عشقك اذاب 2

نفذ صبر احمد فجذبه من زراعه بقوه واجبره على الجلوس ثم جذب هو الاخر مقعد وجلس بجانبه قائلا بجديه :
-ياخى بطل عصبيتك دى واهدى شويه

جز سيف على اسنانه بقوه قائلا بسخريه :
-ده ما ينفعش معاه غير كده

ابتسم طارق لرؤيه بهذا الشكل ،فقد اعاده هذا المشهد للماضى عندما كان يتعصب بتلك الطريقه ولا يسمع لاحد ،فاق طارق من شروده قائلا بجديه :
-اسمعينى يا سيف كل اللى فهمته زمان كان غلط ،انا محصلش بينى وبين بنت ال****اى حاجه هى اللى رمت نفسها عليا علشان هى ومعتز يفرقونا عن بعض صدقنى ..
ابتسم سيف بتهكم قائلا بسخريه :
-وانا المفروض اصدق الهبل اللى انت بتقوله صح !

اغتاظ طارق منه على حديثه بتلك الطريقه فاكمل بغضب :
-براحتك يا سيف تصدق اولا ،مش كفايه يومها ابويا مات بحسرته لما انت كلمته يجى معاك ويفكر انى فعلا عملت كده !!

هب سيف واقفا وامسك بتلابيه مره اخرى وهو يهتف بعصبيه:
-علشان انت واحد حقير وواطى وتستاهل كل اللى جرالك

حاول احمد تهدأتهم والفصل بينهم لكن جن جنون سيف اكثر عندما اكمل طارق حديثه بقوه:
-طيب بلاش كل ده ،منه مالهاش ذنب فى اللى بينا سبها يا سيف و ما تاذيهاش ..

لكمه سيف بقوه قائلا بصرامه وقوه:
-اياك يا طارق تجيب سيره مراتى على لسانك والا هق*تلك واخلص منك ؟

امسك طارق بفكه ثم اقترب من سيف ورد له اللكمه بعنف اكثر وهو بهتف بعصبيه :
-هتفضل طول عمرك غبى ومتسرع البنت كانت عاوزه تجمع فلوس عمليه امها بس وما تعرفش اى حاجه بينا !!

ذهب سيف ليلكمه مره اخرى ولكن توقفت يده عند جملته الاخيره فتأكد من صدق كلام صغيرته،وعقله لا يتوقف عن التفكير ،ثم فاق على صوت احمد وهو يحثه على المتابعه :
-وبعدين ها يا طارق كمل

رد عليه طارق وهو يلهث :
-اترددت كتير علشان توافق بس اضطرت توافق بعدين علشان تجمع فلوس العمليه ،ولم سألتها على ابوها قالتلى بياخد دايما الفلوس اللى بتشتغل بيها

نظر اليه سيف بجمود بينما اكمل طارق حديثه بجديه :
-وكمان فى واحد عندى فى الشركه اعجب بيها فكلمنى اقولها ،ولما اتكلمت معها قالتلى انها بتكره الرجاله بسبب ابوها ومش عاوزه ابدا تتجوز …

اقترب طارق منه ثم اكمل بجديه:
-انا بقولك كده عشان تسيب البنت فى حالها هى اصلا مش عاوزه تتجوز وانت اجبرتها على كده ،ولو على الملف والمخزن اللى اتحرق انا هعوضك بس طلقها يا سيف …