عشقي 2 | New Romance Episode
محمود ل عليا / ثواني أشوف مين
عليا هزت رأسها ليه بمعني شوف مين
محمود بيتكلم وعينه علي عليا وسارح فيهم بيقول لنفسه معقول بتحبني الحب ده كله ومش حاسس بيها
٣ سنين مع بعض وماحستش بحبها ليا إنا فعلا غبي غبى
محمود / الووووو
توحيده بلهفه / ازيك يا محمود يا ولدي
محمود / بخير يا أمي
توحيده / رجعت من بلاد بره
محمود / أيوه يا أمي رجعت النهارده لسه راجع
توحيده/ حمدالله على السلامه يا ولدي
محمود / الله يسلمك يا أمي خير في حاجة
توحيده بارتباك / أيوه يا ضنايا أبوك كان عايزك تروح بيت عمتك عند عشق علشان
بيقولك خلاص السنه قربت تخلص ومعاد جوازكم قرب
محمود سمع كده …بس الغريبه إنو الموضوع كان عادي بالنسبه ليه يعني مطرش من الفرحة
وامه بتقوله علي خبر جوازه من عشق
معقول أكون بتوهم
معقول تكون عشق جت في الوقت اللي كنت بدور علي البنت اللي إنقذتها من الشباب ،،،،،
،،،،،
يومها اتشديت ليها أوي وكنت كل يوم أروح نفس المكان اللي وصلتها ليه وافضل واقف بساعات علشان بس ألمح طفها
معقول الحب ده كله في قلبي ل عاليا مش عشق
محمود بضيق / وهو عايزني أروح دلوقتي ليه لسه فاضل الامتحانات بتاعتها
توحيده / قولتله كده والنبي يا أبني بيقولي يروح يتفق معاهم ويجبلها شبكه وفستان خطوبه ،،،، بكده تعرف عشق وأمها أنك لسه مستنيها
محمود و هو بيبص علي عليا اللي مركزه مع كل كلمه بتتقال / بس إنا مش فاضي اليومين دول يا أمي
توحيده / أسمع الكلام يا أبني إحنا مش حمل غضب أبوك مشوار مش هياخد منك يومين يا ضنايا
محمود / طيب يا أمي هو مش جاي معايا
توحيده / كيف ده جاي أكيد بس هو قالي أقولك علشان يشوفك فاضي متي
محمود / بكره لو يحب علشان بعد الأسبوع ده مش هفضي
توحيده / ماشي يا حبيبي أقوله ورد عليك
في رعاية الله يا أبني
قفل معاها ونظراته علي عليا راح عندها
محمود بتوتر / عليا انااااا
قطعته عليا وهي بتقول بحزن : أنت حر علي فكره أعمل اللي أنت عايزه
ولوسمحت أطلع واقفل الباب وراك عايزه أنام
محمود مش لاقي كلام يقوله مضطرب ومشاعره مضطربه مش عارف يحدد هو عايز مين فيهم ولا قلبه مع مين
بس المتأكد منه إنه كان هيموت من الغيظ لما لقي عليا قعده مع وليد
ولا لما سمعها بتقول إسمه كده علي لسانها
……..بيسأل نفسه وبيقول : وده إيه معناه غير أني بحبها
