لن استسلم ٢

*تلبكت كريمة ترتجف ليهتف والد نضال :
-روحي انتي يا كريمة دلوقتي.
*وقبل أن تتحرك كريمة خطوه للإمام صرخ نضال صرخة هزت جدران المنزل :
-استني هنا مفيش حاجة اسمها أمشي.
*صرخ والده صرخة تعادل صرخته قوه :
-انت اتجننت يا ولد ديه هي إلا ربيتك تعمل فيها كده عشان وحده رخيصة…حقيره.

*اشتعلت عينيه ليقل من بين أسنانه :
-مش رخيصة ولا حقيره الرخيصة والحقيره هي إلا جت هنا النهارده ونقلت لست إلا ربتني وعاملة نفسها بتحبنى أخبار شغلي…ريم صح اتكلمي.
*مسحت كريمة دموعها وهي ترتجف من صدمتها بنضال الواديع الهادي والذي تحول فجاه الي إعصار مدمر من الغضب :
-ايوووه هي بس والله ديه بتحبك وبتخاف عليك وانا ربنا يعلم خايفه عليك ازاي.
*وقف نضال باستقامة وكل عضلة بوجه ترتجف من الغضب وغمغم بكل برود و بسخرية ابتسم : – خايفه عليا أزاي وانتي عامله عليا حظر رايحه تشتكي مني زي العيل الصغير….انا بحبك وبمحترمك ياداده بس حياتي الشخصية وقلبي لا فاهمه لا اقفي عند حدك.
*صمتت كريمة تشهق بالبكاء وهي تردد بضعف : – انت ابني إلا بخاف عليه… البنات إلا زي دول عايزين واحد زيك ينشلهم من إلا هما فيه انت شوفت فيها الست إسراء الله يرحمها عشان كده اتعلقت بيها والله يا ابراهيم بيه انا خايفه عليه.
*هدر والد نضال بحده وهو يناظر نضال المتصلب الجسد :
-اناعارف كويس يا كريمة انتي تقصدي ايه بس ابني بقا أعمي القلب والعيون.
-استنفذ نضال صبره من اتهامات والده وكريمة لشجن ليقل بنفاذ صبر :
-انتوا تعرفوا ايه عن إسراء…إسراء خلاص كل الكلام بقا عن إسراء انتوا متعرفش أي حاجة ولا انتي….حضرتك وقفت جنبي في ايه سألتني انا حزين ليه لا عملت الواجب إلا عليك وسفرت ع العزبة علي طول.
طبعا عشان متبقاش المدام الجديدة لوحدها ولا تعرف ايه إلا بيا…
وانتي يا داده مفيش علي لسانك غير انا ربيتك انت ابني انت حبيبي وكل إلا همك ست بنت ناس تدخل البيت ده زيها زي إسراء تسيبك انتي تتصرفي في كل حاجه من غير كلام…
عايزه واحده هانم تخرج من الصبح لبليل وانتي إلا تبقي الكل في الكل كل واحد فيكم عايز يمشي نضال علي مزاجه محديش سأل نضال عايز ايه…ايه إلا فيه… إسراء عملت فيه وكسرته ازاي.

*صرخ نضال في جملته الأخيرة بصوت أفزع والده المندهش من ثورته العارمة وجمد كريمة مكانها لا تتحرك وقبل أن يخرج من غرفة الطعام قال بقرار لا رجعه فيه :
-انا مش عايز حد معايا هنا تقدر تاخد داده كريمة معاك العزبة انا خلاص قررت اني اعيش لوحدي من غير مراقبين.
*شقت كريمة تهرول عليه :
-بقا كده يانضال مش عايزين معاك ليه كده يابني.
*هتف والده بصوت مهزوم وقد استشعر بحدث الأب بأن ابنه يعاني من مشكلة عويصة :
-كريمة سبيه دلوقتي يهدأ…نضال.
*أستدار بجسده دون أن ينظر الي والده يرد :
_افندم.
*تنحنح والده يجلي صوته الحزين :
-بس تهدأ عايز أتكلم معاك.
*اومأ رأسه بكل الاحترام والتقدير لوالده :
-حاضر يا بابا أن شاء الله.
*هتف داود الجنيني و هو يركض داخل الفيلا : -الحق يا نضال بيه ربيع بتاع الأمن هو واثنين من أمن السفارة إلا قدمنا مسكوا واحد بينط من فوق السور وفي أيده س\كينة.
التمعت عينان نضال بالغضب…. وهويعلم جيدا هوية الشخص الزائر بينما هتف والده بفزع :
-مين ده ؟ بلغوا البوليس حالا.
*هرولت كريمة بقلب مقبوض ناحيه نضال تهمهم: – س\كينة ده اكيد حرامي خالي بالك من نفسك يابني.
*هز نضال رأسه وهتف :
-انا عارف كويس هو مين…..
****************************
*بقسم الشرطة وقف مجدي يرتجف بقوه وهو يصرخ :
-والله ما عملت حاجه انا كنت داخل أسأل على مراتي واخدها انا معملتيش حاجه يا بيه.
*هتف الضابط المسئول لمجدي وهو يؤشر علي نضال الجالس بهدوء ورزانه أمامه :
-انت عارف الفيلا ديه بتاعت مين؟ الا أعقد قدامك أستاذ نضال الشافعي يا بن***مش واحد صايع زيك انت هتستعبط ياروح امك داخل الفيلا معاك سطور والله الله كمان هيروين ده انت ليلتك مش معدية قض\ية بلطخه ومحاولة قتل وكمان اتجار.