لن استسلم ٢
*ارتحت عيناه فوق وجهها… كانت له جميله أجمل من أي مره من المرات القليلة التي رآها فيها وجهها الناعم ناصع البياض عيناها الواسعة كبحور الفضة شفتيها القرمزية الرائعة فهي برغم من بساطتها تبدو له امرأه جميله ناعمة ومريحة :
**************************
*رفعت رتيبة يدها تضرب فوق رأسها وهي تصرخ وتعدد:
_قوم يا موكوس شوف الوكسه الا انت فيها الست هانم الا لسه على ذمتك ومش عايز تطلقها…..واحد بيه جاي مخصوص يشوفها وفين هنا في الحته قدام عيون الناس ديه خلاص ملهاش كبير وقرطستك ياسطي.
*ركض مجدي مذعور من صوت أمه الناقوسي الحاد وصراخها :
_في ايه بس ياما مش هعرف انام شويه في البيت ده لو مكنش من عيال بنتك يبقا من صوتك.
*أعلنت رتيبة بنبره جليديه وهي تمسد كتف مجدي بقوه :
_اسكت بلا خيبه عليك…… ولا لسه بنت فايزة هتخليك دلدولها اكتر طول مانت مش عايز تطلقها الحارة كلها بتكلم عن الراجل الا جه يسأل عنها وانت نايم في العسل يابن الخايبة .
*انتفض مجدي من مكانه يهدر بصوت غاضب كالجحيم :
_راجل مين إلا بيسال عنها ياما اتكلمي مين ده؟
*غمغمت رتيبة بشفايف ملتوية :
_هيكون مين اكيد الا ماشيه معاه على حل شعرها امال دفعت فلوس عمليه اخوها منين هو في حد بيسلف حد في زمان ده.
*ركض مجدي إلى المطبخ وهو حافي القدمين يحمل سكين كبير ويصرخ :
_انا هروح اشرب من دمه ودمها الفاجرة.
*ركضت رتيبة خلفه بعينان متسعه من الصدمة وصاحت تقل بصراخ :
_هات الس\كينة ديه انت عايز تروح في داهيه علشان وحده فاجره متستهلش طلقها واخلص منها يابني.
*ترك مجدي السكين تقع بعد ما جرحت يده الخشنة وهو يغمغم بغل :
_هطلقها ياما خلاص بس لازم اشوف الراجل إلا سبتني عشانه شكله ايه متخافيش بس لو عايزها يدفع ثمن طلقها مني انا مش هطلع خسران ابدا
كفاية معرفتش اخد حقي من سلطان.
*رددت الأم الحقودة بصوت قلق :
_وماله المعلم سلطان مش كفأيه وقف جنبك وساعدك يامجدي متبقاش قليل الاصل.
*دمدم مجدي مبتسم بملامح مبهمة :
_وقف جنبي عشانها ياما….علشان عايزها ولا انتي ناسيتي انه كان عايز يتجوزها هو كمان.
هتفت رتيبة تدافع عن سلطان بكل قوتها :
_هي يابني السبب اكيد وعدته بحاجة منها ديه بت ملهاش أمان تبيع نفسها عشان الفلوس متظلمش الراجل وتخسر الكل عشانها طلقها وارتاح منها.
