عشقي 2 | New Romance Episode
عبد المجيد / وماله إنا هطلع بره وخدوا راحتكم
محمود / لا مش هينفع هنا إنا هاخد عشق ونتعشاء بره ونتكلم براحتنا ونتفق
عشق بسرعه / وليه ماينفعش هنا لزمته إيه بره بس
محمود بتراجي / علشان خطري يا بنت عمتي ده أول طلب أطلبه منك وصدقيني
مش هتندمي
عشق لمست الصدق في كلامه وحست أنا محمود الوحيد هو اللي بأيده يساعدها في أزمتها أزاي مفكرتش من الأول تقول لمحمود علي اللي بينها وبين مازن أكيد هايتفهم اللي بنهم ويبعد
عشق / وأنا موافقه
خدها محمود ونزلو تحت ركب العربيه وهي ركبت جانبه
بس قبل متركب شافت قمر خارجه من بيت مازن وقفت مكانها مصدومه إنو لسه بيقابلها عيونها دمعت لوحدها وبتقول لنفسها / بعت يا مازن….. بعت بأرخص تمن خليها تنفعك الشرشوحه بتاعتك
كل ده قصاد عيون الحج عامر
ومازن اللي كان لسه طالع هو كمان من بيته شاف عربيه فاخمه جدا من ضهرها بس ميعرفش بتاعت مين ولا مين اللي راكب فيها
مازن ل الحج عامر / عربية مين دي يا حج
الحج عامر خايف يقوله أن دي عربية أبن خال عشق وعشق لوحدها معاه لتحصل مجزره بنهم
الحج عامر بارتباك / عربية يا مازن ماكل يوم بيعدي علينا أشكال وألوان
مازن باستغراب / بس العربية دي شكلها غاليه أوي وعمرى ماشفت عربية زيها دخلت الحته
وقبل مايكمل كلامه أفتكر خال عشق واستنتج علي طول أن دي عربيته
وقال بصوت لا ينزر بالخير ابدا / مين اللي كان في العربيه دي يا حج
الحج عامر بصوت مرتبك للغايه / يا أبني اهدأ
ميبقاش كده
مازن بس بعينه علي مكان العربيه وفين هي اتجهت
وخد متسكل أبو قمر من قدام القهوه وطار بيه
وهو بيقول :-
حج عامر أبقي قول لأبو قمر أني أخدت متسكله خمسه وراجع
الحج عامر بلهفه/ يا أبني تعالي بس رايح فين
كان مازن خلاص غاب عن عيونه
الحج عامر / ربنا يستر
الولد ده علي طول متهور كده ربنا يهديه
****************
عند عشق وعليا في المطعم
عدا خمس دقايق والصمت سيد الموقف محمود لاقها ساكته ابتدأ هو بالكلام
محمود / هاااه هتتكلمي إنتي ولا أتكلم أنا
عشق / إحم أتكلم حضرتك
محمود / أولا كده أنا إبن خالك يعني تقوليلي محمود وبس بلاش حضرتك والرسميات دي
بلاش منها
عشق / ماشي أوك بيننا هنتفق من أولها
محمود / أن شاء الله نتفق
من أولها كده أنا متجوز وبحب مراتي ومعنديش إستعداد أبدا اتجوز عليها لأي سبب من الأسباب
