دموع ممنوعة القسم الاول

……………الفصل الأول اانطلقت الذكريات داخل عقلها وهى صامتة ودمعتها محبو.سة داخل مقلتيها خوفا أن يفتضح أمرها ويعلم من حولها بمدى الحس,رة والأ.لم والغضب الكامن داخلها ، مجرد فتاة عائقها الوحيد فى الحياة ليس ما تمر به من أحزان ، وإنما أزمتها هى أنها لا تستطيع البكاء ، لا تزف عينيها الدموع ، لا تستطيع تخفيف حزن أو غضب أو ضغط بالدموع كما يفعل باقى الناس ، فهى لم تبكى حتى على أعز الناس عندما تركتها وما,تت ،تعودت على أع حياتها بدون دموع ، ،،دموع ممنوعة، ،،، مجرد فتاة فى الخامسة والعشرين من عمرها ، تزف لرجل من أرقى العائلات فى المنصورة ، يجب أن تكون سعيدة لهذا ، لكن للأسف شعلة الفرحة داخلها انطفئت منذ وف,اة والدتها منذ أكثر من 9 أعوام ،حيث كانت لا تتعدى السادسة عشر من عمرها ، وقفت أمام المرآة تتأمل نفسها فى فستان زفافها ، ملامح مصرية جذابة ، عيون واسعة ، أنف صغير ، وفم صغير مكتنز الشفاة ، ليست جميلة بالمعنى المفهوم ولكنها حقا جذابة . هى ايضا فتاة تعشق التغيير والقوة والتحكم فى كل شئ فى مسار حياتها. كانت تتمنى أن تكمل دراستها العليا قبل الارتباط بأى رجل ، بعد أن أنهت مؤهلها والتحقت بإحدى الوظائف الحكومية ، بالنسبة لهم ، الفتاه نهايتها بيت زوجها وبين أطفالها.، بالرغم من أنهم أصروا على تعليم جميع أبنائهم وألحاقهم بالجامعة والوظيفة أيضا إلا أن عقليتهم الريفية والصعيدية مازالت هى المسيطرة . وبالطبع هذا هو الصراع الدائم بينها وبينهم ، لأنها تصر على استقلاليتها حتى أنها انتقلت لتعيش وحدها لفترة ، وساعدها على ذلك كره زوجة أبيها لها ، وقامت بتنفيذ مشروعها الذى حلمت به وحدها دون التدخل من أى شخص منهم ، مكتبها للتحقيقات الخاصة الذى بدأ يأخذ مكانه الفعلى فى أوساط رجال الأعمال بالذات ، لنجاحها فى حل معظم القضايا التى تسلمتها . وبالطبع تحت وطأة هذا الضغط ، كانت تقابل كل من يتقدم لها طلبا للزواج ثم تبحث عن عيوبه لتتعلل بها لترفض، إلا معه ،فعندما تلاقت عيناها بعيناه، تناست كل ما تفعل ولأى سبب، فهى لا تنكر تأثره به من أول نظرة كما يقال ، جلست أمامه بعدما أفرغت لهما غرفة الجلوس كالعادة وجلس الجميع فى الغرفة المجاورة ، جلست تنظر له وتسمع كلامه عن نفسه،وكأن الله عماها عن كل العيوب الموجودة به فلم تجد سببا تتعلل به للرفض،،،،،،،،،،،،،،، ، غير أنها من داخلها لا تريد أن ترفضه ،،،،.فوقتها لم تكن تعلم أن هذا الرجل سيكون سبب فى أكبر جر.ح فى حياتها……. فهو كعريس لا غبار عليه ، عيبه الوحيد هو عائلته ، أكثر عائلة كرهتها فى حياتى ، كرهتها وكرهت من فيها دون أن أعرفهم ،،،،عائلة المصرى ،،، لكن للأسف ، داخلها شغف قاتل لتتعرف عليهم ، تريد أن تعيش بينهم مثل أمها ، كيف هى الحياة معهم ، تريد أن ترى الأشخاص التى حكت عنها أمها ، هل مازالوا كما هم أم غيرهم الزمن ، أرادت أن تنتقم ممن آذى أو جر,ح والدتها طوال سنين حياتها داخل هذه العائلة ، لقد سبق وفعلتها من آخرين بأشد طرق الانتقام ، وها هى ستفعلها مرة أخرى . . يالا هذا القرار الصعب ،لقد أرهقتها كثرة التفكير حتى هديت لقرار معين ، فقد قررت ات تتوسط العصا من منتصفها ،، قررت أن توافق وترتبط بهذا الرجل وترضى شغفها وتدخل عائلة المصرى ، وأن تكمل ما أرادت من تقدم فى عملها ودراستها فى أن واحد ،ولكن هذا الارتباط سيكون بشروطها الخاصة ويجب أن يوافق عليها أولا حتى تخبر الجميع بموافقتها ،،فاخبرت والدها انها تريد أن تقابله قبل أن تعطى الموافقة له . وافق الوالد ، واتصل به تيليفونيا وأخبره برغبتها ، وافق هو بدوره على هذه المقابلة رغم أنه تعجب كثيرا ،لقد كان يتوقع أنها ستوافق من أول مره …،هداه غروره لذلك !؟ وحان الموعد المتفق عليه ،،وهى متردده كثيرا فى كيف ستتجرأ وتخبره بهذه الشروط ؟ دق جرز الباب وذهب أخيها ليفتح وبقت هى تفكر !! المهم انها قررت الدخول بعد أن أخبرها أخاها انهم فى انتظارها . دقت الباب وجلست بجوار أبيها فقام أبيها من مجلسه ونظر لأخيها فقام هو الأخر وخرج وترك الباب مفتوحا ،، ظلت صامته لا تعرف من أين تبدأ ، وهو يحدق بها وكأنه يستوضح تفاصيل وجهها وجسدها فى نظرات سريعة ، فبدأ هو الحديث ،فهو الرجل ويجب أن يحترم خجلها كامرأة . ،،كنت عايزة تشوفينى، خير ان شاء الله ،، اصلى حاولت أتخيل السبب لكن فشلت وأخيرا قلت أنك ممكن تكونى عايزة تشوفى وشى ، المرة اللى فاتت مبصتليش اصلا ،، فوجئت بكلامه فهو يتخيل أنها لم تنظر أليه ، رغم أنها استوضحت تفاصيله جيدا ، ولكن يبدوا انه لم يلاحظ رفعت وجهها إليه ، ولأول مرة يرى نظرة عينيها بوضوح ..فقد كانت خلابة ،مع أنها ليست من العيون الخضراء أو غيرها ولكنها كانت عين واسعة وسمراء كعيون المها ،ونظرات ذات ثقة عالية ومملوئة بالقوة ، أخذته هذه النظرة وشدته صاحبتها . ،،كنت عايزة اشوفك عشان اقولك أنى موافقة على جوازك منى لكن بشروط ، ولو موافقتش عليها ، اعتبر أنى موافقتى كأن لم تكن ، يعنى الموضوع معتمد عليك ،، رد فى تعجب،،،،،،عليا انا ؟! ،،ايوة ،انت ،، ،،اتفضلى ، انا سامعك .. ترددت أكثر مما وجدت منه من استعداد كامل للإنصات لما ستقوله ولكنها استجمعت شجاعتها قائلة .. طبعا عارف أنى بشتغل ، وانى بكمل دراسة .. فأشار لها بالاماء بالموافقة فاكملت. ..أنا مش هسيب شغلى مهما كانت الظروف ، ومش هوقف الرسالة ، ده الشرط الأول . . قال..والشرط الثانى قالت.. ماليتى الخاصة ، ممنوع تدخل فيها ولا تفرض عليا أى شئ بخصوصها. . فابتسم ثم قال ..والثالث فتعجبت من هذا الهدوء الذي تراه بل وهرب منها كل الكلام التى جهزته لتخبره به . فقالت .. التالت ، إجابة سؤال وبصراحة .. ..إيه هو ؟ …أنت مجبر على جوازك منى ؟ اندهش من سؤالها بتساؤل .. ليه بتقولى كدة ؟ .. أولا ، لأنك متعرفنيش ، ووافقت على جوازك منى من غير حتى ما تتكلم معايا ولا تحاول تعرفنى ، ثانيا ، كنت مكشر اوى وساكت المرة اللى فاتت ، وطبعا دى كانت المرة الوحيدة اللى شفتنى فيها ، كأنك كنت موجود غصب عنك ، ثالثا وده طبعا الأهم ، انت ابن خالى ، ، واللى انا اعرفه أن باباك ومامتك كانوا بيكرهوا أمى اوى ، وتحديدا مامتك، وافقت ازاى عليا .. زادت حيرته مما تقول وارتبك ولم يعلم بما يرد عليها . فهو بالفعل مجبر على زواجه ، فلم يستطع رد كلمة عمه ، فهو بالنسبة له كوالده بل أكثر ، فقد اهتم به أكثر ما اهتم به والده الفعل ، لكن كيف سبخبرها بهذا ؟ يبدوا أنها تعلم الكثير ، وأن لم يكن ، فهل ستتبين كذبه أن فعل وكذب عليها ؟ كيف سيخبرها أن من يريد تزويجها له ، هو والد حبيبته وطليقته فى آن واحد ، كيف ؟ دموع ممنوعة. . . . . . . . . . . . . . . . . الفصل الثانى زادت حيرة ، عادل ، مما تقول ،فريدة، وارتبك ولم يعلم بما يرد عليها . فهو بالفعل مجبر على زواجه منها ، فلم يستطع رد كلمة عمه ، فهو بالنسبة له كوالده بل أكثر ، فقد اهتم به أكثر ما اهتم به والده الفعلى ، لكن كيف سبخبرها بهذا ؟ يبدوا أن هذه الفتاة تعلم الكثير ، وأن لم يكن ، فهل ستتبين كذبه أن فعل وكذب عليها ؟ كيف سيخبرها أن عمه الذى يريد تزويجها له ، هو نفسه والد حبيبته وطليقته فى آن واحد ، كيف ؟ ..أنتى قولتيلى انتى بتشتغلى ايه ؟ …ههههههههه ، والله ، انت كمان متعرفش انا بشتغل ايه .. …لأ معرفش ، كل اللى اتقالى انك موظفة فى وزارة التموين ، صح كدة .. … ده حقيقى ، بشتغل محققة فى الشئون القانونية. . ..محققة ! قولتيلى .. …يعنى إيه .. ..لا ابدا .. …طيب ممكن ترد على سؤالى .. …أنتى مصممة ؟ ..طبعا ، لان إجابتك هيعتمد عليها حاجات كتير جدا .. …زى ايه ؟ .. زى مثلا ازاى هتعامل مع اهل جوزى ،،معلوماتى بتقول انك عايش فى بيت عيلة مش لوحدك بالرغم من انك بتشتغل فى مجال تانى غيرهم خالص ،،وياترى هكون محبوبة ولا مكروهة ، والأهم من كدة لازم اعرف انت مجبر ولا لأ ، لأن ده طبيعى هيحدد شكل علاقتنا بعد كدة .. …شكل علاقتنا ، يعنى لو قلتلك أنى مجبر فعلا ، مش هترفضى الجواز .. ..أفهم الأول وبعدين أقرر .. .. طيب ياستى ، بس يارب تقدرى اللى هقوله ، لكن عندى طلب الأول قبل ما أقول أى حاجة .. ..اتفضل .. .. إللى هقولهولك دلوقتى ، ياريت ميوصلش لعمى أكرم أنى قولته ، مهما كان قرارك ، وافقتى أو رفضتى .. ..اوعدك ، ومش بس عمك ، واى حد تانى ، اتفضل قول .. .. أنا فعلا مش عايز اتجوز ، والعيب مش فيكى ، انا رافض فكرة الجواز عموما .. ..أمال انت بتعمل ايه هنا دلوقتى. . ..بنفذ طلب عمى .. ..وهو عايزك تتجوزنى ليه ؟.. ..أبقى اسأليه هو .. ..وانت عندك استعداد تتجوز غصب عنك .. ..متفرقش كتير .. ..يعنى لو اتجوزنا ، ايه اللى هيحصل بينا .. حقا هذه الفتاة تدهشه وتحيره بحد سواء ، لديها كمية من الجرأة تجعله يسترسل معها فى الحديث بصراحة. ..مش فاهم .. ..يعنى هتتعامل معايا أذاى ؟.. ..أه ، انا اسف ياآنسة فريدة ، بس متنتظريش منى كتير .. .. تمام كدة ، هو ده اللى انا عايزاه .. ..أفندم ، تقصدى ايه ؟ .. يعنى انا مش منتظرة منك حاجة اصلا .. ..مش فاهم .. ..قوللى الأول يادكتور ، انت موافق على شروطى اللى انا قلتها فى الاول .. ..معنديش مشكلة. . ..تمام ، اسمعنى بقى كويس ، بالرغم أنى عندى تساؤلات كتير جدا ، إلا أن واضح اوى أن الإجابات اللى انا عايزاها مش عندك ، عند أكرم المصرى نفسه ، ياخبر انهارضة بفلوس ، أما بالنسبة للى يخصك فى الموضوع ده ، هعمل معاك اتفاق هيحللنا مشكلتنا احنا الاتنين. .. ..اتفاق ومشكلتنا ، ممكن تفهمينى اكتر .. ..افهمك ، انا كمان مجبرة على الجوازة دى ، زييك بالظبط ، فبالتالي العند والرفض مش هيكون حل ، الحل أنى انفذ كلام أبويا ، وانت تنفذ كلام عمك .. ..يعنى إيه ؟ ..يعنى هنتجوز زى ماهم عايزين ، بس بينا احنا هيكون الجواز بشروطنا احنا .. ..برده مش فاهم .. ..جرى ايه يادكتور ، دا انت أستاذ فى الجامعة ، فين الذكاء.. ابتسم عادل من طريقتها المشاكسة وقال ..معلش، اعتبرينى واحد غبي وفهمينى اكتر.. ..يعنى هنكون أصحاب بعقد جواز ، ننفذلهم اللى هم عايزينه، وكل واحد فينا يعيش باستقلاليته ، لحد ما نحلها مع بعض بعد كدة ، ايه رأيك ؟ فكر لثوانى ثم قال ..أنتى متأكدة من كلامك ده ومستعدة تنفذيه. . .. لما هتعرفنى اكتر هتتأكد أنى قد كلمتى .. ..تمام ، انا موافق .. ..اوكى ، انا هبلغ بابا أنى موافقة ، بس لو سمحت ، بلغ عمك أنى عايزة اقابله .. ..عمى مين ؟ عمى أكرم ؟ ..هو فى غيره ؟ ..أنتى متخيلة انه هيجيلك هنا ؟ ..والله دى مش مشكلتك ، بلغه وبس .. بالرغم من ان طريقتها فى الكلام فى نهاية الحوار اغضبته الا انه انتهى بهذا الاتفاق الذى اراح عادل جدا ، أما فريدة فيبدوا انه سبب آخر لرحلة شقاء بدون دموع جديدة . دموع ممنوعة . . . . . . . . . . الفصل الثالث دقت الساعة الواحدة صباحا ومازالت فريدة لا تستطيع النوم ، أضاءت مصباح الغرفة وقامت وارتدت الروب الخاص بالبيجاما التى ترتديها ، خرجت للشرفة وجلست على أحد الكراسى وارتدت بظهرها للخلف وأسندت رأسها لحرف الكرسى ، عادت بعقلها ، للطريق الذى بدأته ، وأخذت تحدث نفسها بشأنه …هتقدرى يافريدة ، هتقدرى تقابلى اكتر ناس دمروا أمك ، من يوم ماتت وانتى مكرسة حياتك كلها للانتقام ليها ، بتأذى كل إنسان اذاها فى يوم ، أما دلوقتى هتدخلى عش الحيات زى ما أمك كانت مسمياه ، عيلة بتمشيها شوية نسوان ، بس مش أى نسوان ، ده نسوان قادرة ، شوية تعالب اتلموا فى عيلة واحدة ، تفتكرى هتقدرى عليهم وكمان تنتقمى من اللى عملوه فى أمك ، ابوكى، واكتفيتى انك تعذبيه بمعاملتك السلبية والباردة ليه ، وتفكريه باللى عمله فى أمك طول الوقت ، سحر رمضان وصلاح الكحلاوى ضيعتيهم تماما ودمرتى مستقبلهم تماما ، وغيرهم وغيرهم ،لكن الناس دى بقى هتعملى معاها ايه ؟ …فريدة .. ..بابا ؟! مش فى باب برده تخبط عليه .. ..خبطت كتير بس واضح انك كنتى سرحانة ، انا قلت أنك نمتى وسايبة النور ، كنت هطفيه وأخرج ، لكن ايه اللى مصحيكى لحد دلوقتى ؟ ، الساعة عدت اتنين … …اللى مصحينى هو نفسه اللى مصحيك يابابا … .. ما أنا قولتلك أنى خلاص مش عايزلك الجوازة دى يافريدة … … دلوقتى ، مبقاش ينفع انت اللى تقول يادكتور ، كلامى انا اللى هيمشى وانا خلاص وافقت ، وده آخر كلام عندى .. …وأكرم المصرى اللى هيجيلك انهارضة ده ، عايزاه فى ايه ؟ هو جالى مرة وانتى وافقتى وخلاص ، فى ايه تانى ؟ …هو قال هييجى ، والله كويس ، امتى ؟ ..الساعة 6 ،، انتى ناوية على ايه بالظبط ؟ … متاخدش فى بالك ، انا هقوم انا عشان اقدر أصحى لشغلى ، عندى تحقيقين، ولازم أبقى فايقة ، وحضرتك اتفضل نام عشان شغلك انت كمان … أنهت فريدة دوام عملها بكامل التحقيقات فيه ، وكالعادة تصل دائما للحقيقة ، فهى فنانة فى إيقاع من أمامها فى الكلام لتصل به ليقول الحقيقة ، وقد اشتهرت بين جميع المحققين الموجودين فى القطاع بذلك ، وبدأ رؤسائها يوكلون لها القضايا الصعبة . وصلت للمنزل قبل الخامسة بدقائق بعدما نزلت للتسوق مع إثنين من زميلاتها ، واشترت بعض الأشياء التى تحتاجها . دخلت لتبدل ملابسها ولتستريح بعض الوقت قبل الميعاد المنتظر . بالفعل وصل أكرم المصرى فى تمام السادسة ، كان يجلس مع والدها فى الصالون حتى تأتى هى للقائه ، بالرغم من مرور أكثر من 25 عاما على رفض عائلة المصرى لولدها كزوج لابنتهم ، إلا أن جو التوتر مازال سيد الموقف بينه وبين أى فرد من أفرادها ، لهذا كان الصمت هو سيد الموقف فى هذه الجلسة دق الباب ودخلت فريدة ، …مساء الخير … …مساء النور يافريدة ، انا مستنيكى من بدرى … …آسفة أنى عطلت حضرتك ، انا اصلا جاية متأخرة اوى من شغلى … …ولا عطلة ولا حاجة يافريدة ، وحمدالله على السلامة … ..الله يسلمك .. التفتت لوالدها ….بعد اذنك يادكتور ، ممكن تسيبنا لوحدنا شوية … إصابته الدهشة من طلبها إلا أنه لم يستطع حتى الاعتراض بعدما خرج عادت بوجهها لزائرها ، من المفترض أن هذا الزائر خالها ، اخوا والدتها ، لكنها لا تعترف بذلك حتى الآن . …ليه بتندهيله بدكتور ، دى تالت مرة اسمعها منك ، مسمعتيكيش بتندهيله ببابا خالص … …غريب سؤالك ، لكن إجابته مش دلوقتى ، أصل كل إجابة فى حياتنا ليها أوانها ، ودلوقتى أوان الإجابات اللى انا محتاجاها من حضرتك … …خير ، إجابات ايه ؟… …الأول توعدنى انك هتكلمنى بصراحة ومن غير كدب ولا حتى لف ودوران … ..كدب ، الله يسامحك يابنتى .. ..متزعليش منى ، كل الحكاية أن المواضيع اللى هكلمك فيها ممكن تكون حساسة ، بس انا للأسف مش هقدر أكمل فى الموضوع ده من غير ما أبقى فاهمة ، وملقيتش الإجابات اللى انا عايزاها عند عادل … ..اتفضلى ، وأنا سامعك ، وهجاوبك بصراحة زى ما انتى عايزة .. …اللى أعرفه ان عادل كان متجوز بنتك ، أول مرة اشوف حما هو اللى يخطب لجوز بنته بعد ما يطلقها .. …الموضوع بسيط يافريدة ، عادل ونيرة مختلفين تماما ، جدهم هو اللى عاند الموضوع ده وصمم يجوزهم ، ورغم رفضى انا ، مهمهوش رأيي ونفذ اللى هو عايزه ، كان عايز يثبت عادل وخلاص ، لأنه كان حاسس انه بيتسرب من تحت أيده وبيبعد عنه بدراسته وشغله ، وكانت نييرة الوحيدة المتاحة فى الوقت ده ، وطبعا طلاقهم جه أسرع بكتير مما تخيلنا ، والحمد لله من غير خلفة ، جدك برده كان مصمم أن الطلاق ميحصلش ، ولما حصل صمم انه يرجعهم لبعض ، فى الوقت ده انا اللى وقفت فى الموضوع، ووقفت المهزلة دى عشانها وعشانه ، وصممت أنى اجوزه ، حد يكون كويس ويعشله ويعوضه ، لان عادل بالنسبالى ابنى ، ربنا عوضنى بيه عن الصبيان اللى مخلفتهمش ، لما قابلتك واتكلمت معاكى بعد السنين دى كلها ، شفت فيكى مرات عادل ، قلبى بيقوللى انك هتعوضيه يابنتى ، أدى كل الحكاية وبصراحة جدا ، فى ايه تانى عندك … …مراتك .. …أفندم ؟ ..مراتك ، سميرة هانم ، وكمان مرات اخوك ، اللى هى أم عادل ، كانوا بيكرهوا أمى ، فطبيعى انهم بيكرهونى ومش قابلني ، رد فعلهم ايه على الجوازة دى .. ..يافريدة ، انتى لو فكرتى فى الموضوع ده مش هتتحركى من مكانك ، حماتي مبتحبنيش ومش عارف ايه ، كبرى دماغك يابنتى ، انا لما سألت عليكى وعرفت قوة شخصيتك وتحملك للمواقف ، مقلقتش من اللى الكلام اللى انتى بتقوليه ده ، مش كدة وبس ، رجوعك للعيلة رد اعتبار ليكى ولأمك ، وكمان انا عند وعدى ، هرجعلك ميراثك بالكامل ، وجدك وافق على كدة ، فمتفكريش فى الحاجات الصغيرة دى … … مش عارفة ليه مرتاحة لكلامك .. ..عشان بتكلم بالعقل ، وحاولى تفكرى انتى كمان بالطريقه دى ، فى حاجة تانية عايزة تعرفيها ؟ ..أهم حاجة ، واتمنى انك تجاوبنى. . ..اتفضلى .. ..موقف عزت المصرى منى .. ..مش المفروض تقولى جدى … …خلينا فى المهم … …عموما ، الموضوع ده بالنسبالى مش واضح اوى ، هو فى الاول كان رافض جواز عادل من برة ، ولما قلتله مين العروسة سكت ومردش ، تانى يوم قاللى انه موافق ، وطلب انه يقابلك ، والباقى انتى عارفاه … … مكانش فى باقى بينه وبينى ، على اى حال ، انا متشكرة ليك انك كلمتنى بصراحة ، انا فعلا كنت محتاجة اعرف الكلام ده … ..اللى انتى عايزاه انا هعمله ، وربنا يوفقك مع عادل يابنتى ، عادل طيب وابن حلال ، ومبيحبش الحال المايل … …ربنا يقدم اللى فيه الخير … ********* افاقت من كل هذه الذكريات ، ومازالت تقف أمام المرآه بفستانها الأبيض . دخل والدها اليها …جاهزة فريدة … …أيوة .. …طيب يلا ، جوزك وصل … كنت وكأنى أميرة ليلة تتويجها على العرش. . كانت عائلة المصرى تستعرض قدرتها المادية وسطوتها من خلال هذا الزفاف . بالطبع هذا الزفاف كان بتصميم من والدى . ..كنت أرى فرحة الجميع إلا انا…. وهو وانتهى هذا الزفاف وكأنه مجرد حلم عشته وانا نائمة. ..ووصلت لعش الزوجية التعيس. …..أقصد السعيد لأقضى فيه ليلتى وأستعد للذهاب لشهر العسل فى تاهيتى. .وكانت احدى اجمل الجزر فى العالم ومشهور عنها قضاء شهر العسل فيها من أغنى أغنياء العالم ،،كان من وجهة نظري أن كل هذه الأشياء بدون اى لزوم ، وكان داخلى سؤال ملح وهو أين قضى هذا الشهر فى زواجه السابق ولكنى قاومت رغبتى فى السؤال … وقفت أمام المرآة بفستانى الأبيض بعد انتهاء هذا اليوم الطويل معتقدة أن المفاجآت انتهب بالنسبة لهذا اليوم . بدت نظراته وكأنه سيخترقنى ، وهذا النوع من النظرات لم ارها منه من قبل ولم أفهم معناها ولكنى تماسكت ..واقف كدة ليه ، وبتبصلى كدة ليه ؟ …منتظر الأوامر … ..يعنى إيه ؟ …مش انتى المخطط لعلاقتنا وشكلها .. سخريته لم تعجبها فقررت احراجه فى نفس اللحظة . … أنت عندك استعداد ليا ، يعنى عندك استعداد تعملها دخلة عادية … فتح فمه واتسعت عيناه فى ذهول من جرأتها الشديدة ، ولم يستطع حتى الرد . ..فريدة ،،، انا اا .. ..متقولش حاجة ، انا بس حبيت اثبتلك أن مش انا اللى حددت نوع علاقتنا ، الظروف والوضع اللى احنا فيه هو اللى بيحدد ، ولو سمحت اتفضل أخرج شوية عشان عايزة أغير هدومى عشان مش هعرف أدخل بالفستان ده الحمام .. تحرك ببطئ باتجاه شنطة سمراء ، فتحها وأخرج منها بيجامة ، واتجه للباب ، وقبل أن يصل لمقبض الباب ، قالت …استنى ، افتحلى السوستة لوسمحت … اتسعت عيناه ، وتجمد فى مكانه …نعم … …نعم الله عليك ، ايه ، عايزنى اطلب الروم سيرفس عشان يبعتولى حد يفتحهالى، عشان يقولوا ايه على العريس أن شاء الله ، قاعد بيطرقع صوابعه. . فقد النطق مما قالت وكأن اصابته صاعقة وبالطبع لن يسمح أى رجل أن يطعن أحد فى رجولته ، اقتربت فريدة منه و استدارت بفستانها واعطته ظهرها وهى تقول بهدوء … افتح السوستة يا عادل .. مد يده إلى بداية سحجتها وامسك بها وبدأ بفتحها بهدوء ، كانت السحجة تصل لأسفل منتصف ظهرها ، بدأ بسحبها بهدوء ، وبدأ تظهر أمامه بشرتها البيضاء بالتدريج ، هى فعلا جميلة وجذابة وهو لا ينكر ذلك ، أما هى ، فقد احست برعشة يده وبطئها ، لقد تأثر بها بالفعل ، وعندما انتهى همست قائلة ..متشكرة … تمالك نفسه وتحرك ناحية الباب فاستوقفته مرة أخرى ..رايح فين ؟ ..هغير هدومى .. ..فى طرقة الاوتيل .. ركز لثوانى ، فهم فعلا فى غرفة فى الاوتيل وان خرج من الباب سيكون فى الطرقة . … ادخل الحمام ياعادل ، وحاول تتأخر شوية .. غير اتجاهه مرة أخرى للحمام وهو يفكر فى الجرأة المتناهية لهذه الفتاة التى تصل لحد الوقاحة ، لكن هى حقا لذيذة وجرأتها ألذ . لكن كيف ستمر الأيام مع هذه الوقحة الصغيرة ….. دموع ممنوعة. . . . . . . . . . . الفصل الرابع حاول ان يتأخر قدر المستطاع كما طلبت منه ، وعندما خرج وجدها نصف جالسة على أحد جوانب السرير ، وفى يدها تيليفونها ، كانت ترتدى بيجامة ساتان زهرى بأكمام كاملة وبنطلون طويل وشعرها مسترسل للخلف ومعقود برباط بسيط من الخلف ، وبعض الخصلات البسيطة مسترسلة على معظم وجهها تخفيه ، بالطبع هذه هى أول مرة يرى شعرها مكشوف ، كانت مثيرة فعلا أم الوضع هو المثير ، لا يعلم . عندما احست به رفعت وجهها له ، ظهرت بنظارة صغيرة ذات إطار ازرق ، …أنا قولتلك إتأخر ، مش نام جوا … … حبيت اسيبك براحتك ، انتى بتعملى ايه ؟… …متقلقش ، مش فاتحة فيس … ..وهل ليه ؟ ..أنى اون لاين يوم فرحى … ابتسم عادل من سخريتها من الموضوع وهى مبتسمة ..مش ملاحظة أنك بتعلقى على الموضوع ده كتير .. ..خلينا نتسلى ، أهو كلام فى الهوا ،، انتى بتعمل ايه ؟ … .. ايه ، هنام .. ..على الكنبة .. … هو فى مكان تانى ؟.. .. السرير .. ..وانتى ؟ ..السرير برده .. .. نعم .. ..نعم الله عليك يادكتور ، هو انت على طول مستغرب كلامى كدة ، إحنا الاتنين هنام على السرير ، كل واحد فى يمة ، والسرير كبير وهيساعنا احنا الاتنين. . …مينفعش……. ..لأ ينفع ، لازم نتعود على كدة ، عشان أما نرجع البيت ، ده بيت عيلة وحواليك ميت الف عين ، ولا ناوى تشمتهم فينا من أول يوم … ..ماشى ، انا معاكى فى الكلام ده ، وهناك الجناح واسع اصلا ، لكن هنا .. ..أنا واثقة من نفسى ، إلا إذا أنت مش واثق من نفسك … أثارت حفيظته بكلامها ، تقدم من الجهة الاخرى من السرير ، ومد يده ورفع الغطاء ونام على ظهره ووضع يده على عينه ، وفعلت هى الأخرى بالمثل ونامت وظهرها له ، رغم أن الوضع غريب بالنسبه لهم إلا أن الإرهاق والنوم غلبهم . استيقظت فريدة على صوت عادل … فريدة ، فريدة ، قومى يلا اتأخرنا .. ..اتأخرنا على ايه ؟ ..الطيارة ، نسيتى ولا ايه ؟ ..هو لازم يعنى ؟ ..هو ايه اللى لازم .. ..لازم نسافر ، انت عارف اللى فيها ، هنقضى 10 أيام وشنا فى وش بعض كدة ، خلينا هنا ، على الأقل كل واحد فينا يلاقى حاجة تشغله .. ..واللى يسألنا لغينا شهر العسل ليه ، هنقول ايه ؟ مش انتى اللى عاملة صوت العقل فى الموضوع. .. ..براحة ياعم ، مكانتش كلمة .. ..يلا قومى بقى ، فاضل ساعتين. . ..ساعتين ، مستعجل انت ليه بقى .. ..مش هتقضيلك ساعة قدام المراية .. ..هى مين دى اللى تقعد ساعة قدام المراية ، هرسم خريطة وشى من أول وجديد ، هم 3 دقايق أخد دش ، ودقيقتين أنط فى التيير. .. ضحك عادل بصوت عالى على تعـ,ـبيرها … طيب يلا نطى فى التيير بسرعة .. ..حالا .. بالفعل نطت من على السرير واتجهت للحمام ، وقام هو الأخر وغير بيجامته ببدلة بدون كرفات، واتصل بالروح سيرفس لتجهيز سيارة تنقلهم للمطار وليرسلوا أحدا لينقل الحقائب ، وقبل أن يضع سماعة الهاتف ، تجمد مكانه عندما رآها تخرج من الحمام بروب لا يصل حتى لركبتها ، اتجهت لحقيبتها واخرجت منها بعض الملابس ثم عادت للحمام مرة أخرى دون أن تتكلم ، ماذا تفعل به هذه الفتاة ، لم يمر عليهما إلا ليلة واحدة فقط ، وهو متأثر بها تماما ، لكن كل هذه الجرأة طبيعية ، هل هى مجرد تصرفات عفوية منها أم متعمدة ، وتوقف عقله عند كلمة متعمدة ، من المفترض أنها بكر ، بمعنى أنها لم تختبر من قبل كيفية التعامل مع رجل غريب عنها فى غرفة مغلقة عليهما ، ماذا يحدث ؟ فى خضم أفكاره ، خرجت هى من الحمام ، كانت ترتدى تيير أبيض يتكون من جيب طويلة وضيقة تصل لقدمها ومفتوحة من الجنبين حتى الركبة وعليها جاكيت يصل لخصرها من نفس اللون ، بالطبع وجدته مازال على وضعه والسماعة فى يده …أنت متنح كدة ليه ، فى حاجة ؟ ..لا ابدا ولا حاجة .. انقذه من احراجه بسؤالها طرق على الباب ، اتجه ليفتح الباب ، وجدهم العمال الذين سيحملون الحقائب، هم بإدخالهم ، لكنها استوقفته وهى تشير لشعرها المكشوف ، فاوقفهم مرة أخرى ، وأشار لها لتنتهى بسرعة ، مشطتت شعرها بسرعة ، وأخذت الحجاب لترتديه فى الحمام، بعد خروج الحقائب ، خرجت من الحمام وجلست على جانب السرير وبدأت بارتداء بووت ابيض طويل بطول فتحة جيبتها بخط أسمر بجانبه ، وبالطبع هو يراقب كل هذا ، يبدوا انه معجب بما تفعله ، ..خلصت خلاص ، شوفت بقى ، ربع ساعة بالظبط زى ما قولتلك .. ..هتكدبى من أولها ، انتى قلتى حمامك ولبسك خمس دقايق، اوام عملتيهم ربع ساعة ، عموما ده وقت قياسي فعلا ، أول مرة اشوف كدة .. ..مقطع السمكة وديلها انت … ..على الاقل خالص أمى واختى و … ..كمل ، سكت ليه ، ومراتك ، صح .. .. تقصدى طليقتى .. ..متفرقش .. ..تفتكرى! …تفتكر انت .. ..وحياتك مبقتش اصلا ، يلا بقى ، احسن الوقت اللى وفرناه فى لبسك هنضيعه فى الكلام … وصلوا للجزيرة بعد أكثر من يوم كامل ، قضوه فى فى التغيير من طائرة لأخرى، ثم هليكوبتر ، وبعدها أكثر من ساعتان فى سيارة جيب ، بالطبع بعد هذه الرحلة ، سيكون الاقتراح الأول هو الراحة والنوم ، وقد تم ، وبعدها بدأوا الاستمتاع بمعالم الجزيرة وهدوئها، قضوا وقتهم فى الحديث سويا عن كل الموضوعات فى كافة المجالات، ولا ينكر أحدهما أن هذه الأيام كسرت حاجز كبير بينهما ، كانوا كأصدقاء كما اتفقوا ، وعادل بدأ يستمتع بصداقتها والحديث معها ، ولكن حتى الآن لم يتخيلها كزوحة له ، فلم يكن يريد هذا النوع من الشخصية لتكون سكنه، كان يتمنى زوجة حنونة محبة وفياضة بمشاعرها ، وبالطبع فريدة ليست كذلك من وجهة نظره . أما فريدة ، فلم يكن مسار تفكيرها مثله ، فقد كان ما يشغلها وهى وحدها هى العائلة التى بصدد دخولها وتحفظ عادل الكامل وهو يتحدث عنهم ، أما انه يعلم كل شئ ولكن لا يريد ذكره ، أو هو برئ أكثر من اللازم، ولا يعلم عنهم شئ . لم يحتاج عادل أن يتعلل بسبب لأهله حتى يقطع رحلته ويعود ، فقد اتصل به والده ليخبره أن والدته مريضة جدا وتطلب رؤيته ، عاد هو وفريدة مع أول حجز وجدوه ، كان ينتظرهم فى المطار أخوه عصام وابن عمه مجدى وهو شريك عادل فى مصنعه ويعتبره عادل من أقرب اصدقائه بل أخ له ، سلموا عليهم وبالأحرى على فريدة ، فلم يتسنى لهم الفرصة ليتعرفوا عليها جيدا ، تضايق عادل من تجاوز عصام مع فريدة فى الحديث ، فهو متحرر بعض الشئ عنهم . انفرد عادل بمجدى لثوانى بعيدا عن السيارة التى يتم تحميل الحقائب بها ، …إيه حكاية تعـ,ـب أمى دى يامجدى .. ..ولا تعـ,ـب ولا حاجة ، انا شايفها انهارضة الصبح وكانت كويسة … ..وايه اللى قالوهولى ده .. ..والله ياعادل ، واضح ان الحاجة سميرة كان ليها مزاج تقطعلك شهر العسل بتاعك ، قالولى أنها كل ما تكلمك وتحس انك مبسوط بتتجنن وبتطيح فى الكل ، لحد ما تقعد مع مرات عمك ، وانت عارف بقى ، الاجتماع ده مبيجيش من وراه إلا المصايب ، ورجوعك بالطريقة دى أكبر دليل … ظهرت فريدة من خلفه …عادل … …أيوة يافريدة … ..يلا بقى .. رفع عادل عينه لعصام وهو يقول ..هو عصام ضايقك ولا حاجة … ..وانت عارف برده أن فى حد يقدر يدايقنى ، بس مش حابة الوقفة كدة .. …اتفضلى ، يلا يامجدى. .. وصلوا الفيلا ، ولم يكن فيها الكثيرين ، الكل فى عمله ، أخبرته الخادمة أن والدته فقط من بالمنزل وهى فى غرفتها ..بصى يافريدة ، اطلعى انتى ، عبلة هتوصلك للجناح ، ارتاحى شوية لحد العشا ، الكل بيبقى موجود وقتها ، وأنا هطمن على ماما وهجيلك .. ..تمام ، وابقى سلملى عليها … صعدت فريدة وهى تفكر للقاء الأول بهم ، وكيف ستستعد له ، أساس الاستعداد الآن هو الهدوء الكامل فى التعامل حتى يتثنى لها الوصول لما تريد .دموع ممنوعة. . . . . . . . . . الفصل الخامس دخل عادل على والدته ، وجدها فى سريرها ..ألف سلامة ياست الكل ، وحشتينى اوى .. ..والله ، انت افتكرت ست الكل دلوقتى ، بنت جميلة عرفت تنسيك أمك فى يومين … …اسمها فريدة ياماما ، ومفيش داعى تجيبى سيرة طنط جميلة ادامها ، عشان بتدايق. .. ..والله ، خايف على مشاعرها اوى … …مراتى ياماما ، و بعدين حصل ايه ، أول ما اتصلتى بيا ، جتلك فورا ، عرفتى بحبك اد ايه … ..أنت هتقوللى، والهانم أن شاءالله مجتش تطمن عليا ليه ، مش المفروض أنى حماتها ، وعرفت أنى تعـ,ـب…انة … ..عندك حق طبعا ، بس المشوار كان طويل اوى عليها هترتاح شوية وهجيلك على طول .. .. ترتاح ولا بتتكبر عليا بنت جميلة … ..تانى ياماما … فوجئ الاثنان بها تفتح الباب بعد طرقة بسيطة …لأ طبعا ، مقدرش اتكبر عليكى ياطنط ، حضرتك حماتي ومرات عمى وام جوزى حبيبى ، الف الف سلامة عليكى ، بصراحة مقدرتش ارتاح قبل ما أطمن عليكى … …أهلا … …أهلا بيكى ، بس الحمد لله ، حضرتك تمام أهو ، اروح انا انام شوية ، اصلى منمتش من امبارح … تعجب عادل من ثباتها وهى تحاور والدته ، فقليلا منهم من يفعل ، حتى أنه لاحظ الغضب الشديد الذى اعتلى والدته بعد خروجها ، ولكنه لم يعلق ولم يحاول تهدئتها، يكفيه الآن أن فريدة جائت لوالدته وانقذته من السؤال عنها حتى ولو كان بهذه الطريقة . بعد مرور أكثر من أربع ساعات ، نام فيها الاثنان من إرهاق السفر وبالطبع على سرير واحد وقد قررت فريدة أنها ستحاول الالتزام بملابس مقبولة تغطى جسدها ، وحجم الجناح ساعدها على بعض الاستقلالية فى وجوده ، فقد كان يتكون من غرفتين نوم ، أحدهما الرئيسية لهم ، والأخرى مصممة كغرفة اطفال بسريرين أصغر نسبيا من الموجود فى الغرفة الرئيسية ، ومع كل غرفة حمام خاص بها ، والغرفتين متصلتين بصالون واسع به شرفة جميلة وواسعة تطلع على الحديقة الأمامية ومدخل الفيلا ، كان كل دور يتكون من ثلاث أجنحة ، الدور الاول كان به جناح للحاج أكرم وزوجته ، وجناح لوالد عادل ووالدته وتعيش فيه الآن والدته وحدها بعد وف,اة والده ، والجناح الثالث لعمه حسن وزوجته . الدور الثالث ، جناح لعادل ، والثانى لاخوه عصام وزوجته وابناه التوأمين محمد ومحمود ، والجناح الثالث لابن عمه مجدى وزوجته وابنته لمار . والثلاث شباب هم النتاج الذكوري للعائلة فقط ، والباقى فتايات ، ثلاث فتايات لأكرم المصرى ، ويسكنون الدور الرابع بأزواجهم ، واثنتان للحاج حسن ويسكنون الخامس بأزواجهم ، والجناح الثالث فى الدور مغلق ، حان موعد العشاء ، وحضرت الخادمة واخبرتهم أن الجميع ينتظرهم بالصالون ..خلصتى يافريدة .. …الطرحة بس … …طيب ، انا هستناكى برة … ..هتنزل من غيرى ولا ايه … …لا طبعا ، انا هقف مع مجدى شوية لحد ما تخلصى … ..اوكى … خرج عادل وأكملت فريدة لبسها ، كانت ترتدى عباءة تشبه العباءات السورية باللون البنى ، مناسبة جدا لجسمها وطولها وبها حزام من اللون البيج الغامق وبه فص لامع ، وطرحة من نفس لون الحزام ، وحزاء بكعب عالى عريض ، لم تضع أى مكياج بخلاف الكحل ومسكرة وملمع شفاه خفيف . بالرغم من بساطة ما تلبس ، إلا أنها كانت انيقة بحق . خرجت متجهة الاسانسير الداخلى ، وجدت عادل بالفعل يقف مع مجدى بالقرب من باب الاسانسير . عندما شاهدوها من بعيد ، غمز مجدى لعادل قائلا ..المرة دى انت وقعت واقف .. ..ما تتلم يا روح أمك ، انت هتعاكسها قدامى … …براحة شوية ياعم ، انا بقول رأيي بس … اقتربت منهم فريدة مبتسمة …ازييك يامجدى .. ..الحمد لله ، ازييك انتى يافريدة ، نورتى البيت … …متشكرة ، انا جاهزة ، خلصتوا كلام ولا لسة … …خلصنا ياستى ، روح انت يامجدى ، دقيقتين وهنحصلك … … إيه ،هتقولها كلمة سر .. …أمشى يلا من هنا ، وقولتلهم اتلم … …طيب ، طيب ، انا نازل ، ولو سألونى عليك ، هقولهم بيقول لمراته كلمة سر على السلم … وأغلق على نفسه باب الاسانسير بسرعة قبل أن يصل له عادل ، ونزل به …دمه خفيف اوى … ..فعلا ، مش كدة وبس ، طيب ومحترم وأمين كمان .. …أنت بتحبه اوى … …اعتبريه أقرب واحد ليا بعد عمى أكرم … …وباباك ومامتك .. توتر عادل من سؤالها …بعدين يافريدة ، المهم ، كنت عايز اقولك على حاجة … …اتفضل … ..ممكن أما تنزلى دلوقتى ،،، يعنى قصدى ،،، ممكن ماما ،، أو أى حد تانى ،، يعنى مش شرط الليلادى ، ممكن بعدين … …إيه ياعادل ، انت مش مجمع ليه ، قول اللى انت عايزه … …يعنى ، لو حد دايقك اوزعلك بكلمة ، ممكن يعنى ،،، …متوقع أن والدتك ممكن تدايقنى أو حتى مرات عمك ، أو يمكن طليقتك ، أو أى حد تانى ، يمكن عشان اتجوزتنى أو حتى عشان كانوا بيكرهوا والدتى ، مش ده اللى عايز تقوله .. …أنتى عرفتى ازاى … …ما هو ده الموضوع الل كلمت فيه عمك قبل ما نتجوز ، وكلامه ريحنى جدا … اقتربت منه خطوتين حتى لم يبقى بينهم إلا مسافة بسيطة وهى تقول …اسمعنى ياعادل كويس اوى ، لأنى مش هكرر كلامى فى الموضوع ده تانى ، اولا انا متشكرة ليك جدا لخوفك على زعلى ، حقيقى انا مقدرة ده ، لكن بالنسبة للموضوع نفسى ، فده مش هيفرق معايا كتير ، ولا كلامهم هيأثر فيا ، اتعاملت مع ناس من نفس النوع كتير ، وأولهم مرات أبويا وكمان مديرتى فى الشغل غيره ، فمتقلقش ، أنا بعرف أرد من غير ما أغلط ، وبعرف احمى نفسى من غير ما أعمل مشاكل ، واوعدك أن من ناحيتى انا مش هتلاقى أى مشاكل أو عقبات ، وبعدين انا عندى شغلى ، ومكتب التحريات بتاعى ، يعنى مش فاضية لحد ، خلاص … رد عليها ويبدوا عليه الاقتناع التام بكلامها ..خلاص … اقتربت خطوة أخرى ، أصبح لا يفصل بينهم شئ لدرجة أنه أحس بأنفاسها الدافئة الممتزجة بكلامها …لازم تفهم حاجة واحدة ، هى إن انت الشخص الوحيد فى البيت ده فى الوقت الحالى اللى ممكن يزعلنى كلامه ، برغم اتفاقنا و أنى كمان مش معلقة عليك أى أمال ، ممكن نكمل وممكن لأ ، معرفش ، بص صدقنى كلامك فعلا هيأثر فيا اوى … لاحظت فريدة تأثره الكامل من اقترابهما لهذه الدرجة ، وتحول عينيه لشفتيها أكثر من مرة ، وكأنه يفكر فى تقبيلها ، ودقات قلبه التى تعالت حتى أنها احست بها ، هل هذا معقول ، هل هو خام وسهل التأثير عليه لهذه الدرجة ؟ . رجعت خطوتين للخلف لتبتعد عنه ..مش يلا بقى ، إحنا اتأخرنا عليهم اوى ، وهنسمع كلام ملوش لازمة على تأخيرنا ده … ..فعلا ، يلا بينا … ومد يده لها فأعطته كف يدها ، فتمسك بها بكفه ، حتى فى الاسانسير ، برغم انه لا يراهم أحد ، لكنه لم يترك يدها . وصمم على النزول أمام الجميع على نفس الوضع . لكن قبل وصولهم قال لها ..ممكن اطلب منك طلب كمان … ..طبعا … ..عصام اخويا .. ..ماله ؟ ..ممكن متزوديش معاه فى الهزار أو حتى الكلام العادى ، لأنه بيزودها مع إللى يسمحله بكدة ، والموضوع ده بيدايقنى ، ممكن ؟… …ممكن طبعا ، أى حاجة بتدايقك قوللى عليها ومش هعملها ، إحترام متبادل زى ما اتفقنا … انقضت الأمسية كاملة فى التعارف ، كان الجميع موجودا ، ماعدا الجد وخالها حسن وسهام طليقة عادل ، فجدها فى رحلة علاجية فى ألمانيا منذ اكثر من شهرين ويرافقه ابنه حسن ، أما سميرة والدة عادل وعالية زوجة حسن ، فتجنبوا تماما أى كلام خاطئ ولو بالايحاء ، حتى لا يثيروا أكرم ، فهو متحفظ جدا من ناحية فريدة ، وأخبر الجميع بصراحة أن من سيتعرض لها ، فسيواجهه هو شخصيا ، وانتهت الأمسية بهدوء وبدون مشاكل ، لكن من ليلتها بدأت التجهيز لشن حملتها عليهم ، من بداية اليوم الثانى ، خرج عادل ليتابع مصنعه . اما هى بدأت بدراسة الفيلا كاملة ، بمداخلها ومخارجه ، ومتابعة عادات الموجودين بها ومواعيدهم ، وبدأت بوضع أجهزة تسجيل صوتى صغيرة وحديثة جدا ، مستحيل ملاحظتها إلا من الأشخاص المحترفين فى هذا الموضوع ، خاصة غرفة سميرة وعالية ، فهم المقصودتان الاساسيتان ، وبالطبع لم تنسى وغرفة جدها ، ومكتبه الذى يستعمله الآن خالها أكرم . اتصلت بالمراقبين الاليكترونيين فى مكتبها لمتابعة الأجهزة ، واى شئ يستحق ، يبلغوها فورا . مكتب التحقيقات الخاص بفريدة ، يعمل بهذه الطريقة ، أى شخص يحتاج لبعض التحقيقات أو المعلومات عن شخص آخر أو حتى مؤسسة ، يقوم المكتب بها مقابل مبلغ كبير جدا حسب حجم المهم ، ويعمل لديها عدد هائل من الشباب ، ولكل شخص منهم مهامه التى يتفوق فيها ، والجدير بالذكر أن المكتب حقق شهرة واسعة ، وأرباح جيدة جدا ، والملفات التى يعملون عليها كثيرة جدا ، حتى أنهم يرفضون بعض الطلبات لكثرة العمل لديهم . وبالطريقة التى تتبعها فى مكتبها ، ستصل لحقيقة ما حدث لوالدتها بأسرع وقت ممكن . دموع ممنوعة . . . . . . . . . . . الفصل السادس كانت فريدة تجلس فى غرفتها ، كانت الساعة تعدت الحادية عشر صباحاً ، خرج عادل منذ أكثر من ساعتين لمصنعه ، فهو مازال فى إجازته الرسمية من الجامعة وهى كذلك ، كانت تجلس فى شرفتها ، أمامها التاب ، تتابع آخر المستجدات فى الملفات التى يعمل عليها مكتبها ، لتبدأ فى تجديد خطة البحث حسب الوارد من المعلومات التى يصلوا اليها ، والتى يتم إيفاد فريدة بها اول بأول عن طريق التيليفون أو النت بإرسال الملف كامل ، يكون البيت تقريبا خاليا تماما من ساكنيه فى هذا الوقت من اليوم ، ليس فيه إلا الأطفال فى الحديقة ومع كل منهم جليسته، أما أمهاتهم فلا واحدة منهم تعمل ، ومعظمهم يكون نائم فى هذا الوقت ، وطبعا كل الرجال فى أعمالهم ، كان أحدهم يدق على باب الجناح ، لم تسمعه فريدة من تركيزها ، والسماعة الموجودة فى اذنها تستمع لبعض التسجيلات التى وصلوا اليها . عاد الباب للطرق لكن بشكل أقوى ، انتبهت له فريدة فأزالت السماعات وقامت لتفح الباب ، فهى من هواة قفل الباب بالمفتاح . وجدت فتاه فى عمرها تقريبا ، تستند على جانب الباب بكتفها ويدها فى جيبها ، كانت ترتدى جينز برمودا وبودى بحمالات رفيعة ويظهر منه جزء كبير من صدرها ، كانت ملابسها غير محتشمة بالمرة ، لكن العزر الوحيد لها ان البيت خالى من الرجال فى هذا الوقت ، أما فريدة فكانت ترتدى بيجامة قطنية لبنى ببنطلون واسع نسبيا وبودى ضيق بدون أكمام ويصل طوله فقط حتى حزام البنطلون ، …أنتى بقى فريدة … ..وانتى بقى سهام .. ما انتى عارفانى أهو … ..واعرفك ليه ، انتى بس الشخص الوحيد اللى مقابلتوش لحد دلوقتى ، غير أن طريقتك دى بتقول انتى مين … …والله … …تخيلى … ..هنفضل واقفين كدة ولا هتسمحيلى أدخل … …لا ازاى ، اتفضلى … دخلت سهام بتهادى ودلع للصالة ، اغلقت فريدة الباب واتجهت لأحد الكراسى وجلست عليها ووضعت قدم فوق الأخرى ، بدأت تراقب سهام وهى تتحرك أمامها وتنظر حولها وكونت انطباع مبدأى عنها ، ويبدوا انه صحيح ، … كنت فاكرة انك هتغيرى كل فرش الجناح ، انتى تقريبا مغيرتيش حاجة ، كل اللى هنا باختبارى انا … … الفرق ميفرقش كتير ، اعتبرت نفسى ساكنة فى اوتيل ، الملايات بس هى اللى بتتغير … ….والله ، دا انتى غريبة اوى ، لو انا ، مستحيل انام على فرش نامت عليه واحدة تانية خاصة لو كانت فى يوم من الأيام مراته وحبيبته … كانت متجهة لغرفة النوم وعى تتحدث …استنى عندك ، على فين ياحلوة …. … هشوف غيرتى فيها حاجة هى كمان ولا لأ … …أنتى مش شايفة انك زودتيها اوى وانا لحد دلوقتى ساكتة … …هتعملى ايه يعنى ؟ …اللى هعمله بالتأكيد مش هيعجبك ، خلصينى ، جاية هنا ليه ؟ …جاية أتعرف عليكى … …عن نفسى ، وصلتنى فكرة كويسة عنك … … والله ، ليه بقى ، عادل كلمك عنى … ..ههههههههه ، كلمنى عنك مرة واحدة ، لا ياسكر ، مكلمنيش عنك ، لأنك اقل من أننا نشغل الوقت اللى بنقضيه سوا بالكلام عنك أو حتى عن غيرك ، وقتنا سوا بيكون مشحون شوية … ظهر الضيق الفعلى على وجه سهام من كلام فريدة و أرادت أن ترد عليها بشكل أقوى …عندك حق ، انا مصدقاكى فى دى ، اصلى جربت الوقت ده قبلك ، ممتع عادل ، صح … انعقد حاجبى فريدة وارتفع أحدهما عن الأخر فى استنكار عجبا من سفالة هذه الفتاة ، لكنها لم تهتم وأكملت …حقيقى كان ده السبب الأساسى فى استمرارى معاه سنتين كاملين، وبرده كان السبب الأساسى فى أنى زعلت اوى على الطلاق ، بصراحة كان فنان فى اختيار الحاجات اللى بتسعدنى فى السرير … تمالكت فريدة اعصابها حتى لا تنفعل على هذه الساقطة ، ولكنها تذكرت فى لحظة أنها مجرد فتاه مجروحة ، تركها ابن عمها وتزوج من أخرى . …خلصتى هرتلة فاضية ، ، ممكن تتفضلى بقى عشان عندى شغل عايزة اخلصه. .. …أه ، انا عرفت صحيح انك بتشتغلى ، اوعى تفتكرى انك بكدة احسن من ستات البيت هنا ، إحنا مبنخرجش للشغل عشان بيغيروا علينا ، لكن انتى بقى ، معرفش ايه النظام معاكى … الصدفة أصابت الوضع فى الصميم ، رن هاتف فريدة ، كان عادل المتصل ، عادة ما يتصل بها أكثر من مرة فى اليوم ، حتى تعود لعملها وتخرج من البيت ، فهو لا يطمئن لوجودها مع والدته وزوجة عمه فى أوقات لا يكون أحد موجود فى البيت ، وتمت المكالمة على مسمع من سهام ، وهذا بالفعل ما أطاح ببواقى الأمل الموجود داخلها فى عودته لها ، …الو ، ايه بتعملى ايه … …ولا حاجة ، كنت بخلص شوية شغل على اللاب. . ..،صحتى امتى .. …من حوالى ساعتين ، مصحتنيش وانت خارج ليه .. …أنا لقيتك دايسة اوى فى النوم ، ما انتى نمتى متأخرة ، قولت اسيبك تنامى شوية كمان … …وهو انا لوحدى اللى نايمة متأخرة ، على أساس أن حضرتك نايم من المغرب ، ما احنا نمنا سوا … …أنا اصلا نومى قليل شوية ، وممكن أكمل يومى عادى ، حتى لو منمتش … …خلاص ياعم ، ادينى راجعة شغلى بكرة ، وغصب عنى هصحى بدرى … …على خير ان شاءالله ، فطرتى ؟ … لسة ، انت عارف أنى مباكلش اول ما أصحى ، بس قلت لعبلة تعملى سندوتشات وتجبهالى مع نسكافيه … استمرت المكالمة على هذا النمط لأكثر من ربع ساعة ، لم تستطع سهام تحملها جميعا ، فخرجت تهرول وتجر اذيال خيبتها معها ، فمنذ زواجها منه ، لم يتصل بها مرة واحدة ليطمئن عليها بهذه الطريقة ، لقد فقدته ، فقدته تماما . حاولت سميرة والدة عادل مشاكسة فريدة أكثر من مرة ، والتلميح لها عن والدتها ، لكن فريدة لم تعطيها الفرصة ، فهى لا تتحمل الكلام السئ على والدتها بأى شكل من الأشكال ، فهى تنتظر جمع الأدلة الكافية على هذه المرأة بالجرم المشهود الذى فعلته فى والدتها ، لكن حتى الآن كل التسجيلات التى وصلتها ، كانت عبارة حوارات تافهة عن أفراد المنزل وغيرهم ، صحيح أن بعد سماعها كونت معلومات جيدة عن أفعال ساكنى هذا المنزل الجيدة والمشينة ، وبالطبع معظمها معلومات جديدة عليها ، ومنها مؤمرات لتزويج عادل من سهام ، ومحاولة تطليق مجدى من زوجته ، والإيقاع بعريس معين غنى لسهام ، وأخيرا بعض الأفكار لمحاولة تفريق فريدة هى الأخرى عن عادل ، لوجودها فى البيت على غير رغبتهم . لكن حتى الآن لم تستمع لحديث واضح عن والدتها وكيف تمت المأساة فى هذا البيت ، والتى نتج عنها كل ما حدث لوالدتها ولها طوال أكثر من 12 عام . دموع ممنوعة. . . . . . . . . . الفصل السابع تعدت الساعة الرابعة وهو بداية رجوع الجميع من عمله ، وبدأ توافدهم بالفعل ، وصل عصام ومن بعده مجدى ، وبعدها بنصف ساعة وصل العم أكرم ، وفى نفس الوقت وصل عادل ، خرج من سيارته ولحق بعمه . …مساء الخير ياعمى … …مساء النور ياعادل ، ازييك ياحبيبى ، وأخبار فريدة ايه ؟ …الحمد لله ، تمام … …يعنى كويسة معاك ، مرتاح ياعادل … إعلان مدعوم من شركة Star Ads …السؤال ده لسة بدرى عليه ياعمى ، حضرتك مش مؤمن بالجواز عن حب ، وصممت أنى اتجوز بنفس الطريقة ، ولتانى مرة حد يختارلى ، بس وافقت المرة دى عشان حضرتك اللى اخترت ، وأنا طبعا بثق فيك ياعمى … …بكلامك ده ، يبقى انت لسة زعلان ياابنى ، والأهم معناه انك مش مرتاح معاها … … فريدة كويسة جدا ، بس … إعلان مدعوم من شركة Star Ads ..بس ايه ياعادل ، احساسك بإنك مجبر عليها مخليك بعيد عنها … …لا ابدا ، كل الحكاية أن بعيدة تماما عن كل المواصفات اللى توقعتها وكنت عايزها…. …مواصفات، وليه مقولتليش اصلا أن فى مواصفات معينة فى خيالك … …اشمعنى، كنت هتلغى الجواز … …معرفش، بس اكيد كنت هتصرف ، انا كدة فهمت … …فهمت ايه ياعمى ، تقصد ايه ؟ …انتوا راجعين بقالكوا 3 أيام ، شفتها فيهم كام مرة ، مشوفتش فى عنيها فرحة بنت لسة عروسة ، ودلوقتى فهمت السبب ، حاول ياابنى ، حاول تتقبلها ، فريدة كويسة ، وأنا شايف أنها مناسبة ليك جدا ، بالرغم انك انت مش شايف كدة … …هحاول ياعمى … …ربنا يهديك ياابنى ، يلا بقى احسن مرات عمك واقفة على الباب تشاورلنا من بدرى … …ماشى ياعمى … …على فكرة ، عمك حسن اتصل وقال انهم هيوصلوا يوم الاتنين العصر … …فعلا ، الحمد لله ، وجدى كويس … …الحمد لله ، كنا فين وبقينا فين … ***** على مائدة الغداء ،الكل مجتمع ، أبلغ الحاج أكرم الجميع بميعاد وصول حسين المصرى وتحسن صحته ، وأنه سوف يكمل رحلة علاجه بإشراف الأطباء هنا ، بالتأكيد أن منهم من اسعده الخبر ، ومنهم من نزل عليه الخبر كالصاعقة ، عصام مثلا ، فقد أصبح فى غياب جده مسؤول عن كل المزارع ومراعى الأبقار وحده دون منافس ، وقد كان جده رافضا لهذا الموضوع تماما ، وسميرة والدة عادل وعالية زوجة أكرم هى الأخرى ، فقد كان أملهم أن يعود ميتا من هذه الرحلة ، فلا إرادة لهم فى وجود الجد و فريدة فى نفس المكان ، فقد يحن إلى والدتها ، ومن الممكن أن يوزع التركة من جديد ويعطيها نصيب والدتها ، وبالطبع سهام هى الأخرى رافضة لعودة جدها سالما ، فقد كان يفرض عليها سجنا لا تريدة فهو يعلم حفيدته جيدا ويعلم بشأن انحلالها بعض الشئ ، أما الباقى فمنهم من اسعده الخبر ، ومنهم من لا يؤثر معه بشئ. أما فريدة فقد كانت على علم كامل أن وجود الجد هو الشرارة التى ستفجر دواخل كل من تريده أن يتحدث ، فقد كانت تؤجلها بعض الشئ ، لكن حدث ما حدث . آفاق الجميع من شرودهم على وقوف الحاج أكرم وحديثه مع فريدة ، …فريدة … …أيوة ياعمى … …لو سمحتى عايزك فى المكتب بعد ما تخلصى … ..أنا خلاص خلصت ، جاية مع حضرتك … …ابعتولنا القهوة على المكتب … بقدر ما اقلق الجميع هذا الانفراد ، لأنهم لا يريدون أى انفراد بين فريدة واى فرد من أفراد الأسرة خاصة الكبار منهم ، فقد اقلق عادل هو الأخر ، فهو لا يريد عمه أن يتحدث مع فريدة بشأنه وبشأن علاقتهم وزواجهم ، غير أنه بالفعل قلق من أن تخبر فريدة عمه بشأن شكل علاقتهم الخاصة واتفاقهم ، فهى بالفعل جريئة جدا ويتوقع منها أن تفعلها. ****** ….اتفضلى اقعدى … …خير ياعمى … …خير ان شاء الله ، سبق قبل كدة وكان فى اكتر من قاعدة بينا ، وكنتى بتطلبى منى الصراحة وكنت بقولك على كل حاجة ، حصل ولا لا … …أعترف بده ، بس مفيش داعى للمقدمات دى ، أسأل على اللى انت عايزه وانا هجاوب ، انا معنديش حاجة أخاف منها عشان اخبيها. . …لأ عندك يافريدة … …اللى هى ايه بقى … …حساباتك فى البنوك ، جت منين … ..،مش فاهمة ، تقصد ايه … …لأ فاهمة ، اللى عرفته بس 3 بنوك دولية ، ارصدتك فيهم تبعدى 45 مليون دولار ، والله واعلم فى بنوك تانية ولا لأ … … بتقلب ورايا ياعمى ولا ايه ؟ …حاشا لله يافريدة ، انا مشكتش فيكى للحظة ، مع أنى معرفكيش، ومعرفش ابوكى رباكى ازاى ، بس انا ليا نظرة فى الناس عمرها ما خيبت ، الموضوع كله عرفته بالصدفة… …وايه المطلوب منى دلوقتى …… عايز أطمن عليكى يابنتى ، على الأقل اعوضك اللى قصرت فيه من ناحية والدتك … … متجبش سيرة والدتى لو سمحت ، لأنك مهما عملت مش هتقدر تعوض اللى قصرت فيه من ناحيتها، لا انت ولا غيرك … …ابوكى كان عنده حق لما قاللى انك صعبة فى التعامل ومبتنسيش الأسية بسهولة … همت بالوقوف وهى تقول … أبويا غلطان ، انا مبنساش الأسية اصلا ، عن اذنك … …استنى عندك ، اوعى تفتكرى الموضوع سهل ، ولازم اعرفله إجابة ، مهو متحاوليش تفهمينى أن وظيفتك الحكومى ولا حتى مكتبك اللى مهما كان بيكسب ولا ابوكى ، اللى معندوش غير وظيفته وكام صيدلية فاتحهم ، ممكن يجمعوا معاكوا ودايع بالمبالغ دى كلها وموجودة باسمك من اكتر من 10 سنين … …أولا ، انا محاولتش افهمك حاجة اصلا ، ثانيا دى حاجة تخصنى ومحدش له دخل بيها ، لا انت ولا أبويا ولا أى مخلوق فى الدنيا له حق انه يحاسبنى ، خاصة لو كان الشخص ده شارك فى مو…ت أهم انسانة فى حياتى ، وشارك فى تد…ميرى انا شخصيا ، حتى ولو بطريق غير مباشر … أنهت كلامها وتركته حائراً بدون أن يفهم تلميحاتها ، ماذا تقول ، ومن شارك فى مو…..ت من ؟ أما هى توجهت خارج الفيلا ، فهى الآن فى وقت لا تريد أى مخلوق يراها بهذا الشكل ، فهى تكره الضعف وعدم التحكم فى الذات . ماذا لو علم الحقيقة ، ماذا لو علم الجميع الحقيقة ، حقيقة المال الذى تملكه ، حقيقة انه ميراثها وميراث أمها من ثروة عائلة المصرى . دموع ممنوعة ……………………الفصل الثامن خرجت فريدة بدون أن يراها أحد ، اتجهت للحديقة ، استمرت فى المشى فى اتجاهات مختلفة ، لا تعلم إلى أين تذهب ، فهى مشتتة وتائهة وذكرى قديمة تعصف بعقلها ، ذكرى عمرها أكثر من أثنى عشر عاما حول هذه الأموال التى تمتلكها ، كانت لا تزال الرابعة عشر من عمرها ، تعدت أحداث حياتها سنين عمرها بمراحل ، ما عاشته مع والدتها كان مأساه حقيقية عاشتها ، كانت مجرد فتاه صغيرة جدا مسؤولة عن إمرأة منفصلة تماما عن الواقع ، أصيبت بحالة نفسية افقدتها النطق تماما ، حتى الحركة منها أصبحت موجهة ، تسحبها فريدة للحمام ثم تعيدها لسريرها مرة أخرى ، كانت والدتها امرأة بجسد حى لكن بعقل وقلب ماتا مع الحادثة التى تمت فى بيت والدها ، الحادثة التى لا يعلم عنها مخلوق غير فريدة فقط ، فريدة هى من شاهدت والدتها وهى تنتهك على يد احد العاملين لدى حسين المصرى ، بل نقول اهم العاملين عنده وكاتم اسراره ، كام يريدها بحق ، ورفضته شر رفض دون حتى أن يعرف أحد ، لكن حينما تعرفت بوالد فريدة وتزوجته، رغم أنه فقير ومتزوج من أخرى ، رغم معارضة أهلها وطردهم لها من المنزل ، فلم يسامحها هذا السافل على ذلك ، واقسم بردها مهما طال الزمن ، وحدث ما حدث ، وكان ما كان ، والنتيجة امرأة تقريبا معاقة تماما عن الحياة ، وفتاة خائفة من أحداث لماضى ، فاقدة الحاضر ، ومرعوبة مما ينتظرها فى المستقبل ، لكنها لم تترك والدتها للحظة حتى ماتت ، وبعد وفاتها ، لم تبكى ، لم تزرف عينيها دمعة واحدة ، وكأنها فقدت كل المشاعر الإنسانية بو,فاة والدتها ، أصابها حالة غريبة ، غطاء على عقلها وقلبها ، مع قناعة تامة انه لن ينكشف هذا الغطاء إلا بعد أن يدفع كل من أذى أمها ثمن فعلته ، ومازالت تعيش فى رحلة انتقامها حتى الآن ، مازال يوجد من لم يدفع الثمن ، ولابد أن يدفعه . لكنها علمت ، علمت بما حدث ، وجائتها تنوح وتبكى ابنتها بعدها بسنين ، بعدما تخلوا عنها جميعا ، أبوها ، أمها ، اشقائها ، حتى زوجها التى اضاعت نفسها من أجله ، لكن كيف علمت ، لم يرى أى مخلوق ما حدث إلا فريدة فقط ، ولم تخبر فريدة أحدا بعدها ، قالت إنها سمعت من يتحدث ، لكن من هو من تحدث وكيف علم بالأمر ، إذن يوجد آخرين ، من الممكن أن يكونوا شاركوا فى هذه المأساة ، أو حتى سهلوا دخوله لغرفتها فى منتصف الليل ، لكن من ، من ؟ لم تخبرها جدتها ، حاولت معها لكن بلا نتيجة ، فقط جائتها بمبلغ كبير من المال ، وقالت لها ..عالجى أمك ومتسيبيهاش ، ولو وقفت على رجلها مرة تانية ، قوليلها تسامحنى ، قوليلها سامحى أمك … أعطت فريدة أكثر من مليون جنيه كاش فى يدها ، واعطتها عنوان ورقم تيليفون محامى ، واخبرتها أن ميراث والدتها كاملا فى البنك باسم فريدة مع وصاية من هذا الرجل وستستلمه كاملا بمجرد بلوغها الواحد والعشرين من عمرها ، وهذا بالفعل ما حدث ، وهذا هو مصدر أكثر من ثلثى المال الذى يسأل عن مصدره أكرم المصرى ، أما الباقى فهو مالها الخاص الذى اكتسبته من عملها ، وأقسمت على أن تكمل انتقامها حتى ولو كلفها ذلك كل مليم تملكه ، ولا شئ سيتغير ، ،،،أموال جميلة المصرى وستنفق على الانتقام لها ،،، …فريدة … …عادل … …أنتى كويسة … ..الحمد لله ، ايه فى ايه ؟ ..هو ايه اللى فى ايه ، الساعة عدت 9 ، ومنعرفش عنك حاجة … رنين تيليفونه قاطع كلامه ، فأجاب عليه …أيوة ياعمى ،، هى كويسة الحمد لله ،، باين كانت سرحانة ومحستش بالوقت ،، خلاص انا معاها بقى ، تمام ،، حاضر ياعمى ،، متقلقش ،، مع السلامه … التفت لفريدة مرة أخرى …أنتى عارفة انه لولا أمن البوابة أكد انك مخرجتيش ، كنا هنخرج ندور عليكى برة ، وهنكلم اهلك … …ليه ده كله … …ياسلام ، بقالك 4 ساعات فى الجنية ، والليل دخل ، ومنعرفش عنك حاجة ، حتى تيليفونك مش معاكى … …أمال عرفت مكانى هنا ازاى ؟ …نزلنا كلنا ندور عليكى فى الجنينة والأمن كمان معانا ، واحد منهم شافك وانتى قاعدة هنا وكلمنى … …حصل خير … …حصل خير أذاى ، انتى رعبتينى ، خفت يكون اغمى عليكى فى أى مكان هنا . .. …اغمى عليا ! وانتى شايفنى من اللى بيغمى عليهم بسهولة كدة وفى أى مكان … استدار وجلس على حافة حوض الورد المقابل لمكان جلوسها وأكمل كلامه .. مقصدش ، بس انتى دلوقتى فى ظروف خاصة ، وكمان عمى قال انك خارجة من معاه وانتى مدايقة ، فقلقت عليكى … …فعلا ؟ …هو ايه اللى فعلا ؟ …فعلا قلقت عليا … …طبعا يافريدة ، عندك شك فى كدة …. …أه … …نعم … …أيوة عندى شك ، متزعلش منى ، اصلى مقابلتش فى حياتى حد حسيت بصدق قلقه عليا غير أمى الله يرحمها ، بعد كدة مفيش ، كله فى التراوة … …تراوة ! …لأ والنبى ، مش وقت استغراب من كلامى خالص … …المهم انك كويسة ، الحمد لله … …لأ مش ده المهم اوى يعنى ، الأهم منه أن انت عرفت ازاى أن انا فى ظروف خاصة … ابتسم عادل والتزم الصمت …المفروض أنك كدة جاوبت يعنى ، ماشى ، تصدق كنت فاكراك برئ زيادة عن اللزوم وعلنياتك ، انا اللى طلعت فسكونيا … …فسكونيا ازاى يعنى … …يادى النيلة ، يعنى مبفهمش … ..ااه … …سلامتك من الاه … …طيب ، يلا نرجع بقى … ..خلينا شوية ، ولا انت عايز تنام عشان شغلك … …لا ياستى ، لا عايز انام ولا حاجة ، انا معاكى أهو ، وقت ما تقررى نمشى هنمشى وبعدين ما انتى كمان راجعة شغلك بكرة ، يعنى برده محتاجة تنامى … … مش اوى ، غريبة اوى … ..هى ايه دى اللى غريبة … …اصلى أوقات بحس أنى مش طيقاك ، وأوقات تانية العكس ، أحس أنى مرتاحة معاك فى الكلام وعايزة أتكلم اكتر …. …ودلوقتى أى وقت فيهم … …أعتقد التانى. … …حلو ، يبقى تحكيلى بقى … …على ايه ؟ …عمى قالك ايه زعلك اوى كدة … … صدقنى ، مش كلام عمك اللى زعلنى ، انا الزعل عندى خلص من زمان …. …مش فاهم … …أنت عارف ايه مشكلتى فى الحياة … …إيه ؟ ..أنى عايزة اعيط .. …بسيطة ، ممكن اديكى قلمين وهتعيطى … … ياريت ينفع ، والله لو قلمين هيبكونى ، كانت اتحلت مشاكلى من سنين … …مش فاهم …. …مش مهم ، يلا بينا نمشى … …زى ما تحبى … يبدوا أن الأيام ستكون أطول مما توقعت ، والأحداث ستكون اشرس كثيرا مما هو محدد لها ، يجب أن تنتهى من هذه الخطوة قبل أن تفقد اتزانها وقوتها التى حافظت عليه لسنين .دموع ممنوعة. ……………..الفصل التاسع وصلت فريدة للمبنى الموجود به مكتبها ، وهو مبنى راقى جدا مكون من 25 دور ، موجود فى أرقى منطقة من مناطق المحافظة ، اشترت سارة دور كامل فيه فور استلامها للمال الذى تركته لها جدتها بعد وصولها الواحد والعشرون من عمرها ، الدور يتكون من شقتين ، حولت أحدهما لمكتبها الذى ارادته بمعدات تكنولوجية حديثة جدا ، وواجهة راقية من استقبال وموظفين واثاث راقى يدل على قيمة المكان ، أما الشقة المقابلة فاستخدمتها كسكن خاص بها ، للراحة من العمل أو حتى الإقامة إذا أرادت الابتعاد عن بيت والدها لفترة . بمجرد دخولها ، وقف لها الجميع بالتصفيق والتحية والمباركة على الزواج ، …إيه ، ايه ، براحة ياجماعة ، وحقيقى شكرا ليكوا ، واتفضلو على مكاتبكم ، وكل اللى عايز يقوللى مبروك ، يقولهالى وهو بيسلمنى تقرير عن المعلومات اللى قدر يوصلها فى العشر ايام اللى فاتوا ، يلا ، واقفين ليه ، اتفضلوا … تفرق الجميع وهم يضحكون ويتهامسون على أنها لم يغير فيهاا الزواج من شئ ، فهم يعشقون هذه الفتاة ، هى خير عون وصديق لهم حتى فى حياتهم الخاصة ، لكن العمل بالنسبة لها خط أحمر ، لهذا استطاعت الوصول لهذه الشهرة فى هذا المجال فى وقت قصير جدا . اتجهت فريدة لمكتبها ، وتتبعها ريهام وهى تخبرها بتقرير مبسط عن حركة المكتب لهذا اليوم . ريهام هى مديرة مكتب فريدة والقائمة بأعمالها فى غيابها ، وتعد من أقرب العاملين لها ، إعلان مدعوم من شركة Star Ads …ماشى ياريهام ، خلاص ، انتى رغاية ليه …. …مش بقولك على اللى حصل … …وأنا بقولك انك رغاية ، كل ده قريته فى التقارير اللى بعتيهالى ، ايه الجديد ؟ … محسن سرحان مصمم يقابلك انهارضة … …بلاش انهارضة ، اجتماعى معاكوا هياخد وقت طويل … …والله حاولت ، لكن مفيش فايدة ، هو بيقول انه مش محتاج أكثر من خمس دقايق … …طيب ، من واحدة إلا ربع لواحدة ، وروحى انتى على مكتبك وابعتيلى المستفذة التانية … …رشا ، حاضر … …هو فين ماهر ، مشوفتوش برة … ..استأذن منى يمشى ، عشان مراته تعبـ,ـت … …معقول لسة ، انتى مش قولتيلى أنها ولدت … …المفروض كانت رايحة تولد ، لكن الدكتور لقى الدنيا كويسة وممكن تفضل يومين كمان … ..ربنا معاها ، ادتيله الفلوس اللى قلتلك عليها ؟ …طبعا ياريسة ، وقتها على طول … …كويس ، شوية وكلميه وحوليلى الخط بس بعد ما رشا تخرج من عندى ، وابعتيلى ملف محسن سرحان ، عشان اشوفه قبل ما يجيلى … …حاضر … خرجت ريهام وحضرت الملف وخرجت مرة اخرى ، وبدأت فريدة فى قراءة الملف وتشغيل CD الموجود بداخله والمسجل عليه بعض المقاطع التى تم تسجيلها بدون علم أصحابها ، دخلت رشا بعد طرقها للباب …صباح الخير ياريسة … …صباح النور يارشا ، كنتى فين ده كله … … فى الريكورد ، بخلص اللى قولتيلى اتابعه. .. …ها ، فى جديد … …عيب يافيري ، دا أنا المستفذة … …ما تنطقى يابت انتى … …اتفضلى … واعطتها CD … حاجة تستاهل ولا هتطلع هبلة زى اللى فاتوا … …لأ لأ ، لو سمحتى ، انا مبجبش حاجات هبلة … …شغليه وهنشوف … …لا معلش ، شغليه واسمعيه براحتك ، مينفعش أكون موجودة وانتى بتسمعيه. .. …اشمعنى يعنى … …أولا لأنك هتدايقى ، وانتى عارفة أنى مبحبكيش وانتى مدايقة ، ثانيا فى تسجيلات تانية لازم اسمعها عشان اجبهالك فى خلال ساعة ، لأن عندى ميعاد مع مع حد هيجبلى البيانات اللى طلبتيها فى موضوع رصيد سميرة المصرى برة … …ماشى ، اتفضلى انتى ، ومش هأكد عليكى تانى يارشا ، أصرفى زى ما انتى محتاجة ، بأى مبلغ ، المهم تحيبيلى اللى انا عايزاه … …من عنيا الأربعة ، عشان تعرفى بس انتى غالية عندى قد ايه … …طيب يلا روحى شوفى وراكى ايه. .. وضعت فريدة CD فى اللاب ووضعت السماعة فى اذنها ، وجدت اكتر من خمس مقاطع ، ويوجد ثلاث نقط حمراء بجانب أحدهم ، قامت بتشغيله ، وأسندت رأسها وظهرها على الكرسى لتستمع له بهدوء ، كان الحوار بين عالية زوجة الحاج أكرم وسميرة والدة عادل ، بدأ الحوار بالحديث عن عودة الجد ،وغضب كل منهما من عودته وأسباب هذا الغضب ، ثم تحول مسار الحديث لفريدة ورفضهم التام من وجودها فى البيت ، خاصة بعد عودة الجد سالما ، وإحساسه بالندم والذنب على ما حدث لابنته جميلة بعد وفاتها ، ووف,اة زوجته حزنا على ابنتها هى الأخرى ، فقد ماتت بعدها بأيام ، وقد خافت كل منهما أن يوصله هذا الإحساس لتوزيع التركة بشكل آخر ، وتوريث فريدة معهم ، وإعطائها ميراث والدتها ، بالطبع لم يكن لديهم علم بأنها بالفعل استلمت ميراثها ، وأيضا تطرقوا بالكلام للأموال التى اختفت من الحساب المشترك بين الجد والجدة ، والتى تم سحبها بواسطة الجدة قبل وفاتها بثلاثة أشهر فقط ، والتى رفضت تماما أن تخبر أى مخلوق عن وجهة هذه الأموال ، بالإضافة لصندوق مجوهراتها الذى بحثوا عنه بعد وفاتها ولم يجدوه ويبدوا انه اختفى مع الأموال هو الأخر ، والجدير بالذكر أن هذا الصندوق يحتوى على عدد كبير من المجوهرات الأثرية التى توارثتها عائلتها منذ الأزل ، وكان من المفترض أنها ستورثها لجميلة ابنتها كما ورثتها هى عن والدتها ، ووصلوا بالحوار الى ما كانت تنتظره فريدة ، إلى جميلة وما حدث لها فى هذه الليلة المشئومة ، الليلة الوحيدة التى سامحها والدها ووافق على دخولها المنزل ، كانت حفلة كبيرة بعد عودتهم من الحج ، كانت فريدة معها ولم يكن يتعدى عمرها السبع سنوات ، لم تصدم عندما علمت أن سميرة هى من سهلت له الدخول ، ولكن على حد كلامها انه لم يخبرها بنيته الحقيقة ، إنما أخبرها انه يريد أن يتحدث معها فقط ، وبعدها خرجت الأمور عن السيطرة ، وكان لابد لها على أن توافق على ما يريد ، وأن تدارى على ما فعل خاصة بعد اصابة جميلة بحالة نفسية افقدتها الحركة والنطق ، فلن تستطيع أن تخبر أحدا بما حدث ، فهو يفيدها فى أمور كثيرة ، وقد كان يخبرها بما يقوم به الجد باستمرار . تنهدت فريدة بعدما حصلت على أول دليل لها على ما حدث ، وهو مجرد بداية خيط فقط ، فلابد أن تعلم كل شئ عن هذه المرأة لتستطيع لف الحبل حول رقبته ، وبالتأكيد المال هو حياتها وسيكون هو المدخل لها . دق الباب وعادت رشا لفريدة مرة أخرى ، وبالطبع وجدتها كما توقعت ، غاضبة وهائمة تفكر فيما سمعت لتوها ، ….فريدة ، انتى كويسة … …كويسة يارشا ، فى حاجة تانى … … أنا كنت هروح المشوار اللى لسة قايلالك عليه ، و …وايه ؟ قولى اللى عندك … …فى مقطع كمان مفروض تسمعيه ، بس مش عارفة هتتحملى بعد اللى سمعتيه دلوقتى ولا لأ … …اخلصى يارشا … …المقطع لأستاذ عادل ، اتفضلى ، وأنا هروح مشوارى … تركتها لتذهب لكن فريدة اوقفتها ،فقد صدمها الاسم ، فقد كانت تظن أن عادل هو الانقى بينهم ، هل له يد بما حدث ، لا ، لقد كان صغير جدا وقتما حدث ، إذن هو يعلم ما فعلوه ولم يتصرف ، دارت كل هذه التساؤلات فى عقلها فى لحظات …استنى يارشا ، المقطع ده فيه ايه ، عادل يعرف تفاصيل الموضوع ده … …مفيش اى إشارة تقول كدة ، دى حاجة تانية خالص .. …ما تنطقى على طول يارشا … ..أستاذ عادل مرتبط بواحدة تانية … عادت فريدة بظهرها للخلف ، ليست صدمة ولكن مفاجأة حقا ، فلم يبدوا عليه أى شئ يخبرها بذلك ، …كلمى … … بتشتغل عنده فى المصنع ، فى الحسابات ، كان يعرفها ومتفقين على الجواز حتى من قبل ما يطلق بنت عمه … …وبعدين … …دلوقتى بتطلب منه بنفذ وعده ليها يااما يسيبها فى حالها لأنها مش هتفضل مستنية لحد ما … …ما ايه ، كملى … …ما يطلقك … …تعرفى عنها ايه البت دى … …لسة ولا حاجة ، المقطع تسجيل لمكالمة تيليفون عملها من مكتب عمه اللى فى البيت … …طيب يارشا ، خلصى مشوارك والأول وبعدين شوفى حد منهم برة يجمعلى عنها كل اللى يقدر عليه انهارضة ، المعلومات دى تكون عندى قبل ما أمشى …. …حاضر … …مفيش داعى اقولك أن مش لازم حد يعرف التفاصيل … …طبعا يافريدة … رن الهاتف الداخلى للمكتب … أيوة ياريهام … …أستاذ محسن موجود هنا … …ليه ؟ هى الساعة كام دلوقتى … …11 ، وأنا بلغته بالميعاد اللى قولتى عليه ، بس هو مصمم جدا … …طيب ياريهام ، 10 دقايق ودخليه … وقفت فريدة واتجهت للحائط الزجاجى المطل على الشارع وهى تحدث نفسها …إيه يافريدة ، اتدايقتى ليه ، مش دى فكرتك اصلا عن الرجالة ، أن كلهم خونة وبياعين ، مجرد كائن غير مسؤول ولا يعتمد عليه ، كنت فاكرة ايه ، إنه هيكون مختلف ، ملاك مثلا ، كلهم واحد ، كلهم زبالة الرجولة ماتت واندفنت من زمان ، مشوفتيهاش ولا هتشوفيها ، عيشى يافيري ، وأنهى اللى بدأتيه وخلصى نفسك ، واخرجى من البيت ده على خير ، وبعدها يحلها ربنا … دموع ممنوعة …………….. الفصل العاشر رنين هاتفها أخرجها من شرودها الغريب الذى بدأت تعيشه مؤخرا ، منذ زمن كانت تسير فى رحلة انتقامها هذه كالألة ، فاقدة تماما لأى مشاعر إيجابية ، الغضب والحزن فقط هو ما كان يحكمها ويحركها تجاه أهداف معينة ، انا الان فيبدو عليها بعض المشاعر الدخيلة التى لا تعلم حتى مصدرها ، وبدأت تصبح عقبة فى طريق أهدافها . كان المتصل هو عادل ، وكأنه أحس أنها تفكر فيه فى هذه اللحظة ، …بتعملى ايه … …قول سلام عليكم الأول … …سلام عليكم الأول ، ها ، بتعملى ايه بقى … …لو قلتلك أنى واقفة قدام الشباك وبفكر فيك ، هتصدقنى … …ياجامد ياجامد ، و بتفكرى فيا فى ايه تحديدا بقى … …اكيد هقولك ، بس بعدين …. …أمال امتى ؟ ….أما ييجى وقتها ، وانت بتعمل ايه ؟ … …كنت هنزل أمر على المكن بس قلت أطمن عليكى الأول ، أصله اول يوم ترجعى بقى … ..تطمن عليا ، ااه ، انتى محسسنى أنى راجعة من إجازة مرضى ، مش إجازة جواز …. …إيه ده ، انتى اتجوزتى ، الف مبروك ، مش تقوليلى. .. …الله يبارك فيك ، وعقبالك فى المرة التالتة بقى … ألجمه كلامها تماما ولم يرد ولم يفهم إلى ماذا تلمح وفى هذه الأثناء دخلت ريهام …أستاذ محسن ياأستاذة فريدة .. …خليه يتفضل … سألها عادل …محسن مين … ..عميل عندى ، انا هقفل بقى وابقى اكلمك بعدين ، سلام دلوقتى .. …أهلا ياأستاذ محسن … …ازيك ياأستاذة فريدة ، ومبروك على الجواز ، مع انك معزمتناش … …كأنك جيت يافندم ، وعملت الواجب كمان ، اتفضل اقعد ، تحب تشرب ايه … …متشكر اوى ، شربت قهوتي برة … .. كويس ، خير ، المفروض ميعادنا لسة بعد بكرة … …عارف ، لكن مش قادر استنى ، فى مصايب بتحصل فى شركتى ، الشركة فى بداية انهيار ، ومش عارفلها سبب أو مصدر مبقتش عارف أتصرف ازاى ، وحضرتك لحد دلوقتى معرفتليش أى معلومة أبدأ بيها … تنهدت فريدة وكأنها غير جاهزة لابلاغه بما لديها …طيب ياأستاذ محسن ، انت جاهز تسمع اللى عندى … …طبعا جاهز ، آمال انا جاى ليه … … تمام ، اخوك مازن ، تعرف عنه ايه … …يعنى إيه مش فاهم ، اخويا وتوأمى وشريكى وشريكى فى الشركة ، ورثناها عن المرحوم بابا ، وبنشتغل مع بعض فيها … …بتثق فيه … …إيه لازمة الكلام ده ؟ …جاوبنى لو سمحت … …أيوة طبعا بثق فيه ، صحيح ليه بعض التصرفات مبتعجبنيش ، بس هو فى النهاية اخويا … …ولو قلتلك انه هو السبب فى كل المصايب اللى بتحصلك دى … … نعم ، انتى عارفة انتى بتقولى ايه .. …أيوة طبعا ، الملف ده فيه كل حاجة تثبت كلامى … …اكيد انتى غلطانة ، مستحيل ، ليه اصلا ، لو الشركة ضاعت ، مش انا لوحدى اللى هخسر ، هو كمان ، الشركة بينا بالنص .. …بالظبط ، انت كدة وصلت لأهم نقطة … …يعنى إيه ؟ …يعنى لما حضرتك جيت هنا واتفقت معايا على البيانات اللى انت طالب تعرفها ، وقتها سألتك مين اكتر حد بتشك انه بيعمل ده كله … …أيوة حصل ، قولتلك شركة النصر ، صحيح هى شركة جديدة ، لقد قدرت تكبر بسرعة ، وكل المناقصات اللى بخصرها ، بتطلع بإسمها … …أنت تعرف ايه عنها … ..اعرف اللى يعرفه كل الناس … …اللى هو تعاملاتها التجارية والبنكية مثلا … …أيوة ، بالظبط … ..تعرف مين صاحبها ، أو الممول ليها … …مش بالظبط ، بس ايه علاقة كل ده بمازن اخويا ، عايزة تقولى انه بيشتغل لحسابهم مثلا … …احنا أول ما عرفنا انه هو اللى بيسربلها بيانات شركتك ، وهو اللى بيعمل كل المشاكل دى فى الادارة ، سألنا نفس سؤالك ده ،، ايه مصلحته ؟ المفروض أن مصلحته معاك انت ، من وقتها وبدأنا نتابعه كويس اوى ، اكتشفنا أنه بيقابل مدير شركة النصر كتير جدا ، وتقريبا فى أماكن محددة ، بدأنا نتابعه ونسجله ، وقدرنا نوصل لبعض الأوراق ، وصورناها، وصورها عندك فى الملف … … وبعدين ، لو سمحتى اتكلمى على طول … … اخوك ياأستاذ محسن ، هو نفسه صاحب شركة النصر … …مش ممكن ، مستحيل … …لأ ، ممكن ومش مستحيل ، وده بالفعل اللى حصل ، وكل ورقة أو تسجيل فى الملف اللى معاك بتأكد الكلام اللى انا بقوله … …ازاى ، جاب فلوس شركة زى دى منين ؟ …هى دى مشكلتك بس ، جاب فلوسها منين … يبدوا ان غضبه بدأ يسيطر عليه ولم يعد يسمع منها شيئا ، وبالطبع هى لاحظت ذلك ، وتقدر حالته الآن ، لكن للأسف هى تعلم عقباها جيدا ، فلطالما عاشت هذه الحالة ، ودائما تكون الخاسرة بعد المواجهة . هم بالوقوف وهو يقول … عموما انا متشكر جدا على تعـ,ـبك معايا ، وباقى الحساب اللى اتفقنا عليه هيوصلك فى ميعاده ، بعد اذنك … قبل أن يصل للباب ، نادته فريدة …أستاذ محسن … التفت لها دون أن يرد …أنت هتروح على فين دلوقتى ؟ اندهش من سؤالها …معرفش … …طيب ممكن دقيقتين لو سمحت ، اتفضل هنا .. تركت مكتبها وجلست على الانتريه المقابل للمكتب ، وأشارت له ليجلس أمامها ، …أنا عارفة أن الكلام اللى هقولهولك ده غريب ، وممكن كمان متصدقهوش ، بس هو ده اللى حصل ، فى اليوم اللى والدتى اتوفت فيه ، كانت محجوزة فى مستشفى السيد جلال ، حاولت تنتحر بعد مشكلة مع والدى ، كنت لوحدى معاها زى ما طول عمرى لوحدى ، وفجأة قال الدكتور انه مقدرش يسعفها ، فضلت ساكتة وراكنة على الحيطة اكتر من نص ساعة ، الكل بيتفرج عليا ومحدش قرب منى ، فى حالة زهول تامة ، مخرجتش منها غير لما شوفته جاى يجرى من بعيد ، فى لحظتها اتجسد كل حزنى وغضبى من اللى حصلها مع خوفى من مستقبل من غيرها ، اتجسد كله فى شكله قدامى ، فضلت اصر….خ واضـ,ـرب فيه ، شتمته وقلتله يبعد عنى وانى مش عايزة اشوفه وان هو السبب الأساسى فى مو….تها ، كان فى راجل طيب واقف ، كان بيتفرج زى اللى واقفين ، بس هو الوحيد اللى قرب منى ومسكنى ، وحاول يطبطب عليا ، دخلنى الاوضة اللى جمب اوضة والدتى ، اتضح أن كان فيها مراته ، كانت تعبـ,ـانة ومحجوزة هناك … …بابا … …أيوة ، الراجل ده كان باباك ، أيام ماكانت والدتك بتعمل قلب مفتوح ، الكلام ده طبعا عرفته بعد كدة ، لما صممت اعرف مين هو ، المهم ، قعد يتكلم معايا اكتر من ربع ساعة ، قاللى حاجات مش فاكراها اصلا ، لكن مجرد صوته واهتمامه وطيبته ، هو ووالدتك ، هديت ، كدة كدة انا مببكيش ، مبعرفش اعيط ، لكن تمالكت اعصابى تماما بعد كلام والدك معايا ، وأقسمت أنى هردله اللى عمله معايا فى يوم من الأيام ، بعد كدة عرفت خبر وفاته من الجرايد ، بس ربنا مزعلنيش ولقيتك قدامى ومحتاج اللى يساعدك. .. …يعنى انتى كنتى بتساعدينى عشان تردى دين والدى … …مساعدتى ليك شغل وانا قبضت تمنه ، رد جميله هيكون بدايته معاك دلوقتى … …مش فاهم … …يعنى ، انت كنت خارج دلوقتى وناوى تروح تواجهه ، صح … … منا لازم أعمل كدة … …تبقى غلطان لو عملت كدة ، وانت اللى هتخسر كل حاجة ، مش هو … …وضحى اكتر لو سمحتى … … اوكى ، ببساطة اوى ، انت هتروح دلوقتى وهتواجهه ، والنتيجة ايه ، يااما هيكدب الكلام ده ، يااما هيكون وقح ويقولك بمنتهى البجاحة ، ايوة انا اللى عملت كدة ، فى الحالتين هينسحب من شركتكم سوا ، وانسحابه طبعا هيوقعلك شركتك ، وفى نفس الوقت عنده شركته هيقف قدامك بيها ، يعنى فى كل الأحوال ، انت اللى هتضيع مش هو … أعاد ظهره للخلف ببطئ ، وبدأ يفكر فيما تقول ، …مفكرتش فيها بالطريقة دى … …أنت مفكرتش اصلا ، الغضب والمفاجأة عموا عنيك عن الصح … …والحل ؟ …مش لازم حد يعرف انك اكتشفت الموضوع ، الملف اللى معاك ده فيه معظم أسماء الناس اللى بتساعده فى شركتك ، وكمان معظم طرقه ، وصور من كل أوراق شركته ، اقعد مع نفسك ، ورتب اوراقك من جديد ، افصله عن شركتك من غير ما يحس ، وفى نفس الوقت تبدأ تهد فى شركته ، زى ما عمل معاك بالظبط. .. …تفتكرى هقدر … ..لازم تقدر ، فكر وانا معاك ، لو عايز أى معلومات عن أى شئ ، بس بلغنى … يبدوا أن حل فريدة لاقى تجاوب واضح مع عقله وقلبه فى آن واحد ، استأذنها ليمشى بعدما اتفق على اللقاء مرة أخرى ، بعدما يفكر ويقرر ماذا سيفعل ، وكيف ستساعده . وبعدما خرج تنهدت فريدة وتمنت أن تكون بما فعلت ردت الجميل لصاحبه. دموع ممنوعة. . . . . . . . . . . . الفصل الحادى عشر أنهت فريدة اجتماعها مع مجموعة العمل فى المكتب الذى تم فيه إغلاق بعض الملفات وبداية العمل على ملفات أخرى ، ورسم خطة العمل وتوزيع المهام التى سيقوم بها كل فرد ، الساعة أصبحت الرابعة وهى لم تنهى عملها بعد لوجود أعمال كثيرة مؤجلة بسبب إجازة زواجها ، اتصل بها عادل فى تمام السادسة أكثر من مرة لكنها لم تجيبه ، هى تعمدت ذلك فلا يوجد لديها رغبة فى الحديث معه الآن . كانت تجلس على طاولة الاجتماعات مع ثلاثة ممن يعملون معها ، دخلت ريهام تحمل ملف فى يدها ، وضعته أمام فريدة ، …الملف ياأستاذة … أخذته فريدة ووضعته أمامهم وهى تقول … الملف ده فى كل البيانات المنشوره عنه ، على النت أو فى الجرايد ، أو حتى الكلام المتداول بين الناس ، هتعملوا نسخة منه لكل واحد فيكوا ، وتدرسوه كويس اوى ، وتبداوا منه ، عايزة بداية صح ، وهنشوف سلطته دى هتوصله لفين ، أى اسألة … …اتفضلوا .. التفتت لريهام التى ما تزال واقفة مكانها …إيه ياريهام واقفة كدة ليه … …مستنياكى تخلصى ، أصل أستاذ عادل برة … …عادل مين … …أنتى تعرفى كام عادل ، جوزك يافيري ، العريس ياعروسة … …ودى ايه اللى جابه ؟ …يمكن وحشيته ، أول يوم تبعدى عنه بقى .. …طيب روحى ياظريفة ، ودخليه … خرجت ريهام ، ودخل عادل بعدها بثوانى ، … شرفت مكتبنا المتواضع … … هو كدة متواضع ، انا مكنتش متخيل انه كبير وشيك كدة ، مليان مكاتب وموظفين ، ده شركة كبيرة مش مكتب … …مش للدرجة دى … …بجد ، انتى طلعتى جامدة اوى وانا مش واخد بالى… …أنت كنت فاكرنى صغيرة ولا ايه … …لا ابدا ، انا كلمتك كتير على فكرة … …والله ، يمكن مسمعتش ، معلش ، عندى حاجات كتير اوى ، ولازم يخلص معظمها انهارضة … …خلصى الباقى بكرة ، ويلا عشان نروح بقى … ..مينفعش، انت ناسى أنى راجعة الحكومى بكرة ، آخر يوم فى اجازتى انهارضة ، يعنى هاجى المكتب بعد الضهر ، والوقت هيبقى محدود … ..يعنى إيه ، مش هتيجى معايا ، انا قلت هنروح سوا … …مينفعش ، عندى شغل .. …لا يافريدة ، البيت كله بيتجمع على الغدا ، الساعة خمسة ، دى عادة ومحدش بيخالفها ، لو سمحتى عودى نفسك تكونى موجودة ، مش اول يوم خروج للشغل متحضريش الغدا .. … خلاص ياعادل ، دقيقتين وهقوم معاك … رفعت السماعة وطلبت من ريهام الدخول …أيوة ياأستاذة … …اجلى مناقشة الملف التالت لبكرة ، ولو فى حاجة ضرورى بلغينى بالتيليفون عشان همشى دلوقتى … …وناصر السخاوي …. …كلميه واجلى الميعاد وقوليله أنى هكلمه فون على الساعة 8 … …تمام جمعت فريدة اشيائها فى شنطتها ، بالاضافة لل CD الموجود عليه التسجيل الخاص بعادل مع من يحبها ، فهى لم تستمع له بعد ، خرجا من المبنى سويا ، تركت فريدة سيارتها ، واستقلت مع عادل سيارته ، بقيا معظم الطريق دون أن يتحدثا ، قبل الوصول الفيلا بقليل قرر أن يسألها، ففضوله يقـ,ـتله لمعرفة ما كانت تفكر فيه ، …مقولتليش ، كنتى بتفكرى في ايه لما كلمتك انهارضة … ابتسمت فريدة وسألته. ..تفرق معاك .. …اكيد ، مش انا المعنى بالأمر. .. …ههههههههه ، المعنى بالأمر ازاى يعنى … …يعنى كنتى بتفكرى فيا انا ، مش بتقولوها كدة فى التحقيقات. .. …يعنى … …خلاص ، يبقى حقى اعرف ، صح ،، ها قوليلى بقى . .. …كنت بسأل نفسى ، ليه معرفش عنك حاجة لحد دلوقتى ؟ …المفروض أنك تعرفى عنى كل حاجة … …أنا أعرف اللى يعرفه الناس ،لكن معرفش انت مين من جواك ، بتحب ايه ، بتكره ايه ، ايه بيزعلك وايه بيفرحك … …والله ، انا تحت أمرك ، اسألى وانا هجاوب … ،لأ خلاص ، مفيش داعى أدخل فى موال مش هنكمله … …وانتى خلاص قررتى أن احنا مش هنكمله. .. … انت اللى قررت ياعادل مش انا … …تقصدى ايه ، مش فاهم … كانا قد وصل لباب الفيلا واوقف السيارة والتفت لها وهو يسألها هذا السؤال ، لكنها لم تجيبه فى لحظتها ، فتحت باب السيارة وخرجت ثم اغلقته ، لفت حول السيارة لجهة المقود وانحنت له من نافذة السيارة وقالت … أنا صاحبة مكتب تحقيقات ياعادل ، شغلتى أنى اعرف المعلومة ، وأنا ناجحة جدا فى الموضوع ده ، صحيح أن ممكن المعلومة دى تاخد منى وقت ، لكن المهم أنى فى النهاية بوصل للى عايزة أعرفه … وبعد اتصال بصرى ذات معنى معين لثوانى معدودة ، أنهت كلامها وتركته وذهبت ، تركته والحيرة تأكله ، أمسك رأسه بكلتا يديه وكأنه يعانى من صداع ، هل علمت بأمر ميس ، أم أنها تتكهن ، هل هذا بالفعل ما قررته ، لم يكن فى حسابه أن تعلم ابدا الان . مرت وجبة الغداء بالنقاشات اليومية العادية بدون اى جدير غير صمت عادل وهدوئه الذى أثار حفيظة من حوله ومن الممكن أن يكون أسعد بعضهم ، لكن لم يعلق منهم أحد ، خرج عادل للحديقة ولم يصعد لغرفته ، فهو غير جاهز لمواجهتها الان بعد ما قالته ، استمر فى المشى حول الفيلا لأكثر من ساعة وهو يفكر ، هل علمت ؟ وان علمت فبماذا سيبرر اخفائه لهذا الأمر ، وأن لم تكن تعلم ، فماذا تقصد بما قالته . لكن السؤال الأهم الذى يدور بعقله ، لماذا هو مهتم لهذه الدرجة برأيها ، أو غضبها منه ، لماذا يشكل فارق معه ، هل هو مهتم بالفعل ؟ أم ماذا ؟ وميس ، أين هى الآن من كل ما يشعر به ؟ وف أثناء متاهة العقل والمشاعر التى ادخله فيها فيها إحساسه بفريدة ، فجأة وجد يدين وضعت على عينيه ، … أنتى قلتى انك زعلتينى ، فجيتى تصالحينى … …هى مزعلاك ولا ايه ، انتوا لحقتوا … انتفض من الصوت وكأن لدغه ثعبان …سهام ، انتى اتجننتى ، ايه اللى جابك هنا دلوقتى ، وافرضى حد شافك باللى انتى عملتيه ده … …هو انا عملت ايه ، متنساش انك ابن عمى .. …سهام ، لمى الدور ، واتفضلى ادخلى وخللى ليلتك تعدى على خير … … إيه ياعادل ، انا بس كنت عايزة أطمن عليك ، حسيت انك كنت مدايق اوى على الغدا ، ولقيتك خارج لوحدك من شوية ، فقلقت عليك … … وبعدين بقى ، انتى مالك ومالى ، إلا ماكنتى بتقلقى عليا اصلا واحنا متجوزين ، جاية تقلقى عليا دلوقتى ، العبى غيرها ، اقولك على حاجة ، انا اللى ماشى ، تصبحى على زفت ، كانت ناقصاكى انتى كمان تختميلى الليلة … همست سهام بصوت منخفض نسبيا …ماشى ياعادل ، مسير الحى يتلاقى ، وحياتك عندى لأفركشهالك ، ويكون طلاقك على ايدى ، مش سهام اللى تطلق وتترمى كدة ، وتكون مكانى واحدة زى دى ، دا انا سهام المصرى …. دموع ممنوعة. . . . . . . . . الفصل الثانى عشر فى نفس الوقت التى كانت تحاول فيه سهام التقرب من عادل ، قررت سميرة أن تبدأ فيه طريق الإساءة لفريدة ، لم تكن تعلم أن فريدة ليست مثل الأخريات ، وبالطبع لم تكن تعلم أنها تحمل لها الكثير والكثير داخلها ، وأنها تنتظر مجرد فرصة للانقضاض عليها . هى تعلم أنه غير موجود ، فقد رأته وهو خارج وهى أيضا من ارسلت سهام خلفه ، ثم صعدت هى لفريدة فتحت الباب ودخلت حتى بدون استئذان ، كانت فريدة تتحدث مع العميل المتفق على محادثته تيليفونيا فى الساعة الثامنة ، التفتت ووجدتها أمامها ، كادت تصرخ من المفاجأة ، حتى أن الرجل سمع شهقتها من خلال التيليفون ، تأسف له وأنهت معه الحوار . …أنتى ازاى تدخلى من غير استأذان … …البيت ده كله بيتى ، وادخل آى مكان فيه زى منا عايزة … …أاااااااه ، بيتك … …طبعا بيتى ، ولو مش عارفة تعرفى … اتجهت فريدة لأحد الكراسى ، جلست عليه ووضعت قدم فوق الأخرى ، وقالت …ومين بقى اللى هيعرفنى …. …أنا طبعا ،ومش كدة وبس ، كمان هعرفك أذاى تعاملى جوزك ومتنكديش عليه وهو مبقالوش 10 أيام متجوز …. …وهو اشتكالك ؟ …هو محتاج يشتكى ، كفاية اللى باين على وشه ، ولا انتى فاكرة عشان بتشتغلى يبقى هتاخدى قلم فى نفسك … …اااه ، باين على وشه ، بتشتغلى ، قلم فى نفسك ،، وماله ، وهتعرفينى أذاى بقى ؟ … …هعلمك من أول وجديد أذاى تتعاملى معاه ، أصل أمك ماتت بدرى بدرى وملحقتش تربيكى ، انا بقى اللى هربيكى .. مجرد ذكر أمها أمامها ، اوصلها لنقطة اللاعودة ، وقفت واتجهت لها بهدوء ، وعيناها تعبر عما بداخلها من الغليان ، توقفت قريبا جدا منها وبدأت تدور حولها وهى تقول … لا ، وانتى بصراحة سيد من يربى ، قمة فى الأخلاق والأدب والتربية … ثم توقفت أمامها ومع نظرات قاتلة منها قالت … مش كدة وبس ، لا ، دا انتى مؤسسة فى أعمال الخير ، تكرهى ، تخونى ، تضر…بى تحت الحزام ، تسهلى دخول الناس الغريبة البيوت ، وتعرفيهم مكان اللى بتكرهيهم ، وماشاء الله عليكى ، بتسيبيهم يعملوا اللى هم عايزينه ، كل اللى هم عايزينه مهما كان ، وتخرجيهم ، وتدارى عليهم ، مش كدة … أصاب سميرة حالة من الزهول التام ، ولم تستطيع نطق كلمة واحدة ، فقط أحمر وجهها وزاد تصارع أنفاسها ، فهى ليست امرأة ذات جبروت وسلطة كما تصورت فريدة ، إنما هى مجرد امرأة ضعيفة يملأها الشر والحقد على اى شخص يمتلك أى شئ لا تملكه ، وللأسف هذا ما اكتشفته فريدة من خلال لحظات الخوف التى اعتلتها من كلامها . للحظ السيئ دخل عادل من باب الجناح فى هذه اللحظة من المواجهة الحادة ، ورأى الموقف أمامه دون أن يسمع أى كلمة من أحدهما ، رمت فريدة على سميرة وعادل نظرة غاضبة لاحظها عادل ، تركتهم ودخلت غرفة نومها فلن تستطيع التحكم فى اعصابها أكثر من ذلك. رغم توتر والدته الواضح له إلا أنه تحامل عليها ، وحملها الموقف كاملا ، لأن لديه تجربة سيئة للغاية مع والدته وسهام ، وقد نبهها ونهاها أن يتكرر ذلك مع فريدة ، وتحدث معها بصوت منخفض حتى لا تسمعه فريدة ، …بتعملى ايه هنا ياماما … وبصوت مهزوز …أبدا ، كنت جاية أطمن عليك … …ليه ؟ حد قالك أنى تعـ,ـبان ، عموما متقلقيش عليا، انا كويس … …إيه ياعادل بتكلمنى كدة ليه ؟ ..أولا وطى صوتك ، ثانيا انتى عارفة ليه ، المفروض أن احنا متفقين انك تتجنبى فريدة تماما ، وده آخر كلام عندى ، انا عارفك كويس ياماما ومش هسمحلك حتى تفكرى ، تصبحى على خير ياماما. .. بالطبع لم تكن فى حالة تسمحلها بالمناقسة معه ، فتركته وذهبت لتحاكى نفسها مما سمعته للتو من فريدة ، فبدا لها أن فريدة تعلم ما حدث تماما . دخل عادل خلف فريدة ، وجدها تقف فى الشرفة من الداخل ، فما كانت ترتديه لم يساعدها على الخروج حتى لا يراها أحد ، كانت ترتدى بيجامة من قماش الساتان بحمالة واحدة رفيعة وظهر مكشوف تماما ، وروب البيجامة كان بجانبها فى الصالة ، مجهز لترتديه أن حضر عادل ، لكن ما حدث مع حالة الغضب والهياج العصبى التى دخلتها جعلها تغفل تماما عن شكلها المغرى بما ترتديه وما لاحظه هو بمجرد دخوله . اقترب منها بهدوء وناداها ، لكنها لم تلتفت ولم ترد ، … أنا آسف لو كانت قالتلك حاجة دايقتك ،،، فريدة ،، ردى عليا .. مد يده لأحد اكتافها وادارها له ببطئ ، وفوجئ بما رأاه ، وجهها شاحب تماما والعرق يغطى وجهها ، وعيناها حمراء ولامعة وكأنها على وشك البكاء ، لكن هيهات ، ففريدة لا ولم تبكى ابدا ، هذا هو شكل بكائها، مجرد حالة من الغضب تظهر على وجهها فقط . مد يده لوجهها ، تحسسه بهدوء وبطئ ، وكأنه يمسح ما أصابها من كلام والدته ، استمرت يده فى المرور على وجهها بالكامل ، استسلمت بضعف للمسة يده وكأنها تحتاجها منذ زمن بعيد . تحول الأمر من مجرد مراضاه إلى شئ آخر شعر به كل منهما . امتدت أصابعه لتحسس شفاها زهابا وإيابا ، ثم امتدت لرقبتها وتمسكت بها ، وارتفعت يده الأخرى ورفعت شعرها واعادته خلف اذنها ، اقترب منها لدرجة أنها احست أنهما التصقا، ثم همس لها ، …أنا معرفش هى قالتلك ايه دايقك كدة ، كل اللى أعرفه ومتأكد منه أنى مش هسمحلها بحاجة زى كدة مرة تانية ولا لأى حد … كان همسه كماء من من ثلج سقطت على نا.ر غضبها ، لانت ملامحها وقل معها تصلب جسدها ، مال على شفتيها بلمسة بسيطة من شفتيه ، هذا ما أراد ، لكنه لم يستطع الاكتفاء والابتعاد ، ولا هى ايضا ، اقترب مرة ثانية فلم يكن قد ابتعد ليقترب ، لكن هذه المرة التقط شفتيها السفلى بشفتيه ، امتدت يده اليمنى خلف رأسها ، واليسرى امتدت تعـ,ـبث بظهرها العارى ،. قبلها ،، بالنسبة لها هى قبلتها الأولى ،، قبلها لكن فى النهاية مجرد قبلة صحيح أنها قبلة رائعة بالنسبة له وفوق الخيال بالنسبة لها ،، لكن فى النهاية مجرد قبلة صحيح أن كل منهما شعر بها وكأنها القبلة الأولى لمراهقين انتظراها طويلا ،، لكنها مجرد قبلة صحيح أنها تعمقت لمدى بعيد ، واستمرت لوقت لم يستطيعا تحديده ،، لكن فى النهاية مجرد قبلة . فى لحظات بينهما وبقبلة ارسل كل منهما من شوق ورغبة ما أراد ارساله للأخر ،، اعترف كل منهما بما لديه بدون كلام ،،، مجرد قبلة ، مجرد قبلة انسحبت بعدها بهدوء وعينيها متعلقة بعينيه ، دخلت غرفة الأطفال وأغلقت الباب على نفسها ، جلست خلف الباب وهى تتحسس شفاها بيديها وهى لا تصدق أنها فعلتها ، وسألت نفسها ،.. هل عادة تكون القبلة الأولى بهذه الرقة والإحساس ، أم هى كذلك الآن لأنها منه هو .. دموع ممنوعة ……………..الفصل الثالث عشر تانى يوم ، استيقظ عادل مصابا بصداع شديد بعدما قضى معظم ليلته يفكر فيما حدث بينهما ، بدأ يعترف لنفسه انه يريدها ، أرادها من قبل ، وأرادها بشدة ليلة أمس مازال يريدها ، تدايق جدا عندما علمت علاقته بأخرى رغم انها لم تقولها مباشرة ، ولم يتحدث معها فى الامر ليتأكد ، يقلقه رد فعلها على الأمر ، لكن ما حدث أمس أكد له أنها تريده هى الأخرى، لكن لماذا لم تعطى بادرة ، وعاد يسأل نفسه ، لماذا تطلب منها البادرة أولا ، وأن فعلت ستقبل ، هل ستتخلى عن ميس وتنهى هذا الموضوع كان متخيلا أن الأمر سيستمر بينهما بسيطا كما بدأ ، خاصة عندما أعطته بادرة أنها لا تريده هى الأخرى ، فاعتقد أن الموضوع سينتهي بسرعة بدون اى تعقيد ويعود لحياته التى أرادها ، نهض من السرير واتجه لباب الغرفة الأخرى ولكنه عاد ادراجه مرة أخرى وقرر تركها نائمة ، اتجه للحمام ، اغتسل وارتدى ملابسه ، لكن هذه المرة اتجه بالفعل لغرفتها لأنه يعلم أن اليوم عودتها من اجازتها ، وطرق الباب لكن بدون مجيب ، فتح الباب وبحث عنها ولم يجدها ، أين ذهبت ، هل خرجت قبل أن يستيقظ حتى لا تقابله بعدما حدث أمس ، أمسك بهاتفه وقبل أن يتصل بها وجد الهاتف يرن وكانت هى المتصل ، … ايوة ، يافريدة … …. صحى النوم ، قولت اصحيك لتروح عليك نومة … …أنتى فين اصلا ؟ .،فى المكتب … ..بدرى كدة … …كان فى حاجات لازم اخلصها قبل ما أروح الشغل ، انتى ناسى أن كان فاضل لسة حاجات كتير امبارح مخلصتهاش وبعدين انا خارجة الساعة 7 ، مش بدرى اوى يعنى .. …طيب خلاص ، انا خلاص خارج ، انتى هتيجى امتى … … معرفش لسة … … بس احنا اتفقنا على ميعاد الغدا … ..هحاول أن شاء الله … …تمام ، هبقى اكلمك تانى … …اوكى ، باى … فى مكتب فريدة بعدما اغلقت الهاتف مع عادل ، كانت ريهام ورشا معها فى المكتب يتحدثون ، قالت ريهام …برده كلمتيه ، مكانش لازم يعنى … ردت رشا …بس ياريهام اسكتى ، كان لازم تكلمه ، تخيلى كدة أما يصحى وميلاقيهاش ، مش بذمتك الحساسية هتزيد بينهم بسبب الموقف ده ويمكن ميتكلموش مع بعض فترة وابقى قابلينى بقى …. …ياسلام ، وانت عايزاهم يتكلموا ليه بقى ان شاء الله ، امبارح كانت بوسة ، بكرة بو.سة وحض.ن ، وبعده الله واعلم ايه اللى هيحصل بقى … عند هذه اللحظة التفتت فريدة وقد لمس الكلام شئ داخلها وكأنها كانت تفكر فى ذلك فعلا …ريهام ، ايه اللى بتقوليه ده … …انا آسفة يافريدة ، متزعليش ، بس كلامها معناه كدة ، استفزتنى …. ردت رشا بعصبية …استنوا انتو الاتنين بقى ، هو فى ايه ؟ ايه المشكلة يعنى لو حصل ؟ …هو ايه يارشا ، ايه اللى انت بتقوليه ده؟ …إيه يافريدة ، بقول الحق ، انا دايما كنت بحاول أخد بالى من كلامى عشان مزعلكيش لأننا أصحاب وبنشتغل مع بعض من سنين بس كفاية كدة ، هقولك اللى عندى ورزقى على الله .. …إيه يارشا ، ما تتكلمى عدل … …والله ، وانتى شايفانى بتكلم عوج ياست ريهام اسمعى يافريدة ، انتى شايفة نفسك ، شايفة انتى واقفة فين ، انتى داخلة 27 سنة ولسة حتى مبدأتيش حياتك ، ده انتى زعلتى من بوسة ، هتحبى امتى وتتجوزى بجد امتى وهتخلفى امتى ، امتى هتحسى بح,ضن وأمان راجل ، امتى هتسمعى كلمة ماما … اتجهت فريدة وهى مبتسمة وقالت ساخرة …وهو حض,ن الراجل أمان برده …. اتجهت رشا ناحيتها وجلست على الكرسى المقابل لها وقالت …كلهم كدة ، رجالة زى كل الرجالة اللى قابلتيهم فى حياتك ، فيهم عيوب الدنيا بس مبنقدرش نستغنى عنهم ، ولا هم كمان ، وأنا قدامك أهو ، وريهام كمان ، اجوازنا فيهم عيوب الدنيا …. ردت ريهام …اتكلمى عن نفسك انتى بس … …عنى وعنك وعن كل ست ، وياستى متزعليش ، جوزى انا ، بيعرف ستات وبيكلم على الفيس ، وياما جيتلكم واشتكيت وانا بعيط كمان ، أوقات كتير بكون مفتقدة إحساس الأمان معاه ، حاسة أن بكرة ممكن يسيبنى لو واحدة منهم دخلتله صح ، بس هعمل ايه ، عندى بنتين ومحتاحين ابوهم زى ماهم محتاجنى وزى كمان ما انا محتاجاه ، ولازم أعيش. … …والمفروض أن انا أعيش زيك …. ..،لأ طبعا ، انا متأكدة ان انتى عمرك ما هتعيشى زييى ، ولو انتى فى نفس موقفى هتفضلى الانفصال ، شخصيتك كدة ، بصى يافريدة ، خلينا نحلل الوضع اللى انتى فيه دلوقتى وبصراحة ، وشرطتين تحت بصراحة دى ، معايا للأخر … …معاكى ياستى ، عايزة تقولى ايه ؟ …دلوقتى انتى متجوزة وعايشة معاه في بيته وفى اوضة نومه وبتناموا كمان على نفس السرير ، صح ؟ …صح .. …يعنى اتحسبت عليكى جوازة فعلية ادام الناس ، وكمان ادام نفسك ، وإلا مكنتيش تبقى متأثرة كدة … سكتت فريدة ولم ترد ، أكملت رشا … قلنا هنتكلم بصراحة ، صح ولا لا … ردت ريهام بعدما رأت تأثر فريدة بكلام رشا ..براحة شوية يارشا … …استنى انتى ياريهام لو سمحتى ، صح يافريدة ولا لأ … …صح يارشا … …تمام ، الاعتراف اول خطوة صحيحة للعلاج … …يعنى إيه ؟ ..يعنى تشوفى انتى عايزة ايه ياريسة ، دلوقتى انتى لو كملتى اللى انتى ناوية عليه من ناحية اهله ، بيتهيئلى صعب انه يسامحك ، يبقى هتتطلقوا ، ونقول مثلا انك هتحاولى تبدأى من جديد ، حب وارتباط وجواز ، تفتكرى بشخصيتك وطريقتك دى ، هتعملى الموضوع ده فى قد ايه …. لم ترد فريدة …اقولك انا ، هتاخدى من 3 ل 5 سنين ، صح ، حلينى بقى لحد ما ربنا يفكها معاكى ، واللى هتتجوزيه هيطلع كويس ولا هيدخل البلاك ليست بتاعتك ، ، وممكن يكون فى حل تانى ، وكل الشواهد بتقول أن هو الأمثل … …اللى هو ايه … …انك تتمى جوازك بعادل … …إيه … …من غير ايه ، انتى بنفسك اعترفتى انك مشدوداله، وهو كمان نفس النظام ، يبقى ايه المشكلة … هنا رن هاتف المكتب ، قالت ريهام …الشغل هيبدأ ، انا هروح أرد ، وانتى يافريدة روحى استلمى شغلك وسيبك من البت الهبلة أم كلام ماسخ دى … ثم خرجت وأغلقت الباب …اسمعينى كويس يافريدة ، كدة كدة الجوازة دى اتحسبت عليكى ، عيشى يافيري ، حبى وعيشى، ومبقولكيش كنسلى اللى انتى ناوية عليه ، لكن متخليهوش يكون حيطة بينك وبين حياتك ، ويمكن يحصل حمل … …حمل … …أه ، حمل ، ايه يعنى ، انا متأكدة انه هيخلى حياتك جنة وهيبيضلك السواد الموجود جواكى ،ويمكن بسببه عادل يسامحك … …طيب يافالحة ، انتى سهلتى كل الأمور ، لكن فى حاجة واحدة هى اللى هتكسر السيناريو اللى انتى رسمتيه ده ، أن عادل مرتبط ، بيحب ، متفق مع واحدة تانية على الجواز بعد ما يطلقنى. .. …وكان برده متفق معاها على الجواز قبل ما يطلق بنت عمه … …تقصدى ايه … …أقصد أن شكلها بنت مش مظبوطة، كانت مقضياها مع واحد متجوز ومستنياه يطلق ، ولما طلق ، برده متجوزهاش، وراح اتجوز واحدة تانية ، وبرده مستنياه لما يطلق التانية ، انتى مش شايفة أن الموضوع كدة مش مبلوع … …تقصدى انهم متصاحبين ، عشان كدة هى مش قادرة تسيبه … …معتقدش، المفروض أنك عرفتى عادل ، تفكرى انه من النوع اللى يصاحب ، يزنى يعنى ، لأ ، الموضوع فيه إن ، وكأن كمان ، يومين وهجبلك الخبر اليقين ، وبعدين ياحلوة ، لو هو بيحبها كدة ، متجوزهاش اول ما طلق ليه ؟ موقفش قدام اهله ورفض جوازه منك عشانها ليه ، الموضوع ده مايع ، هيطلع فشنك فى الآخر ، اسألينى انا ، ده انا بقيت خبرة في الحاجات دى ، بسبب الل بيحصلى مع جوزى ، بس سيبك ، الأهم دلوقتى انك تفكرى فى كلامى كويس ، ومش بس كدة ، لو عادل حاول يقربلك متصديش وتركبى الوش الخشب يافريدة ، حتى لو مفيش حاجة هتم بينكم ، اديله ريق حلو ، افتحى الحنفية شوية ، اوعدينى يافريدة ، متضيعيش عمرك فى الفاضى … …مقدرش اوعدك بأى حاجة ، مقدرش احط نفسى فى موقف زى ده ، دكة احتياطى لرجل مرتبط بحد تانى غير لما اتأكد الأول ، بس اللى اقدر اوعدك بيه أنى هفكر فى الموضوع … …تمام كدة ، ده يكفينى اوى دلوقتى وعموما بداية كويسة ، قومى بقى عشان متتأخريش وبعدين يحلها ربنا … بالفعل استلمت فريدة عملها ، وقضت يومها كما اعتادت هناك ، لم يزد عليه غير مباركة كل من يقابلها بالزواج ، لكن فى كل فواصل المواقف يعود عقلها فى التفكير فى ذكرى معه وما حدث ليلة أمس وربطها بكلام رشا اليوم ،، بعدها عادت لتكمل عملها فى المكتب ، كما اعتادت ممارسة أحداث يومها قبل الزواج ، وحاولت قدر ما تستطيع أن تنهى عملها قبل الخامسة ، حتى توفى بوعدها له حول موعد الغداء

مقالات ذات صلة

ابو الرجالة شيماء سعيد

تمرد عاشق 4

زوجة اخي لسهام صادق

غدر الزين | Social Drama Tale

سمرا في قـ,ـبضة الشيـ,ـطان 2

كبير البلد | Contemporary Drama Novel

اترك تعليقاً إلغاء الرد