عشقي 2 | New Romance Episode
علشان هو أصلا معتمد عليك لما بيسافر بيوصيك عليا
وليد / دي حاجة تخدمنا علي فكره في صلحنا
ويخليه يصدق إن في حاجة بينا
عليا بخوف / ولو صدق صح وخسرته لأبد أعمل إيه ساعتها
وليد / متخافيش سبيها عليا
بينظر للجهة التانيه مره واحده لقي محمود جاي عليهم من بعيد
رجع نظره ل عليا وهو بيقول / حبيب القلب أهو وصل
عليا بارتباك وفرحه/ فين وصل فين
وليد / بس بس بس ولا تعبريه ولا كأنه موجود أصلا
بوصي بعينك كده اللي بتقولي مش هيغير
عيونه بتطلع شرار لمجرد إنه شايفني قاعده معاكي
عليا وهي بتبص علي محمود اللي جاي من بعيد عليهم بخضه قالت / اه فعلا مش عارفه ماله يمكن حاجة في شغله مدايقه
طيب يلا قوم بقي بدال ميزعل أكتر
وليد/ يا دي النيله إحنا اتفقنا علي إيه سيبك منه أنا إن ماجعتهولك راكع علي رجليه مبقاش إنا وليد سعد الدين
عليا بخوف / ربنا يستر
وليد / هيستر أن شآء الله بوصي قدامك
متعمليش ليه حساب
عليا / حاضر
وليد / اضحكي
عليا / علي أيه
وليد بنفاذ صبر / يووووووه إنتي خام أوي كده مش قولنا هنخليه يغير هنغيظه يعني
عليا بتوتر / حاضر حاضر ماشي وابتديت تتصنع الضحك
وليد كمان بيضحك معاها
هنا عليا ضحكت بجد وهي بتقوله بتضحك على ايه بس إحنا شكلنا عبيط أوي
وليد / هههههههههههه بضحك عليكي
محمود وصل عندهم وهو في قمه غضبه منها
محمود بغيظ مكتوم / مضحكوني معاكم
وليد / هههههههه اتفضل تعالي اضحك معانا مراتك دي بجد دمها خفيف اوي يا بختك بيها
عليا هنا برقت بعينها 🙄🙄 وهمست / يا خربيتك هتوديني في داهيه
محمود بغيظ / أه منا عارف
بس أنت سايب شغلك ليه وقاعد هنا يلا روح شوف شغلك
وليد بابتسامه نصر ل عليا عايز يقولها شوفتي ولسه ….أن ما خليته يلف حوالين نفسه
وليد / أبدا لقيت مدام عليا قاعده وحدها قولت أجي أسليها شويه
محمود هنا اتعصب / ليه هو حضرتك وظفيتك هنا تسلي المدام ولا إيه اتفضل علي شغلك
وليد / تمام وبص علي عليا وقال / بعد أزنك مدام عليا كانت قعده جميله والأجمل وجودك ومشي علي طول من قدامه علشان لو كان قاعد ثانيه وحده أيد محمود اللي كان مكوره وضغط عليها بيحاول بشتى الطرق يحافظ علي ثباته وإتزانه كانت هتسلم علي وشه وتمحي منه ابتسامته المستفذه دي
محمود بغضب ل عليا / يلاااااا
ومشي قدامها وهي وراه بتهمس لنفسها وتقول : ربنا يستر وليد زودها أوي حتي لو مش بيحبني إنا مراته برضوا
