عشقي3 | Arabic Love Tale
عنها أكتر من كده
نفسها تشوفه ؛؛تسمع حتى صوته أهو حاجه تخليها
تصبر وتستحمل غيابه
خلت حد جبلها خط جديد بحيس لما تتصل بيه ميعرفش مين اللي إتصل بيه… هي بس حابه تسمع صوته
تمسكه وتسيبه علي الحال ده ليها ساعه لحد ما خلاص مش قادره تصبر تاني حتمت أمرها
واتصلت بيه :
مازن كان قاعد بيذاكر لقمر تليفونه رن مسك التلفونه بأيده يشوف مين لقي رقم غريب قفله ورجع يشرح تاني
قمر بترقب : مين يا مازن ،،، ومرديتش ليه ولا علشان أنا موجودة
مازن بضيق : وأنتي وجودك هيفرق معايا في إيه لو كنت أرد ولا مردش
قمر بنرفزه : أنا عارفه بقا ،، أمال أنت ليه مرديتش
مازن بضيق : يا ستي رقم حد ما معرفهوش مش مسجله عندي علشان كده مردتش
ارتحتي كده
قمر بدلع زايد عن الحد : بغير عليك يا حبيبي إيه مش من حقي أغير علي خطيبي
اللي كلها أيام ويبقي جوزي
هنا التليفون رن لتاني مرة بسرعه قمر مسكت التليفون من علي التربيزه ترد هيا
وهي بتقول : الووووو
سمعت صوتها عشق كانت هتتجنن وفي رأسها الف سؤال وسؤال
ليه هي معاه في وقت متأخر زي ده
وليه ماسكه تليفونه لدرجة دي قربهم زاد أوي كده لدرجة أنها تمسك تليفونه إنا ياللي إسمي حبيبته عمري ممسكته
ويا ترا هي اللى عنده ولا هو اللي عندها
وهو فين ؟ وسيبها ترد بداله ليه ؟؟
قفلت السكه بسرعه من غير مطنطق بكلمه واحده
مازن بغضب وعصبية وهو بيشد منها التليفون : إنتي إزاي عملتى كده … لا وكمان بتردي بنفسك
جبتي منين الجرئه إنك تمدي إيدك علي تليفوني مين سمحلك بده
هنا قمر دموعها نزلت أول مره تشوف قسوته كان دايما حنين معاها ولا مره شافته بالمنظر اللي هو فيه دلوقت
بتقول لنفسها اهدي يا قمر إنتي بتحبيه
اتحملي علشان حبك إنتي مصدقتي بقى ليكي وحدك كلها أيام ويبقي جوزك
قمر بدموع : أسفه
ونزلت تجري علي تحت وهي منهاره من الدموع
شفها مازن بالحاله دي صعبت عليه وحس أنه زودها أوي معاها
هي ملهاش ذنب في اللي هو فيه من ساعه ماعشق مشيت
اتنهد بضيق وقال : قويني يااارب علي اللي أنا فيه
مسك تليفونه تاني يشوف الرقم اللي تصل بيه لتاني مره رقم مين رن عليه
عشق من غير متشوف مين المتصل مجاش علي بالها خالص مين اللي بيتكلم
قالت : الووووو
مازن :……….
******الفصل السادس
من 🍁أوجاع القدر🍁
بقلم 🍀زهرة الريحان🍀
مازن بهمس وحنين واشتياق وصوت مبحوح أثر تأثيره بسماع صوتها : عشق
