مريض الحب

ترك عمر يد نادين واحتضن ندي ودار بها:وحشتيني اد العالم بالي فيه…يا قلب عمر.

تنحنت نادين:احم احم نحن هنا.

انزل عمر ندي علي الارض وفك حصارها في حضنه وضحك لنادين: ازيك يا دكتوره.

نادين:دكتورة ايه بقي يا باشا مهندس..دا انا كنت هتحول دلوقتي علي مسكتك لايدي..وكنت هتلاقي صوابعي معلمهsorry علي وشك.

عمر:sorryايه بقي..انتي عارفه لو كنتي عملتي كدا كنت رحت لخالتو خليتها تمنعك تدخلي الفيلا.
نادين باستفزاز:عادي كنت هروح عند ندوش حبيبتي.اعد عندها.
عمر:لاااااا،ماعندناش بنات تبات بري فيلتها،(اكمل بهيام ناظرا لندي) انا ممكن اروح ابات ندي انا.

نادين:اهدي شوي علي البنايه وشها بقي زي الطماطمايه.

عمر:اووووف،ايه القمر دا .

نادين:لاااااا.دا الوضع دا مايتسكتش عليه ابدا..(دخلت نادين تفصل بينهم) شويه كدا يا باشا مهندس عندنا محاضره.

جذب عمر ندي اليه :احضري انتي انا هاعد مع ندي.
نادين:لا والله دا في احلامك..اعد هنا استنانا لحد ما نخلص المحاضره..وارجع معاك الفيلا.
مسكت يد ندي تاخذها معاها.

عمر: ربنا علي القوي،مستنيكوا متتاخريش عليا يا ندي.

نادين:استنانا في الكافتريا.

عمر :اوك.باي.

لاحظت نادين ان ندي لم تنطق بحرف واحد ولاحظت لمعة في عيونها وشعرت بما تشعر به فاخذت كتبه منها قائلة: يلا

انتبهت ندي لها:يلا ايه؟

نادين:روحي له.

ندي بفرحه:بجد؟

نادين:ايوه يا مجنونه يلا.

قبلتها ندي:بحبك يا اجمل نادين في الدنيا كلها.

نادين:خلاص خلاص يا مجنونه..روحي وقولي له اني هرجع الفيلا معاه.

ندي :اوك.

خرجت ندي مسرعة الي الكافتيريا لتري حبيبها فقد اشتاقت له،وما ان دخلت حتي رات ما يصدمها ويجعلها تتراجع للخلف تبكي بشهقات هاربة خارج الجامعة كلها.

الفصل الثامن

في الحي الشعبي.
وصلت ميرنا الي بيت ميسون و رنت الجرس وطرقت الباب وظلت واقفة منتظرة احد يفتح لها،فوجدت باب شقة بجوار شقة ميسون يفتح ، لتخرج منه امرأة ترتدي عباءة مبرقشه واشاربا ساترا شعرها حاملة بيدها صينية عليها بعض الطعام،اغلقت باب شقتها ووقفت تسال ميرنا مستفهمة:انت مين يا حبيبتي؟
ميرنا:انا صاحبة ميسون يا طنط،انا برن الجرس بقالي فتره،ومفيش حد بيرد.
ام محمد:معلش يا بنتي،استني لما افتح الباب.
اخرجت ام محمد مفتاح شقة الست فاطمة و فتحت الباب،فقد كانت ذاهبة الي شقتها لتعد طعام للست فاطمه:ادخلي يا بنتي ادخلي…اتفضلي.
ميرنا:شكرا يا طنط،هو البيت شكله فاضي ليه،هم مش موجودين؟
جذبت ام محمد احدي كراسي وجلست متنهدة:انت يا حبيبتي ما تعرفيش الي حصل؟
انتاب ميرنا القلق وقاضبت حاجبيها مستفهمة:ايه الي حصل يا طنط،ميسون كويسه؟
تنهدت ام محمد:كبدي يا بنتي..ميسون في القسم.البوليس قبض عليها.
شهقت ميرنا واضعة يدها علي فمها كاتمة شهقتها:ايه..ليه؟
ام محمد:احنا مانعرفش خدوها ليه.
ميرنا:وليلي فين يا طنط؟
ام محمد:راحت وراها يا بنتي؟
ميرنا:وطنط فاطمه فين؟
ام محمد:نايمه في اوضتها يا عيني لما خدوا بنتها من حضنها،وقعت وجبتها تستريح ولما نامت سبتها ورحت اعملها اكل في شقتي واجيبه لها.
ميرنا: مش عارفه يا طنط هي في قسم ايه.؟
ام محمد:لا يا بنتي مش عارفه.