انت غير4 | Contemporary Drama Novel
وقف معتز و عقد ذراعيه أمام صدره و أبتسم بـ سخريه قبل أن يعلق بـ :
_ أنا ملاحظ إنك بقيتى تقولى والدى و اخويا كتير .. ناسيه والد حضرتك المبجل إنه هو اللى رماكِ زمان أنتِ و نور !
_ يــــــــوه .. خلاص يا معتز .. مش كل شويه تقول كده ، و ياريت تحترم نفسك و أنت بتتكلم عنهم ، ده أبويا و دى عيلتى فــــــاهم .
أقترب معتز منها و وضع كفه على ذراعها ، ثم ضحك بـ سخريه قبل أن يقول :
_مش غريب عليكِ الكلام ده .. و أنا أقول جايبه القسوه دى كلها منين ، ما أنتِ زي أبوكِ بـ الظبط .
لم يترك معتز مجالاً لزينا حتى ترد على حديثه ، و صعد إلى غرفته ليتركها تشتعل غضباً .
ألقت هى بجسدها على الأريكه و سمحت لعبراتها بـ الخروج قائله :
_ أكـــــيد لازم أكون زيه .. ما أنا بنته !
….
بـ القاهره .
السجون ،،
جلس أدهم بـ غرفه مغلقه بها طاوله و مقعدين من الخشب ، و ظل ينظر إلي ساعة يده حتى فُتح الباب و دخل أحدي العساكر و معه عاصم قائلاً بـ جديه :
_ خمس دقايق مش أكتر .
ثم خرج صافعاً الباب خلفه بقوه .
تأمل أدهم هيئة عاصم الذى كان ينظر أرضاً بتلك الملابس الخاصه بالسجن ، مرّ ما يقرب من شهراً و لم يراه ، لقد تغير كثيراً إنه عاصم الذى كان مفعم بالقوه و الشده ، ماثل الآن و هو ضعيفاً جداً ، يبدو إنه قد كبر عشرات السنوات بتلك الأيام القليله .
رفع عاصم وجهه لينظر إلى أدهم بـ أنكسار ، ثم أقترب ليجلس على المقعد المقابل له قائلاً بحزن :
_ جاي تشمت فيا مش كده !
حرك أدهم رأسه يمياً و يساراً قائلاً بهدوء :
_ ابداً جاي أطمن عليك !
ضحك عاصم بسخريه قائلاً بآسي :
_ تطمن عليا !
أطمن ماتخفش محاكمتى بعد أسبوع و متأكد إنى هاخد أعدام .. و عارف إنك جاي تقولى ده جزات اللى كنت بعمله فيك أنت و جاسر صح !
أبتسم أدهم و هو يضم كلتا يديه معاً و يضعهم على الطاوله و ينظر إليه قائلاً دون أن ينظر إليه :
_ ابداً لو على حقنا فـ أحنا مسامحين بس ده حق الناس اللى أنت أذيتهم من غير سبب .
_ ماتفرقش كتير المهـ…
_ لأ تفرق اللى حصلنا و اللى مرينا بيه ده ذنوب الناس اللى أذيناها ، نهله اللى ماتت على أيدك و جاسر اللى بين الحياه و الموت و يا عالم هيفوق و لا لأ وبناتك اللى رافضينك تماماً وأنا اللى عمرى ما دوقت الراحه فى يوم واحد عايش حياتى كلها و أنا بموت في اليوم مية مره .
بكى عاصم و هو يستمع إلى كلامه و دفن وجهه بين كفيه قائلاً برجاء :
_ كفايه يا أدهم كفــــــايه .
