قدر ووصال
نكزتها قدر وقالت بنبرة حادة:
_غضي بصرك.
تقدم منهم الشاب قائلاً:
_أنسة قدر ووصال؟
اجابت قدر بخفوت:
_أيوة أحنا.
مد الشاب يده لها قائلاً:
_مع حضرتك المقدم علاء رفعت، أستاذة ملك كلمتني عن حضراتكم.
ارتبكت نبرة قدر قائلة:
_عُذراً مش بسلم على رجالة.
تحمحم بخجل وارجع يده بجانبه وقال وهو يأشر على سيارته:
_اتفضلوا، اركبوا هنروح على بيتي.
“بمكتب علاء ”
تعالت أصواتهم داخله فتحدثت والدته بحدة:
_مصيبة تانية يابني ليه بتعمل كده.
زفر بعمق محاولاً كظم غيظه قائلاً:
_يا أمي البنات دول وضعهم مختلف عن اللي كانت قبل، وبعدين تخيلي اخواتي البنات مكانهم ترضي ترميهم فا لشارع كده.
هتفت صائحة:
_وفين أهاليهم ها، وبعدين أنا بناتي مفيش مقارنة بينهم وبين اللي برة دول؛ انا بناتي متربين أحسن تربية، ومش هسمحلهم يباتوا في بيت حد غريب.
جذب علاء كفوف والدته ضاغطاً عليها برفق وتحدث:
_أمي، اوثقي فيا المرة دي، اوعدك أن مفيش حاجه هتتكرر، دول غير اللي قبلهم.
نفضت يداه مبتعدة عنه وقالت:
_على راحتك بس خليك فاكر، جملتي انت اللي هتتعب فالأخر.
رد بتريث:
_حاضر يا أمي، أتمنى تعامليهم كويس الفترة اللي هيقعدوا فيها.
حدجته بنظرات غاضبة متوجهة إلى الخارج
فأردف قائلاً قبل خروجها:
_بلغي أم نور تعملي فنجان قهوة، وتبعتلي البنات على هنا.
لم ترد على حديثه بل ذهبت دون أن تنبس ببنت شفة.
بعد قليل دلفت العاملة وبيدها كوب القهوة ومن خلفها الفتيات، وكان يجلس هو خلف طاولة مكتبه العريضة وأمامه كرسيان، وضعت العاملة الكوب اعلى الطاولة وقالت:
_تأمر بحاجة تانية يا علاء بيه
_لا روحي انتي يا أم نور، بس خدي الأمورة الصغيرة دي معاكي هاتيلها شكولاتة.
تحدثت قدر لشقيقتها:
_روحي يارهف مع طنط.
فذهبت الصغيرة مع العاملة دون التفوه بشيء
تحدث علاء مؤشراً لهم:
_اتفضلوا أرتاحوا.
جلست قدر وامامها ووصال.
فمال بجزعه للأمام سانداً مرفقيه على الطاولة وقال بصوتٍ رخيم:
_مين فيكم قدر.
“أنا ” هكذا خرجت الكلمة من جوفها، فقال وهو يحدجها بنظراتٍ غامضة:
_مفهمتش من ملك كتير، بس قالت ان زوج والدتك بيتحرش بيكي.
شعرت قدر بالإحراج، فتحدثت وصال بدلاً عنها فهي تعلم مدى حساسية صديقتها من هذا الموضوع:
_ايوة فعلاً يا استاذ علاء.
حدجها بنظرات باردة وقال:
_أظن الحديث مكنش متوجه ليكي يا انسة وصال.
إغتاظت الفتيات من ردهوالفظ.. فقالت قدر:
_هو احنا فتحقيق.
