ابواب الريح
– وقفت عندها قائلة بحدة: هو ايه الي بيحصل بالضبط ممكن تفهمني….
– كل حاجة في وقتها حلوة….انتي دلوقت جيتي عندي عشان اساعدك في موضوع لندن وانا حساعدك…تمام!
-قالها وكأنه يريد مني الذهب فقلت بسرعة: تمام…شكراً ليك عن اذنك…
اصطحبني عثمان معه في السيارة الى مركز الجوازات ليصدر لي جواز سفر …وخلال ذلك الوقت حاولت قدر المستطاع ان احصل على بعض المعلومات من عثمان…
– هو شكري وعمي عزت اعداء..
– اوي اكتر ما تتصوري …ما فيش غير ابوكي كان برة اللعبة دي كلها…
– بس انا حاسة اني جوة اللعبة……طالما ابوية كان برة انا ليه اتحطيت جوة عشان ايه؟؟وانا ايه دخلي في كل الي بيحصل طيب….؟؟
– قال لي وكأنه يريد ان يقفل الموضوع: خدي بالك من نفسك وبس يار رويدا….تحبي انزلك فين..
– قلت بحدة: انا سمعت قبل كده اجملة دي من حد…وبعديها انتـ,ـحر…انتي بتخوفني ليه؟؟
– قال وهو ينظر الي بحدة: شوفي يا انسة رويدا…شكري بيه قدملك مساعدته عشان العيش والملح الي كان بينو وبين ابوكي…انا عاوزة منك حاجة وخديها نصيحة….خليكي واعية عشان عمك اللعبة معاه ما خلصتش ولو كنتي فاكرة انو حيسيبك في حالك تبقي غلطانة…عمك بعد الي حصلو بقة ذئب سعران …حاسبي مش اكتر…
– ده كل الي عندك يا عثمان!
– قال متجاهلاً جملتي الاخيرة: تحبي تنزلي فين؟؟
– صمتت قليلاً ثم قلت: على جنب معلش حروح لوحدي متشكرة ….
………………………………………..
دخلت بعدها محلاً للهواتف اشتريت هاتفاً وخطاً وتوجهت الى اقرب بنك…
جلست عند مكتب احد الموظفين…
– انا عاوزة لو سمحت استفسر عن حاجة..
– اتفضلي حضرتك…
– انا عاوزة احط عندكم مبلغ …ايه الحد الي ممكن احطه من غير ما اعلن عن مصدره
– ممكن حضرتك الحد الاقصى هو 20 الف دولار اكتر من كده لازم تصرحي عن مصدره…
– بس!!!!!!
– ايوة…لازم يكون في تصريح بأصل المبلغ والا يعتيبر تبييض اموال….
– متشكرة….
انسحبت وانا افكر فيما استطيع ان افعله بالمال…لا استطيع ان سافرت ان اتركه في الفندق وايضاً لا استطيع ان اضع هكذا مبلغ في البنك……
بدأت الحيرة تروادني من جديد….بما سأفعله…وكيف سأتصرف……
أخذتني قدماي هذه المرة الى منزل عمي….وبدأت اراقبه من بعيد…بان علي هدوء رهيب….افزعني…وانا من يوم وفاة عمر لم اكلم اي احد منهم ولم اعرف ما حصل لهم…كنت خائفة من ان اقترب……ولكنني بقيت اراقب…….الى ان وجدت مدحت يخرج من البوابة الامامية بسيارته مبتعداً……اخذت اول سيارة اجرة ولحقت به…….
