الجزء الثاني من الفصل 16 من طعم في يدا أليفة بقلم سيلا وليد

_إنتِ عارفة يعني إيه أفضل أحب واحدة اتناشر سنة؟ اتناشر سنة يا خديجة! أشيلها جوايا في كل خطوة، وأحلم بيها في كل ليلة
ابتلع غصته، وانخفض صوته على نحوٍ جعل كلماته أشد قسوة.
_وبعدين تختار غيري، لحجج تافه وهي مش شيفاني راجل،انا عديت علشان بحبك
_عبدالرحمن ماتقلبش في القديم، سيبه مدفون ببلاويه

جز على أسنانه حتى كاد ان يحطمها، ثم أطبق على ذراعيها، ولم يرى سوى احدًا غيره امتلكها
_ليه يامدام، قلبي دا مالوش حق
ارتجفت شفتاها، بينما تابع هو، وعيناه تتنقلان بين عينيها وملامحها كأنه يبحث عن شيءٍ يثبت له أنها  خديجته التي عشقها
_عبدالرحمن عندك بيقلب لشخص وحش ياخديجة
أمسك بوجهها بين كفّيه، بقسوة وأجبر نفسه على النظر إلى عينيها، رغم الدموع المتجمعة فيهما كانت تفتك بما تبقى من غضبه.
_اهو ربنا اخدلك حقك مني
ثار غاضبا يدور حول نفسه كالمجنون
_حق ايه، اقترب يغرس عيناه بعينها
_انك بقيت ملك لراجل تاني… تابع بقسوة
_بغض النظر عن اللي حصل في جوازك الأول، يا خديجة… إنتِ عارفة إن مجرد فكرة إن راجل تاني شافك ، وإنه عرف عنك حاجات أنا نفسي كنت بتمنى أكون أول واحد يعرفها… بتعمل فيا إيه؟
انهمرت دموعها، وانخفض رأسها هربًا من عينيه.
ليت ذاكرتها تمحو تلك الأيام، ليت قلبها ينسى، وليته هو أيضًا لم يعرف شيئًا..
رفع ذقنها بأصابعه يضغط عليه بقسودة، وأعاد وجهها إليه.
_بصيلي! صرخ بها
نظرت إليه مكسورة، فاشتدت ملامحه، وكأن انكسارها يستفز فيه وجعًا لا يعرف كيف يتعامل معه.. ظل ينظر اليها
_الحيوان كان بيقولك تقولي انك بتحبيه صح… احمرت عيناه وتخيلاته كادت ان تزهق روحه، ينظر لشفتيها المرتجفة، اغمض عيناها يحاول ان يسيطر على ذاك الجنون الذي انتابه، ولكن تخيلاته اكبر من أي عقل
سحبها يقبلها بقسوة، كأنه يزيل اثار الاخر من عليهما، ويده تعبث بجسدها، نيران تحرقه بالكامل، رفع رأسه يمرر انامله على شفتيها التي تورمت من قبلاته، ورغم ذلك ونيران الغيرة تحرقه، رفع عيناه اليها

_أنا مش ملاك يا خديجة، ولا هقدر أكون ملاك معاكي. أنا راجل بيغير على الست اللي حبها عمره كله.. مش بحبها بس بعشقها

جذبها  حد الألتصاق، جبينه يلامس جبينها.

ارتعشت أنفاسه، ثم انحدرت عيناه إلى شفتيها قبل أن يعيد النظر إلى عينيها.