احببتك ولكن 3

البـــــارت الـــــواحـــد والثــلاثــون

بعد أن أخذ حسام منها ما تخفيه عنه وفتحه، نظر لها بحاجبين معقودين وابتسم.
هتفت بضيق: مش شوفت خلاص ؟
حسام بابتسامة واسعة: طيب مش تقيسيه عشان أشوفه وأقولك رأيي؟
هنا بضيق أشد من تصرفه الذي يزيد من غضبها: حســــام!
حسام بنفس الابتسامة: خلاص خديه، بهزر… يلا روحي غيري هدومك عشان نتعشا سوا.
نظرت له بأستنكار: لأ، ماليش نفس… عن إذنك.
ذهبت بسرعة دون أن تنتظر رده.
نظر حسام إليها وتنهد.
حسام لنفسه: نفسي تحبيني يا هنا…
ثم أردف بأسف: بس يا خسارة، أظاهر حياتنا مش هتتغير…
ذهبت هنا إلى غرفتها، وهي تشعر بالضيق مما حدث، ولكنها رأت نفسها تبتسم دون أن تشعر.

في منتصف الليل، استيقظت هنا بعد أن شعرت بالجوع.
هنا ساخرة من نفسها: قال ماليش نفس قال… ده أنا هموت وأكل!
خرجت من غرفتها وذهبت إلى المطبخ، واخذت تبحث عن الطعام.
حسام: نسيت أجيب ميه قبل ما أنام.
خرج حسام من غرفته هو أيضاً، ولكنه فوجئ بمنظر هنا وهي تأكل بشراهة. ابتسم وابتعد حتى لا يشعرها بوجوده.

انقضت الأيام سريعًا إلى أن جاء يوم متابعة هنا مع الطبيبة.
حسناء بابتسامة: ها، أخبارك إيه المرة دي؟
هنا بابتسامة: الحمدلله.
حسناء: شكلك عايزة تحكيلي حاجة.
هنا، وبدأت تقص عليها مكالمة رزان…
حسناء: طب جميل، إنتي كده كنتي ظالماه.
هنا بابتسامة خفيفة، ثم تلاشت تلك الابتسامة سريعًا: للأسف برضوه حياتنا مينفعش تكون حياة طبيعية.
حسناء، وهي تعلم تمامًا لماذا تقول هذا:
ـ ليه طيب؟ اللي يمنع إن حياتكم تكون طبيعية؟ إنتي مش بتحبيه ومن زمان كمان، ليه تمنعي نفسك من اللي بتحبيه؟ وكمان ده بقى جوزك.
هنا بحزن: للأسف حياتنا معقدة أنا وحسام… وجوايا جرح مش قادره أنساه، مع إني بحبه بس عمل فيا حاجة صعبة أوي…
وواصلت كلامها بنبرة صوت مهزوزة:
ـ عارفة لما تكوني بتحبي حد أوووي، بس بقيتي تخافي منه، مع إن المفروض العكس… المفروض تكوني تحسي معاه بالأمان. بس هو حرمني من ده… أنا بكون مبسوطة أوووي من قربه، بس مش قادره انسى كسرته ليا.
وبدأت تتذكر تلك الليلة، وأجهشت بالبكاء.
حسناء بتفهم: أظاهر إن في حاجة مخبياها، ومش عايزة تحكي عنها دلوقتي.
أومأت لها هنا برأسها، وصمتت.
حسناء: أنا مش هضغط عليكي دلوقتي، وهستنى لغاية لما تيجي إنتي بنفسك وتحكيلي… وبدأي اتعاملي مع جوزك من غير خوف لأن ساعتها هتعرفي ، هتقدري تسامحي ولا لأ…