قدر ووصال
حملت الحقيبة وغادرت من أمامهم فتحدث هو قائلاً:
_أتفضلوا
خطت أقدامهم للداخل وهو أمامهم حتى توقف جميعهم بمنتصف المنزل الذي كان يتميز بأثاث راقي، أستمعوا إلى صوت خطوات أحدهم فتقدمت منهم أمرأة واتجهت إلى الشاب تعانقه بشوق وتحدثت قائلة:
_نورت بيتك ياعلاء يابني.
فبدالها هو العناق قائلاً:
_بنورك ياست الكل.
ابتعدت عنه ونظرت إلى قدر ووصال تتفحصهم بنظرها وقالت بدهشة:
_مين دول ياعلاء.
_دول ضيوفي يا أمي هينورونا كام يوم.
أمتعض وجهها وقالت:
_أنت متعلمتش من الدرس الأول ولا إيه، جايب البنات دي ليه هنا.
علا صوت علاء الحاد قائلاً:
_قدر ووصال ورهف هيفضلوا معانا فترة، ومش عاوز مناقشة فالموضوع ده.
ردت امه بحنق وهي تناظرهم:
_ويا ترى جايين بأي مصيبة، ومصيرك معاهم يكون إيه.
كتم غضبه بداخله وقال :
_أمي ياريت نتناقش فالمكتب، وأستدار للفتيات قبل مغادرته وقال:
_أستريحوا لحد ما نيجي.
غادر من أمامهم الشاب والمرأة ولم يغفو عن نظراتها المشمئزة لهم، ارتمت وصال بجسدها على الأريكة وجلست رهف بجانبها وتحدثت قائلة:
_وادي أهو شخص كمان مش مرحب بوجودنا، مش عارفين أمتى هنرتاح من ده كله.
جلست قدر بجانبهم وقالت:
_لو رجعنا حياتنا هتدمر، بس على الأقل هنا أمان لينا.
تحدثت وصال:
_الحمدلله ان قدرنا نوصل لـ ملك وإلا مكناش هنعرف نعمل إيه، وشردت فيما حدث معهم.
“عودة إلي الوراء ”
هتفت وصال صائحة بملامح مبتهجة :
_الحمدلله ملك هتساعدنا، وقالت هتبعتلنا شاب اسمه علاء، هو اللي كان مسئول عن قضيتها.
ردت قدر تحمد ربنا وزينت ابتسامة ثغرها وقالت:
_وحشاني ملك جداً، اخر مرة شوفتها مع امتحان اخر العام فالكلية وبعدين نقلت على أسكندرية، حقيقي من الناس القريبة على قلبي.
ردت وصال قائلة:
_انا قلت لازم ألاقي شخص نكون واثقين فيه انا وأنتي، ولو ماكنتش مسافرة أكيد كُنا روحنا عندها، بس كويس خلينا وافقين منتظرين الشاب، انا وصفتلها المكان وقالت انه هيجي.
انتظروا لما يقارب النصف ساعة.
حتى اتت سيارة ووقفت بالقرب منهم فترجل منها شاب طويل، عريض المنكبين، ذات بشرة خمريه عينان بنية ضيقتين ذات انف غليظ بعض الشيء.
تحدثت وصال الذي أطل من أعينها الاعجاب:
_ينهار أبيض لو ده طلع علاء، طول بعرض إيه، استرسلت مازحة، ووقعت صريعة بهواه.
