قلب يأبى النسيان

اية اللى انتى بتقولية دة عرفتى منين وازاى

سردت يارا عليها كل شئ قد سمعتة وشاهدتة فى شركتة

اسيل بحزن………لالالاء مش معقول ,,

يارا بحنق…..لاء معقول معقول انا سمعاهم بودانى

دا طلع متجوزها من زمان يعنى من قبل ما يتجوزنى

ومن ثم شردت يارا لثوان وهى تتذكر الصورة الفوتغرافية

الحميمية التى كانت تجمع مابين ايميلى وفارس

قد أدركت ألان ان قبلتهم ما كانت الا قبلة “زوج لزوجتة”

نهضت مسرعة ودلفت الى غرفتة وفتحت خزانة ملابسة وجذبت هذة الصورة

ومن ثم القتها بجانب اسيل وهى تقول……شوفى كدا وانت هتصدقي كلامى

اسيل بدهشة وهى تنظر الى الصورة…….ياانهار ابيض ,,اية دة مش معقول فارس يتصرف كدا

تحدثت يارا بهتاف وقلبها يعتصر الما ………طب لية لية لية اتجوزنى ,,

لية مصارحنيش من الاول وانا كنت اختار

لية وافق على كلام بابى ,,ومن ثم تنهدت بقوة وهى تقول,,,اةةةةةةةة يابابى ,,

لية سبتنى لية لية ومن ثم رمت بثقل جسدها ارضاً وهى تبكى وتشهق بقوة

اقتربت منها اسيل وانحت الى مستواها وضمتها الى صدرها وقالت…..

اهدى يا يارا اهدى انت اكيد فهمتى غلط

نهرتها يارا وهى تقول……بقولك سمعاهم بودانى

لو حد كان حكالى يمكن مكنتش هصدق ابدا

طب لية ,,لية يعمل فية كدا لية ,,انا عملت اية علشان يعمل فية كل دة

هو انا كنت اية بالنسبة لة ,,تسلية ,,ولا لعبة,,ولازوجة مؤقتة تحت الطلب

اسيل وهى تربت على شعرها بحنان……..

طب اهدى اهدى شوية يا يارا بلاش علشان صحتك

علشان ابنك اللى ف بطنك

اغمضت يارا عينيها بألم واسدلت ذراعيها تتحسس احشائها بأناملها

وآهة مليئة بالحزن والاسى اطلقتها من اعماق قلبها

وهى تحتضن احشائها وتبكى بمرارة

حزنت اسيل على حزنها وضمتها بين ذراعيها وهى تبكى على حال صديقتها

وبعد دقائق قليلة نهضت يارا وهى تتجة الى خزانة ملابسها وتتناول

حقيبة سفرها وهى تقول……..انا لازم امشى من هنا

عقدت اسيل جبينها وهى تقول غير مستوعبة……

اية تمشى,,تمشى تروحى فين؟؟

رمت يارا بالحقيبة على الفراش وفتحتها وقالت وهى

تملآها بملابسها………انا لازم امشى لازم ,,,انا هسيبلة البلد كلها

ومش ممكن يشوفنى تانى

اسيل بقلق…….طب ,,طب اهدى بس يا يارا اقعدى نفكر هنعمل اية

وهنتصرف ازاى اصل مينفعش اللى انتى بتعملية دة

يارا بصوت محتقن بفعل البكاء والنحيب………اقعد لية وافكر ف اية