عشقي3 | Arabic Love Tale

بيلومها علي إيه ، علي حبها ليه ولا اشتيقها

ليه اللي فاق الوصف

طيب هو لو كان مشتاق زي كان هو اللي إتصل

بس طبعا ماهو لقي البديل الست زفته اللي لازقه جنبه ماشي يا مازن زي موجعتني هوجعك

بغضب وعصبية : أكيد فاكرة

أني علي زمة راجل ، وعلي فكرة سعيدة جدا معاه محمود …..

مازن قطعها بعصبية جامدة ونار الغيرة بتاكله لما نطقت إسم محمود : ولا كلمة ، ولا كلمة تاني أسمعها منك إنتي فاهمة

عشق حست من نبرة صوته بغيرته اللي هي عرفاها كويس وحفظاها كمان قالت من وسط دموعها وفرحها بغيرته : ليه … مش حابب تطمن عليا مع محمود

مازن بغضب : كفايه يا عشق كفاية

كفاية هنا اتعصب جامد وابتدا يكسر في كل حاجة حوليه بعشوائيه

وإنهار مكانه وهي كمان سامعه وحاسة بيه استغبت نفسها جامد في اللي عملته فيه

مازن من وسط انفعاله وانهياره وكسرة قلبه ودموعة : مبسوطه دلوقتي

وأنتي شيفاني بموت قدامك ده اللي وعدتني بيه ، أنك عمرك ماهتكوني لواحد تاني غيرك

ده وعدك ليا ، جاي دلوقتي تكلمني عن راجل تاني

وأزاي بيعملك ومنتظرة مني اسمعك

وبهستريا كمل كلامه هااااه قولي أنا سامعك

عشق بتبكي وساكته وصوت شهقتها مسموع ليه

مازن بعصبية اقولك إنا

شعرك اللي أنا غطيته بايدي وداريته عن عيون الناس عاجبه اتغزل فيه قالك إيه

قووووولي اقالك إيه كل ميتفرد علي مخدته

حضنك اللي أنا رفضته وحرمت نفسي منه خوف عليكي مني ، عاجبه مبسوط بيه

بيقولك إيه وأنتي في حضنه قوووولي ساكته ليه أنا بسمعك متخافيش

أنا قلبي جامد وهستحمل قولي

عشق بدموع وانهيار : كفايه يا مازن كفايه

مازن كفايه ليه الكلام وجعك مش هو ده اللي بيحصل قولي متخافيش

تمايل خصرك اللي أنا استكترته علي نفسي

قالك إية هو عليه … جنان

اتهبل بيه مش كده

وبعصبية وصريخ : ردي عليا مش كده

مش ده اللي حابه تقوليه ليا ويوصلني

وصلني يا هانم ومبسطلك أنك عاجبه البيه

اللي أنت سيباه دلوقتي وبتكلمي راجل غيره

عشق بعد ماكنت متأثرا بنهياره ودموعه والحاله اللي وصل ليها بسببها بقهر بتقول لنفسها : غبي

معقول يصدق أني ممكن أكون لراجل تاني غيره اتمايل قصاده اخده في أحضاني

معقول يصدق إن شعري ينفرد علي مخدة واحد غيره

غبي غبي، وسرحت ثواني وبعدها قالت

ولا اكنش أنا اللي غبيه أني كنت مفكره أنه بيحبني بجد لو كان بيحبني بجد

كان عرف أني مستحيل اسلم نفسي لراجل غيره حتي لو بموت ، جرحني ..جرحني أوي بكلامة