احببتك ولكن 3
سلمي بفرحة : بجد؟ فكرة هايلة يا أمجد!
واتفقوا على قضاء يومين في مزرعة أمجد أواخر الشهر.
…..
هنا : إحنا رايحين فين تاني؟ وكمان فين المفاجأة اللي قلت عليها؟
حسام بهدوء : أصبري.. هتعرفي بعد شوية.
توقفت السيارة بعد دقائق وترجلوا منها.
نظرت هنا حولها وقالت بخوف :
ـ بالليل كده؟ لأ تعال نروح أنا خايفة.
حسام ضاحكاً وهو يطبق بكف يده على كفها : متخافيش، مفيش سمك كبير هياكلنا.. السمك نايم دلوقتي.
هنا بغيظ : رخم يا حسام..
وصلا إلى مرسى اليخوت.
حسام : هاتي إيدك عشان تطلعي.
هنا : لأ أنا خايفة، أفرض رجلي اتزحلقت ووقعت؟
حسام ضاحكاً من طفولتها : طفلة! طيب تعالي أشيلك.
هنا : لأ خلاص هركب أهو.
صعدت بعد تردد كثير منها ثم تحرك اليخت بهما، فهتفت بذعر وهي تترنح : ده بيتحرك.. احنا رايحين فين؟
حسام وهو يجذبها من يدها حتى تتحرك معه: تعالي معايا وأنتي هتعرفي المفاجأة.
اتجه بها إلى الجهة المخصصة للاحتفال، فوقفت مذهوله وسرعان ما ترقرقت الدموع في عينيها.
حسام : مفعوصتي الحلوة نجحت واتخرجت وجابت تقدير كمان!
هنا بفرحة : بجد نجحت بتقدير
اومأ برأسه إليها ،فأردفت وهي تمسح دموعها:
ـ علشان كده بابا و رنا كلموني النهارده لكن طبعا أنت متفق معاهم ميقولوش ليا حاجة.
ضحك حسام وقال:
ـ أنا كنت خايف من رنا لتبوظ المفاجأة بصراحه.
أقتربت منه هنا وقالت:
ـ شكراً يا حسام.
أخفى حسام توتره بعد أن أرتجف قلبه مع نطقها لأسمه: شكراً كده من غير مقابل؟
هنا بعفوية : نعم؟ مقابل إيه؟
حسام مشيراً نحو خده بابتسامة ماكرة :
على فكرة ديه بوسة بريئة.
هنا وهي تتحاشا النظر إليه: لأ كفاية شكرا!
والتفتت جهة المياة حتى تتابع الجمال الساحر.
حسام مقترباً منها : عجبك؟
هنا : جداً يا حسام.
حسام : أتفضلي هديتك ، اتمنى يعجبك ذوقي.
فتحت العلبة لتجد عقد من الألماس مصنوع على شكل قلب.
حسام : ممكن ألبسهولك ولا…
هنا بابتسامة خجلة : أه ممكن.
اقترب منها وبدء في مهمته ببطء، فارتجف جسد هنا من قربه.
هنا بخجل : حسام كل ده بتلبسهولي؟
حسام بابتسامة : لأ خلاص خلصت ياستي.
التفتت إليه وقالت بامتنان : جميل أووي يا حسام…
ثم طبعت قبلة خاطفة على خده تجمدت معها حواسه.
ابتلع ريقه بتوتر حتى لا يفقد سيطرته على نفسه.
ـ دي بقى مكافئتي يعني؟ طيب بحيث كده أجبلك كل يوم هدية!
هنا بخجل : لأ كفاية الهدية دي..
