عشقي | Romantic Fiction Story
اتفاجئت عشق أنه واقف مستنيها وهو ساند علي عربيه بس فاتح باب منها مستنيها تدخل
عشق بدهشه : بتعمل إيه يا أبني في عربيه الناس ،،، عربيه مين دي ؟!!
وازي فتحها كده زهرة الريحان
مازن ببرود : ها خلصتي
عشق : إيه البرود اللي أنت فيه ده
صاحبها دلوقت لو شافك مش هيحصل كويس
أنت عايز تجبلنا مص’يبة
مازن : طيب اركبي
عشق بزهول : أركب فين أنت أتجننت
مازن : بطلي طوله لسانك دي واركبي
عشق : مش قبل ما أفهم الأول عربية مين دي!!!
وجايبها منين ؟!!
مازن : عربيتي ارتحتي كده
عشق بدهشه : عربيتك إزاي
مازن بنفاذ صبر : اركبي يا عشق انا خلاص جه أخري
ركبت عشق وهي علامات الحيرة والاستفهام
واضحه علي وشها
مازن : هجاوبك علي كل الاسأله اللي في عيونك دي بس نطلع من هنا
مش عايز حد من أهل الحته يتكلم عليكي كلمه وحده ساعته’ا هتبقي الم’صيبة بجد
مش هستحمل حد يتكلم كلمه وحده بس عليكي
بعد معادا الشارع بشوارع
عشق : اهو بعدنا عن الحي بتاعنا قول بقي
مازن : أقول إيه
منا قولت العربيه فعلا بتاعتي
عشق بزعيق : مااااااازن
مازن : والله بتاعتي كانت بتاعت بابا الله يرحمه وماما أمنيه علشان كانت خايفه عليا شالتها عند الحج عامر في الجراش بتاعه
والنهارده جابتها منه ودي يا ستي المفاتيح
عشق بفرحه : مبروك عليك يا حبيبي
يعني أنا وأنت كل يوم هنروح الجامعة بالعربية
مازن : أكيد طبعا وأنا هاسيبك تركبي مواصلات وأنا موجود
عشق بخضه : ماااااازن خد بالك بوص قدامك
مازن فرمل مره وحده وحود الناحيه التانيه وهو بيقول : الحمد لله ربنا سترها
بس علي فكر هي اللي مش واخده بالها
عشق : معلش معاها أربع أولاد غير الطفل اللي نايم ده في عربيه يعني الست جاره عربيه البيبي وتلاته مسكينها من هدومها كتر خيرها
وكملت كلامها بفرحه وقالت : بس أنت شوفت البيبي اللي كان في العربيه بتاعته
مازن : لا بصراحه كنت مركز فيكي
عشق بصدق : جميل أوي يا مازن
مازن : إنتي بتحبي الأطفال
عشق : أكيد ….وفي حد يكراهم برضوا
مازن : طيب تحبي الاولاد أكتر ولا البنات
عشق : كل اللي يجيبه ربنا خير من عنده
المهم يكونوا منك أنت
مازن : إن شاء الله يا عشقي أن شآء الله
نجيب ١٢ عيل
عشق بضحك : هههههههه ١٢ إيه بس إحنا نجيب ٢
ولد ونسميه إياد…وبنت ونسميها ريماس
مازن باستغراب : اشمعنا الأسماء دي
عشق / طيب أختار أنت لو دول مش عجبينك
