اهواك ولن انساك فاطيما يوسف
جنه كانت حاسه انها مش قادره ترد على/ كلامه ولا على احساسه ولا على رقيه في التعامل معاها ودي فايده ان الست تتجوز راجل اكبر منها بيحتويها وبيحسسها بالاكتمال والرجوله وان عقله دايما ناضج وبسبب نضجه العلاقه بيبقى فيها ارتياح ،
وردت على كلامه بكل رضا واقتناع وقالت له :
_بجد يا ماهر يعني شكلي من غير ميك اب احلى؟
رد عليها ماهر وهو يمسك ايديها وبيحضنهم بين ايديه :
_ده مش احلى بس ده احلى على الأحلى كمان اسمعي انت بس كلامي وبعد كده هيغيروا منك وهيعملوا زيك بالضبط وكمان مش هتحسي ان خروجك مرتبط بحاجه لابد ولازم تعمليها،
خليكي عندك دايما مساحه راحه واقتناع وكلك ثقه انك كده احلى علشان الطبيعي دايما يكسب .
خلصوا الكلام مع بعض وقعدتهم الجميله وعدت الايام وفي يوم اصحاب جنه اتصلوا عليها علشان تخرج بالليل وخرجت من غير ما تعرف ماهر واتاخرت بره وهو فضل يرن عليها وهي ما بتردش ما كانتش سامعه التليفون،
ماهر تعصب جدا وراح لها على بيت باباها استناها لحد ما رجعت وكان الوقت الساعه 2:00 بالليل واول ما دخلت ولقيته قدامها اتصد.مت وقال لها بغضب وعيون بتشع احمرار :
_ايه شفتي عفريت قدامك لا سمح الله !
حمد لله على سلامه البرنسيسه جنه الساعه 2:00 الصبح .
اخذت نفسها وكانت مرعوبه من طريقته من كلامه وغضبه اللي اول مره تشوفه وقالت له وهي بتتهته في الكلام:
_الله يسلمك انت هنا من امتى وما قلتليش ليه انك جاي ؟
رد عليها ماهر وقال لها :
_بصي على تليفونك وانت تعرفي انا رنيت عليك كم مره وانت شكلك كده كنت في مكان مليان دوشه ما سمعتيش ،
كنتي فين بقى ؟
ردت عليه جنه وقالت له بخوف :
_كنت سهرانه مع صاحباتي في night club اللي بنسهر فيه على طول .
قام ماهر من غير ما يتكلم وقال لها كلمه واحده بس وهو خارج رعبتها :
_ night club ! آه ومن غير استئذان من جوزك يارب تكوني استمتعي .
وسابها ومشي ركبها سايبه من الخوف ومن غضبه اللي هو ما طلعهوش عليها وكتمه واللي استشفته من شكل وشه وطريقه كلامه وحست بالندم والخوف والرعب بياكلوا فيها اكل وهو ما تكلمش اصلا ،
مجرد نظرات حـ.رقتها ومن ساعه ما مشي وسابها قفل تليفونه وكل ما تسال عليه وتحاول توصل له تلاقيه رافض يقابلها او يتكلم معاها ،
وساعتها حست بخوف ورعب بان هو يسيبها لانها حبيته وتعلقت بيه جدا ،
