لن استسلم ٢

*بعبوس ووجه مكفهر بصقت أم سعيد بوجه أنعام وابنتها وهي تقل لشجن التي لم تتزحزح عن جدار البيت تشعر بالوهن والضعف يلحقان بها من كل الاتجاهات :
_اسفخس عليكي انتي وجوزك وعيالك حسبي الله ونعم الوكيل فيكم منكم لله…يلا يابنتي هتعملي ايه البقرة لما تقع تكتر سكاكين.
*ضربت شجن فوق وجهها بقوه وهي تردد بجنون _اروح فين يا خالتي اروح فين بس اعمل ايه ياناس…. يارب.
*حركت أنعام رأسها بامتعاض تلوي شفتيها : _قدامك لآخر النهار يلا يا حلوه الحقي لمي شويه الكراكيب بتوعك ولا تحبي نرميهم في الشارع و انتي حره.
*وقف علي بجانب والده الباكي من الظلم والعار يشكو الي الله الواحد الأحد الذي لا يقهر ولا يغفل عن القوم الظالمين :
_يارب انت العالم بحالي وحال بنتي يارب رضاك علينا وسترك احنا غلابه.
*همهم علي بوجع وهو يرمق شجن تضع بعد الأغراض والملابس في شنط بلاستيكية ودموعها لا تجف ولا تتوقف :
-هنعمل ايه يا بابا احنا كده هنام في الشارع حتي اختي مش معاها فلوس آخر فلوس جابت بيها العلاج بتاعي.
ربت والده فوق كتفه بقوه يهتف :
متخافش يا علي ربنا موجود ومش هيسبنا يابني عارف ان اختك غلبانة ومظلومة وهينصرنا أن شاء الله هيجي حد ابن حلال ويقف مع اختك.

*فرك الصغير كفيه بورقة بيضاء ليشرد قليلا يفكر ثم وضع يده بجيب شورته القطني يتفقد ما يملكه من نقود ليبتسم وهو يهمس :
_الحمد لله معايا فلوس…بابا انا هخرج بس 5 دقايق لحد محل الموبيلات وارجع.
*ركض علي بسرعه ووالده يهتف خلفه بقلق :
_رايح فين يا علي انت يا واد.
**************************
*ابتسم طبيب عائله نضال وصديقه الشخصي بعد أن عقم جرح رأسه ووضع بعض المطهرات والتعقيمات اللازمة وقام بعمل اللازم :
_الحمد لله جرح سطحي مش محتاج غرز….الا
يسمع صراخ دادة كريمة في التليفون يقول حصل حاجه خطيره لقدر الله…. الراجل بخير اهو.

*رمق نضال كريمة المتشنجة تكز فوق شفتيها : _معلش يا احمد تعبتك معايا مكنش له لزمه والله انا بخير الحمد لله.
*أومأ أحمد الطبيب صديق نضال راسه يقل بتسأل :
_هي الحمد لله مش محتاجه غرز بس ده ميمنعش انك محتاج راحه انت فقدت دم كتير.
*تنفست كريمة بسرعه تضع كأس من العصير بيد نضال وهي تحدق فيه من تحت رموشها بعتب : _قوله يا دكتور أحمد انت عارف راسه ناشفه ازاي و هيقولي انزل الشغل بكرا.
*نظر أحمد متفحصا نضال بعينان ماذكره :
_لا اطمني ياداده مش هينزل لمكان… داده من فضلك ممكن كوبأيه ميه.
*شهقت كريمة بخجل :
_يادي الكسوف انا اسفه يا دكتور انشغلت بنضال حاضر حالا انا عارفه انت قهوتك زياده هعملها حالا.