عشقي3 | Arabic Love Tale
ازا كانت نامت ولا لسه صاحيه
يوقف علي باب أوضتها ويده علي أكرة الباب عايز يدخل عندها يسمع شهقات دموعها …يرجع تاني قلبه موجوع عليها بس هيعمل إيه بأيدها أختارت عذابها
بس اليوم قررر أنه لازم يوضع حد للي بتعمله في نفسها ده خبط ودخل علي طول ،،، كانت نايمه قامت بسرعه وهي بتمسح دموعها علشان مايخدش باله منها متعرفش أنه كل يوم في نفس الميعاد قلبه بيتقطع عليها
عليا : بابا …. تعالي اتفضل
الحج منصور بمكر : إيه صحيتك
عليا بتوتر : لا .. اه .. بصراحه لسه صاحيه كنت قايمه أصلي قيام الليل
قبل الفجر بتقول كده وهي بتحاول تتلاشى النظر في عيونه علشان مايشفش عيونها اللي حمرا زي الدم من كتر العياط
الحج منصور بحنان : بوصلي يا بنتي
متتكسفيش مني وداري دموعك مني
المفروض في الوقت ده تبقي في حضني وتبكي علي كتفي
تبكي مش علي شخص .. ولا علي غلطه في حياتك غلتطيها ولازم تنسيها… لا ،،،،،،، تبكي علشان نفسك….. علشان احلامك اللي محققتيش منها حاجة ….وسنين عمرك اللي ضيعتيها بإديكي في وهم أسمه( الحب)
مع واحد ميستهلش حتي دمعه واحده من دموعك دي
هنا عليا فعلا اترمت في حضنه وهي منهاره من العياط
الحج منصور خدها في حضنه بيربت علي كتفها بحنان وهو بيقول : كل حاجة هتتصلح
متشغليش بالك بحاجة
إنتي بنتي القويه وأنا طول عمري بثق فيكي
عليا بدموع وهي لسه في حضنه : بس انا المرة دي خزلتك وطلعت مش قد الثقه دي
الحج منصور وهو بيطلعها من حضنه براحه وبيمسح دموعها بكفوف أيده بيقول بحنان أبوي : يعني لما تبقي طول عمرك ماشيه كويس مغلطيش ولا غلطه….ولا مره خزلتيني ولا مره طلعتي مش قد ثقتي فيكي ،،،،، يبقي أجي من غلطه
أفقد الثقه فيكي….لا طبعا إنتي بنتي القويه
الدكتوره عليا
اللي بمشي اتباها بيها في كل حته وقول أنا بنتي دكتوره جراحه قد الدنيا
عليا بيائس : حتي دي خزلتك فيها ….
وأحلامك أنك تبني مستشفي تعالج فيها الناس الغلابه … كنت إنا السبب في فشلها
وهدها ….أسفه يا بابا إن معرفتش احققلك حلمك وخيبت ظنك فيه
الحج منصور :مافيش حاجة اتهدت
ومافيش حاجة فشلت
ومتتأسفيش إحنا فيها وتقدري تحققي مش حلمي انا وبس أحلامك إنتي كمان أنك تبقي دكتورة جراحه قد الدنيا
ولعلمك انا بعد جوازك ما واقفتش بناء المستشفي
عليا بصتله بدهشه
الحج منصور بتأكيد : أيوه المستشفي بتاعك مستنياكي
