قدر ووصال
وبالفعل اقترب المدعو عماد وقبض على رسغها بقوة ومال على أُذنها قائلاً بخفوت:
_الباشا ياخد صاحبتك وافضالك انا ياجميل.
صرخت وصال قائلة:
_بتقول إيه انت كمان ياحيوان انت والباشا بتاعك ده هتندموا صدقني.
تحدث سامح ببرود يناسب شخصيته:
_سامح المدكور مش بيتهدد ياحلوة، ولسة دورك جاي.
ووجه نظره إلى قدر واسترسل قائلًا:
_يلا ياجميل عشان يومنا طويل وشد على عضدها ليسحبها خلفه فعلى صراخ وصال وبكاء رهف.
صوت صفعة تردد صداها بالمكان وألجم ألسنتهم وهم يرون ذلك السامح متسع العينين ينظر لقدر بأعين أطل منها الغضب ولو كانت تخرج نيران لأحرقتها، بينما لا تعلم هي من أين أتتها تلك القوة فنفضت يدها من بين قبضته ورفعتها وهبطت به على وجهه، طال الصمت ثواني معدودة، حتى آتاهم صوت طرقات قوية على باب الشقة التي كانت النجاة للفتيات.
تحدث سامح ومازالت أعينه على فريسته قائلاً:
_أنتي مستنية حد ياوداد.
انتفضت وداد قائلة:
_لا ياخويا، وانا هستنى مين يعني.
“أفتحي ” هكذا استمعت إلى صوته الخالي من أي مشاعر.
تركت وداد يد وصال وهي تخطو للأمام وقالت:
_أتخبى في اي مكان ياسامح بيه، ونظرت للفتيات قائلة بتهديد:
_لو سمعت صوت واحدة فيكم هشوهلها وشها الحلو ده.
بالفعل امتثل سامح لأمرها وتوجه هو وعماد إلى المطبخ للأختباء وتقدمت وصال أمسكت بيد رهف ووقفوا بجانب قدر الساكنة بمكانها.
قامت وداد بفتح الباب لتجد شاباً واقفًا ولم يكن غير محمد الذي هتف قائلاً:
ست وداد، ست وداد في مباحث واقفة تحت قدام العمارة أنا سمعتهم بيتكلموا فالتليفون.
انقبض قلب وداد وقالت:
_كلام اي ده ياواد، انا حتى أول مرة أشوفك هنا.
ابتلع محمد ريقه خوفاً من فشل خطته وقال:
_انا ساكن فالشارع اللي ورا ومتابعك وعارف كل حاجه عنك،استرسل حديثه بغمزة واتمنى اكون ايدك اليمين وتبلي ريقي بحاجة من اللي عندك.
نظرت له بشك، فتابع قائلاً:
_لو مش مصدقاني بصي وشوفي بعينك انا نبهتك.
ألقى جملته وغادر من امامها منتظرا نتائج خطته التي يتمنى نجاحها.
توجهت هي سريعاً للشرفة فوجدت شابان ينظرون للأعلى فهرولت للخارج وهي تدب على صدرها قائلة:
_يامصيبتي ياسامح بيه في مباحث واقفة تحت قدام العمارة.
خرج سامح ومعه عماد وقال بوجه مقتضب وملامح لا تبشر بالخير:
_انا مش هتحرك غير والبنت دي معايا، لازم أدفعها تمن القلم ده غالي.
