وكده بقى اصدرت تنهيده حارة بشجن، كيف تبوح له أنها كانت ستجن من رعبها عليه ، وانه إرتواء لروحها بعد سنين عجاف هو من عشقته، اتمنت لو كانت هى مكانه همست : - اكيد خوف عليك طبعًا ربنا يبعد عنك اى سوء عن اذنك انصرفت مسرعه لا يعلم لما انقبض قلبه ارجع رأسه للخلف يتنهد بتعب وارهاق لكن من أتاه النوم سريعًا من اثر المسكنات وذهب فى نوم عميقًا *** بعد عودتها ولجت لغرفتها تسير بخطوات متثاقلة تحضر حقيبتها وتضع بداخلها ملابسها تلوم نفسها بقسوة لكنها قد عزمت الرحيل لكن قلبها يعاندها يرفض الرحيل دون أن يطمئن عليه بينما عقلها يزجرها بقوه، نيران اضرمت بها فبعد ان وجدت الأمان والسند والاحتواء بينهم الحياة تقسو عليها ثانيةٍ، دموعها تنهمر بغزارة اغلقت حقيبتها ووضعتها بجوار الفراش ثم تناولت ورقة وقلم كى تكتب رسالة لتخبره برحيلها سترحل كما رحلت من بلدتها لكن هذه المره، جسدًا بلا روح، الآن فقط تشعر بمعنى الوحدة فهو فى الايام القليلة الماضية اصبح كل شئ بنسبة لها، مسحت دموعها وتوجهت نحو الفراش تدثر نفسها بالغطاء عازمة على الرحيل فى الصبح.. *** على صعيد اخر يجلس فى غرفته، كمن يجلس على الجمر لا يعلم سبب انقباض قلبه فهى لم تأتى لتطمئن عليه ثانيةٍ نهض من على فراشه متجهًا للخارج يبحث عن والدته وجد امه فى المطبخ تجلى الصحون ابتسم لها بسعادة يلقى التحية : - صباح الفل يا امى استدارت لها بابتسامة هادئة : - صباح الورد يا حبيبى قومت ليه انا كنت بحضرلك الفطار وجايه نظر لها بجدية ثم قال : - فين ونس يا أمى ؟! تلاشت ابتسامتها عاقدة حاجبيها تهمس : ونس !!! اول ما رجعنا من المستشفى كانت معايا هنا وبعد كده راحت الشقه هناك ومجتش تانى وزى ما شوفت البيت مخلصش من الناس واتلهيت اسال عنها .. بس غريبه انها مظهرتش تانى ابتلع ريقه وقلبه ينبض بخوف كاد ان يخرج من بين ضلوعه من التوتر اولها ظهره متجه نحو الباب وادار المقبض ودلف مسرعًا للشقة المقابلة يطرق على الباب طرقات متتالية لكن لا توجد أى اجابه صاح مناديًا باسمها : - ونس . افتحى يا ونس . ونس جاءت خلفه امه ومدت يدها تفتح الباب بمفتاح اخر دلفوا سويًا يبحثوا فى الغرف ولم يجدوها رمق الطاولة عليها ورقة ومحبس خطبتهم ، هز رأسه بنفى وهو يلتقط الورقة وقد اضرمت النيران بصدره سهام تخترق قلبه استدار لوالدته بنبرة مهزومه : - مشيت يا امى مشيت ليه كده انتى بعدم سؤالك عنها حسستيها بذنب اكتر هتروح فين وهى ملهاش حد غيرنا ليه كده بس عضت نوال على شفتيها بندم تهمس : - غصب عنى، انا كان قلبى وجعنى عليك واتلهيت - طب ادور فين ؟! ليه كده يا ونس ليه ؟! انهى كلامه وهو يرتمى فوق المقعد بتعب وارهاق شديد ستنفجر رأسه حتما من كثرة التفكير قلبه متألم كيف طاوعها قلبها على هجره ؟! كيف تهرب و لم تطمئن عليه ؟! أين هى الآن ؟! فجأة نهض من على المقعد وعيناه تشتعل بنيران قائلًا - انا هنزل ادور عليها مش هرجع غير بيها *** تسير بخطوات شبه راكضة حتى اختنقت انفاسها لكن لا يهم فذلك الأفضل للجميع، فهى قررت ان تبتعد وكأنها فعلت بهم شيئًا مشينًا، نصل سكين حاد ينغرس بقلبها كلما تذكرت رد فعله، عند هذه النقطة انهمرت دموعها على وجنتيها بقهر، وكأن الحياة اقسمت ان لا تعطيها فرصة لتحيا حياه هادئه لِمَ هى تعانى كل هذا ؟! مدت يديها تجفف دموعها، التقط اذنيها صوت تعرفه جيدًا مناديًا باسمها : - ونسسسسس *** إرتواء الروح (٧) *** حين شعرت بثقلى عليك، اعفيتك ورحلت *** جلست تطالع الباب بضيق من تأخره، ثوانٍ وسمعت طرق على الباب، اسرعت تفتح وهى تحاول السيطرة على دموعها، ارتجفت شفتيها ببكاء قائلة : -اتاخرت ليه يا امير ؟! طمنى انس عامل ايه دلوقتى ؟! عرف إنى مشيت صح ؟! احتل الحزن ملامحه وكأنه إجابه لكل تساؤلاتها اغمضت عيناها بألم متسائلة : - طمنى هو بس كويس اهم حاجه التمعت عيناه بألم قائلًا بعتاب : - انا مش عارف وفقتك ازاى اننا نخبى عليه ياريتنى ساعة ما قبلتك فى شارع كنت رجعتك، انا روحت شوفته مقدرتش ابص فى عينه ومشيت ابتلعت ريقها محاولة ان تستعيد رباطة جأشها بللت شفتيها هامسه بألم : - كده احسن ليه وشويه وهينسى ابقى طمنى يا امير بس انت استئذن امير منصرفًا، اغلفت الباب خلفه وارتمت على الاريكة تغطى وجهها بكفيها تنحب ببكاء مرير ***** مر اكثر من شهرين وهو نهارًا يبحث عنها و يظل حبيس غرفته ليلًا ، لا يعلم كيف ومتى عشقها قلبه بهذا القدر لا اراديًا وقع فى عشق تلك الهاربة، اغمض عيناه بألم فشعر بيد تربت على كتفه التفت فوجدها امه تهمس بأسى : - وبعدين معاك يا انس، هتفضل كده يا بنى ده انت عملت اللى عليك ودورت عليها منكرش ان قلبى واكلنى عليها بس خلاص هنعمل ايه ؟! دي مكملتش كام شهر معانا اعتبرها مجتش اصلًا ومتعملش كده فى نفسك هز رأسه بيأس وهو يضرب صدره موضع قلبه قائلًا : - بس ده حبها وكأنها عاشت عمرها معايا حبيت كل حاجه فيها ، حتى الحزن اللى فى عيناها حبيته عشان أنا اللى هعوضه بس هى فين مشيت ليه ؟! مسحت نوال دموعها وهى تنهض واقفه : - يا ترى فينك بس يا ونس بس **** الدموع غريزه فى أى انثى منذ قديم الزمن، تعد سلاحها الاقوى، لكن هى دائمًا دموعها ضعف اسدل الليل ستائره وهى مازالت تعمل بالخيوط تقوم بصنع الفساتين ( الكروشيه ) وبيعها عبر صفحات التواصل الاجتماعى، فبعد عناء وجدت هذه المهنه مصدر لزرقها بعيدًا عن الاختلاط بأحد ، تنهدت بثقل وتركت الخيوط جانبًا، فهى تعمل ليلًا ونهارًا لعلها تشغل نفسها عن التفكير به، تلألأت دموعها عند ذكره فمسحتها لتتجه نحو الفراش فى محاولة واهيه لنوم وهى تهمس بنبرة مرتجفة من اثر البكاء : - سامحنى يا انس على عشته بسبى *** وقف فى الشرفة باكتاف متهدلة يلوح على قسماته الألم يتذكر وقفته معاها فى نفس المكان، يشعر انه يريد احراق العالم واحضارها لإحضانه ليخبرها بأنها هى سبب سعادته وليس نذير شؤم عليه لكن اين يبحث عنها، اخرج هاتفه من جيب بنطاله ليطلع صورها التى التقطها لهم سويًا اثناء الخطبة كيف اصبح لا يرى سواها، ملامحها الناعمة كلما رأها وقع فى عشقها مجددًا دلفت نوال ووقفت بجواره تحاول الابتسامة قائلة بنبرة حزينه : - محدش بياخد غير نصيبه يا بنى حاول تعيش حاول كبح دموعه التى تلألأت فى مقلتيه فهمس بصوت متحشرج : طب مش عارفه اعمل ايه، اول مره احس إنى متكتف كده مش عارف اروح فين ؟! ولا ادور فين ؟! حتى بلدها روحت وهى مش هناك ياترى تكون راحت فين بس يا امى انسابت دموع نوال رغمًا عنها قائلة : - ربنا يردها، ويوقف ليها ولاد الحلال طرق على الباب قطع حديثهم، فتوجهت نوال صوب الباب، فوجدته امير اشارت له بدخول فتبعها لشرفة فاردفت: اهو على الحال ده يا امير يمكن يابنى، حاول معه يمكن تطلعه من اللى هو فيه دون أن ينبث بكلمة واحدة مد انس يده له بالمفاتيح عقد امير حاجبيه متسائلًا : - ايه ده يا زعامة - مفتاح الورشة انت مالكش دعوه افتح وشوف اكل عيشك شعر امير بحزن على حالته ثم قال : - انا جاى اطمن عليك انت يا زعامة اجابه باقتضاب وهو يوليه ظهره للداخل قائلًا : - معلش يا امير تعبان ومصدع شوية وعايز انام عن اذنكم لكنه فجاة تسمر مكانه على جملة امير : -أنا عارف مكان ونس *** عم الصمت للحظات يحاول السيطرة على انفعالاته ولملم شتات نفسه ، قادته خطواته المترددة نحو امير وعيناه تقدحان شررًا ما داخله يعربد بجنون ثورة من مشاعر متناقضة ، هو دائمًا يتعامل بالعقل أما الآن هو فاقد السيطرة فهروبها بتلك الطريقة أكثر شئ ألمه كأنه لا يعنى لها شئٍ صاح بهدر وهو يجذب تلابيب امير : - يعنى ايه تعرف مكان ونس ؟! انطق هى فين وساكت لييييه كل ده ؟! شهقت نوال من هيئة ابنها، بينما ارتعد جسد امير من نبرة صوته فتحدث قائلًا : - والله يا زعامة انا لقتها ماشيه فى شارع بتعيط ومعاها شنطتها وانا جاى اطمن عليك .. فناديت عليها وسألتها وقالتلى انها رايحه تشترى حاجه ومصدقتهاش وروحت وراها وبعد كده عرفت انها فعلًا ماشيه مرضتش اسيبها واخدتها فى البيت عند امى فى شقة فاضيه قولت مؤقتًا والله انا كنت هقولك بس هى حلفتنى، بس بصراحة مش قادر اشوفك كده لكزت نوال امير قائلة باغتياظ: - يخيبك يا امير يعنى تعرف مكانها وسيبنا نعيط ليل نهار تصدق حلال اللى هيعملوا انس فيك نفض يده عنه وبداخله يتوعد لها، زفر بحدة قائلًا : - عنوان أمك بسرعة رفع امير حاجبه مستنكرًا : - نعمممم ، ايه كلام ده يا زعامة ؟! - يا غبى عنوان ونس ، وبلاش دماغك الشمال دي عشان انا بتلكك اطلع بروحك بس اشوف ونس الاول *** الفصل الثامن والاخير *** الحب هو إرتواء الروح الحب يروى كل شئ بطريقه بلا مقابل يجعله يزدهر و ينبض بالحياة *** تجلس كعادة فى الاوان الاخيرة هادئة تعمل بالخيوط كامنه على نفسها طرق على الباب بحدة التقطت حجابها ووضعته على رأسها وادارت المقبض تفتح مسرعه تخشبت مكانها تهمس : - انس اخذ نفس عميقًا وزفره، اعصابه مثارة ودمائه تغلى يود اقتلاع رأسها لكنه ايضًا اشتاق لها داخله شعوران يتناحران، يطالعها بوجه جامد وملامح الشراسة قائلًا بنبرة جامدة كالحجر : - طب كويس إنك لسه فاكرة اسمى - امير هو اللى قالك على مكانى شرست ملامحه واصبحت ملامحه برايه اكثر، قبض على معصمها بقوة وهو يهزها بعنف : - طبعًا الهانم ماكنتش عايزاه يقولى عشان تعيش الدور اكتر صح، هاتى شنطتك ويلا نمشى من هنا نتكلم هناك نظرت له بتحدى قائلة ببرود عكس ما بداخلها : - معاك على فين ؟! اللى بينا انتهى والدبلة انا سبتها خلاص .. لو سمحت امشى ميصحش وقفتك كده طحن ضروسه وهو يرى الصراع الداخلى ينعكس فى عيناها فاجابها بلؤم : - فى بيت عند نونا ولا تحبى ادخل هنا وحد يشوفنى وبعد كده يظنوا ظن وحش القرار قرارك **** - بقى كده تمشى ولا كأن ليا قيمة عندك تلك الجملة اردفتها نوال وهى تعاتب ونس غامت عيناها بدموع هى حقًا افتقدتها فهى لم تبخل عليها بمشاعر الامومة، لكنها كانت قليلة الحيلة واستمعت لصوت العقل وبعدت رغمًا عنها : - والله بعدى عنك كان على عينى بس انا محبتش اكون سبب فى مصايب ليكم رغمًا عنه يتمزق قلبه لمظهرها، والسُحُب الضبابية خصتها تذرفان الدموع ووجها تكسوه الحمرة يود سحبها من والدته وضمها بين ذراعيه ليهدأ قلبه المثار، حاول كبح رغباته بصعوبة ضيقت عيناها تهمس بمكر : - مصايب ايه بس ؟! طب ان قولت طفشتى عشان الواد طار منه عقلتين انطلقت ضحكه ساخره خشنه من انس ثم عقد حاجبيه قائلًا: - طار منه عقلتين !!! بس تصدقى ممكن ليه لأ ؟! لم تبتسم على مزحهم كالعادة فحزن يغلف روحها نظرت لها نوال ثم قالت : - بما إنك جيت طلبتها منى وانا قولت بنتى وفى الأخر مشيت من ورايا انا دلوقتى بقولك هتتجوزها اخر شهر ده ومفيش كلام تانى التقط انس يد والدته يقبلها بفرحه عارمة : - يسلم بؤقك كده بقيتى امى مش مرات ابويا تتسارع نبضات قلبها ونبضة اخرى اعنف من السابقة تهز كيانها من الداخل، هزت رأسها بنفى قائلة : - لأ لأ انا رجعت اه لكن جواز لأ انا مش موافقة ساد الصمت لثوانٍ، عيون جاحظة ثم خرج صوت انس بالأخير : - معلش يا أمى ممكن كوباتين شاى اولتهم ظهرها نحو المطبخ وهى تتضرع بدعاء لهم بصلاح الحال، اما هو نهض ليجلس على المقعد امامها ثم سألها مستفهمًا : - انتى ايه حكايتك بقى ممكن افهم ؟! هو انا عشان سكت على هروبك ولا فعلًا مش عاجبك بعد موضوع العقلتين قاطعته والدموع تظفر من عيناها : - لأ طبعًا لأ .. انا بعدت عشان التعب اللى سببته ليك اجابها انس بقلب متألم قائلًا : - وانا متعبنيش غير بعدك عنى يا ونس وانا مش عارف انتى فين ولا ايه اللى بيحصل معاكى ثم اكمل ولم يقدر على مقاومة مشاعره المعاتبه متسائلًا : - طب قلبك طاوعك حتى متسأليش فيا ؟! اجابته مندفعه تنفى التهمة عنها : - لا والله ده انا كنت بموت وكل شويه أسال امير عليك كنت هتجنن عليك يا ريتنى كنت انا مكانك ادركت ما تفوه به لسانها وعضت على شفتيها بندم بينما هو اصبح فى حالة تيه امام اعترافها ثم اجابها بخبث : - دا انتي واقعه بقى اومال ايه جو مفيش جواز دا الجواز اخر الشهر لعلمك عشان لو عملت اللى فى دماغى دلوقتى وانتى بشكلك كده تتاكلى بصراحة امى هتفرج عليا الشارع - شارع ايه يا واد اللى هيتفرج عليك ولااا انت هتعمل ايه ؟! تلك الجملة اردفتها نوال وهى تضع صينية الشاى على المائدة حك مؤخرة رأسه وهو يجيبها : - الفرح ... الفرح يااااما شارع هيتفرج على فرحنا - امممم يعنى عرفت اقنعتها خلاص، انت متعرفيش حالته كانت عامله ازاى من غيرك كان ماشى فى دنيا ذى اللى تقولى عقله طار قلبى وجعنى عليه بأمانة لو ما كنتى رجعتى ما كنت هسامحك لأن انس حالته كانت تصعب على الكافر ، حتى الورشة اللى روحه فيها سابها ومرضيش ينزلها قالت جملتها بتلقائية بينما هو جحظت عيناه من اعترافات والدته ثم خرجت زجرة منه قائلًا : -كفاية بقى كفايه يا نبع الحنان ، انا هقوم انزل الورشة واجهز للفرح قبل ما ترجع فى كلامها عينيها متحاشية لعينه تشعر بارتفاع حرارة جسدها بسبب اعترافات والدته ، اما هو ثبت نظره عليها يستمتع بخجلها والحمرة التى تغزو وجنتيها رفعت عيناها لتندمج نظرتهم بتيه فانتهز فرصة انشغال والدته بتقليب اكواب الشاى وارسل إليها قبلة فى الهواء قبل ان ينصرف شهقت تعض على شفتيها هامسه : - وقح .. وقح اوى - ميين ده اللى وقح يا ونس ضيقت نوال عيناها متسائلة ، بينما هى اجابتها بارتباك الناموس وقح اوى يا ماما عن اذنك رايحه الحمام *** الايام مرت كالبرق وانقضى الشهر سريعًا يجلس انس فى مشيخة الأزهر يردد خلف الشيخ والسعادة تعم الاجواء وهو ينظر لها فأقل ما يقال عنها انها فاتنه بفستانها السكرى ، وضع الدفتر امامها لحظات من التردد فابتسم لها مطمئنًا أن الاتى افضل، فهزت ونس رأسها ثم نقشت حروف اسمها فى الرقعة البيضاء وانتهت مراسم الزواج بجملة الشيخ : - بارك الله لكما وبارك عليكم وجمع بينكم بالخير اطلقت نوال الزغرودة من شفتيها اما انس اندفع مسرعًا نحو ونس يحتضنها بقوة يود ان يدخلها بين ثنايا ضلوعه، قلبها يقرع بجنون تكاد تجن لا تصدق أن الحياة عقدت هدنه معها همس فى اذنيها : - مبروك ... يا مراتى ... يا ام عيالى مستقبلًا وقف خلفه امير قائلًا : - مبروووووك يا زعامة الف مبروك التفت له انس بكل جمود : - امييير هو انا قولتلك انك مرفود .. اصلى الخصم مش هينفع معاك زفر امير بحنق : - ده بدل ما تشكرنى انا صاحب الفرحه ديه كلها جز انس على اسنانه وهو يكمل مشاكسته بينما هى فى عالم اخر تشعر انها فى حلم جميل يتسلل إلى نومها ، ذلك الحلم ظنته اشبه بالمستحيلات *** فى شقتهم وقفت فى منتصف البهو تقبض باناملها على فستانها تنظر إلى الارض بخجل فاقترب منها يرفع وجهها بيده ليطالع رماديتيها التى تتوهج بشغف ثم حاوط خصرها بيده لترتجف من لمسته فابتسم هو يشعر برعشة جسدها قائلًا : - مش عايزه تقوليلى حاجه ؟! اجابته بارتباك وهى تحاول التملص من بين يديه : - اه اه احضرلك العشا رفع احد حاجبيه بتهكم : - عشا!!! ليه هى كانت نبع الحنان مقصره معايا فالأكل ياست حاجه تانى فكرى كده غمغت ونس وهى تحاول التهرب منه : - طب انا هروح اغير - بحبك يا ونس نزلت تلك الجملة عليه كصاعقة فتخشبت مكانها وهى تطالع عيناه لامعتين ، اقترب يضمها إليه لم تستطيع كبح جماح سعادتها وشوقها له، تركت العنان لمشاعرها وضعت رأسها على صدره واستكانت وهى تهمس : - انت كل حياتى يا أنس ماليش حد غيرك فى الدنيا بحبك ، بحبك يا انس قبل جبينها بشغف ثم امتدت يده يتحسس ضهرها صائحًا بحدة : - فين السوسته ؟! السوسته فين يا هانم ؟! - سوستة ايه يا أنس مالك ؟! ترجعت خطوات للخلف بريبه من عصبيته : - مالك يا انس فى أيه ؟! سوستة ايه ؟! تنهد بحرارة وهو يهز رأسه بيأس : - الفستان من غير سوسته ليه يا هانم ؟! اومال انا المفروض هساعدك فى ايه مفيش معلومات خالص فى التاريخ كده، اكيييد ده اختيار امى صح - انسسسسس خضتنى ، انت وقح اوى اوى اكمل انس بمشاكسه : - هشششش كفايه ضيعتى التاريخ نركز بقى فى الاحياء مش هنقضيها رغى حملها بين ذراعيه وهو يضمها إلى صدره غمزًا بطرف عيناه : - " السفالة كنزًا لا يفنى " انتى متعرفيش المقولة ديه ولا ايه ؟! بعدين خدى بالك انا لو مش وقح كده النهارده الناس تاكل وشى واولها نبع الحنان اهااا وانا مش ناقص فضايح فى المنطقة اتجه بها وهو يحمل نحو الفراش لكنها صرخت عاليًا : - يخربيت الوقاحه هنصلى الأول .. عشان ربنا يباركلنا فى حياتنا - لا نصلى عشان ربنا يباركلنا صح .. واشكو إليه الله انى اتصدمت فى فرحى ان مفيش سوسته انتهى من الصلاة ، وكانت كقطعة حلوى شهية اقترب منها يحملها ثانية ويذهب إلى الفراش وهو يهمس لها بكل كلمات الغزل لتصبح زوجته شرعًااا *** فى الصباح تنام بجواره راسها على صدره وهو يضمها إليه بتملك لا تصدق ما صار معها فى الاوان الاخيرة حتى ان زواجها من انس كان حلمًا بعيدًا عليها و قد بات الآن حقيقة مدت اناملها تمررها على وجه بحب تنظر إليه وهو نائم يبدو مسالمًا إلى ابعد الحدود عكس ما فعله امس انفلتت ضحكة منها، فتح عيناه يطالعها بشقاوة قائلًا : - ده ايه الصباح ده ؟! ايه الضحكه ديه ؟! طب ضحكينى معاكى اجابته بتلعثم تخفى وجهها فى صدره : - ضحكه .. عادى هو مينفعش مد يدها يسحبها من خصرها قائلًا : - لا حيث كده نضحك مع بعض بقى طرق على الباب عاليًا بحدة، اغمضت عيناها بألم تشعر برعب من ما هو أتى ها هو حظها يلحقها ثانيةٍ فى نفس الموعد، ازداد طرق الباب وازداد انكماشها على نفسها، اشفق عليها واقترب ياخد وجهها بين راحتيه قائلًا : - اهدى مفيش حاجه هروح افتح اشوف مين ده تلاقيه الواد امير اكيد وبيهزر .. البسى اسدالك توجه ليفتح الباب وهى خلفه فتح الباب فطالع وجه والدته تبكى ودموعها تنهمر تلتقط انفاسها بصعوبة، ولجت من الداخل ووقفت فى الزواية تبكى بصمت وتحاول كبح شهقاتها تعلم انها ستسمع ما ينهى سعادتها فتحدث انس: - خير يا أمى ؟! فى ايه مالك يا حبيبتى تعالى اقعدى مالك اجابته بتقطع وصوتها مبحوح اثر البكاء : - هروح .. انا .. مش مصدقه يابنى .. هروح اخيرًا تجاوزته تقف امام ونس قائلة : - يا وش الخير .. الحج بقالى ٦ سنين بحاول فيه النهارده ردوا عليه هروح ازور الحبيب عليه افضل الصلاة والسلام بعد ان سمعت حديثها وقعت ارضًا فاقدة الوعى هرع إليها انس يحاول افاقتها بعد مرور دقائق فتحت عيناها تهمس بخفوت: - هى ماما قالت أيه ؟! - بقولك هروح احج ان شاء الله يا وش الخير التوي فم انس قائلًا : - لا وجت فى وقتها يا نبع الحنان عشان تدعى لينا بذرية الصالحة اصلى بعد الخضه والدخله ديه هى قطعت الخلف .. - مبروووك يا ماما فرحتلك من قلبى قالتها ونس وهى تعتدل فى جلستها فدائمًا الخير الذى تفعله يرد لك حتى وأن اختلفت الطرق **هل جزاء الإحسان إلا الإحسان** بينما اقترب انس منها يضمها بحب : - انتى تستاهلى يا أمى قلب ابيض مبروك عليكى **طريقة تعاملك مع الأخرين تعكس مدى انسانيتك فأن اكثر العلاقات المجزيه أن تكون مفيدًا للاخرين فكل حرف تنطق به يجد صداه فى نفوس الاخرين إما مساعدة او ايذاء .. تم بحمدلله بقلم سارة فتحي.

مقالات ذات صلة

عذراء على ابواب 2

حافية على جسر عشقي

عازف بنيران قلبي من الفصل الخامس

الاسانسير5 | Contemporary Drama Novel

يتيمة في قبضة 2

عناق سام 2

اترك تعليقاً إلغاء الرد