لن استسلم ٢

*ضحك سلطان وبطرف لسانه اللعين بلل طرف ورقة السيجارة المحشوة بالذي منه ثم عقد حاجبيه بانتصار يمد يده إلى مجدي بسيجارة الملفوفة وهو يقل منتصر :
_لا طبعا ميرضنيش يا سطي خصوص انك هتسرع في إجراءات الطلاق ايه رايك في حته طرية خام تعدل مزاجك :
*غمغم مجدي بسعادة وهو يقترب من سلطان وقد أصبح عبدا مذلول لشهوه الإدمان “وخطف السيجارة الملفوفة من بين أصابعه يدسها في جيب سرواله الخلفي :
{هو ده الكلام يا وديع….اديني في المزاج قد ايه يا معلم حته أفغاني حلوه تخليني انسي مراتي حبييتي.
*رد سلطان بحنق وهو يخرج من خزانته الخاصه مكعب كبير ملفوف بورقة من السلوفان الأحمر :
_الحته ديه انت عارف أنها تعمل مبلغ محترم وديه مني يوم ما طلق ومش عايز اسمع كلمه مراتي تاني من بقك النجس فاهم يابن رتيبة.

*حك مجدي جسده من وخزات الألم الإدمان وعيناه جاحظتان يبحلق في المكعب الملفوف وكانه رزمة من الدولارات :
_اطمن الطلاق هيتم انت عارف انا مينفعش أغضب امي ابدا…كله الا رضا الوالدين.
*وقبل أن يخرج مجدى من مكتب سلطان ويفتح بابه تسمر مكانه يلتفت الي سلطان ثم هتف بصوت يحمل الخبث :
_بس لمؤاخذه في السؤال يا معلمي…اش عرفك أن شجن بعد ما طلقها هتوافق عليك انا عارف شجن كويس.
*ضحك سلطان باستفزاز وهو يحرك مكعب الحشيش فوق طاوله مكتبه :
_لا ياخوي لمؤاخذه انت متقلقش انا هعرف أتصرف معاها كويس….كفأيه بس اعملها فضيحه وبعدين استر عليها ولا ايه رايك يا سطي.

*تهجم وجه مجدي ولكنه تظاهر بالبريد وهتف : _الطلاق هيتم يا معلم سلطان اليومين الجاين وحلال عليك الحته الطرية.
*اغلق مجدي باب مكتب سلطان وهو يعض انامله من الغيظ يفكر :
_سلطان عايز يأخذ مراتي مني… عايز يأخذ شجن حتت القشطة بتاعتي…بس لا والف لا ولا هو ولا غيره شجن بتاعتي انا وبس.
**************************
*دخل نضال بسيارته الأنيقة التي سدت بحجمها الحارة الصغيرة المتفرعة من حي شعبي وظل ينظر الي البيوت القديمة والمقاهي الشعبية والبائعين المتجولين بعربات الخضار ثم توقف بسيارته التي بهرت أهل الحارة بفخامتها و حجمها وجعلت الجميع يلتفت باستغراب ويتسأل من هذا الغريب الثري زائر حارتهم الشعبية :

*توقف أمام دكانه صغيره وفتح زجاج سيارته و اخرج رأسه وهو يرتدي نظارة شمسية ثمنها اغلي بكثير من هذا الدكان الذي توقف أمامه…..ليسأل بصوت راقي متحضر بعد أن القي التحية على صاحب الدكان :
_السلام عليكم لو سمحت يا حاج فين بيت الست أم سعيد قريب من هنا؟
*خرج صاحب الدكانة مبهور برجل الوسيم الثري صاحب السيارة الفاخرة ليهتف بترحيب :
_وعليكم السلام يابني انت عايز أم سعيد الدايه ولا الحاجه أم سعيد.