بدر٣
فى مستشفى الامړاض النفسيه وصل على عند ساره خبط ودخل اول لما شافته ابتسمت قرب على منها وقعد جنبها حبيبى عامل ايه النهارده
شاورت ساره براسها انها كويسه اتنهد على بحزن مستخبى ومسك اديها باسها وابتسم صوتك وحشتنى قوى ياقلبى نفسى اسمعك وانتى بتحكيلى على كل الى وجعك
حاولت ساره تتكلم بس فشلت ودموعها نزلت اتكلم على بسرعه خلاص ..خلاص مش مهم متتعبيش نفسك اهم حاجه انك بقيتى احسن وانشاء الله وحده وحده صوتك هيرجع وهتبقى احسن من الاول مش كده ياعمرى
ساره ابتسمت بدموع وشاورت براسها اه
الدكتور دخل وابتسم لما شاف ساره بدات تعبر وتتحرك ها اخبار مريضتنا القمر ايه النهارده
على بصله بغيره واضحه الحمد لله احسن
الدكتور حس بالغيره وفهم انه بيحبها بصله وابتسم استاذ على انا محتاجك فى كلمتين بره
على بص لساره الى مكلبشه فى ايده وابتسم انا خارج عشر دقايق وراجعلك تانى
ساره الحزن اترسم على وشها وشاورت براسها على خرج مع الدكتور الى قاله واضح يااستاذ على ان حاله الانسه ساره فى تحسن والفضل ليك اكيد
على انا معملتش حاجه غير انى بجلها اطمن عليها
الدكتور ابتسم ازاى بس دانت عملت فى يومين الى الدكاتره مقدروش يعملوه فى اسابيع وده بياكد ان الحب اقوى مليون مره من كل الادويه فى العالم
على ابتسم بحزن ياريت فى ايدى حاجه اعملها تخليها تتكلم وترجع زى الاول
الدكتور مين قالك ان مش فى ايدك بالعكس انت حاليا ماسك زمام الامور فى ايدك تخليها تتكلم وتبقى كويسه وفى ايده
تخلى حالتها اسوء من الاول
على بسرعه طيب قولى انا ممكن اعمل ايه
الدكتور مش هتعمل اكتر من الى انت بتعمله انك تفضل جنبها وهو ده الى هى محتجاله ساره .. الاحساس بالحب والامان
على طيب ليه صوتها راح
الدكتور ابتسم صوتها مارحش ولا حاجه هى الى رافضه تتكلم ومع الوقت احساسها بالرفض ده هيختفى وهتلاقيها رجعت تتكلم تانى بس فى حاجه محتاج اتاكد منها
على حاجة ايه
الدكتور انت فعلا بتحبها ولا دى شفقه منك عليها
على ابتسم بۏجع شفقه !!! هو فى حد بيشفق على روحه .. ساره دى حب عمرى بس للاسف والدتها كانت ماليه دماغها بحاجات بسببها مكنتش شيفانى
الدكتور ممكن تفهمنى اكتر
على اتنهد بحزن انا بحب ساره من وهى لسه فى اعدادى من قبل ماعمى يتوفى وكنت بذاكر وبنجح علشان اقدر فى يوم اتقدملها بس للاسف عمى توفى وبعدها والدتها بعدتها عننا وكنت كل لما احاول اقرب منهم او اسال عنهم كانت مرات عمى بتقبلنى ببرود بس كنت بستحمل علشانها كنت حاسس انها بتبدلنى المشاعر بس كنت غلطان لحد ماعرفت من سنه انها اتخطبت لابن خالتها ساعتها حسيت ان الدنيا اسودت فى عنيا وقررت انى عمرى ماهفكر احب تانى ابدا بس كنت ڠصب عنى بحاول اعرف اخبرها من بعيد لبعيد لحد ماعرفت بالى حصلها وفهمت كل حاجه من والدتها وقالتلى انها كانت غلطانه لما بعدتنى عنها وانها كانت بتحاول مع ساره علشان توافق بيا بس بعد ايه
الدكتور انا مش عارف اقولك ايه الحب الى بشكل ده بقى قليل قوى الايام دى بس انا عايزك تحط احتمال ان ساره ممكن تكون
الدكتور سكت وعلى كمل بۏجع قصدك انها مابتحبنيش وتعلقها بيا لمجرد احساسها بالامان بس
الدكتور بالضبط كده بس ده مش اكيد
على حتى لو كده انا راضى المهم انها تخف وترجع كويسه
الدكتور طبطب على كتفه ربنا معاك يابطل ويفرح قلبك عن اذنك انا وريا شغل
مشى الدكتور وعلى دخل لساره بقلب موجوع من فكره انها مابتحبوش وان ممكن فى يوم تبعد عنه تانى قرب قعد جنبها بصتله ساره باستغراب وشاولت باديها بمعنى مالك
على رسم ابتسامه ڠصب عنه مافيش ياحبيبتى دا الدكتور كان بيطمنى عليكى
ساره شاولته تانى بمعنى انت زعلان ليه
على انا كويس صدقينى انا بس عايزك تخفى بسرعه علشان تخرجى من هنا
ساره الحزن بان عليها وكتبتله انت زهت منى
على انا لو فضلت جنبك العمر كله عمرى مازهق منك ابدا انتى بنت عمى وحبيبتى الى عمرى ماحبيت غيرها
ساره ابتسمت ومسكت ايده وكتبتله انها عمرها ماهتبعد عنه ابدا
على ابتسم وباس اديها وفضل طول اليوم معاها
