عشقي 2 | New Romance Episode
قامت من علي السرير بكل تحدي وهي بتقول
خلاص يا ماما إنا طالعه اقابلهم
أمينه باستغراب / إيه اللي غير رأيك كده مره وحده
عشق بارتباك/ عادي يا ماما هيكون إيه
أمينه / طيب يا حبيبتي بس خليكي عاقله
وخلي المقابلة دي تعدي علي خير
وأن شاء الله مش هيحصل غير اللي إنتي عايزه جايه تطلع من الباب افتكرت شبكه مازن اللي في إيد بنتها
قالت بترجي / وياريت يا بنتي تخلعي شبكه مازن لحد مايمشي خالك وأبنه مش عايزين مشاكل خلي السنه اللي فاضله ليكي تعدي علي خير
وسابتها وخرجت
وعشق دخلت تاخد حممها وهي في الحمام بتحسس بأيدها علي خاتم مازن ودبلته
والسلسه اللي في رقبتها
وهي بتقول / أنا هونت عليك ….. بس إنا مش هاين عليا أقلع دبلتك ولا خاتمك
مستحيل اشيلهم من أيدي
خلصت حمامها ولبست هدومها وفكرت ازاي تداري شبكت مازن من أيدها
جابت شاش ولفته علي صباعها دارت الخاتم والدبله عن عيونهم كأنه صباعها مجروح وربطه بشاش وطلعت ليهم
عبد المجيد أول ماوقع عينه على عليا قال /
أهلا بمرات أبني الغالي
عشق بضيق راحت قعدتت قاصده وهي بتقول : أهلا يا خالي
محمود جت عينة علي عيونها أستغرب نفسه أوي فين اشتياقه ليها ولهفته عليها لما كان بيشوفها مش لاقي غير صوره عليا وبس مش بيفكر غير فيها
ونا,ره اللي قايده من ساعه ما شاف تقرب وليد منها
بيقول لنفسه يبقي أكيد صح إنا كانت بتوهم حبي لعشق ….وفي الأصل إنا بحب عليا من يوم ما شفتها ….. ولما دورت عليها كتير وملقتهاش وظهرت وقتها عشق ليا عوض غايب عليا واتهيقلي أني بحبها هي وإنا في الأصل بحب عليا
يااااااااه يا عليا ياريتك قصادي دلوقتي وأنا أعرفك قد أيه إنا بحبك
عبد المجيد/ إيه يا باش مهندس محمود نزل عليك سهم الله من جمال بنت عمتك ساكت ليه مترحب ببنت عمتك
محمود فاق من شروده علي صوت أبوه / هاااه
عبد المجيد / هو أيه اللي هاه دي أنت مش معانا خالص اللي واخد عقلك عاد
محمود / اللي واخد عقلي الشغل يا حج
إزيك يا عشق
عشق بضيق / إزيك يا باش مهندس
محمود / الحمد الله تمام
عاملة إيه في دراستك
عشق / ماشي الحال تمام
عبد المجيد / إحنا هنقديها سلامات
عشق يا بنتي محمود ولد (أبن) خالك سبق وطلب أيدك وانتوا قولتوا بعد متخلصي علامك واديقي في أخر سنه أظن مافيش ليكم حجه تاني
محمود قاطع أبوه وهو بيقول لو سمحت يا حج إنا عايز أقعد أنا وعشق لوحدنا
