انت غير4 | Contemporary Drama Novel
سقطت عبره على وجنة جاسر قائلاً بسخريه :
_ أنا بحسدك لأنك اتربيتى بعيد عنه .. عمره ما عمل حاجه تسعدنا ، كل كلامه بالصراخ و الضرب .
عقدت نور حاجبيها معلقه بقلق :
_ ضـ.. ضرب !
_ اه ضرب .. كان بيضربنى و بيضرب أدهم ، و نهله كمان .. لمَ يضايق مننا أسرع حل عنده مد الأيد .. كلنا كنا بنتجنبه ، على طول أنا و أدهم سهر بره
_ و نهله !؟
زاد أنسياب العبرات على وجنتي جاسر متابعاً بـ حزن :
_ نهـ.. نهله كانـ. كانت سكرة البيت .. الدلوعه بتاعتنا ، كانت بتعرف تتعامل معاه كويس و تكسبه لكلمتين ، و تخرج من وراه برضو .. و للأسف نهايتها كانت على أيده زي ما قولتولى .. اااه يا نهله اااه .. ربنا يرحمك يا حبيبتى .
أحتضنته نور بقوه و هى تبكى ، حتى شعر هو بعبراتها الساخنه تبلل عنقه ، فرفع يده بـ تردد ، ثم أنزلها مره أخرى و لكنه شعر بـ تشبثها به بقوه فرفع كفه و مسح على ظهرها و شعرها و قبّل رأسها قائلاً :
_ ماتعيطيش يا نور .. خلاص .
أبتعدت نور عنه و مسحت عبراتها بكفيها قائله بـ حزن :
_ ربنا يرحمها .. كان نفسي أقعد معاها و أشوفها و نعيش سوا .. بس
ثم تابعت بمراره :
_ بس الله يرحمها ، و برضو ربنا ماحرمنيش إنى أشوفها .. شوفتها مره بالساحل ، يوم مـ. ماعرفت إنها خطيبة أدهم .
لم يتكلم جاسر ، فقط ترك عبراته هى من تعبر عن حزنه ، أدركت نور مدي الحزن الذى سيطر على الأجواء ، فـ أرادت أن تلطفه فتحدثت مازحه :
_ شوف الحظ يا اخى .. من حوالى شهرين كنا هنتجوز .. هههههه و أحنا أخوات ، أتخيل أنت كده إن مراتك هي أختك ههههههه .
ضحك جاسر بحزن على مزاحها و وقف معلقاً بـ :
_ ما هو ده عقابى أنا .. من وسط بنات العالم كله مالقتش غير أختى اللى أحبها أوى كده هههههههه .
وقفت نور و أحتضنته قائله بـ ضحك و صوتاً مرتفع إلى حداً ما :
_ بس أنا بحبك .. و بحبك أوى كمان .. أكتر من الواد أدهم اللى تحت ده ههههههه .
_ الله الله .. أهو عرفتك على حقيقتك قبل ما نعمل خطوبه ههههه
قالها أدهم و هو يتجه ناحيتهم .
نظرت إليه نور بـ خوف معلقه بـ مزاح :
_ يخربيتك أنت بتيجي على السيره هههههههه .
أقترب أدهم و وقف قائلاً بضحك :
_ لا ياختى و حياتك .. أنتِ اللى صوتك عالى مش قولتلك الف مره صوتك يوطى ..!
أدعت نور الحزن و وجهت حديثها إلى جاسر و هى لازالت تحضنه قائله :
_ يرضيك كده يا جاسر .. أختك بتتشتم و أنت واقف !
ضحك جاسر و حاول الألتفات ناحية الصوت معلقاً بـ :
_ مالكش دعوه باختى يا أستاذ أنت بدل ما أضربك زي زمان و لا ناسي هههههههه .
