احببتك ولكن 2

رزان ببكاء : أنا آسفة يا هنا، سامحيني، أنا جربت إحساسك، صعب قوي بس ربنا أخدلك حقك مني. صدقيني حسام بيحبك أوي، شاهنده حاولت كتير تقرب منه بس هو بالرغم من معاملتك القاسية ليه مكنش بيسمح ليها، وعلي فكرة هي مش هتسيبكم في حالكم وجاية سويسرا كمان يومين. أنا مش عارفة إيه اللي بينكم وليه علاقتكم وصلت لكده ، مع أني كنت متأكدة أنكم بتعشقوا بعض، بس أنا عذراكي، أنا وشاهنده وجعناكِ بكلامنا وشككناكِ فيه. بس في إيدك تصلحي غلطتك يا هنا صدقيني، ومتسمحيش لواحدة زي شاهنده تخسرك حب حياتك.
هنا : للأسف كلامك ده جه متأخر أوي يا رزان.
رزان : لاء، لسا الوقت معاكي، واللي بيحب بيسامح.
أنهت رزان المكالمة مع هنا
هنا بشرود وهي تقبض على الهاتف : ياااه، كل ما أدوي جرح ألاقيه بيتفتح تاني… يا رب، أنا تعبت، ساعدني.

في المساء، كانت هنا وحسام يتناولان وجبة العشاء.
نهض حسام وقال : شبعت الحمد لله، أنا داخل المكتب ورايا شغل.
أومأت له برأسها وظلت في شرودها الذي أصبحت معتادة عليه منذ أن دخل حسام حياتها.

هنا : بس هسامحك إزاي يا حسام على الوجع الأكبر اللي سببتهولي؟ أنا كنت خلاص هبتدي أنسى الماضي وأفتح صفحة جديدة معاك وكنت هوافق على الجواز لأن أنا مكنتش عايزة أتجوز غيرك، بس اللي عملته فيا وجعني أوي.
سقطت دموعها فمسحتها سريعاً.

حسام وهو شارد في غرفة مكتبه : شكل حياتنا عمرها ما هتتصلح يا هنا، ولا حد فينا هيسامح التاني؛ أنا مش قادر أنسى خيانتك ليّا مع محمد، ولا أنتِ عارفة تنسي اللي عملته فيكي. بس لو تعرفي الحقيقة… بس مش هقدر أقولهالك لأنك ما هتصدقي وتجري على محمد اللي سبتيني عشانه، مع أني محبتش قدك لو تعرفي أنا كنت بحبك قد إيه ولسا بحبك برضه، ومارضيتش أذيه عشانك أنتِ.
ثم تنهد وقال : ساعدني يا رب.
…

ألف سلامة عليكي يا هنا، والله زعلت لما عرفت من أمجد أنك تعبَتِ، وكنت عايزة أجيلك بس أستاذ أمجد مش فاضي، وكل يوم أقوله عايزة رقم هنا يقولي لما أكلم حسام هاخد منه الرقم وبينسي، لحد لما حن عليا النهارده وجابلي رقمك من حسام
(كانت سلمى تحادث هنا عبر الهاتف).

هنا : الله يسلمك يا سلمى، ولا يهمك، أنا بقيت كويسة دلوقتي وما فيش داعي تتعبي نفسك.
سلمى : أنتِ عاملة إيه دلوقتي؟
هنا : الحمد لله.
سلمى : طيب، بحيث كده، إيه رأيك نخرج سوا بكره نُفسح حسام ونعمل shopping؟
هنا : يا ريت، أنا بجد أتخنقت من البيت ونفسي أخرج.
سلمى بدعابه : إيه ده؟ حسام أتجوزك وحبسك شكله ولا إيه؟ بس عنده حق الصراحة، القمر ده لازم يتحبس.