احببتك ولكن 3
محمد:
ـ أيوه يا حسام.
حسام بنبرة غاضبة:
ـ اطلع بره، مش عايز أشوف وشك… بدل ما أطلبلك الأمن.
محمد، وهو ينظر له بأسى:
ـ اسمعني الأول يا حسام، وبعدين اطردني.
حسام:
ـ أسمع إيه يا صاحبي ها؟ أسمع إنك كنت بتحب مراتي؟ أسمع إن كان ليك علاقة بيها وبتحبوا بعض من ورايا، وبتستغفلوني مع إنك كنت عارف إني بحبها قد إيه يا محمد؟
أخفض محمد رأسه في خزي وقال:
ـ أنا ومراتك عمر ما كان بينا حاجة يا حسام، وبالذات من ناحيتها هي. هي أصلًا مكنتش بتحب ولا عمرها حبت غيرك، بس إنت كنت أهبل…. عِنادها، وكرهها ليك كان نابع من حبها، بس للأسف إنت مكنتش واخد بالك.
وأستطرد قائلاً:
ـ هنا، برغم الحب اللي حبتهولك، حاولت تقتل الحب ده إنها تثبتلك إنها بتكرهك ومبتحبكش، مع إنها بتحبك. مكنتش عارفة إنها بتقتل نفسها كده عشان بس تحافظ على كرامتها اللي إنت وشاهندة دوستوا عليها، لما شافتكوا في حفلة شاهندة وأنت معاها في أوضتها.
كان كل هذا وحسام ينظر له بذهول.
محمد:
ـ هنا كانت في الحفلة يا حسام. شاهندة عزمتها لما عرفت إنها البنت اللي بتحبها…
ثم صمت قليلًا، وأكمل:
ـ عن طريق رزان اللي مثلت عليها الصداقة والحب عشان يقربوها منهم، وخططهم تنجح، وفعلاً نجحت لما صدموها في أول حب في حياتها.
ثم ضحك بحزن:
ـ وشاهندة هي اللي بعتتلك الصور اللي بتجمعني بيها. مع إن الصور عادية، لو دققت فيها هتلاقيها صور عادية، بس المصور هو المحترف، عرف يخلي اللي يشوفها يظن إن اللي في الصورة بتجمعهم قصة حب، مع إن الحقيقة…
**فلاش باك!**
كانوا يجلسون على أحد المقاعد في حديقة المستشفى.
محمد بحزن:
ـ متشكر أوي ليكي يا هنا بجد على اللي بتعمليه مع أختي.
هنا بابتسامة:
ـ متقولش كده يا محمد، مي دي أختي.
محمد بأسف:
ـ لو حد غيرك كان قطع علاقته بينا بعد اللي مي عملته فيكي…
ثم أمسك يدها الملفوفة بالشاش برفق، ونظر لها بحنان:
ـ آسف بجد يا هنا، ياريتني ما كنت سبتكم لوحدكم في البيت.
هنا:
ـ متتأسفش، ده كان من غير قصدها. أنا اللي المفروض أتأسف إني محفظتش عليها… أنا آسفة والله، بس هي زقتني وجريت بعد ما شافت الدم وفتحت الباب بسرعة، وملحقتهاش غير والعربية بتخبطها، بس الحمد لله الدكتور طمنا عليها والخَبطة مجتش جامدة.
محمد بصوت متحشرج:
ـ الحمد لله.
