احببتك ولكن 3
هزت لها هنا رأسها وقالت في نفسها، أسامح إزاي.؟
حسناء : كده أقدر أقولك جلسة النهارده انتهت.
خرجت هنا من عيادة الطبيبة ولم يكن حسام معها بل جاءت وحدها مع السائق.
بعد عودتها أرادت أن تسير قليلاً حتى تتخلص من خنقتها وبعد دقائق من سيرها انتبهت على وجود حديقة صغيرة تطل على بحيرة جميلة.
اتجهت ناحيتها وجلست عندها وقد اخذها الوقت دون أن تنتبه…
حسام وهو يحادث ليندا بغضب: يعني مقالتلكيش رايحة فين؟
ليندا بذعر من صراخه عليه : لأ… هي رجعت من العيادة وبعدين خرجت تاني، ملحقتش أسألها رايحة فين.
حسام بضيق: طيب يا ليندا، تقدري تروحي تشوفي شغلك.
وفي تلك اللحظة جاءت هنا.
حسام بقلق: كنتي فين؟ أظن إن السواق وصلك من أربع ساعات، افهم بقى كنتي فين؟
هنا: كنت بتمشى قدام البيت شوية.
حسام بحدة: بتتمشي؟ طيب مستنتنيش ليه وأنا أخرجك؟
هنا: حسيت نفسي مخنوقة شوية، وقلت أطلع أتمشى. وكمان أنا مروحتش في مكان بعيد، أنا خرجت قدام البيت… عن إذنك.
حسام بغضب: ياسلام! ببساطة عن إذنك كده؟ تاني مرة يا مدام، مفيش خروج غير بأذني. فاهمة ولا لأ؟
نظرت له هنا، ثم اتجهت إلى غرفتها.
تنهد حسام بحدة وتحرك ورائها.
حسام بنبرة صوت عالية: أنا مش كنت واقف بكلمك؟ ولا إنتي مبتسمعيش؟
هنا بصياح: في إيه يا حسام؟ خلاص، هو إنت عايز تتخانق ولا إيه؟ شكلك حابب تتخانق…
حسام بوجه حانق: لأ، إنتي اللي تصرفاتك بقت تستفزني.
ثم قبض على ذراعها.
حسام: متتكررش تاني، فاهمة؟
هنا بدموع: سيب دراعي يا حسام.
شعر حسام بالضيق من نفسه وترك ذراعها واستدار بجسده سريعاً حتى يتمكن من ضبط انفعالاته:
ـ عشر دقايق وألاقيكي تحت، عشان نتعشا.
ثم أغلق الباب ورائه.
وبعد وقت، شاركته وجبة العشاء دون شهية.
حسام: مبتكليش ليه؟
هنا، وهي تنظر إلى طبق طعامها : ماليش نفس.
حسام، بلا مبالاة: براحتك.
هنا في نفسها وقد تمكن الغضب منها : إيه البرود ده؟ الظالم عايش دور المظلوم، ماشي يا حسام، هقهرك زي ما قهرتني وهخليك تعض ايدك من الندم وتجيلي مذلول…
وبعد أن أنتهوا من وجبتهم التي كانت فيها هنا شاردة..
هنا: حسام، أنا عايزة أخرج، مخنوقة من البيت ومن كل حاجة.
حسام بتعب: يوم الإجازة إن شاء الله هبقى أخرجك.
هنا ببرود: طب خلاص هخرج لوحدي واهو اكون صداقات ليا هنا.
ضرب حسام طاولة الطعام بقبضة يده وقال:
ـ نعم؟ وده على أساس إني هسمحلك تعملي كده ؟
وكاد أن يخبرها عن خيانتها لها لكنه سيطر على غضبه…
هنا : أنت متجوزني علشان تعيشني في سجن ، ما كفاية اجبارك ليا على الجواز…
