عشقي 2 | New Romance Episode
وليد / يا بخته بجد نفسي أقابل حب صادق زي ده
عليا بحزن / ويفيد بأيه كل ده وهو مش حاسس بيا ولا عارف أصلا أني بحبه
وليد / ليه مقولتلوش على حبك ليه ،،،،ليه سايبه نفسك في العذاب ده
عليا بدموع / علشان عارفه أنو بيحب بنت عمته
مش هيفرق معاه يعرف ولا ميعرفش بحبي ليه
بحاول أحافظ علي الجزء اللي فاضلي من كرامتي قدامه
وليد بتعجب / طيب ماهو أكيد عارف انك بتحبيه ،،،،وحده ضحت التضحيات ده كلها وتنازلت كتير أكيد بتحبه
عليا ضحكت بسخريه / لا مهو كمان ده فسره علي مزاجه وقال لنفسه تلايقها كانت تعرف واحد غير ي و رضيت بكل ده علشان تداري علي غلطها معاه ومستريحش غير متأكد بنفسه
وليد بصدمه / أيه اغتص .. مقدرش وليد يكمل الكلمه علشان هي كلمه تقيله علي أي حد (اغتصبك)
عليا / ده اللي حصل بالظبط
وليد / علي فكره هو ميستهلكيش ولا يستاهل حبك ليه سبيه إنتي تستاهلي أحسن منه بكتير
ميستهلش حتي مجرد التفكير فيه
عليا بدموع / ياريت أقدر أنا رضيت بكل شروط أبوه بس علشان أبقي جنبه أتنفس نفس الهوي اللي بيتنفسه ألمس هدومه اسمع صوته
أشم ريحته ده كفايه عليا وممكن استكفي بيه كمان …. وهو جنبي إنا عايشه وقلبي بيدق
بعيد عني صدقني هموت
وليد باستغراب / ده جنان مش حب
عليا بحب / فعلا أنا مجنونه بيه
وليد طيب أنا عندي فكره نخلي بيها جوزك يحس علي دمه ويحس بيكي
عليا بلهفه / فكره إية
*******
الفصل ١٩
عليا / بلهفه قولي عليها يا وليد ربنا يخليك يارب
وليد / ههههههه طيب يا بنتي مالك كده كأنك لقيتي لقيه مش يمكن فكرتي ما تعجبكيش
عليا / أي حاجة هتخلي محمود يحس بيا وبحبي له هعملها وأكيد هتكون لقيه ولقيه كبيره كمان قول بقا ناوي علي أيه
وليد / الغيرة
عليا بتعجب / غيرة؟ !!!
وليد / أيوه غيرة يا عليا هنخلي جوزك يحس بيكي بالغيره
لما يعرف إن في حد تاني في حياتك جايز يخاف يخسرك ويعترف بحبه ليكي
عليا بحزن / ده لو كان بيحبني أصلا لاكن ده قلبه مش معايا أصلا
وليد / ملكيش دعوه إنتي إنا راجل واقدر أفهم الراجل اللي زي بيفكر في أزاي
عليا باستفهام / طيب مين الراجل ده
وليد وهو بشاور علي نفسه بطريقه كوميديه/ إنا العبد لله
عليا بضحك / ههههههه أنت
وليد / إيه منفعش ؟
عليا / لا طبعا مش قصدي بس إحنا لينا ٣ سنين بنتعامل مع بعض وهو واثق فيك جدا
وعارف أنك مصدر ثقه مش هيغير منك
