القسم الثاني من الفصل الثاني عشر من طعم بيد اليفة بقلم سيلا وليد

بمنزل ماسة
خرجت من الحمام، واتجهت الى فراشها، سحبت كوب قهوتها وجلست تضع صندوقًا أمامها، فتحته بهدوء تخرج مابه
صورا كثيرة لها مع مراد وغسان، ثم وقعت عيناها عاى ظرف مغلق، فتحته لتجد به بطاقة تهنئة بعيد ميلادها من فراس
_كل سنة وانا حبيبك فراس
قبضت عليه بكفيها، ثم القته بالارض، اخرجت باقي مابالصندوق الى أن وجدت عقد زواج قديم… نظرت اليه بدموع، مررت اناملها عليه
_ليه عملت فينا كدا… ليه
شهقت تضع كفيها على فمها، وبين بكاؤها، رأت صورة تجمعهم فراس ومراد بالامام، وعبد الرحمـــــــــن وغسان بالخلف، وهي بالمنتصف
راحت اناملها تمررها على غسان
_عارفة انك كرهتني، بس غصب عني، وانت ماحاولتش، عارفة اني غلطت، بس هو اللي وقعني بحبه
اتجهت بنظراتها الى عبدالرحمن، ابتسمت من بين دموعها
_انت بقى اقول عليك ايه، افلتت ضحكة
تتذكر اول مرة قابلته
دلفت سريعا الى غرفة الاجتماع تتحدث بهاتفها عبر السماعة، فجأة اصطدمت باحد ما
_اسفة… مااخدتش بالي
_خلاص ولايهمك
تلفت حوله، نظرت اليه متسائلة
_انت شغال هنا
رمقها دون حديث، حين وقعت عيناه على الجيب القصير الذي ترتديه، وخصلات شعرها الشقراء، نظر اليها بتقييم ثم تحرك وهو يستغفر ربه، همهمت
_ماله دا… جاهل

بعد قليل بمكتبها
_باشمهندسة، غسان بيه عايز حضرتك في مكتبه
اومأت ثم نهضت متجهة الى مكتب غسان
دلفت دون أن تطرق الباب
_غسان فيه… صمتت حين وجدتهما يقفان أمام شاشة عرض يتابعون اجزاء لسيارة اثناء تركبيها
التفت اليها غسان
_تعالي ياماسة
اقتربت وعيناها على عبدالرحمن، الذي مازال مركز انظاره اتجاه الشاشة، اقتربت وتوقفت بجوار غسان
_فيه ايه
تحرك عبدالرحمن للشاشة
_الجزء دا ممكن نبدله ببديل اقوى، ونجرب المميزات والعيوب، وياسلام لو كان ماركة مختلطة
كان يتابعه غسان وهو يعقد ذراعيه فوق صدره
_مش عارف، خايف نفشل
_نجرب مش هنخسر، نجرب على جزء بسيط
توقفت ماسة تتابعهما ثم قالت
_فيه ايه ياغسان ومين دا
اتجه عبدالرحمن يحمل اشيائه الخاصة، دون ان يرد عليها
_فكر ورد علي، لازم امشي دلوقتي، عندي شغل مهم، الفكرة عندك، ادرسها، وهات القطع الاصلية واشتغل عليها
_طيب… استنى مانشوف ماسة رأيها ايه
توقف ينظر اليه للحظات، ثم اتجه بنظراته الى ماسة
_انت بتهزر، هناخد رأي واحدة في فكرة وشغل مهم زي دا
توسعت عيناها تنظر اليه بدهشة
_مين دا ياغسان
تحرك عبدالرحمن، ولم يرد ولوح بيده
_منتظر تليفونك، توقف واستدار اليه
فكر انت وادرس، بلاش الاستاذة لانها مش هتفهم في الشغل دا
_بس ماسة شريكة في الشريكة
_شريكة بالفلوس ياغسان، مش بالعقل، مع احترامي لوجودها، بس المبدأ مرفوض، انا عرضت الفكرة عليك كعضو منتدب، للشركة،  وكمان مجال شغلك، غير كدا مرفوض أي رأي، سلام
دنت من غسان توقفت امامه مستندة على المكتب
_مين المتخلف دا
_دا واد مصري، بس دماغه رهيبة، شغال مع فراس في الشركة العالمية، اتعرفت عليه من فترة، كل مرة يبهرني بااختراعات
_من فترة قد ايه يعني، اول مرة اشوفه
_لا بقالنا سبع شهور، او اكتر، انت بس اللي انشغلتي بالدكتوراه، مبقتيش تيجي، وعلى فكرة عاجبك باباكي اوي، حتى طلب منه يشتغل معاه، بس رفض وقال شغلي بنسب
_اوووه… دا طمع
ارتشف من قهوته يهز رأسه
_ابدًا، بس بيشتغل مع واحد فرنساوي، ودي طبيعة الشغل بينهم فهو اتعود على كدا
_امممم… بس برضو تحس انه مغرور شوية، او متخلف معرفش
ضحك غسان وسحبها يقربها اليه
_حبيبك بس اللي طيب، علشان كدا بتشوفي الناس كلها مغرورة
رفعت اناملها على ياقة قميصه
_اممم… يعني انت مش مغرور
_تؤ… عندك شك، قالها وهو يقترب منها يقبلها، ارتبكت وحاولت التملص، ولكنه قربها إليه اكثر، في تلك اللحظة دلف فراس يحمل ورقًا
_غسان امضي… ولكنه توقف فجأة على ذاك المشهد، تراجع سريعا معتذرا
_اسف فكرتك لوحدك
_استنى يابني… ابتعدت ماسة سريعا وتحركت للخارج دون ان تنظر خلفها،
خرجت من شرودها الموجع بدمعة تتحرر من عيناها ازالتها سريعًا
_غبية ياماسة غبية
صباح اليوم التالي
بمنزل خالد
جلست امامه تضع بعض الكريمات على بعض الجروح
_شوفت اختك عملت فيك ايه
_وحياة امي لاسجنه
القت القطنة بغضب
_من امبارح وانت بتقول كدا، ممكن نفكر شوية بعقلنا، انت شوفت عبدالرحمن مش الغلبان بتاع زمان، دا هجم علينا زي قطاع الطرق، الواد دا مسنود اوي، لازم نفكر الاول
نهض متأوها وقال
_لا هنفكر ولا هنعمل حاجة، خلاص ابعدي عن خديجة وامي، هما مرتاحين مع بعض
_يعني هما يرتاحو، واحنا الناس تلعنا
_جيهان انا تعبان، كفاية اللي حصل
قالها وتحرك، بينما هي تتابعه بعينان كالجمرات
_والله… طيب ياخالد
امسكت هاتفها وقامت بمهاتفة جيداء
_انت فين يابت، كل شوية تختفي
_امي وقعت من على السلم ياجيهان، ورجليها اتكسرت، واتحجزت بيها، كنا خايفين من نزيف على المخ
تأففت جيهان
_طيب انا عيزاكي دلوقتي، تعرفي تيجي ولا هتحرسي امك
_خلاص جاية
بلندن
توقف بالنافذة ينظر لحركة المرور
_غسان… لازم ننزل مصر، فيه بنود في العقد بتنص انك لازم تبقى موجود يااما مالكش اي اسهم
_امتى الاجتماع
_الاسبوع الجاي
_احجز