قيود العشق2
عز ابتسم وهو شايفه بتحقق أحلامها لان مفيش حبيب أو زوج يغار من نجاح مراته
بعد شهرين
في المنوفيه وبالتحديد قصر الراوي الزراعي
مليكه :ياله يا عز يا ملك يا قدر بتعملوا اي
عز كان بيعلم قدر ازاي تركب الحصان و ملك ماسكه في جدي صغير
مليكه :عز بتعمل اي ياله الغدا جاهز خالتك جليله دي تطلع ست زي السكر و القاعده مع الناس هنا بالدنيا و مافيها
عز:خالتي دي أجمل واحن ست في الكون بعد امي طبعا
مليكه :اه يعني انا تالت احلى ست في العالم….
عز نزل قدر و سابها تلعب مع ملك مسك ايد مليكه و بعد شويه
عز:انتي اجمل بنوته شافتها عيني يكفيني ان طول السنين دي استحملي عصبيتي و ضغط شغلي… انتي ام ولادي و حببتي انتي البنت اللي مش بشوف واحده تانيه زيها
مليكه ابتسمت برضا
عز بغمزه:بس اي العبايه دي هتاكل منك حته
مليكه كانت لابسه عبايه فلاحي سمرا تبرز قوامها الرشيق باحتشام
مليكه :بطل قله ادب يا عز وبعدين دي واسعه هو انت هترضي تخليني اللبس حاجه ضيقه
عز :برضو هتاكل منك حته يا مهلبيه انا بس صابر لما نكون لوحدنا
مليكه بغيظ:قليل الادب
سابها ودخلت القصر
بعد دقايق
كانوا حطيت سجاد كبيره على الأرض و ادامهم قناه مائيه و على الجانب زرعه البرسيم
ارض آخرها متقدرش تشوفه فيها خير
مليكه و عز و يزن و ميرا و جودي بنتهم و ملك وقدر كانوا موجودين
مليكه :ياله صنيه الرقاق المغطس جاهزت
ميرا:واحلى طاجن باميه
الحجه جليله (خاله عز ) بضحك :و انا هسكتلكم و ادي طاجن الكوارع
عز الدين بطيبه:ايوه انا شامم الريحه من وانا في الأرض ادخلي عليا يا خالتي سيبك من الرقاق و الباميه
مليكه بضحك :بقى كدا يا سي عز ماشي….
ملك بكبرياء:بس اكل مامي احلي
قدر:ايوه حلو جدا وخصوصا النجرسكو
مليكه بفخر:هما دول بناتي يا فخر العرب
ميرا:مش سامعه صوتك يا سي يزن اي ما تقول رايك
يزن:الصراحه يعني يا ميرا انا بطني تعبتني من تجاربك في الأكل يا شيخه هتمو”ت مسمو”م
ميرا :بقى كدا
قالتها وهي بتجري وراه تضر”به وهو بيضحك
بعد شويه
مليكه و عزالدين واقفين بيتفرجوا على ملك وقدر اللي بيجروا في الأرض ومليكه شايله جلال
عز كان ساند راسه على رأسها و بيبص لبناته و ابنه
:بحبك يا مليكتي وبدعي ربنا كل انه يطول في عمري و أفضل معاكي تخنتي رفعتي شكلك اتغير اكلك بقى وحش هفضل اتمنى كل يوم حبك ويوم ما هبطل احبك هكون ما”يت
