عشقي3 | Arabic Love Tale
ما ربنا ياخد أمانته
سلوي بلهفه : بعد الشر عليك يا أخويا ليه بتقول كده ربنا يديك الصحة والعافية وطوله العمر
عبد المجيد : خلاص ماعدش في صحة يا سلوي انا من زمان عيان ومحبتش أقول لحد
علي مرضي …..وخلاص دي النهايه
بس متخافيش أنا عملت حساب ليوم زي ده من فتره لما عرفت بخبر مرضي
قولت لازم احفظلك حقك وحق بناتك في الأراضي والمزارع والبيت الكبير كتبت وصية عند المحامي
قطعته سلوي بحزن وعصبية : أراضي إيه ومزارع إيه اللي بدور عليها
أنا لا عايزه أرضي ولا مزارع انا عايزك أنت يا أخويا اخر حاجة ليا من ريحة الحبايب
ازاي تبقي عارف نفسك تعبان ومتقولش
طول عمرم قاسي وعنيد …. بس عمري ماتصورت أنك تقسي حتي علي نفسك
وتعاند حتي في المرض
وكملت كلامها بدموع : ليه كده يا عبد المجيد ليه تخبي عنا مرضك ليه تتوجع وحدك
عبد المجيد بنفاذ صبر وهو بينهت من التعب :
وبعدين يا سلوي إنتي كدة بتتعبني معاكي
بقولك مافيش وقت اسكتي وسمعيني
عشق
سلوي وهي بتمسح دموعها : ملها عشق
عبد المجيد : أبني محمود في آخر أيامه حسيت إن مال لمراته
وأن كتب علي عشق غصب عنه كان باين أوي يوم كتب الكتاب بتاعهم إنو مغصوب عليها
علشان كده كتبت وصيه انوا لو سابها كل
اللي يملكه وكل تعبه في السنين اللي فاتت دي تروح للجمعيات الخيرية لو فكر يوم يطلقها
سلوي بصدمه : إيه!!!!! ليه عملت حاجة زي كده ؟! ده ظلم
أنت لسه برضوا مصمم علي الإنتقام مني
ومن بناتي
عبد المجيد بصدق : أبدا …..بالعكس
أنا كنت افكرك هتفرحي وأنا بضمن لك إن محمود أبني عمره ما هيقدر يسيب بنتك
وهيحافظ عليها
وحقها هي وأختها محفوظ انا كاتب لكل واحد نصيبه
حتي القصر اللي أنا عايش فيه ده ليكم فيه
الوصيه عند المحامي
سلوي بدموع وحزن : يا عيني عليكي يا بنتي
انكتب عليكي عمرك كله تعيشي مع واحد مش حابه
سلوي : طيب محمود كل اللي عمله باسمه مش باسمك إزاي قدرت تعمل حاجة زي كده
عبد المجيد : مافيش حاجة بأسمة كل حاجة عملها ونفذها بقت بإسمي أنا …بتوكيل اللي هو عملهولي
رجعت كل حاجة ليا من تاني
سلوي بدهشه : ليه يا أخويا عملت كده ليه
عبد المجيد بتعب : علشان بكفياكي يا بنت أبوي غربه أنت وبناتك
مكانك هنا وده مش هيحصل غير بأستمرار جواز عشق من محمود
وبتداء يتعصب ويكح وهو بيقول بصوت متقاطع : كفايه غربه يا بنت أبويا
