عشقي3 | Arabic Love Tale
هموت يا ماما مش قادره
ازاي يصدق أني اعمل كده ، لحد مانمت علي حالها فيةحضن أمها
خدتها سلوى علي سريرها نيمتها وغطتها
وباستها في جبنها وطفت النور وبصت عليها بحسرة لأخر مرة وطلعت
وهي حزينه علي حال بنتها بس هي بأيدها أيه تعمله
*******************
عند محمود نلقي راجع شايط من بره ومش طايق حد يكلمه
توحيد كانت قاعده هي وسلوي ومي
ودخل عليهم زي الثور الهائج من غير كلام ولا سلام
اتتهدت توحيده بضيق علي حال أبنها وقامت من مكانها وهي بتقول ل سلوي
أروح أشوف ماله ده إيه اللي معصبه اوي كده
سلوي التانيه مهمومه على بنتها وشارد ردت عليها بحزن : اتفضلي حبيبتي ، ربنا يصلح الحال وبهمس لنفسها وحالك يا عشق يا بنتي يارب
طلعت عنده توحيده خبطت ودخلت
كان هو لسه مغيرش هدومه
توحيده : تسمحلي ادخل يا ولدي عايزك في كلمتين
محمود بأدب ومحبه : إنتي بتستئذاني يا أمي إنتي تدخلي علي طول
توحيده بسعاده : ربنا يخليك ليا يا ولدي
طول عمرك أدب واخلاق والخلق كلتها بتحلف بحياتك
محمود ميل علي أيدها باسها وهو بيقول : تسلمي يا ست الكل
خير كنت محتاجة حاجة
توحيده بحب : أيوة يا ولدي محتاجة ، محتاجه أشوف ضحكتك اللي فارقتك من يوم مطلقت مراتك ، محتاجة أشوف محمود أبني محمود الشهم الراجل اللي بيساعد الصغير قبل الكبير ؛ اللي عمره ما كان بيهمه المال في شيء
محمود : حتي إنتي يا أمي بتتهميني أني فضلت المال علي مراتي
توحيده : يعني مش ده اللي حصل يا أبني
قدامنا كلنا
محمود بنرفزه : يعني كنتي عايزني اتنازل عن شقي عمري ؛ ماشفتش بعينك أبويا قايل إيه في وصيته
توحيده : أيوه شوفت ، وشوفت كمان أنك أختارت تحافظ علي شقي عمرك وقدرت وحفظت عليه وهو معاك ؛ ليه مش حساك سعيد ومبسوط ؛ ليه دايما شارد وحزين ومهموم زي اللي ميتلك ميت
المال موجود صح ؛ بس أبني مش موجود
رجعلي أبني وأنا مش محتاجة لمال
محمود بتعجب : ارجعلك أبنك !! امال أنا إيه
منا جنبك أهو
توحيده : جنبي جسد بيتحرك بياكل بيشرب
بيروح بيجي بس ؛ من غير روح من غير حياة
محمود بنفاذ صبر : أنا مش فاهمك خالص النهاردة يا أمي ؛ إنتي عايزه تقولي إيه
توحيدة : لاه أنت فاهم بس عامل نفسك مش فاهم
بس هقولهالك صريحة : أتنازل عن العنه دي اللي إسمها الفلوس ؛ واشتري بيتك ومراتك
محمود بدهشه : إنتي اللي بتقولي كده
