قيود العشق
الشارع كان فاضي مفيش غيرها
فجاه بطلت غناء و قعدت على الرصيف و بقيت تعيط
مليكه لنفسها:هو انا ليه معنديش حد… ليه دايما لوحدي انا تعبت…. ليه مش زي باقي البنات
و عندي بيت هادي و ام و اب ارجع من شغلي القى العشاء جاهز وهما مستيني
ليه معنديش اخ أسند عليه لما اتعب… ليه بيعمل معايا كدا….
طب انا ليه وحشني عز الدين يمكن لأنه غيرلي حياتي و خلاني اعيش مع ناس و محسش اني لوحدي بالرغم كل القر”ف دا الا انه بجد غيرلي حياتي…. بس هتفرق في اي ما انا رجعت اعيش لوحدي
قالتها وهي بتمسح دموعها و بتمشي من المكان
عند عز الدين
سيف رن عليه في وقت متأخر
عز:ايوه يا سيف في جديد
سيف:عرفنا مكانها شغاله في مصنع للملابس في قنا و قاعده في فندق
عز:عنوانها اي
سيف:……….
تاني يوم
مليكه بتفتح عنيها بكسل و بتقوم لكن بتقف مصدومه و فجأه بتصر”خ برعب و هي بتقع على السرير تاني
وهي شايفه عز الدين قاعد بيشرب قهوته و بيفطر في البلكونه
مليكه لنفسها:هو مش دي اوضتي و لا اي دا
انت يا بني أدام انت….. بتعمل اي هنا؟ ودخلت هنا ازاي هو مش في حاجه اسمها خصوصيه و عرفت مكاني ازاي
عز ببرود:طالعه البلكونه بشعرك يا هانم
مليكه بصت لنفسها كانت لابسه بجامه قصيره و شعرها منسدل على جسمها
حسيت انها عايزه تعيط لان دي مش اول مره يشوفها بشعرها
مليكه بشحطفه :انت حرام عليك يا اخي
دخلت بسرعه و اخدت هدومها غيرت في الحمام و خرجت لقيته قاعد على طرف السرير و حاطط رجل على رجل
مليكه بغيظ:ممكن افهم انت بتعمل اي هنا…. و ازاي عرفت مكاني و
عز وهو بيشد ايديها و بيبص في عيونها:
فاكره انك ممكن تقدري تهربي مني…. و حياتك لو روحتي اخر العالم هجيبك برضو يا مليكه
لسه حسابنا مخلصش
مليكه : انا معملتش حاجه عشان اعيش في سجن انت ليه مش بتفهمني انا معملتش حاجه
عز ببرود و عيونه فيها حاده غريبه
:جهزتي ياله عشان نلحق المأذون قبل ما نرجع القاهره
مليكه :مأذون اي؟
عز و هو بيرمي الجرنال ادامها:
اي رايك في الخبر دا؟
(رجل الأعمال الأكثر شهره عز الدين الرواي على علاقه لفتاه مجهوله و يظن البعض انها عش”يقته)
وكان في صور ليهم و هما خارجين من المستشفى و صور تانيه
مليكه حست بالد”م بينسحب من جسمها و بغضب :مين دي اللي عش”يقه؟؟؟؟
