مريض الحب
الفصل السادس
اما في مستشفي د.حمدي…
فخرج مراد من غرفة الممرضين مغلقا الباب خلفه بعنف و هب صارخا في الممرضين والاطباء الذين تجمعوا عند سماعهم صراخ د.سالم..
انتوا واقفين كدا ليه كل واحد علي شغله اتفضلوا.
وما ان صرخ مراد فيهم حتي تفرقوا ،و في لحظة كان كلا منهم في عمله مترقبا لمديرهم الغـ,ـاضب ، يقتـ,ــ,ـلهم الفضول لمعرفة ماذا حدث بالداخل…وما هي الا دقائق، خرج بعدها سالم يلهث يلتقط انفاسه غير مصدقا انه استطاع ان ينجو من يد ذلك الشرس.
اما مراد فنظر له بطرف عينه باستحقار ثم عدل من هيئته واعاد خصلات شعره التي نزلت علي جبينه الي الوراء و دخل الي غرفة المريض الذي يدعي خالد يس،فوجد والدته تجلس بجواره..
مراد(بابتسامه):صباح الخير
نهله(والدة خالد):صباح النور يا دكتور مراد.اخيرا حضرتك رجعت من السفر؟
اقترب مراد ليفحص خالد اثناء تحدثه معها:انا رجعت قبل معاد رجوعي يا مدام نهله.
نهله:حمدلله علي السلامه…شوفت حالة خالد ساءت بعد ما انت سافرت ازاي يا دكتور.وبقي مش بياكل.و د.سالم حدد له معاد لعملية.
لم يرد مراد عليها ونزل ليكون بموازة خالد ليهمس له في اذنه:اطمن انا الي هتابع حالتك،و مش هتشوف الحبوب الي سالم كان بيجبها لك تاني ابدا.
نظر له في عينه وابتسم قائلا:ما تقلقش انا هكون الدكتور المشرف علي حالتك من اللحظه دي.
ثم نظر الي والدته بخاطبها:ممكن اتكلم مع حضرتك بره شوبه؟
نظرت الي ابنها وكيف توتر واحمر وجهه فجاه ثم اجابته:هو خالد ماله يا دكتور؟
مراد:لا ماتقلقيش ،دلوقتي هيكون كويس.اتفضلي معايا لوسمحتي نتكلم بره.
خرجت مدام نهله مع مراد لتري ماذا يريد ان يخبرها،وسألته في قلق:خير يا د.مراد خالد فيه حاجه.؟
مراد:حضرتك مقدره حالة خالد،و ازاي كان عايش مبسوط قبل الحادثه وحالة اليأس الي هو وصلها بعد كدا.
تجمعت الدموع في عيني مدام نهله عندما تذكرت كيف كان ابنها سعيدا في حياته وكيف اصبح تعيسا الان،فقد اصيب بعجز في ساقه اثر حادث تعرض له بسيارته،خسر فيه بطولة الكاراتيه التي كان يسعي جاهدا للمشاركة فيها،وخسر حب حياته التي لم تستطع ان تكمل معه بعد ان اصبح عاجزا،وتخلت عنه في اصعب ظروفه وارتبطت بغيره علي الفور..وخسر اصدقائه.واصبح منطويا يعشق الوحده.
تذكرت مدام نهله كل ذلك ثم نظرت لمراد:ايوه مقدره،وعارفه انه اتعذب واتحمل الي مافيش شاب في سنه يقدر يستحمله. بس مفيش حد يقدر يغير القدر يا دكتور.
مراد:احنا فعلا ما نقدرش نغير القدر بس نقدر نغير واقعنا.
اندهشت مدام نهله وسالته مستفهمة:حضرتك تقصد ايه؟
مراد باسف:ياسفني اقول لك نتيجة التجربة القاسيه الي مر بيها خالد،كانت تعاطيه لحبوب مخدره.
صدمت نهله عند سماعها لعبارة(حبوب مخدره) وجحظت عيناها وسالت مستفهمة:ازاي؟وجات له منين وامتي ؟ دا انا مش بسيبه ولا بفارقه لحظه غير بعد ما بينام.
اجابها مراد اسفا:الي عمل كدا عمل بطلب من خالد نفسه.
صدمت مدام نهله وقالت له من وسط شهقاتها:يعني ايه يا دكتور،خلاص ابني ضاع مني .
ابتسم مراد واجابها مطمئنا : لا مش ضاع،وهنبدأ معاه كورس علاج جديد ،انا هكون المشرف عليه.اطمني يا مدام نهله،خالد هيرجع زي الاول واحسن كمان.
ردت عليه بضعف:يا رب يا دكتور،يارب.
مراد:انا هدخل اتكلم معاه،لان المرحله الجايه هو لازم يكون عنده الاراده،ويتعاون مع الكاتره علشان كورس العلاج ينجح..بعد اذنك.
استاذن مراد منها ودخل الي خالد الذي كان شاردا..علم مراد عند رؤيته هكذا انه يفكر فيما حدث له،فجلس علي الكرسي امامه وخاطبه:سرحان في ايه؟
فاق خالد من شروده:هه..ولا حاجه.
مراد:انسي الماضي يا خالد وابدأ من جديد،وكل حاجه هترجع زي الاول و احسن.
ضحك خالد ساخرا من كلامه:هههههه…انسي ايه يا دكتور،(ابعد الغطاء عن قدمه مستكملا حديثه) انسي اني اتشليت و اني هقضي بقيت عمري علي كرسي،ولا انسي البطوله الي فضلت اتعب علشانها،ولا انسي حبيبتي الي اتخلت عني و عرفت غيري علي طول،ولا انسي مستقبلي الي ضاع ..ها..جاوبني عاوزني انسي ايه(انفعل ورمي علاجه علي الارض بغضب) انسي ايه.ها.
مسكه مراد ليثبته حتي لا يؤذي نفسه:اهدي يا خالد اهدي.
دخلت مدام نهله عند سماعها صوت صراخ خالد،منفطر قلبها علي ابنها:ماله خالد،هو بيعمل كدا ليه يا دكتور؟
لم يجبها مراد بل ضغط علي زر استدعاء الممرضات.فحضرت ممرضة(ياسمين) علي الفور:ايوه يا دكتور.
صرخ مراد فيها:جهزي حقنة مهدأ وهاتيها لي بسرعه.
علي الفور تحركت ياسمين وجهزت الحقنه و اعطتها لخالد،وما ان اخذها حتي بدات تهدأ حركته،وضعف صراخه تدريجيا وراح في النوم ،فاعاده مراد للخلف،واعطي اوامر لجميله بان تترك جميع المهام المكلفه بها وتجعل شغلها الشاغل تلك الحاله،ومتابعتها.
ياسمين:حاضر يا دكتور.
مراد: شغلك مع دكتور ماجد و دكتور محمد،عاوزك تجيبي لي تقرير كل جلسه للدكتورين اول باول.كورس العلاج هيبدأ من بكره.
ياسمين:اوامرك يا دكتور.
وقف مراد مع والدة خالد يتحدث معها في الخارج،اما ياسمين ظلت معه في الغرفه اقتربت منه لتتفحصه عن قرب،فوجدته قابضا يده علي شئ،ففتحت يده لتجد بها خاتم خطبة،اخذته من يده ووضعته في احد ادراج الكومود الذي يوجد بجوار سريره،ثم نظرت اليه محدثة نفسها(الله،في حد يسيب القمر ده).ابتعدت قليلا عنه وابتسمت قائلة:غبيه الي تفرط في واحد زيك.
قالت كلمتها وعندما همت بالرحيل سمعت صوت همهمات صادرة منه اقتربت منه لتفهم ما يود قوله,فسمعته يردد اسم احدهم بضعف فاقتربت اكثر منه حتي وضح صوته فابتعدت عنه متسائلة:جيجي…مين جيجي دي بقي؟
اما مراد اخبر مدام نهله بما سيحدث في المرحله القادمه من العلاج..واتاه اتصالا من وليد فاضطر ان ينهي حديثه معها ليرد علي الاتصال..
مراد:ايوه يا وليد انت فين؟
وليد:في الجامعه.
مراد:هو النهارده اول يوم فيها.
وليد:ايوه..انا خلصت وجاي علي المستشفي دلوقتي.
مراد:اول ما توصل تبجي لي علي مكتب ضروري.
وليد:ماشي..بس انت كويس؟
مراد:ايوه.متتاخرش.سلام
وليد:سلام.
،،،،،، ،،،،،،،،،،
في الجامعه……
