انت غير | Contemporary Drama Novel
نظرت مها للداخل حتي تتأكد أن نور لا تسمعها ، و وضعت كفها علي الهاتف و فمها معاً قائله بـ خفوت:
_ علشان نور مقدرش أسيبها لوحدها ، هي بتمر بظروف صعبة !
_ طيب خلاص أيه رأيك تجيبيها و نخرج أحنا التلاته سوا حتي نخليها تغير جو !؟
أبتسمت مها قائله :
_ و الله فكره حلوه طيب يلا سلام خمس دقايق ونكون عندك تحت !
بعد أن أغلقت مها المكالمه مع عمر ، توجهت للداخل ، و أرغمت نور علي الجلوس قائله بسعاده:
_ قومي قومي يلا مفيش أعذار هننزل نتفسح هييييي .
رفعت نور أحدي حاجبيها وهي تنظر إلي مها قائله:
_ أنتِ أكيد هبله ننزل فين يا حبيبتي
جلست مها بجوار نور علي الفراش قائله بـ فرحه :
_ عمر أتصل وقال هنخرج نتفسح شويه
ضحكت نور قائله وهي تمثل حديثها بأصابعها :
_ طيب عمر قال تخرجوا علشان عايز يخرج معاكِ ، أنا أيه دخلي ولا هتاخديني عزول و خلاص
وقفت مها قائله بشده :
_ ما هو بصي بقي أنا عايزه أخرج و ماما حذرتني قبل ما أسافر إنى ما أخرجش مع عمر لوحدي ، و أنا طبعاً لا يمكن أكسر كلمة ماما ، غير كده عمر عزمك معايا .
و من ثم جلست بجوارها و أمسكت بكفها قائله برجاء :
_ علشان خاطري يا نور أنا عايزه أخرج .
و رسمت مها ملامح الحزن علي وجهها بمهاره ، بينما نظرت نور إلي صديقتها بنصف عين ، و أبتسمت قائله وهي تقف :
_ أوكي هروح معاكِ
وقفت مها قائله بفرحه كبيره وهي تصفق بكلتا يديها بحركه طفوليه :
_ بجد يا نونو الله عليكِ هيييي .
_ طيب يلا ياختي علشان نلبس .
….
وضع جاسر كأس الخمر علي الطاوله ، و باليد الأخري أمسك زجاجة الخمر النصف ممتلئه و بدأ في سكبها بـ الكأس ، و أمسك الكأس و رفعه ناحية فمه و هو يغمز بعينه إلي تلك الفتاه الجالسه علي البار وتبتسم له .
أقتربت تلك الفتاه من طاولة جاسر وهي ترتدي ملابس مثيره ، و جلست علي المقعد المواجه له ومالت بجسدها للأمام ناحيته وهي تنظر إليه و تحدثه بطريقه مثيره قائله :
_ العسل قاعد لوحده ولا مستني حد !؟
ضحك جاسر وهو ينظر حوله قائلاً بسخريه :
_ ولو إني عارف حركاتك دي كويس بس تعالي تعالي أقعدي ونسيني .
أطلقت تلك الفتاه ضحكه رقيعه قائله :
_ تسلملي وأنت سكران كده ههههههه
نظر إليها جاسر بسخريه و هو يرفع حاجبيه معلقا ً:
_ أنا اسكر !
أنا مش بكون في قمة تركيزي غير و أنا سكران يا….
ثم عقد حاجبيه مكملاً حديثه :
_ ماقولتليش اسمك أيه !؟
ألتفت تلك الفتاه حول الطاوله و أقتربت من جاسر لتلتصق به وعبثت بـ أصابعها في ياقة قميصه بطريقه مثيره قائله :
_ فيفي .. قولي يا فيفي .
