احببتك ولكن 2

هنا بضحك على كلام سلمى ، فـ سلمى تشبه رنا كثيراً في مرحها: قمر إيه بقى؟ أنا ما جيش جنبك حاجة.
سلمى بقهقهة : قمر بالستر!
وضحكا الاثنان معاً واتفقا على موعد غداً ولكن بعد أن تستأذن هنا حسام.

كان حسام ما زال في مكتبه، أطرقت هنا الباب.
حسام : أدخلي يا ليندا
فهو ليس معتاداً أن هنا تأتي إليه.
هنا بخجل بعد أن دلفت : أنا مش ليندا…
حسام بدون أي تعبير على وجهه : نعم يا هنا، في حاجة عايزاها؟
هنا بأختناق من طريقة كلامه : لاء، مش عايزة حاجة خلاص، عن أذنك.
حسام : اللي يريحك.

ثم أتجهت إلى غرفتها وظلت تبكي على حالها.

حسام لنفسه : أنا ليه عاملتها كده؟ هي مهما كان بعيدة عن أهلها، أخدتها من الناس اللي بتحبهم وجبتها هنا. (ثم تذكر كلمتها 🙂 “لحد ما سنة السجن دي تخلص”… تنهد حسام ثم خرج من مكتبه إليها.
كانت هنا تبكي، ولكن عندما سمعت طرق الباب مسحت دموعها.
حسام : ممكن أدخل؟
اعتتدلت هنا قائلة: اتفضل.
حسام وقد علم من منظرها أنها كانت تبكي : ها يا ستي، كنتي عايزة إيه بقى؟
هنا بتردد : سلمى كلمتني عشان نخرج بكره، نُفسح حسام ونشتري شوية حاجات.
حسام : هترروحوا على الساعة كام كده؟
هنا : لسا متفقناش، قلت لها لما أسأل حسام الأول.
حسام : طيب، أنا معنديش اعتراض، بس تليفونك يبقى مفتوح عشان أطمن عليكي، وخدي الكريدت كارد بتاعتك، ماشي؟
هزت هنا له رأسها، ثم أشاحت بوجهها عنه.
حسام : تصبحي على خير.

في صباح يوم جديد، ذهب حسام إلى عمله، أما هنا فذهبت إلى سلمى بعد أن أصر حسام بأن تذهب مع السائق وليس بمفردها.
سلمى : واااااو! شفتِ قميص النوم ده تحفه يا هنا، وهيبقى جميل عليكي.
هنا بخجل وتهرب من اقتراحها : لاء، تعالي نشوف حاجات تانيه
ثم أمسكت بيد حسام الصغير وقالت : أو تعالي نشوف هدوم لـ حسام.
سلمى بمشاكسة وقد أحست بخجل هنا :  بتتكثفي؟ يا هبلة، ده جوزك هو أنتِ هتلبسيه لحد غريب؟
هنا وهي لا تعرف كيف تخرج من هذا المأزق ، فعلاقتها مع حسام ليست علاقة زوج بزوجة إنما اتفاق وسينتهي بعد أن ينتهي هذا العام..
سلمى : ساكتة ليه؟ ماليش دعوة، هتشتري يعني هتشتري!
هنا : يا سلمى…
ولكن سلمى لم تتقبل رفضها وذهبت إلى البائعة ودفعت ثمنه.
هنا في نفسها : يا ربي، أعمل إيه أنا دلوقتي؟ يلا بقى، كدة كدة هشيله في الدولاب زي الهدوم التانية.