لن استسلم ٢
تهادت في مشيتها بدلال لتبرطم كريمة بصوت مسموع :
_روحي ياختي وابقي وطي صوتك انتي وهو عم داود إلا مش بيسمع حاجه سمع علي أيديكم.
*أحمرت شجن خجلا تهمهم :
_عيب يا داده انا بتكسف.
*هزت كريمة اكتافها تقلد شجن :
_عيب يا داده روحي ياختي رضعي ابنك وخدي كلمتين في جنابك.
***********************
*طلت برأسها علي أجمل مشهد تراه عيناها ويرجف له قلبها حبيبها المناضل الحنون حبها الأول والأخير عشقها الا منتهى يقف أمام مهد صغير بتصميم عربه يبدل حفاض صغيرهم ذو العامين الا أشهر قليل :
_عموري…عمر ابوك…عجبك الا بتعمله امك فينا علشان بحبها وبموت عليها تدلع عليه.
*كان نضال مبتهج يدلل صغيره ويتحدث معه بمرح… والصغير يصدر اصواته الناعمه.
*استمعت إلى منغشات وضحكات طفلهم الجميل ذو الخدود الممتلئة و المتوردة كحبات التفاح والشعر الأسود الكثيف وحبه الفستق التي تسمى أنفه وفمه الصغير منفرج بشفاه مكتنزه تقطر عسل يحرك يده في الهواء وهو يداعب والده بغنج صغير وكأنه يحدثه بأمر هام ونضال قلبها مازال يهمس له ببعض الكلمات المدللة :
_خلاص حبيب قلب بابا خلصت أخيرا
ونجحت وغيرت حفاضك يلا تعالي في حضن بابا علشان وحشته.
*حمل نضال طفله يستنشقه بقوه ويقبله مغمغم : _أووه حبيبي سكر سكر.
*ضحك عمر بفرحه يحرك ساقيه الصغيرة يركل والده وهو يهمهم و يرفع يده :
_ما..ما.
*ألتفت نضال على صوت صغيره ليجدها تقف خلفهم تداعب طفلها بشفتيها المضمومة ترسل له قبلات في الهواء أستدار نضال عنها بوجه مصطنع الغضب يهتف بصوته الاجش الحانق :
_لسه بدري!
*سارعت نحوه تعانق خصره من الخلف وهي تقبل طفلها من وجنتيه الحمراء بشوق :
_اسفه حبيبي اتخرت شويه صغنونه جدا…قد كده.
*وقبلته هو الآخر بحرارة :
*ردد نضال بنزق وهو يناولها عمر تحمله :
_اكلي عمر علشان جاع…ونتكلم بعدين!
*وخرج من الغرفة غاضب مستنفر حملت طفلها الصغير تدلله وتقبله بنهم وهي تتحدث معه :
_حبيب ماما… روح قلبها…. بطتها الحلوة وحشتني اوي…
_امممم بابا زعلان مني اعمل ايه يا عموري علشان الصحه تفتكر.
*جعدت أنفها تداعبها بأنفه ليكركر الصغير بالضحكات وهو يحرك انامله الصغيرة فوق خصلات شعرها وكانه يبدو إعجابه بها هتفت بطفوليه وهي ترضعه :
_ايه رايك في شعر ماما انا عملت قصه جديده علشان تعجب بابا اقولك سر هو قالي إياك تقصي شعرك بس انا قصيت منه حته صغنونه.
*تهجم وجه الصغير وضم شفتيه…لتهتف مبتسمه وهي متسع العينان:
_انت كمان مش عايزني أقصه اه منك يأبن نضال الشافعي مش كفأيه انك شبه كمان بتغضب زيه
إيه الا انا فيه ده… أنا قدره على نسخه وحده.
